究竟全盛時期呢隻無嘴貓...Sorry我指呢位英國少女Hello Kitty可以有幾多間主題餐廳呢？呢個月又多一間Hello Kitty主題餐廳，今次座落香港人比較少去嘅台南，但茶室足足有三層高，亦係第一間以台灣茶做主題嘅Hello Kitty餐廳，餐點糅合台日兩地元素，無論係忠實Fans想去潮聖，定鐘意茶室文化嘅朋友都可以留意！
Photo by 樂天小高の美食之旅
Photo by 緹雅瑪
台日元素喺一踏入茶室見到內部裝修就見得到，除咗座位之外亦有和室，無論你想坐得舒舒服服地嘆茶，定想Cosplay扮日本人都啱。而且有唔少Kitty元素，唔係Fans都會瘋狂Selfie一返。
然後嚟睇睇餐牌，茶分成烏龍、紅茶同花茶三大類，另外亦有冷泡茶供應。茶葉係同超過百年歷史嘅茶廠合作，全部茶葉包括著名嘅阿里山清香同日月潭紅玉都確保係高山靚茶。要留意呢度有最低消費，每人最少要飲一壺茶。
Photo by 緹雅瑪
熱茶會以茶壺奉上，服務員亦會介紹沖泡時間，確保你飲到濃淡得宜嘅茶。一邊飲亦可以一邊留意茶嘅介紹。
Photo by 樂天小高の美食之旅
如果選擇冷泡茶嘅話，就會由服務員先幫你沖好同冷卻，再倒入玻璃樽。呢個玻璃樽仲可以拎走㗎！而且無論你點熱茶定冷泡茶，都會附送一小碟茶點。
小茶點食唔飽嘅話，仲有其他小食同甜點可以任揀。包括台灣地道小食同和式菓子。
Photo by 卡通人物主題餐廳嘅食物當然唔少得主角嘅出現，無論係風味滷肉飯嘅紅蘿蔔，定係刈包上面直接印住嘅，都係可愛嘅Kitty大頭。
Photo by 和式菓子就以蘋果糖同水信餅最吸睛，精緻到唔相機食先都唔得！
Photo by 緹雅瑪
茶香布丁嘅玻璃樽，同畀食客填顧客用餐意見表嘅鉛筆都可以當紀念品帶走，Fans可以留意下啦。
最後要注意用餐時間限制為90分鐘，而且暫時七月嘅預約已經Full咗，呢兩個月要去嘅朋友，就只可以排隊輪候試運期間每日嘅200個名額啦。
info
HELLO KITTY 呷茶 Chat Day
地址：台南市中西區開山路129號
資料來源：HELLO KITTY 呷茶 Chat Day Facebook
隨時接收最新資訊
讚好OpenRice專頁！