janice_lamlam's Profile

尋晚係度買左外賣生滾牛肉粥，差唔多食哂既時候食到有d野硬硬地，吐出嚟原來係蟑螂腳!!!!!真係十分嘔心，仲食哂成碗先見到，以後唔會再去想打電話去投訴冇人聽，唯有話俾食環署知呢間店既衛生可以話係零…Read More

是日又去東涌工作啦，做完野諗住食埋飯先返屋企諗起呢間早前曾經惠顧過既"小洋蔥"，決定食過番尋味去到差唔多6點，唔使等位就入得發現佢好似轉左menu喎，多左好多平價西餐，啱哂我呢啲未出糧人士由於下就同個客食左少少野，又唔太肚餓，我只係叫左一客《忌廉汁焗雞肉飯》，只係$38咋，仲平過食茶餐廳雖然平，但絕冇將貨就價，雞肉件件份量十足，忌廉汁唔會過漏，食下食下我竟然又食哂一個飯$40都唔使既平價西式晚飯，我諗係東涌真係喺呢度先搵到…Read More

今日去左馬鞍山果頭做野，見到有間米線鋪叫麻酸樂喎，咁因為本人好鍾意食米線一個禮拜唔食番幾餐都唔安樂，於是就決定食呢間了~見鋪頭出面都有幾個人等緊位，原本諗住去reception拎飛仔啦，點知原來要自己走去右手邊禁飛仔既，豬左大概等左5分鐘就入得(因為前面d人走哂唔等)，我一個人要搭枱坐張4人卡位，不過唔緊要張卡位都幾闊落，同對面個兩個客人一齊坐都唔會話好迫，入面環境幾好架幾闊落餐牌是咁的，都算好多野揀，有肉燥大碗飯、有機龍崗雞、自選米線、一d set好左配餸既米線同埋多款小食任君選擇，佢d一set set米線好似都幾吸引，我原來掙扎緊叫個招牌十式米線定金銀五寶米線好，不過因為我想試番茄湯底，而五寶米線係冇得轉湯底既，咁我就叫左個招牌十式米線啦~都好似好多料咁，乜都有~登登登登，落左單大概等左2個字先有野飲，等左3個字先有野食，又唔俾番張回單我，搞到我唔知佢到底有冇落到，又唔知佢有冇落錯:(個凍綠茶就係好普通既綠茶，有啲甘甘地，不過既然唔使加錢就算啦~碗米線望落好似好大碗咁，但夾黎睇下其實唔算多。識食米線一定係試左佢個湯底先，番茄湯...e係冇番茄味架喎，好淡口，我諗佢係用茄膏開出黎既，一d番茄蓉都冇，差評一碗米線最重要係個湯底嘛，連呢樣都做得唔好 好啦試下d米線先，個腍度對我黎講係啱啱好既，但衰在浸左係呢個湯底度，又搞到唔好味。d餸都多既，有出面唔常見既韓風泡菜餅(個人覺得幾好食，真係有泡菜架)、墨丸、牛丸、肉丸(d丸唔係好多粉個隻，幾彈牙，ok既，不過每樣丸得1粒，好似少左d)、凍豆腐、雪場蟹棒、木耳、雞肉、蘿蔔、金菇同一堆配菜，我覺得d餸既味道ok既幾好味，但份量方面就少左d囉，聽落好似好多野食嘈，但每樣得1舊，米線份量又唔多，我一個女仔食完成碗都唔太飽由於唔太飽所以我追加左個蒙古大漢雞翼，有4隻，一上枱好香，食落都好味，少少辣但又唔係太過辣，ok既:)炸得香口總括黎講雖然個小食ok，但個米線整體實在太差，米線同餸料份量不足，湯底唔合格，完全唔會令我再返轉頭食！！順帶一提，佢個service唔多ok，坐我對面既一對母子落左一次單，跟住想加單但由於兩次唔係同一個人落單所以好鬼亂，原來佢地第一次叫既野食根本就冇落過單，搞到佢地等左一輪先知冇，聽到佢地有微言~跟住隔離枱碗米線又係落錯單~其實佢雖然全場滿座，但我見到樓面有好多個人應該夠哂人手架喎，點解服務都可以咁混亂我諗我唔會再黎食架啦…Read More

是日相約朋友去沙田食lunch，由於本人一個星期總要食幾次麵食，咁朋友就推薦去豚王啦，我都冇乜所謂，反正好耐冇食過，就決定食呢間lu~去到竟然唔使等位，我記得豚王岩岩黎香港個時排隊起碼要個幾鐘，睇黎香港人都係貪新忘舊尤其是宜家開左咁多拉麵鋪~好講番間野先，入面唔算好大，不過坐得幾闊落~黎得一蘭食就預左唔會有太多口味選擇，都係果4款(豚王、黑王、赤王、翠王)，我原來掙扎緊要豚王同翠王，翠王有芝士呀my fav!不過呢聽晚要去食放題，都係唔好食得咁heavy，我就決定要豚王算啦~朋友都係叫豚王~跟住就自己圈你碗拉麵想要幾多醬油呀、辣油呀、要咩肉同菜、麵要軟定硬等等，每次都好似填問卷咁，填完俾個店員就得架啦~店員會記得邊個叫左邊碗，唔怕溝亂朋友同我個碗俾完張野店員先見到有限定發售既蜆王，盛惠$90早知叫呢個啦，我好鍾意會蜆架，個湯應該會好好飲！唔知下次黎食仲有冇呢個蜆王呢？唔知係咪因為鋪頭冇乜人，所以我地碗拉麵好快就到左~雖然好耐冇食過，但仍然係咁好味湯底有好濃既豬骨味，有d膠質，又見到有d油，真係煲出黎架~兩塊肩肉好堅，超大塊麵我揀左細同軟，我覺得腍度岩岩好，好正雖然香港越開越多拉麵店，但豚王係唯一幾間我會返轉頭再食既，希望佢可以一路keep住呢個水準啦~…Read More

是日去左將軍澳見客，見左幾次終於都傾掂數，安樂哂~~諗住係呢頭食埋個lunch先過海返公司，行下行下又俾我見到一間米線鋪本人係好鍾意食米線的，所以見到有新野梗係拿拿聲入去試左先~間野叫做米線陣，個名有d搞笑，不過anyways我係鋪頭出面見到有碗好大碗好大料既特盛米線幾啱我口味，於是就撞入去啦~大概12點幾去到，撞正食飯時間，間野都幾多人，就算我一個人食都要等位好彩等左5分鐘到就有位，入面環境都幾開揚同闊落，店員安排我坐中間既高枱，其實佢都有d舒服d既卡位，不過全場滿座，同埋我一個人食就冇乜所謂啦~一坐低望下個餐牌先，佢個餐牌設計都幾young幾得意，同埋都有d lunch set俾你揀，不過我一心想食頭先係出面見到果碗好大碗既米線，所以都唔使諗好耐就落左單啦~先黎呢碗就係我好想試既特盛米線啦！真係好大碗，除左多料之外連個碗都大過人搞到我自己一個女仔好似食好多咁，有d唔好意思添碗米線係可以自選湯底架，可以揀清湯、番茄、麻辣、酸辣，兩種辣湯都可以好似譚X、X哥咁自選辣度，不過我今日唔想食辣所以就叫左個番茄湯底，呢個係出面d米線鋪都少見，所以都想試下。落左單一陣就有野食，都幾快手~先試左個湯底先，好甜我最鍾意食甜野既，所以呢個番茄湯底好啱我胃口，我諗好多女仔都會鍾意~跟住就有一大堆餸：魚腐、豬軟骨、雞翼、牛肉、菇菌同一堆芽菜、腐皮等等，真係超大碗超足料我個人最鍾意食魚腐同豬軟骨，魚腐彈牙爽口，豬軟骨甜甜地幾入味，其他餸料就一般啦，冇乜特別，而米線呢我覺得腍度啱啱好，同埋份量真係好多，我食唔哂我係咪好大食我叫左碗勁大碗既米線另外仲叫左個梨山排骨食，因為我睇到menu上面張相好似好吸引咁，同埋呢個小食我真係聽都未聽過，所以就叫左個黎試下啦~佢個份量唔算話好多，算係一個幾精緻既小食，但個梨山醬真係幾好味~酸酸甜甜咁好特別，我鍾意~排骨唔會好肥好油，好味叫完野食既時候個姐姐多口問我要唔要野飲，咁我又有啲熱於是就叫左杯菠蘿提子特飲 (有加配價呀$15)~就係一杯幾解渴既提子梳打加d菠蘿，冇乜特別Total3樣野食左$96，價錢唔算平，但食左咁多野同個食物質素都幾好我覺得值:)同埋佢又唔會好似譚X咁坐得勁迫，呢樣係我最鍾意既，值得一試！…Read More

極度鍾意食米線既我一個禮拜總要食幾次米線，今日就嚟到沙田做野，原來諗住去食譚X，不過見隔離原來都有間米線鋪叫"雲桂香"，又幾乎全場滿座喎，就決定入去試下啦~入面是咁的，如圖所見超級多人同坐得好迫，我一個人黎食就梗係要搭枱啦~佢有d幾傳統幾雲川既菜式，好似都幾啱我口味~餐牌是咁的，唔算話好多野食，不過我覺得佢既米線、餸料選擇唔係坊間米線鋪常見果啲，幾特別。諗左一陣我決定叫個雲桂米線(因為見到menu上既過橋米線圖片好似有d自己落d餸落去滾，嘈我以為雲桂米線都一樣，點知原來唔係，有啲失望添呢碗就係我叫既雲桂米線啦~我叫左唔辣同走芫茜，一上枱見到個樣好似唔係好掂咁喎其實唔算多餸，得兩舊魚腐、一小堆雞絲、兩舊細蟹柳、兩舊仔冬菇同一堆配菜，咁就收我$46，係咪玩野？冇乜餸食又貴，條氣真係唔多順。好啦我諗住俾個機會佢先，雖然其貌不揚但可能好好食呢，who knows？識食一定喺試左個湯底先，um....酸既？有冇人可以話俾我聽點解個清湯會係酸架？早知叫辣好過D餸就普通貨色啦冇乜特別，唔難食但又未至於好好食咁囉，米線既腍度適中，岩岩好既，但浸左落個湯底到咩食慾都冇哂，最後我只係食左半碗，條氣谷住谷住頂唔順叫多左支豆漿 (+$7)，最後極速閃人~我都係第一次食到咁難食既湯底，應該唔會有下次…Read More

星期六晚朋友提議去試呢間，見openrice既食評都幾好，於是朋友走打去訂枱啦~星期六晚去食星期五晚先打去book，好彩仲有枱到左星期六晚去到，一見到間鋪我心諗好彩有book枱咋~門口同鋪頭入面都勁多人，我諗如果冇book枱起碼都要等9個字至個半鐘鋪頭入面既環境營造到好似外國既bar咁，雖然餐廳唔大但俾人既感覺好warm，好適合同三五知己一齊黎飲下啤酒吹下水~不過如圖所見真係好好好多人，隔離枱講咩我聽到哂，反而坐同一枱既朋友講咩我就聽唔到都幾嘈下我地見個menu有好多選擇呀，有本地啤同進口啤，咁一場黎到梗係要試下local beer啦~我記得佢有4種size(0.2L/0.4L/2L/2L To-Go)，我地叫左3杯0.2L既，呢個size啱哂女仔飲，又或者想試多幾種唔同啤酒既都可以叫呢個size我地分別叫左Classic Pale Ale、1842 Island同Rye on Wood~我記得classic個味道係最啖，而1842 Island味道最濃~對於我呢啲平時對啤酒冇乜研究既人黎講，3杯都幾好飲哈哈Menu每杯啤酒都會有介紹，大家可以根據番自己口味決定飲邊杯~跟住叫左個炸薯條~我地真係好鍾意食熱氣野哈哈，呢個炸薯條幾好味喎，佢本身唔知用左d咩調味，上枱又熱辣辣，份量都幾多，好味跟住黎個雞翼配腐乳醬~呢個組合我真係第一次聽初頭未食既時候都驚隻味會好怪，但後尾食既時候先覺得呢個配搭係一流架！佢個醬唔會好重腐乳味，襯埋炸得香口既雞翼又估你唔到咁夾喎haha~推介大家黎試下呢個，等我下次返屋企都試下咁整先最後就係重頭戲Toasted Gai吐司雞啦~一上枱已經聞到好香，佢有toast with咖央 (my fav!)同埋炸雞翼(又係炸雞翼我地真係好鍾意食熱氣野)，等咖央慢慢溶落個toast到，再倒d syrup上去，omg超好味好耐冇食過咁好味既toast，同埋佢個炸雞係冇骨架，share黎食都方便d~我地3個女仔食咁多野、飲埋啤酒埋單每人都係百幾蚊，都唔算貴，值得一試~…Read More

又到星期五晚約朋友聚一聚既時間我地想食韓國野，咁有位朋友就建議食outdark，上openrice睇過好似都ok喎，就決定食呢間啦！我7點先收工，而朋友A好好人6點半就去左攞位，都要等一個鐘先入得可想言知間野幾咁多人~好彩我地7點半去到既時候朋友已經等到位啦我地未到既時候朋友已經叫左d野食，首先飲番杯柚子味既米酒先~佢d米酒係一大碗架，要自己分落隻碗到~柚子味既米酒飲落去好似柚子茶咁，甜甜地冇乜酒味，我好鍾意呀，岩哂女仔飲~之後我地仲叫多左個香蕉米酒，呢個酒味重d，飲落仲會食到d香蕉茸，一樣咁好味跟住呢個係自家製既飯團，一大碗飯+紫菜要自己包成一舊舊食，店家好貼心咁俾埋手套，咁就唔怕整到對手痴lup lup啦~呢個飯團都係好好味~跟住呢個係辛辣麵既物體~佢個樣紅噹噹，但食落又唔係好辣咋喎，都幾好食既，有d似自己係屋企煮既辛辣麵跟住呢個係我覺得全晚最最最好食既野！炸雞+薯條+薯格，唔好睇佢個樣好似普普通通咁，事實上你只要食左一啖就會停唔到口炸雞我地揀左甜酸味，佢炸得啱啱好又夠熱辣辣，個調味又好好味喎，可以話係我食過最好味既炸雞！至於薯條同薯格又係熱辣辣，上面仲鋪滿左芝士粉，呢個芝士粉簡直將d薯條既味道提升咗去另一個level，我幾乎想一個人食哂成碟咁滯，呢個真係冇得輸大家一定要叫黎試下~跟住我地仲叫左兩盤呢啲芝士鍋，一個跟雞肉一個跟豬仔骨，超超超好味！我之前係韓國食左個差唔多既芝士鍋覺得好好食，但so far係香港食到果d完全都冇韓國果種風味，而outdark呢度果個冇9成都有8成半，係超好味芝士溝埋d肉食，係好heavy但我唔理得咁多啦~~~我地仲加左年糕串，點左d芝士食又係好好味，大家記住要加呀！側邊仲有蛋、芝士粟米、泡菜同番薯茸，食哂成盤我地都飽到行唔郁啦整體黎講呢間野真係超好食，味道又夠正宗~環境都幾正架，黑黑地既環境播埋k-pop，鋪頭仲有oppa幫你夾野食，又係無得輸可惜因為太多人等位我地只係食得個半鐘，希望佢快d開分店啦，我下次一定會再黎！…Read More

一早係將軍澳食完個early lunch，行行下有d肚餓，又見到呢間cafe幾靚喎，野食ok唔太貴，就一個人走左入去lu~間野叫美心小品，原來真係美心集團旗下既，入面有賣simply life既蛋糕亦都有starbucks咖啡賣，一應俱全餐牌是咁的，唔算好多選擇，得漢堡、焗薯、All-day Breakfast、三文治、意粉同蛋糕，每樣3到4款咁有賣starbucks咖啡，平過starbucks，不過份量當然細d啦去到大概2:30pm，幾乎全場滿座，好彩我一個人易搵位開放式廚房設計，可以清楚睇到店員製作食物既過程，但地下同櫃放滿雜物，好似有d唔太衛生有賣4款蛋糕，都幾靚架，好似simply life都有賣叫左個小品芝士牛肉漢堡(+$8配薯條)同一杯熱咖啡~薯條好快上枱，超熱，但送上薯條果時冇附上餐具，我要走去廚房問店員拎刀叉薯條味道不太特出，普普通通。跟住上埋杯咖啡，exactly就係starbucks杯咖哩囉，冇特別期望所以冇失望~~最後到個漢堡，我2:39pm落單，2:55pm催單，到3:00pm漢堡先上枱，可能漏單啦漢堡份量比較細，適合女士/小童享用，雖然我平時大食，不過好彩呢個係下午茶所以夠飽；漢堡包有果仁，唔係坊間一般漢堡包，入面有芝士、番茄同牛肉，牛肉味道普通，口感有d過腍，整體不過不失啦~其實呢間美心小品環境幾靚，食物都ok既，係服務差左d囉，又漏單又要我自己去拎餐具不過佢價錢唔貴都可以再試既~~…Read More

是日去左東涌探個岩岩生完既媽咪，係佢屋企玩完bb之後走都差唔多6點，咁就決定同幾個朋友係附近食埋野先番屋企~原來諗住去東薈城食既，但經過樓下個商場果陣發現有間幾靚既西餐廳，價錢唔貴又唔使等位，於是就入去食啦~~門面是咁的，叫做"小洋蔥"，幾得意，裝修都幾靚喎我最鍾意呢幅洋蔥形狀既紅磚牆好啦坐低叫野食，佢個menu設計都幾靚架，好似份報紙咁，不過唔記得影相哈哈~我地三個女仔叫左四樣野食：先叫左個洋蔥湯，佢d洋蔥焗過架，個湯唔會話好重洋蔥味，仲跟左塊蒜蓉包，幾好味再黎一個洋蔥圈小食(叫左好多同洋蔥有關既野食添哈哈)本人最鍾意食熱氣野架啦，呢d香香脆脆既洋蔥圈簡直就係我既摯愛點埋個醬食，勁好味跟住我地叫左個香草醬雞肉扁意粉，呢個青bb既意粉我覺得普通啦，不過朋友一號二號都話好好食，成碟意粉就咁俾佢地掃哂不過份量都大碟既，而且48蚊算係幾抵食架啦~最後我地仲叫左個烤百里香春雞~呢個春雞係我成晚最滿意既，同menu張相冇乜出入，好大隻又烤得好靚，切開食熱辣辣，d肉仲好嫩口，唔會過老，值得一讚不過可能因為佢即叫即整，所以都要等一陣先上枱，想食就要俾d耐性啦~食完埋單係要自己去收銀處俾錢既，收銀個位都幾靚架，後面放左d雜誌同menu，好似個書報攤咁~我地三個人食四樣野，好飽！埋單都只不過係200幾蚊(竟然唔收加一)，每人70蚊咋，好抵食！咁既價錢有咁既質素，真係抵到笑我多口問個收銀姐姐其他分店開係邊，原來佢暫時得一間東涌店，好sad 仲諗住如果市區有分店我會再去捧場試下其他野食添~希望佢快d開多幾間啦~~…Read More

同朋友係尖咀食完韓式燒肉，個口有d乾，於是決定食埋個糖水先散band朋友介紹話呢間野個蜜瓜冰好出名，我又成日係facebook見到d人share張相，自己都好想試下，於是就決定去呢間野食啦~不過呢間冰庫好細間，所以等位都等左一陣，咁熱既天氣企係街邊等位真係攞你命三千一坐低唔使諗就叫左個蜜瓜冰啦！同我想像中既冇出入，個冰真係好鬼大個得我同我朋友兩個人食，好彩我地都好大食，係食得哂既本人超鍾意食蜜瓜，所以呢個冰真係啱哂我hehe~上面有一係蜜瓜雪條(真係韓國雪條黎架，我親眼睇住佢拆開個包裝)，我一個人鯨吞左(朋友唔食xd)，好好味！跟住下面就係一個個蜜瓜波波，上面仲淋左d朱古力醬，好清甜！食完之後我同朋友都飽到傻，真係值得推介…Read More

今日去左恆安果頭做野，諗住食埋飯先出返香港個邊，貪呢度食野平d嘛~行到恆安商場，一個人唔知食咩好，見到呢間米線營個裝修都幾靚，又唔使等位就決定入去食~行入去個陣見到呢塊黑板好得意，上面畫哂野咁，友營時間，好搞笑坐低見到個menu仲得意，設計到好似以前讀書果d校簿咁，咁岩隔離枱又有d中學生係度食緊野，唉原來我已經好老lu 睇下有咩食先，原來除左米線仲有飯食真係估你唔到~最後我叫左個咖哩魚蛋魚腐米線，因為咖哩湯底真係好少見，果日又熱喎於是我再叫左杯青檸梳打~先講米線先，咖哩同米線又幾夾喎咖哩湯底小辣，我呢d食唔到好辣既人都覺得好好味，而且米線腍度岩岩好，配埋個咖哩湯真係無得頂忍唔住要上黎寫食評讚一讚！魚蛋就普通啦冇乜特別，反而個魚腐又幾好味喎，夠彈牙，可惜得3件唔夠食至於杯青檸梳打都ok喎，夠解渴，飲落仲真係有d青檸味整體黎講呢間米線營都幾好食喎~d選擇又夠新鮮，以後食米線就唔使下下去咩譚X、X哥啦，食下呢d都好正如果佢開多幾間分店係我屋企附近就好啦~…Read More

放工想同班同事喺附近食野，行到元洲商場見到有好多食肆，咁我地有6個人想坐得耐d，就決定食呢間cafe 1950啦~~撞正晚飯時間好多人，我諗住攞飛啦，個receptionist唔知係咪新黎既，呆下呆下咁，佢要帶位所以話轉頭俾飛我，然後轉頭就冇左回事，要我提佢佢先醒水俾番張飛我:(好啦攞完位，因為我地6個人要坐張大枱，所以都等左成20分鐘先有位~一入到去見到裝修其實都幾靚，有心思，營造到好似一間causal既西餐廳咁，連d餐具都放左喺靚靚餐具箱入面，鹽同糖都放左係個好靚既可樂樽，值得一讚一坐低我d餓狼同事就即刻睇menu叫野食，由於多人所以我地決定樣樣都叫d先上小食，呢個燒雞翼普普通通啦冇乜特別，我媽咪整個d好食d呢個芝士肉醬薯條幾好食本人係非常鍾意食芝士同薯條既，兩者都幾夾，我自己一個食左好多呢個意大利飯濕左d，口感有d奇怪，唔太岩我口味，俾我d餓狼男同事分哂黎食呢個黑mung mung既墨魚汁意大利粉望落唔太開胃，又好似冇乜料咁，其實都ok既，唔難食但又唔係特別好食囉，食完個咀黑哂呢個燒春雞要講下啦~睇menu個圖覺得好特別，成隻雞插左落個啤酒樽度，好得意!實物上到黎都係插係個啤酒樽到既，不過隻雞超細隻囉同我睇到張相好大出入，6個人根本都唔夠分，而且插左落個樽到好難切黎食，得個樣靚囉豬手係我全晚最滿意既，好易切，皮脆肉嫩，好食！值得推介本人係好鍾意食baby back ribs既，不過1950呢個整得唔係太好食，有d硬，個汁又唔好食總括黎講間野裝修幾靚，服務一般，野食就不過不失啦~咁既價錢都唔好有太大期望…Read More