豪華餅店 (已結業)

走遍九龍城幾條街後,連鳳香園方包都買到,不過最後黎番呢間著名老牌餅店買d老餅返去比大人同細佬食。在櫥窗外研究左一陣,就走入一望就知好有歷史,面積唔大但又放滿西餅麵包既店舖入面買餅。蛋卷切得有d爆口,似乎原條蛋卷更加壯觀!size比一般連鎖店厚,但又未夠葵涌廣場已結業個間餅店大;蛋糕味道偏甜有蛋味,中間部份奶油份量充足,好舊式餅店做法。蛋撻食時已經變涼,無左新鮮熱辣個種滋味,酥皮做得夠酥脆,而且夠晒油水;蛋就比較實淨,食落唔會太滑,甜味ok,相信熱食會更加好。雜餅大大件,什麼味道蛋糕都包括在內,仲有唔少合桃在內,比坊間其他同類型雜餅有heart!!朱古力皮味道幾濃,蛋糕仍然偏甜,奶油都係偏多。阿姐初時都無乜笑容,當其中一位阿姐問我係咪要兩件雜餅,驚自己聽錯;我話比錯都唔緊要我都照食,另一位阿姐就講:"比錯你都食?你咁好人既"之後,兩位阿姐都開始有d笑容喇=p除左店面夠歷史之外,連餅盒既花花圖案設計令我想到好多年前美x餅店都係用呢種花花圖案餅盒,夠晒懷舊!!