debbie040404's Profile

已經好耐無寫食評，今次再度執筆 全因這家多多台式火鍋店，性價比真高，而且食材上乘，服務周到，值得推介。我下午三點才到，不用排隊，店員安排卡位，無敵維多利亞公園園景，環境雅緻舒適。我點了午市套餐$118，阿嬤藥膳湯底，特選花肉200g (200克竟然有13塊 大大塊嘅豬豚肉， 仲要係好好食，有肉味 又冇渣) )，蔬菜拼盤 (有牛丸 魚蛋 豆腐 甜不辣 魚餃 菇類 玉米 菜…)，刀削麵 (煙韌有咬口)；食咗咁多嘢 仲飲咗湯 都唔會口喝。自助配料區域 醬汁齊備，個人最喜歡柚子汁。是日甜品：冬瓜茶 芋圓 愛玉(食起上嚟有少少似冰粉)，雀巢雪糕任食。連加一 $130，認真超值。食完硬幣送 可以用來夾公仔。…Read More

這間虎嘯海鮮蒸鍋主題餐廳 主打雙龍蝦海鮮蒸氣刺身套餐，因為食材夠新鮮性價比高。刺身頭盤: 有花龍蝦刺身、象拔蚌刺身、北海道帶子、銀鱈魚、赤蝦(巨型牡丹蝦)、北寄貝，每樣少少 勝在夠新鮮。雙龍蝦分別係法國玫瑰藍龍蝦 和 美國小蜜蜂龍蝦，每人每樣半隻，藍龍蝦有鉗，小蜜蜂花龍是沒有鉗的，兩款龍蝦都新鮮結實好味，以藍龍蝦更為鮮甜。其他海鮮有：海草面豉湯蒸帶子、手打蝦丸、墨魚丸 都相當出色。特別是京蔥醬油雞 是用新鮮雞 醃得入味，蒸嘅時間掌握剛剛好，嫩滑有雞味。最後龍蝦粥吸收曬所有海鮮的精華，正!甜品 : 伯爵茶雪糕蛋糕 啖啖濃郁伯爵茶味道。…Read More

牛盛薈河$62有: 牛腩、 牛筋、 牛肚、 牛丸、 蘿蔔， 滿滿一大碗，足料好味。牛腩鬆化入味，牛筋火候到好處，煙韌但又唔會爛曬。略嫌湯不夠熱，燙不熟蔥花，下次食要叫店家整熱啲湯。…Read More

鮨松本是由日本師傅主理，絕對是 one man band 一腳踢，餐廳位置有點隱蔽，沿石水渠街上行到盡頭再轉入橫街才會見到小店，要靠谷歌地圖帶路。餐廳衹有八個位，星期日休息，必須要預先訂台，午市魚生飯套餐，包日式蒸蛋、麵豉湯，材料新鮮，甜品有雲呢拿雪糕和芝麻雪糕 二選一，只賣$180，性價嘅比極高。我們又另外加了一份鹽燒油甘魚鮫，皮脆肉嫩，滿有驚喜。食完即刻訂了下星期，想要試下鮨松本的廚師發板Omakase。…Read More

因為買咗麥當勞$100 8杯的咖啡卷，平均每杯只$12.5，平時一般都係買走用紙杯盛載，今天行過炮臺山麥當勞 點了椰奶咖啡 (Coconut Latte) 堂食， 驚喜發現是用玻璃杯盛載咖啡，而且仲有埋拉花，超高性價比! 而且店員非常有禮貌 多謝前 多謝後 服務一流。…Read More

酸菜魚做法正宗，好吃唔貴， 跟在內地吃到啲基本上都係一樣；另外仲有多款串燒，也有飲品幫助解辣。我們兩個人點了 酸菜魚 串燒和牛 魚湯米線 冰鎮或豆腐 荔枝蘇打，樣樣都好食。酸菜魚超多配料 包括芽菜萵筍等… 兩個人唔使食飯都飽 。外賣全日有九折。…Read More

今日只兩人去了三聖村， 行經新薈廷門外，部長極力招來，見她咁有誠意，於是去發記買海鮮，買了鮑魚和瀨尿蝦，發記老闆知道我們去薈廷，推介了燒鵝和乳鴿。例牌燒鵝$155燒鵝果然不錯，皮脆肉嫩，多謝發記推介。椒鹽瀨尿蝦瀨尿蝦做得相當出色，原隻上桌，這樣做法原汁原味 不會流失瀨尿蝦的肉汁。薑蔥胡椒鮑魚煲上桌時，熱騰騰 香噴噴，鍋底墊滿薑蔥，鮑魚烹調時間恰到好處，好味!現在外出晚飯消遣，最怕睇服務員面色!而薈廷員工服務態度值得嘉獎，飯後還有甜品送。…Read More

星期日行經灣仔這間新開的芽龍，標榜地道新加坡風味，門口棟個牌出嚟 做緊喇沙一人鍋 衹$88， 相片好吸引，好似好豐富，於是就被廣告吸引了入去。喇沙一人鍋 好豐富: 有油麵、 美國牛板健、 花雕雞， 還有，雜菇 蕃茄 生菜 豆卜等配料，花雕雞好滑，有雞味，牛板健係優質嗰隻。下次真係要試下芽龍的海南雞。朋友要了芽龍蝦麵 $68，一樣足料好正，蝦湯香濃 ，配料有豬腩片 青瓜 豆卜 流心蛋 蔥油酥。雖然係小店形式，但員工招呼殷勤，店面乾淨整潔，而且全店免加一，真係抵食兼好食。…Read More

朋友聚會，太古廣場地庫北京樓地點真是首選， 一出地鐵站就可以到達，非常方便。北京樓裝修雅緻舒適，枱与枱之間有一定距離，格調高級。來到北京樓當然要食北京填鴨，一上菜眼就前一亮，師傅刀功了得，擺盤講究，鴨皮伴碟邊 碟中間鋪砌了鴨皮連肉；伴邊的鴨皮 薄和脆 一點肥膏都沒有，食完皮之後， 輪到吃中間的皮連肉，皮脆肉嫩，而且薄餅皮夠薄煙韌，沒有肥膩感，近期食過做得最好的片皮鴨 。宮保蝦球，蝦好大隻，新鮮爽脆，酸甜開胃，冇得頂。叫咗兩款小籠包，都好美味，小籠包雖然皮薄但韌度恰到好處，用筷子夾都唔會爛皮，而且湯汁滿瀉。還有干煸四季豆，干身香口，但掛住食唔記得影相。總的來說，今次太古廣場北京樓給我印像是非一般的北京樓，無論裝修、服務、食物水平 超出我們的預期，性價比高，值得推介。宮保蝦球$318北京填鴨$598松茸素肉小籠包六隻$98…Read More

平日去米綫陣一般都係食晏時間，要排隊，今日下午茶時間不用排隊。雖然係下午茶，但都有好多選擇。本來想試下佢嘅麻辣豬膶牛肉湯米線，但是日售罄，於是，揀了鮮炸豬扒清湯米線，44元包熱飲一杯，我選配熱鴛鴦; 另加兩元轉四川麻辣湯底，埋單46元，不收加一。米線大碗足料，上桌時熱騰騰，配料有 腐皮一件，還有芽菜香菜等，米線夠淋好味，豬扒大件鬆化，味度偏鹹但都好味，杯熱鴛鴦是奶茶和即磨咖啡混合(冇錯係即磨咖啡），相當不錯。…Read More

這家號稱天下第一豬麒藝館，門口有燒爐，主打即燒乳豬，所以特意來試下。即燒天下第一豬 果然沒有令我失望，例牌有六件$348，食過至知，真係物有所值。點心四格： 蝦餃， 松露燒賣， 爆米蜆介鯪魚球， 牛肝菌和牛酥 點心做得頗為精緻，特別是鯪魚球外層脆米脆卜卜裏面軟糯，好味有創意。一蟹兩藝 皇室焗釀蟹蓋 陳醋嘢米沙律蟹件 這釀蟹蓋原來是炸軟殼蟹 拌沙律菜同吃 不是傳統用蟹肉釀蟹蓋，有點失望。金沙黃金蝦窩巴 黃金蝦一客四件，蝦球好大隻，沾了鹹蛋黃 非常惹味，配窩巴同吃，唐酒花膠蟹肉蛋白，賣相吸引，酒香撲鼻。除了食物令我相當滿意，服務招呼一流，環境舒適，異常好的用餐體驗。…Read More

優質午餐壽司11貫(件)， 但睇返照片 我發覺多上了一貫,  總共食了12貫。鮨定山啲壽司 用料上乘，一點都不欺場。茶碗蒸上有熒光魷魚加大蜆肉 鮮味無比;  牡丹蝦大大隻，還有深海池魚、海膽、中拖羅、大拖羅..…; 手卷都非常足料: 有熟牡丹 蝦蟹柳名貴材料，全店不用火槍而係用備長炭做炙燒，熏香撲鼻；至於甜品雪糕糯米糍上面都鋪有紅豆蓉和食用金箔，不單止賣相吸引而且美味至極。這麼優質的壽司午餐只$588，怪不得經常滿客，必須預早訂座。…Read More

因為某些原因耽誤了午飯時間，就來一個豐富下午茶。這間越蘆在電氣道油站附近，看似正宗， 門口大大個下午茶餐牌介紹，都頗為吸引，而且環境清净 裝修簡潔舒適 於是進去一試。 點了順化香茅豬扒湯河 跟凍香茅鮮橙茶 連加一$57 大件厚切豬扒 外層酥脆，肉質軟滑入味 略爲偏鹹，河粉配料有九層塔 蔥油酥 芽菜 紫洋蔥 青檸，認真足料大份。跟餐凍香茅鮮橙茶 清新又不太甜 還內附一支香茅做攪棍，一點都不欺場。以$57 這價錢 有這麽優質的下午茶餐 實在超值。…Read More

路經油麻地看見這間大吃大喝三文治店，相片頗為吸引，於是外賣回家跟家人分享。滑蛋牛肉三文治 $32一口鹽酥雞 $22士林臺式香酥蛋餅 拉絲芝士火腿餡 $32椒鹽炸燒賣10粒  $10招牌芫茜炒蛋餐肉三文治  $32香蔥芝士鹹牛肉三文治 $32樽仔奶茶 跟餐 $7樽仔薏米水 $7共計 $174買完即刻打的回家，前後大概10-15分鐘馬上開餐。我的結論是一口鹽酥雞 炸燒賣 效果還不錯頗為香口； 至於三文治，餡料還可以，但麵包就已經完全吸收晒蛋汁，又腍又爛非常難吃，相信如果是即場吃會好好多，但問題是 大吃大喝只提供外賣沒有堂食，疫情關係又不可以隨街飲食!…Read More

假日外賣加餸，我首選良記滷水鵝。食過多間滷水鵝店的出品，良記的滷水獅頭鵝最啱我口味。良記鹵水鵝，鵝肉鬆化入味， 但又唔會太鹹 ; 特別推介滷水獅頭鵝粉肝，軟滑綿綿，配埋良記自家製酸菜一齊食 好滋味，記得加多兩件滷水豆腐墊底。這里賣的是正宗潮汕風味 ，除了外賣 還可以堂食，打冷必食滷水鵝紅 墨魚 鴨舌 紅腸 豬耳 豬大腸…等等 應有盡有。加熱小貼士: 滷水鵝買回家， 轉落瓦碟盛起 ，食前燒一鑊滾水，將滷水鵝放上蒸架， 冚蓋熄火焗五分鐘。…Read More