food_photography's Profile

wingwing.foodfood最近覺得這家中環新餐廳很值得一試！保證全港無另一間這麼抵食的 「法式烤黃油雞」！簡直是吃食法國菜都關心你荷包的感受！🥺主廚是米芝蓮一星Louise前法藉大廚Franckelie Laloum，最有名的烤本地黃油雞皮脆肉嫩，經慢煮和風乾，整個製作過程長達四天，雞油飯還加入昆布高湯烹調，采用新潟米，顆顆飽滿，好吃得一顆不剩！❤️❤️$588在中環吃個法式brunch，就試到主廚的招牌烤雞、三款法式前菜以及甜品，真的不貴，平常晚餐的話，一隻烤雞動輒$900、前菜也要約$200一款，所以說早午餐menu很吸引，吃完真係想約好朋友再來呢！LA LA Hong Kong地址：中環擺花街23-29號中環大廈地下D-E號舖…Read More

最近去咗一間銅鑼灣超好氣氛嘅居酒屋！❤️ 主打日本直送超新鮮的生蠔同刺身，最驚喜係食食吓仲有乾杯環節同神秘遊戲玩添，好正，SM好識搞氣氛 ，我同FD都畀歡樂氣氛感染到，大家玩到開心到拍爛手掌，難怪星期一晚都全場滿座。 覺得呢度無論約FD定拍拖都好啱！整體我覺得刺身、壽司類最好食，啲魚真係有鮮味同彈性，多人share會抵一啲！ 串燒反而無咁突出，建議將quota留畀其他嘢食，例如蒜香辣椒牡蠣意粉同滑捋捋焦糖布丁～～ …Read More

一間居酒屋最重要就係氣氛，去蘭桂坊，唔一定係狂歡，chill住咁食sashimi一樣開心～前排去咗一間可能係中環最受外國人歡迎嘅日本菜，因為成晚過半數都係外國食客，見到師傅同侍應都好樂意同客人乾杯，氣氛好熱鬧。食咗7道菜嘅tasting menu，有幾款食物都幾有記憶點。燒蠔+燒鱈場蟹腳，Wasabi沙律醬霸道得嚟好惹味，蠔夠新鮮。燒蟹腳好粗，輕鬆拎到蟹肉出嚟食，點埋鮮青檸汁一流。 刺身方面，MVP絕對係拖羅腩，肥美甘香，咀嚼嘅時候啲油不斷滲出嚟。鮮磨Wasabi食出甜味。鍾意食刺身就唔好放過呢間喇。呢個set除咗刺身，仲有壽司拼盤，份量絕對夠飽。其中甜蝦最出色。蝦肉好軟糯，食到想encore多件。不過講到呢晚No.1， 一定係主菜日本佐賀A5和牛粒配蒜片牛油汁，好食到計都唔傾住，嗱嗱臨喺熱辣辣嘅時候擺入口先，每一啖好似用和牛油「浪口」咁樣，又淋又香，三粒份量啱啱好唔會太滯。最後仲有香辣海鮮烏冬同抹茶紅豆雪糕作結，好滿足嘅一晚。…Read More

話說每次做完gym，最想食嘅就係炸！雞！於是某日做完運動，我就真係約fd去食韓式炸雞，滿足吓欲（肉）望 。爆粟黑波波超級拉絲！食落啖啖甜香，有啲似麻糬口感。爆粟芝士大棒同出面平時嘅芝士條好唔同，食落無咩鹹香而係甜甜哋，內餡除咗有啲似番薯軟糯口感 ，仲有飽滿芝士。半半炸雞一直想試嘅青陽辣椒mayo味都幾惹味，愈食愈辣，重口味得哋我幾鍾意。 corn-so amazing 清爽啲，調味就係粟米味粉，無醬無咁heavy，仲有兩嚿粟米🌽 呢間嘅炸雞用先焗後炸方法烹調，肉質唔乾，上枱熱辣辣，今次試咗一直想食嘅青陽辣椒味，下次想試埋另一款招牌—秘製黑炸雞，因為朋友試過話呢隻味好食。兩個人食到超飽，適合約多啲朋友嚟食，炸雞份量都大，估唔到係平日星期一晚成間餐廳都坐滿人，仲有啲韓國人嚟食，睇嚟好受歡迎。…Read More

聖誕menu $688/人 五道菜住閃閃發亮嘅聖誕樹，室內氣氛超warm，連酒樽deco都令人會心一笑🥰皇牌主打，大大個輪子芝士，侍應將細寬麵響裡面浸浴咁樣攪呀攪，配新鮮黑松露，溝埋白松露醬，簡簡單單又好食！海鮮肉醬配耳形意大利麵，一向都鍾意貓耳朵嗰種顆粒狀嘅口感，掛汁係重點，不過我覺得可以香辣啲～慢煮義大利香腸配燉扁豆菜，其實係意菜嘅聖誕signature 嚟㗎！第一次食，絕非一般「香腸」，肉感有啲似鹹牛肉，但係同有少少中東feel嘅扁豆jam埋一齊好和諧～牛肝菌牛柳，max max max! 好大份😍自稱牛魔王嘅你一定可以滿足你嘅beefy belly! 啲牛肝菌仲好嫩～最後甜品係意大利聖誕蛋糕配雪糕，用酒杯盛載嘅誘惑，黃金意大利芝士餅，咖啡味較酸，配上忌廉甜甜的收尾。PS.佢地有位waitress望落似外國人，但係廣東話講得好傳神，態度super nice，令我哋兩個過咗好chill好enlightening 嘅一晚🥰…Read More

中環石板街附近復古餐廳！大館行落少少去H Code，就有好多靚靚酒吧餐廳，前排同朋友試新嘢，就揀咗呢間Mojo Bistro，一入到去就覺得幾驚喜，卡位設計得幾靚，侍應都係好nice嘅外國人，而且環境無酒吧咁嘈，可以靜靜哋食飯吹水傾計。朋友好鍾意食青口，咁啱見到當日「白酒忌廉汁煮活藍青口」 50% off，好抵！睇返menu原來餐廳每日都有指定頭盤/主菜半價，咁啱我哋星期三去，而呢碟青口亦係最晚最好食，lucky~活青口食落真係正好多，出面啲急凍青口真係無得比，重點個白酒忌廉汁整得好香好好味❤️，嗰3塊麵包香脆十足，用嚟點醬汁真係唔夠喉，恨不得encore多十塊八塊。😛 另外仲嗌咗香辣烤春雞同黑松露薯條，全部嘢食都熱辣辣，影完相發現好有聖誕大餐嘅感覺，haha。…Read More

終於搵到我心目中嘅好味薯條了！！同朋友夜晚約喺深水埗食飯，想靜靜哋傾吓計，於是搵咗呢間試。本身對酒吧餐廳嘅食物無太大期望，點知食落有驚喜！🥰炸啤酒魚柳薯條薯條出色！香脆得嚟唔膩，佢唔係M字頭快餐店薯條嘅質地，呢隻薯條偏幼皮薄，調味啱啱好，加上兩大塊新鮮熱辣炸起嘅炸魚，一人一件唔洗爭。焗肉醬芝士大蘑菇 不得不提呢個焗大蘑菇，厚肉又多汁，芝士肉醬焗好香，我哋兩個好似切pizza咁切嚟食。大蘑菇超級Juicy ，個人覺得呢個釀蘑菇值得嗌。脆皮德國咸豬手份量好大，啱share。而家有優惠，嗌豬手就送兩杯醉檸茶。第一次飲醉檸檬茶，概念幾有趣，檸茶飲落淡淡酒味，微醺嘅感覺大家鍾唔鍾意呢？我同朋友就都幾鍾意，因為唔會咁快醉。🤣 最抵係佢個happy hour優惠，星期日至四 （4pm-8pm）如果Follow 餐廳社交平台指定食物有5折！可惜我返工嘅地方太遠了🥲餐廳嘅環境比較暗，傾心事一流，呢晚同好朋友一邊飲，一邊食都幾開心。平時好少夜晚嚟深水埗食飯，估唔到九江街有呢個地方，都幾特別。…Read More

老土說一聲，當年我光顧Cupping Room 的時候，它還未出名。數年過去，已經有多間分店，發展得很好！在上環上班的時候，很喜歡他家的抹茶latte。最近某日放工逛V city，發現原來cupping room 在這裏也有分店，晚餐時間人不多可以慢慢吃，店員有禮，難得的桌子非常大，空間感令人很舒服。法式紅酒燴牛面扁意粉$158，牛肉大塊且腍，但醬汁偏淡，我比較喜歡香濃一點的招牌忌廉雞肉意粉$138，燒過的芝士焦香十足，醬汁夠濃。店員會問要不要辣，其實就是加一圈辣椒粉，更惹味！印象中Cupping Room咖啡和甜品向來不錯，這次點了熱巧克力，清爽一點，不是甜得發膩的類型。朋友看我頻頻望向甜品櫃，一系列甜品令人選擇困難症發作，然後他說：「Why Not Both ？」最後他買了抹茶柚子芝士蛋糕和伯爵茶卷蛋🥰  兩款都不俗，個人口味更喜歡推薦茶味輕盈忌廉香滑的卷蛋，幾分鐘就吃清光。結帳時看到客人問起loyalty program，才知道不只分店愈開愈多，現在更有現金券可買呢，經常光顧的朋友可以留意一下。…Read More

呢晚同男友拍拖，揀咗呢個set食☺️其實最初係因為畀無臉男呢個主題吸引咗入去，haha海膽 X 和牛二人前 $1288芒果蟹籽沙律 海膽甜蝦刺身杯火炙和牛他他海膽拖羅千層塔火炙和牛海膽卷海膽x黃金蟹膏烏冬芝麻、綠茶雪糕大部分食材例如蟹籽、甜蝦、和牛、拖羅等等，基本上都係嚟自日本。由於呢餐係海膽盛宴，所以海膽存在感好強，成餐飯不停食到大大片海膽，好邪惡呀。第一道菜係芒果蟹籽沙律，青瓜切成薄絲，仲有芒果同蟹柳，清爽到不得了。成個Set最鍾意係火炙和牛卷 ！！冇諗過個燒汁同醋飯咁夾，和牛燒過好好食，絕對係MVP。主食嘅蟹膏烏冬味道都幾濃郁，食返啲熱食即刻暖笠笠，值得一讚係佢係用好味嘅煙韌扁烏冬，加分。男朋友話多一碗都食得落～我自己覺得甜品嘅抹茶雪糕好香滑，估唔到雪糕咁出色，一啲都唔係行貨，好想食多球。🥰除咗地下嘅無臉男打卡位，行到入餐廳，座位設計都好有日本feel，好啱2-4個朋友聚一聚。座位隔離有一啲迷你無臉男公仔，好可愛呀，睇得出老闆真係好鍾意。🤣 餐廳服務好好，係會想再嚟嘅居酒屋。下次會想試吓佢嘅招牌自家厚切吉列千歲米豚，睇落好吸引。而家只要like / follow 餐廳嘅社交平台，就有全日 88 折優惠，好抵！想食嘅朋友可以去佢哋個社交平台睇吓嗰排有咩優惠～ …Read More

一間適合慶祝嘅餐廳❤️呢間由葡萄牙人主理的餐廳，隱藏咗喺上環半山腰，行到入餐廳好似去咗歐洲咁，牆上掛咗好多外國名畫，用人像做櫈嘅設計亦好有趣，係一間第一眼會被佢吸引到嘅餐廳。鱈魚芝士烤薯仔非常鍾意呢道菜，熱辣辣嘅烤薯仔加香濃芝士，𢳂起食到一絲絲嘅鱈魚，平時嘅焗薯都係配肉類比較多，呢道菜用鱈魚製作特別之餘又好食。Half Piri Piri葡萄牙料理之一，即係烤雞，重點係個霹靂霹靂醬（Piri Piri Sauce)酸辣惹味，配肉類一流，有啲似泰式酸辣醬，個醬好食到我用嚟點埋薯條。雞肉唔係嫩滑質地，外皮烤得好香，令人食慾大增。除咗薯條、仲有飯同沙律，份量好大，兩個人食都夠，不得不提沙律嘅醬汁好開胃。喺甜品menu見到千層葡撻即刻心心眼，可惜呢一晚葡撻太受歡迎，想嗌嘅時候已經賣晒。餐廳位於上環普慶坊，平時好少行上嚟，但原來夜晚呢一帶都幾好feel，食完飯仲可以談心拍拖散吓步～Majestic Lisboa 上環普慶坊10-18號普慶閣地下2號舖…Read More

Spring latte 春入花梢而家大陸咪好興茅台咖啡，而呢款仲特別，係用雲南玫瑰白酒調配。第一啖係玫瑰香，之後酒味，最後咖啡味就滲出嚟，有趣嘅配搭。咖啡師仲介紹呢款酒係玫瑰花同白酒2:1釀出嚟嘅，配落咖啡有獨有一份醬香味。面頭用玫瑰花瓣裝備，畫埋樹枝，襯返春天主題，唔知點解諗起張敬軒嘅「櫻花樹下」🌸牛油果青醬帶子扁意粉牛油果同青醬原來又幾夾，調味健康，但又唔會太淡，食落仲有微微堅果香。必嗌自家製蘑菇湯，嗌意粉+$38就有，份量足夠又好味，甜品試咗自家製Tiramisu，咖啡酒味好香～～呢間銅鑼灣休閒Cafe ，可以同朋友坐一個下午，距離時代廣場一街之隔，孔雀綠色的門面幾啱影相。Cafe會不時舉辦活動同展覽，幫助慈善活動，好有心！…Read More

中環抵食燒烤新店！$8/串起上星期同朋友去咗九如坊試呢間新開吧串燒店，好似時光倒流咁返咗去以前嘅物價，而家簡單食串串燒，起碼十幾蚊起，呢度$8/起一串就有交易，仲要熱辣辣。試咗好多款，比較推薦嘅係：-粟米，呢度嘅粟米，超級簡直想嗌多一份，好甜好香🥰-燒豬腩肉，肥瘦相間，肉類之中最有驚喜，Encore咗兩次。-燒菠蘿，夠甜又多汁。-燒芝士年糕，外脆內軟加晒分-蕃薯手抓餅，平時超鍾意食手抓餅嘅我，估唔到喺呢度會見到番薯餅，點煉奶食一流。呢度嘅蔬菜燒得幾好。連秋葵都有鮮嫩嘅口感 。兩個人食到超飽，都只係$400多啲啲。我覺得如果佢有得揀辣度或者多啲調味就更加好啦～…Read More

想跟大家分享一家在我很喜歡的法國可麗餅餐廳，情調好、服務又好。這家的海鹽焦糖醬絕對是世界級❤️，配略帶煙韌的可麗餅和焦糖香蕉，每次都吃清光。我已經光顧了起碼7、8年，慶幸水準一直穩定 🥰Octopus carpaccio切得薄可透光的八爪魚像一份藝術品，用叉子挑起其中一片，在燭光相映下可見迷人的紋理。八爪魚並不韌，配青檸汁、酸豆和橄欖油，偏酸開胃。Homemade Brittany Fish Soup令人想到法國的海邊！趁熱倒入芝士碎和烤麵包粒，每一口濃湯都充滿海鮮味❤️🥺 超愛加了芝士後的濃稠質地，冬日喝一碗，暖得入心。每次來都主力吃甜crepe，所以今次對這個包含蝦、蟹、芒果配搭的LA MOUSSAILLON 可麗餅頗有新鮮感。蟹味濃郁，芒果的香甜配上蕎麥餅底不錯。由於吃過太多次海鹽焦糖醬，這次跟朋友試了新口味。LA POULIE的開心果雪糕香濃，加分不少，但由於我是La Creperie海鹽焦糖醬的fans，所以配蜜糖打動不了我。相對來說，我較喜歡即場淋上橙酒的LA JAMAICAINE，橙酒滲入可麗餅中，每一口都很滋味。😋推薦大家點一杯Brittany特色蘋果酒！原來可麗餅配蘋果酒是傳統食法，淡淡的蘋果酒香，啖啖香甜可麗餅，再用小碗飲，別有一番豪邁又精緻的風情。…Read More

超邪惡火炙左口魚邊丼 呢個飯食到想encore！平時食壽司都係得一片，呢個飯嘅火炙左口魚邊係鋪滿晒成個碗，超滿足🥰 飯粒撈埋生蛋黃，滑捋捋，食落去成個口都係左口魚嘅油香！一個人食會有啲膩，同朋友share就啱啱好～月見免治墨魚棒 啖啖彈牙墨魚肉，好似食緊巨型墨魚滑咁，加埋生蛋黃同醬油，都幾好食嘅，難怪係餐廳嘅特色菜。焦糖脆皮菠蘿🍍外表燒得金黃又薄脆，菠蘿新鮮，呢個配搭唔會出事。令迷你三式丼選擇困難症嘅朋友，一見到就話想食呢樣，有齊三文魚籽、海膽同吞拿魚蓉三款，細細兜好別緻，啱晒啲想食兩啖飯嘅人。😂另外仲嗌咗日本生蠔、燒雞全翼、芫荽豚肉卷、鹽燒白鰻、青椒仔等等小食，除咗上面推介嘅我覺得日本生蠔同炸雞最值得叫，唐揚炸雞，一大碟只係$58，好抵食！PS. 呢度服務好好，會不斷加水，同埋主動提有咩是日菜式～…Read More

上星期去西灣河搵朋友，晚餐去咗佢附近一間日式涮涮鍋放題，主打肉類都係嚟自北海道。甜品比較特別，唔係雪糕機而係刨冰機，配料有荔枝、龍眼呢啲時令水果，仲有爆珠同椰奶，我哋食咗兩碗。佢分自助醬料吧、火鍋配料吧、飲品吧，飲品最好係有好多款自家製飲品，紅豆爆珠好少見又幾好飲。火鍋配料吧同平時嘅差唔多，急凍海鮮比平時多，有齊蝦、青口、帶子、螺等等。雖然無蝦滑、墨魚滑，不過有一款豬肉滑，食得出好新鮮。係所有配料之中最好食嘅～日本A5黑毛和牛 + 日本米豚肉無豬膻味，我幾鍾意呢隻豚肉，食完唔覺得膩，encore呢隻豚肉仲多過牛。朋友就鍾意食牛多啲，啲雪花紋係幾靚嘅，同埋我哋食完一碟，店員好快就送上嚟，唔會要等好耐，可能加上我哋係平日晚去。試咗兩款湯底，覺得啲肉配清新啲鮮茄鍋比較夾啲🍅…Read More