Dada choices's Profile

同朋友去食「南洋暖嶼」雙人套餐（$1188/2人）～講真都唔平，食物質素普通，但餐廳環境非常適合打卡，完全係俾鮮花包圍住嘅感覺！現場見好多枱都係慶祝生日😆，仲可以request生日嘅花材佈置，好有儀式感，絕對可以滿足想打卡嘅朋友！。海陸空高蛋白Taco（A4和牛眼肉/蝦/雞）一份有三件，外層好似大塊嘅脆粟米片，分別包住牛肉、蝦、雞肉，口感感覺清爽，另外仲配有蕃茄牛油果莎莎醬，加埋入去酸酸辣辣咁好開胃🤤。叻沙煎大蝦菌菇配皮塔餅有蝦同埋蘑菇，配上叻沙蝦湯，食得出少少椰奶嘅香氣，不過啲蝦感覺唔係太新鮮，有少少痴殼😂另外跟咗幾塊皮塔餅，係硬硬地咁～不過不失啦。黑松露香草烤三黃雞呢個烤雞表現唔錯👍🏻烤雞嘅外皮微脆，表面仲有少少黑松露，聞落已經好香，入面嘅肉都好嫩滑，而且依然保留住肉汁。另外配埋一大碗南瓜蓉，口感軟滑而味道自然，個人都幾欣賞😆！。桂花照燒菲力牛排喺牛排上面加咗桂花，令佢多咗一種香氣，但係個人覺得會有少少影響口感😂而牛排可能因為煮得耐咗少少？食落覺得有啲韌～整體份量幾大！除咗牛排之外仲配有薯仔、車厘茄、南瓜等蔬果，一定食得飽🍽️。。海鮮辣味咖喱燴飯好食！係唔辣嘅咖喱飯，再加上用咗芝士去煮，令道菜好creamy好香～配飯好夾！不過都容易覺得膩。配料有好多唔同款嘅海鮮，例如帶子、魷魚、三文魚、蝦，不過食落似係急凍嗰啲雜錦海鮮😂，唔好太高期望。斑斕醬抺茶雪糕法式吐司甜品揀咗雪糕法式吐司，等咗50分鐘先送到😣！可能因為係即叫即整？味道主要係靠斑斕醬～甜甜地又好稠身，都ok嘅！配埋有少少椰子幼片，脆脆地咁，口感都幾唔錯！…Read More

今次食芋泥麻糬包，好有驚喜。外面嘅麵包好鬆軟，入面好足料，尤其個麻糬好出色，非常軟糯，甚至乎有少少拉絲咁！奶味又香。而芋泥都好滑，兩樣加埋好夾好好食😆早餐或者下午茶都好適合…Read More

嗰日去嘅時候係平日夜晚，但都全埸坐爆！現場唔見有香港人員工，但似乎有真泰國人🤣連餐具都令人感覺有泰國style～加上價錢唔貴，味道又好，係適合幾個朋友輕鬆食飯嘅選擇！。醉貓炒河 $108好香好好食嘅炒河，用咗鮮蝦、蒜頭、泰國辣椒呢啲配料一齊爆炒，鑊氣十足！有少少惹味嘅辣，整體偏濃味，真係好似喺泰國食嘅嘢咁，都幾好食😋。啖啖蟹肉奄列 $168網上見到其他人推介，食完覺得名不虛傳！奄列入面有好多蟹肉，半煎炸咁煮到金黃色。真材實料，配上炸蒜同埋蔥令佢更香，味道唔錯，都幾值得介紹😆！。慢煮和牛 $58呢道菜嘅調味相對簡單，食到和牛原先嘅味道～啲牛都好腍，好容易咬開。泰式椰子煎餅 $58推薦！自己係第一次見到呢樣甜品，椰子煎餅煎到外層微焦，入面就係軟糯嘅椰汁糕咁，椰漿味道好出。一份六件，有三個口味：粟米／椰肉／香蔥，幾個味道都唔錯😋，整體食落偏甜但可接受，值得大家嘗試！👍🏻📍 尖沙咀赫德道8號地舖人均消費：～$200推介指數：⭐️⭐️⭐️⭐️⭐️其他美食👉🏻 #cada_尖沙咀…Read More

雖然呢間日本菜係主打 Omakase，但我今次就試咗午市定食先～主食之外仲包咗一份沙律同味噌湯，整體食物質素都好好！。特上剌身丼 $153呢個丼飯有三文魚、油甘魚、帶子、赤蝦、海膽，各種刺身嘅質素唔錯！食落都好新鮮鮮甜😋，雖然份量唔算好多，但都合理範圍以內啦～醋飯嘅調味都合適，有微微甜嘅感覺。Lunch 可以食到呢個質素嘅一餐都幾滿足！📍 觀塘鴻圖道23號利登中心地下1號舖人均消費：$100-200推介指數：⭐️⭐️⭐️⭐️⭐️其他美食👉🏻 #cada_觀塘…Read More

🍽️ 八味客棧放工之後去咗呢間新潮中菜廳～裝修有古典風情，每道菜嘅擺盤同器皿都好靚😍可能因為喺酒店入面，人流唔多，環境幾靜，可以同朋友慢慢食邊傾計～食物整體質素唔錯，好食！。蟹粉籠仔蒸飯 $248用原個蒸籠上枱，荷葉包住嘅蒸飯上面舖咗厚厚一層蟹粉🦀蟹肉同蟹膏份量足，食落自然蟹香好突出！。蒜香鮮蝦春卷 $42推薦💯！外層炸得超脆，入面蝦肉滿滿，口感爽身彈牙，一口咬落都好滿足～。大蝦腸粉 $42腸粉皮厚身，唔係傳統滑溜路線食落有啲 QQ 彈牙嘅感覺，幾特別！入面嘅蝦唔算多，不過粒粒都夠大隻🦐。老佛爺杏仁茶 $42份量大而且好香滑，帶住杏仁同豆腐交織嘅天然香氣🥛，而杏仁味都唔會濃到刺鼻，係啱啱好嘅程度😚。紫芋鎏金巴斯克芝士蛋糕 $68非常創新嘅甜品！特別得嚟又幾好食😋算係驚喜之作！！三層口感好有層次！底層係芋頭，綿滑又帶少少芋香；中層係鹹蛋黃醬，質地偏流心，鹹鹹地好好食；頂層係巴斯克芝士蛋糕咁～成件係芝士＋芋頭＋蛋黃，味覺平衡得嚟又新鮮。清潤燉雪梨茶 $58清甜潤喉，仲有雪梨果肉，都幾好飲！。八味水果凍茶 - 荔枝烏龍 $38無糖健康之選✅！荔枝味出又清香，用紫砂旋轉茶壺上枱，好有儀式感～荔枝嘅天然蜜甜同烏龍茶焙香融合，清爽唔膩！📍 銅鑼灣霎東街33號智選假日酒店一樓RHS舖人均消費：$200-$300推介指數：⭐️⭐️⭐️⭐️⭐️其他美食👉🏻 #cada_銅鑼灣…Read More

🍽️ Y Pastaweekend去食一個輕鬆嘅lunch!餐廳環境幾大，適合同朋友嘅休閒約會，可以慢慢傾吓偈，食物嘅味道都幾好！會想再訪😆。10吋黑松露野菌醬薄餅 $118好好食😋！黑松露鋪滿成個餅底，無論聞定係食都有好濃郁嘅黑松露味，面頭仲有好多芝士，成個Pizza嘅味道都好好👍🏻。雖然好好食，但係感覺就會比較膩，基本上食2塊都開始飽😂。紅酒燴美國牛肋肉配香滑薯蓉 $208牛肋肉都幾多，每嚿都好大件，但肉質有啲韌，食得有少少狼狽😂，下層嘅薯蓉好滑，仲有少量雜蔬，配搭少少香草，味道唔錯～。精選甜品-伯爵茶巴斯克蛋糕 +$25甜品表現都好好！每日都有唔同嘅精選甜品，呢日係伯爵茶巴斯克～份量唔大，但睇落係餐廳自家製，誠意十足！上面有少少粟子蓉，本體嘅伯爵茶味濃，食落微甜又唔膩，值得加配！📍 沙田橫壆街1-15號好運中心3樓3080號舖人均消費：$100-$200推介指數：⭐️⭐️⭐️⭐️⭐️其他美食👉🏻 #cada_沙田…Read More

🍽️ 紅粧蜀語高質川菜！平時唔鍾意食中式麻辣，因為覺得好多時都係用辣去麻醉味覺🤣，會因為辣而蓋過咗食材本身嘅味道，不過今次完全唔會！食到一啲菜色係有唔同香料，而且係有層次嘅麻辣，會令菜式變得別，好有驚喜～。馬家蒜泥白肉 $108豬肉片中間夾咗青瓜片，食落嘅口感更有層次，配上辣油好惹味！第一下唔算好辣，但後勁嘅麻味幾勁，都幾上癮！。岩鹽燈影牛肉 $168係講求刀工嘅菜式😂將牛肉片變成薄脆！而且仲會透光🤩，口感似比較實在嘅豬肉紙，另外仲有細細塊嘅脆蓮藕片😋，兩個嘅表面都係甜甜辣辣咁！。宮保脆茄蝦球 $288好好食！外酥內嫩，蝦球大大粒，口感爽彈。而且係配茄子球，口感有新鮮感之餘亦更富有層次。味道都幾麻，但唔會太辣～。水煮安格斯牛 $288呢道菜偏辣～選用咗美國安格斯牛小排，相比一般嘅水煮牛，口感更軟嫩唔會韌😋而且呢個菜式的醬汁較為濃稠，建議配埋啲菜一齊食，會更加掛汁同濃味😆。黑糖流心糍巴 $48外層煙韌軟糯，入面嘅黑糖甜甜哋，作為一餐嘅總結就啱啱好！📍 銅鑼灣登龍街1-29號金朝陽中心二期- Midtown27樓人均消費：$300-$500推介指數：⭐️⭐️⭐️⭐️⭐️其他美食👉🏻 #cada_銅鑼灣…Read More

🍽️ The Spaghetti House 意粉屋自己已經好多年冇食過😂今次經過心血來潮試返，三個人都係叫 lunch set～結論：價錢真係幾平，但質素麻麻，應該唔會再食。餐湯：意大利菜湯 / 蘑菇忌廉湯 （可+$18加酥皮）意大利菜湯好油，一路飲一路見到油浮面😩 入面有紅腰豆同啲似貝殼粉嘅 pasta蘑菇忌廉湯都一般般，雖然有好多菇粒，但味道淡淡地，唔覺有忌廉香。肉醬意大利粉 $98算係最正常嘅一道，肉醬味道可以接受～但意粉質素麻麻，冇乜咬口，好快就斷。。半隻烤春雞配薯菜 $158中伏！隻春雞超級細隻，而且好乾，幾乎完全冇肉。另外有一啲焗蔬菜，有番薯、薯仔、粟米，但係超級鹹！完全唔值個價錢。甜品：蘋果金寶（+$18）呢個可以叫，但要預返時間～外層係牛油撻皮，入面係蘋果肉桂焦糖餡，味道幾甜🙈 最大問題係要等，本身話15-20分鐘就可以，但我哋等咗40分鐘先上枱，時間安排差咗啲…Read More

🍽️ DONOVAN好好食😋成餐食完有震撼味蕾嘅感覺！超真心推介！weekend long lunch $480 絕對值得！食得出每道菜都好有心思，有善用唔同食材嘅配搭，令菜色有豐富嘅味道同口感～係週未慰勞自己嘅好選擇😌Starter。Japanese hamachi油甘魚味道清新，食到散開嘅油脂香味，配上蘋果蓉爆珠，令到鮮味更明顯，而且仲有幾粒榛子，平衡下刺身嘅口味，唔會對魚嘅質感麻木咗。62-degree slow cooked egg (+$80 for truffle)係鴨蛋嘅料理😆好creamy好滑，蛋黃係濃稠嘅流心狀，入面有少少薯仔同埋辣肉腸粒增加口感，仲可以加配埋松露片🤤，令成件事更上一層樓，個人覺得都幾值得加！Chef's Special。Maine lobster agnolotti (+$198)美國緬因州龍蝦雲吞，每份有4件，雲吞入面食到有龍蝦肉同埋其他香料，表面就有辣椒粉同埋青檸p.s.職員介紹時話係人手新鮮製造，所以數量好有限，建議想食嘅可以預先留定～Main。King salmon大大塊紐西蘭三文魚，淨係睇個樣已經知係靚嘢😍，脂肪分布好靚，食落肉質細嫩，另外配搭一啲法國藍青口、藏紅花和羅勒，令鮮味更出。Slow cooked chicken慢煮雞胸肉外層包咗薄薄一層豬油膏，鎖住肉汁之餘仲帶微微煙燻味🔥，肉質好驚喜地覺得嫩滑。配上迷你羅馬生菜同舞茸菇，食落層次感豐富～Dessert。Valrhona chocolate coulant用法國法芙娜75%黑朱古力製成，流心質感超正！另外有自家製柑橘雪葩，甜得嚟又fresh，兩樣一齊食balance得好好～。Pistachio & Cherry開心果嘅堅果香同雪葩嘅清爽感好match！加埋一齊酸甜軟滑，食完都唔會有好大罪惡感😋Champagne flight (+380) | Wine flight ($280)…Read More

🍽️ Bistro Hoi An好食而且氣氛好好嘅越南菜🥰！整體菜式都好好食，而且我同朋友去食晚市，見到好多人都會去飲酒吹水，好chill!!而餐廳環境都好靚，裝修都幾有心機，一行入去就feel到種越南風情😂有好多彩色燈籠，營造古色古香嘅氛圍～。越式生蝦刺身 $138清涼醒胃！經典又好食嘅菜式😋虎蝦刺身配上提鮮嘅魚露，酸酸哋咁好開胃，啲蝦新鮮又大隻，好食！。芒果⽜油果素菜⽶紙卷 $82素食友好嘅選擇～呢個口味食落都幾驚喜，牛油果令到米紙卷多咗一種Creamy嘅感覺，值得一試。越南蜜柚燒蝦沙律 $138每次食東南亞嘅餐廳都好鍾意佢哋嘅沙律🤣蜜柚份量唔少，食落清爽開胃，配以脆椰絲、薄荷葉及魚露汁，色彩繽紛😆。特⾊蛋咖喱炒軟殼蟹 $198咖喱都係呢一間餐廳嘅特色之一，可以試到越式咖喱嘅香濃😋見到用咗好多唔同嘅天然香料～軟殼蟹嘅份量都唔少，而且仲會跟埋法包俾大家蘸埋啲咖喱汁😆超級滿足！。⾹芒蜜柚椰⼦雪葩 $72個人非常推薦呢個甜品！個椰子雪葩好闊佬😂俾咗好大碗！而且雪葩嘅椰子味幾自然嘅香，配上芒果、新鮮椰子肉、蜜柚，成件事都好清爽。最令人驚喜係有蜂巢脆糖餅！加埋落去好好食😋。越式⽜⾁三⽂治 $138。⾹茅燒雞⾁撈幪 $115Mocktails。HOI AN CÔNG CHÚA $78 （荔枝、青檸汁、接骨⽊花糖漿、玫瑰花氣泡茶）。PHU QUOC SUNSET $78（西柚蓉、青檸、梳打⽔、煙燻海鹽）…Read More

位於ICC 101樓嘅新開麻辣火鍋店！一行入去就感受到好豪華嘅裝修😹應該主打商務客～整體食物質素符合預期，但主要都係去食個景，可以對住270度維港海景打邊爐，真係超靚！🥰。手切牛肉吊龍用聖旨盤上碟，好有氣派，好有打卡feel🤣啲肉都好嫩～淥大嘅8-10秒就食得，但就算煮耐咗都完全唔使擔心會韌！（因為我一開始揾唔返嚿肉所以淥咗好耐😂，但都仍然好好食，所以實證左唔會韌）。海鮮拼盤有象拔蚌、帶子、鮑魚、蟶子皇、生蠔，全部都大大件，而且感覺都好新鮮，唔會腥。東星斑 又係一個好浮誇嘅擺盤！用魚片砌到成個摩天輪咁🎡肉質偏結實，魚肉片有細骨，小朋友同長者可能都要注意一下～。烽火戲豬喉 / 冰川鵝腸 呢兩樣都係平時香港打邊爐比較少見嘅食物，兩個嘅口感都有啲相似，都係好脆好爽口😆，本身擔心呢類型嘅食物會有一浸內臟味，但食落都唔太覺～。特色紅糖冰粉口感清涼爽滑，而且佢本身係唔甜，主要甜味來自面頭嘅少量果乾～同埋有少少花生碎增加口感，是好適合嘅清爽解膩之選！概括一下，其實呢類型火鍋主要都係超濃味湯底同埋調味料😂，所以食材嘅味道唔係太明顯、但都食得出口感係唔錯嘅！有得唱K又有靚景，都可以一試！…Read More

星期日去食午餐，有Sunday Jazz Brunch嘅套餐（$788/person)～餐廳位於尖沙咀喜來登酒店內，入面環境都好靚，窗口位置可以望到維港景色🏙️而且仲有駐唱歌手繹演jazz嘅歌曲，氣氛都唔錯👍不過枱同枱之間都距離都有少少近🙈店員非常親切而且helpful!值得讚下🫶🏻。洋蔥包每一枱都有嘅餐前小食，網上見到好多人都勁推介，果然名不虛傳！非常大隻，外脆內軟，見到入面層次分明，而且有好香嘅洋蔥味，配上佢哋自家嘅牛油好好食。但記得要節制唔好食太多，如果唔係就食唔落後面嘅菜式😂。Pan Seared Foie Gras 香煎鵝肝配蘋果醬有兩大嚿鵝肝🤤外層煎到脆脆地，好似焦糖嘅口感，入面唔算好滑好creamy，但感覺冇咁油膩～蘋果醬味道唔錯，甜甜地可以配埋鵝肝中和下。Lobster Bisque 龍蝦湯餐廳嘅staff會喺你面前將啲湯倒落碟，非常熱辣辣～有真材實料嘅龍蝦，食落肉質新鮮結實🦞，而個湯本身都好濃味（甚至有啲鹹XD）另外佢係好稠嘅湯嚟，好快就會因為凍咗而稠到變咗啫喱狀咁><所以要飲快少少🤏🏻。42oz Bone-in Prime Rib 帶骨燒牛肉配辣根牛肉汁份量超級多！我哋兩個人食，食咗一半已經好飽🤣揀咗medium rare，可以食到嚿肉比較真實嘅質素～牛味好濃！另外會配辣根牛肉汁～平時都唔常見，質地係泥狀，味道都幾濃，有啲wasabi嘅感覺(?)😂，都幾惹味。Parmesan & Truffle Fries 芝士松露炸薯條 ｜ Truffled Cream Corn 黑松露忌廉粟米兩個配菜都好出色，薯條係幼薯，熱辣辣又好脆，調味適中，食到停唔到口嘅感覺🤣忌廉粟米好好食😋！！個人力推！啲粟米甜甜哋，食落好creamy而又唔會覺得膩。Morton's Legendary Hot Chocolate Cake 莫爾頓經典焗暖心朱古力餅（二人份）比想像中大份，而且個雪糕都好大方，俾咗好大球🤣個朱古力餅嘅外層微脆，質地似實淨嘅muffin，而唔係蛋糕嗰種，入面係軟心朱古力醬，但未至於流心～味道都好甜好好食😋。2-hour Free Flow Package Alcoholic (HK$460)| Non-Alcoholic (HK$198)另外可以加配兩小時飲品free flow！本身諗住嗌non-alcoholic free flow，但見到佢一杯mocktail 先$70，又唔想夾硬飲3杯😂所以最後都係單嗌就算～…Read More

🍽️ Flames燴牛面香草蕃茄醬牛肉汁扁意粉 $108lunch set 嘅其中一個選項～價錢包咗一杯汽水或茶，另外都仲有好多小食可以跟餐加配（可以參考menu最下方）～我覺得呢個意粉都幾有驚喜！燴牛面份量都好多，本身以為係細細粒咁上，估唔到係有兩至三大嚿！口感好腍、又軟熟😍都幾高質，扁意粉都唔錯，煮嘅時間啱啱好，牛肉汁嘅味道正常，唔會太鹹👍🏻整體都值得食！黑松露薯條 +$48另外都加咗小食同朋友share,份量合理，但唔係好脆，黑松露份量都唔係好多🥲感覺係喺整好咗嘅薯條上面加pat松露就算，所以唔係條條都有松露，而且都只有好淡嘅黑松露味，覺得用$48加配唔係好抵, 所以下次應該唔會加了~…Read More

呢間非常推薦！！同屋企人食放題，星期日午市開始前門口已經排晒長龍，雖然舖頭好大，但係都全場坐滿，想食嘅話最好book定位先！食物主要用手機落單，而飲品/甜品/少量食物，就可以喺出面自助拎。食物種類同選擇超多！以下精選一啲我覺得必嗌嘅嘢！。刺身超厚又大件，而且質素好好，感覺新鮮。試咗幾款，刺身最推薦係三文魚、極尚大赤蝦。。特色料理花雕醉鮑魚 - 好爽口！完全唔會韌，酒味都適中唔會太濃，小朋友都接受到，而且size都唔失禮，有驚喜藍莓醬蘋果鵝肝 - 佢哋嘅招牌菜之一！鵝肝好大嚿，入口即溶，配埋蘋果好清新，令人有種高級嘅感覺😂完全睇唔出係放題會食到嘅菜式。天婦羅／燒物甜番薯天婦羅 - 熱辣辣，好甜，外面好脆，入面綿密軟熟香草燒羊鞍 - 調味料好多，勁大香草味，有啲黑椒嘅惹味，冇羊騷臭，肉質都有驚喜，好易咬，唔韌唔老，燒得唔錯。一品料理呢個系列好多都好驚喜，又估唔到可以喺放題食到嘅嘢！全部都係回本之選XD厚切鵝肝多士 - 外層係炸過，所以好脆，入面就係好creamy嘅鵝肝，口感有層次！而個多士好有牛油味，而且都好脆，加埋好夾金湯燴花膠 - 唔知個湯係點做到金黃色，啲花膠雖然薄，但都好大片！海燕窩椰汁燉木瓜 - 作為甜品非常好，有椰汁同燕窩，感覺滋補，暖暖哋咁食落覺得好舒服😌女士們最愛！。甜品超多唔同雪糕雪條揀！有至少4個唔同牌子嘅各個口味～包括Häagen-Dazs、Dreyer's，而且仲有而家大熱嘅笨nana!!不過大家記住食到一半就要攞咗先xd如果唔係有機會最尾冇晒款揀…Read More

。淺炸挪威三文魚撈通粉 $118 （連飲品自助吧）三文魚炸得好脆，份量都唔少～不過我覺得椒鹽落得比較多，有啲搶味😅通粉就好特別，應該係蛋黃醬mix蟹子，味道唔錯！但上碟時已經係凍嘅，凍到我懷疑佢係咪本身就設計成凍食🥶。花生芝麻牛奶麻糬 +$68（跟餐）超級推薦！牛奶麻糬好香奶味，口感軟糯得嚟又唔會黐牙～配埋花生芝麻香氣十足😋。飲品自助吧有五款茶飲，每日款式唔同。我呢日有四款係水果茶，同埋無糖嘅炭燒烏龍茶。個人推薦蘋果微碳酸，味道微甜，而且有少少氣，感覺好清新！📍 觀塘巧明街99號地下11號舖人均消費：$100-$200推介指數：⭐️⭐️⭐️⭐️其他美食👉🏻 #cada_觀塘…Read More