【优秀开饭热店大赏2021】13餐厅包揽两奖 日韩东南亚菜篇
2021-05-27

年度盛事「OpenRice优秀开饭热店大赏」今年以「日嚐作乐」为主题,希望大家从每日品嚐到嘅美食中创造乐趣,从探索餐厅中感受香港「味」力。日前已经宣布赛果(按此即看赛果),名单上唔单止有唔少新面孔,更有13间餐厅一口气夺得两个奖项!今次同大家介绍香港人至爱嘅Comfort food日韩东南亚菜,就算仲未飞到住仍然可以靠舌尖感受当地风味。


灯笼卤味(最优秀湾仔/铜锣湾开饭热店)(最优秀开饭东南亚餐厅)

呢间人气卤味老店被台湾媒体誉为「北市第一加热卤味」,系唔少人游台必食!而餐厅终於正式上年年头登陆香港,系海外首间分店。卤汁用上台湾总店嘅祖传卤汤,用桂皮、花椒及甘草等数十种材料制成,鲜味又带些少回甘嘅味道。除咗有得好似车仔面咁自由配搭配料外,仲有已设计好嘅套餐拣,如有齐最受欢迎嘅配料嘅师大人气组合,啱晒忙碌嘅香港人。


Nuttea(最优秀东区开饭热店)(最优秀小食店)

图: bellofood

手调饮品畀人印象一向都唔太健康,但呢间同样来自台湾、以坚果手调饮品而闻名嘅茶饮店就以健康为主题,以全素坚果乳取代牛奶冲调饮品,主打纯植物性嘅坚果奶同坚果奶盖。最人气有伯爵朱古力坚果奶盖茶及四季春坚果奶盖,好饮又健康!


寿司郎(最优秀尖沙咀开饭热店)(最优秀开饭日本餐厅)

来自日本嘅过江龙回转寿司店,只系来港短短年半已经准备开设第十间分店,证明人气爆灯!供应近百款传统寿司及创作寿司,价钱亲民抵食,大部份十几蚊至廿几蚊就食到,就连入口即溶嘅大吞拿鱼腩握寿司都只系$27,难怪成日都大排长龙。


哈豆(最优秀观塘开饭热店)(最优秀开饭东南亚餐厅)

由台湾人开设嘅台湾特色小店,由家传卤肉饭、牛肉面、饺子、咸酥鸡、各种乾拌面及甜品都有,重点系款款都好有诚意。卤肉饭甜咸得宜;丰盛台湾牛肉汤面汤头非常浓郁,牛𦟌炆得入味又够腍;招牌芋泥奶冻吐司满满芋泥加上奶冻,口感好特别~


阿木台湾面(最优秀旺角开饭热店)(最优秀开饭东南亚餐厅)

餐厅由台湾人Polly主理,家族於台湾已经有60年开面店嘅经验。除咗供应面类,仲有超过二三十款小食、卤味、台式饮品甜品。招牌红烧牛肉牛筋面,汤底用牛骨、牛肉、蔬菜及药材煲足20小时,牛味浓郁。面条用高根面粉每日手工制作,弹牙爽口。家传盐酥肉都有故事,因为Polly唔食鸡嘅关系,佢妈妈就特意为佢用猪肉造出呢款盐酥肉,用松板猪肉制作,外皮酥脆,肉质软腍。


牛大人台湾火锅吃到饱(最优秀旺角开饭热店)(最优秀开饭火锅店)

火锅控一定有听过呢间火锅店嘅名,因为佢曾经夸张到要每星期上网抢飞先食到!一间主打吃到饱嘅台式火锅店,供应九款特色台湾汤底,红烧牛骨锅、秘方麻辣锅等都好受欢迎。仲有多款台湾直送配料及台湾小食,特色瓜仔鸡水饺、屏东水莲菜、士林盐酥鸡、真醋小香肠及梅甘酥脆薯等,唔系度度都食到!


初见(最优秀荃湾/葵青开饭热店)(最优秀开饭日本餐厅)

图: hkmore_foodie

招牌香草吉列牛系每枱必叫,啱晒相机食先!牛肉脂肪分布平均,表面上铺满香草,食落口感嫩滑,而且份量都几多,又附埋小火炉畀客人自己控制生熟程度。另外日式火锅如安格斯牛肉锅及新鲜刺身。


OpenRice优秀开饭热店大赏2021 (查看赛果按此)


关键字
优秀开饭热店大赏
地区组别
菜式组别
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
6天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11