食物主要用手機落單，而飲品/甜品/少量食物，就可以喺出面自助拎。食物種類同選擇超多！以下精選一啲我覺得必嗌嘅嘢！
。刺身
超厚又大件，而且質素好好，感覺新鮮。試咗幾款，刺身最推薦係三文魚、極尚大赤蝦。
。特色料理
花雕醉鮑魚 - 好爽口！完全唔會韌，酒味都適中唔會太濃，小朋友都接受到，而且size都唔失禮，有驚喜
藍莓醬蘋果鵝肝 - 佢哋嘅招牌菜之一！鵝肝好大嚿，入口即溶，配埋蘋果好清新，令人有種高級嘅感覺😂完全睇唔出係放題會食到嘅菜式
。天婦羅／燒物
甜番薯天婦羅 - 熱辣辣，好甜，外面好脆，入面綿密軟熟
香草燒羊鞍 - 調味料好多，勁大香草味，有啲黑椒嘅惹味，冇羊騷臭，肉質都有驚喜，好易咬，唔韌唔老，燒得唔錯
。一品料理
呢個系列好多都好驚喜，又估唔到可以喺放題食到嘅嘢！全部都係回本之選XD
厚切鵝肝多士 - 外層係炸過，所以好脆，入面就係好creamy嘅鵝肝，口感有層次！而個多士好有牛油味，而且都好脆，加埋好夾
金湯燴花膠 - 唔知個湯係點做到金黃色，啲花膠雖然薄，但都好大片！
海燕窩椰汁燉木瓜 - 作為甜品非常好，有椰汁同燕窩，感覺滋補，暖暖哋咁食落覺得好舒服😌女士們最愛！
。甜品
超多唔同雪糕雪條揀！有至少4個唔同牌子嘅各個口味～包括Häagen-Dazs、Dreyer's，而且仲有而家大熱嘅笨nana!!不過大家記住食到一半就要攞咗先xd如果唔係有機會最尾冇晒款揀
112
189
