唔好成日话我哋净系介绍日韩台嘢食喇,今次开饭仔搜罗到本地出品嘅新口味杯面!呢款炒面王系20周年限量版,充满香港风味嘅虾子蚝油海鲜味,特制杯盖设计好方便,渌完面之後落晒啲配料就可以shake shake摇匀,我哋买咗个嚟试吓味,即睇解构:
杯面份量约75克,同另一个牌子一样。有酱料、配料及虾子包,不过配料入面只系得蔬菜,一只虾米一粒蛋都冇!
先加热水渌面3分钟,之後揭开半个盖倒返啲水出来,特制杯盖系方便嘅。
加入酱料同虾子,根据指示闩盖shake shake 30次。
得咗!shake完即刻捞匀晒。虾子味道好香好浓,一包都几多,shake完之後每条面都沾满粒粒虾子,系好食嘅。酱汁系蚝油,食唔出有咩海鲜味。但以杯面嚟讲,味道算系唔错,系配料得葱同红萝卜就削啲罗。
7-11独家发售,每个$10.9,锺意食虾子嘅朋友一试无妨。
文、相、片:Perrins