hkfoodiewithlove's Profile

朋友由英國返黎佢話想食啲高質嘅打邊爐，我見到唐坊有個豪華二人餐，佢覺得唔錯 ，就決定黎食啦。叫左個二人海鮮火鍋套餐，除左有海鮮仲有刺身拼盤，真係好抵食刺身拼盤有八爪魚，三文魚，希靈魚同魷魚，全部都好新鮮，份量都唔少。食完刺身啱啱好d湯都滾～同平時打邊爐唔同，個湯係可以就咁飲。我地叫左冬瓜瑤柱美腿鍋，係開始打邊爐之前先試左d湯，好清甜，感覺係真材實料唔係味精湯。飲完湯就到今日既重點海鮮拼盤，店員好細心提醒我地每樣海鮮要祿幾耐最啱🤤有5種唔同既海鮮，全部都好大隻好新鮮，海鮮控一定好滿足😌食完海鮮同刺身都開始飽飽地，再試埋手切特級牛同水餃就啱啱好😆嘢飲我地叫左椰子水 一路打邊爐一路飲夠晒fresh😙最後再食少少菜同烏冬就已經好飽☺️成間鋪都幾闊落，坐得好舒服，環境又靜靜地，同frd慢慢傾解食嘢就啱晒😋…Read More

📍 大苑子 DaYung’s被譽為全台第一水果茶店，標榜以100％天然水果茶現搾，絕不含濃縮果汁既台灣嘅過江龍 -- 大苑子係K11 art Mall開左佢第一間香港分店。現場設有少量座位，行街行到攰可以坐低飲杯水果茶。➖➖📌 台灣春熙柳橙翡翠 $36個人推介的必喝pick之一，用上柳橙加台灣百香果汁及金桔汁，茉莉綠妍茶底，3分微甜剛剛好，茶味淡淡清香，加埋天然果汁無得輸！飲完清爽解渴。➖➖📌 黃金珍珠紅茶拿鐵 $36拿鐵帶有自家特色，茶味唔算好濃，但唔會太甜，口感都幾順滑，始終都係偏好茶底濃多d。珍珠冇乜咬口個種，leighleigh都係偏好有咬口個種多d。➖➖📌 芒果鮮奶酪 $28逛了一早上，有點點肚餓，選了健康鮮奶酪填肚。用上特級鮮牛奶製作，面層鋪滿新鮮現切芒果肉，跟Panna Cotta有點相似，鮮奶酪口感扎實，好消暑➖➖地址：尖沙咀河內道18號K11購物藝術館B1樓B101A號舖…Read More

📍 響Hibiki五月多假期，再加上政府發的消費券，人人都在找節目消遣，為避開週末人多，我們選了星期二去響Hibiki提早食母親節大餐。➖➖📌 燒肉拼盤和牛拼盤有齊咁多款，每隻都有牌仔，可以記住邊款想食之後可以再嗌，有美國牛肋骨、澳洲和牛肉眼、澳洲和牛胸腹、澳洲和牛西冷，還有烤豚肉，雞翼，肉腸，菇，茄子。朋友是“牛魔王”，無肉不歡，油脂分布平均，色澤粉嫩，牛味濃郁，口感扎實。肉眼香濃肉味又充滿肉汁。➖➖📌 刺身拼盤刺身有北極貝，帶子，八爪魚，三文魚，吞拿魚，甜蝦，生蠔。三文魚同埋蝦都好新鮮。可以encore d 蝦同埋帶子➖➖📌 熟食熟食都同樣高質，天婦羅款式多多。令人喜出望外的是居然有榴槤炸彈，encore左多次既榴槤炸彈。➖➖📌 甜品晚餐仲送甜品，有movenpick雪糕，頗有驚喜➖➖地址：銅鑼灣渣甸街66號亨環2樓…Read More

疫情反復，社交距離收緊，晚飯不能堂食。自家菜餸雖說健康，少油少鹽少糖 ，但來來回回都是老媽的幾個菜式，吃都吃到悶。老媽也苦惱，不知做什麼菜式才合我們的口味。星期六下午到佐敦辦事，經過 寶靈街寶安大廈，看到陶園燒臘飯店的燒鵝，叉燒剛出爐，賣相令人垂涎三尺。於是要了半斤叉燒和燒鵝下莊。燒鵝下莊($130)覺得味道跟出名的深井燒鵝可以比較，醃漬的時間長，加上各種香料，鵝的味道琳琅發揮出來，肉質鮮嫩，我們欲罷不休，大家爭先恐後，三兩下幾塊鵝下莊就給解決掉了，还後悔買少了。叉燒($40)顏色平實，師傅給了全瘦的，對講究健康人士來說，瘦叉燒是首選。 相比起燒鵝，叉燒軟滑香甜，啖啖肉，既甜了嘴巴，又吃得開心。家裡如要加餸，不想自己花時間在煮食上，可以考慮陶園燒臘飯店的燒腊。…Read More

📍鬼金棒📌特製辣麻味噌拉麵(小麻小辣)一次試到幾乎全部配料的首選款拉麵～有兩塊叉燒一顆味玉一條玉米筍和少許芽菜蔥花芫荽(可走)湯底非常濃郁，選擇小麻小辣也不會太刺激！面是偏硬的日式拉麵，口感很好～塊狀的叉燒比平時的片狀更加滿足，夠鐘的炮製使得它非常入味還有一絲甜甜的味道，很好吃！味玉是半熟蛋，輕輕夾開，蛋黃緩緩流出，入口香甜。玉米筍和芽菜的點綴清新爽口，更豐富了拉麵的層次。📌芫荽辣麻味噌拉麵(中麻中辣)芫荽愛好者的心頭好，不過放心，芫荽並不會掩蓋拉麵本來的味道！為了吃的豐富還加了玉米筍和味玉，玉米筍量好多有七八條非常滿足！其他的配料都與特製拉麵相同，中麻中辣也不是特別辣！秘制調味粉每桌都會有一個小金屬罐，開始我以為是七味粉，不過聞起來應該不是。感覺是多重香辛料的混合，吃起來主要感覺麻麻的，很有特色，加入面中很適合重口味的我！是一家又足量又足味的拉麵店～…Read More

📍 Sensu好耐之前黎過呢個木系小清新cafe，木系店面配上冰藍色樹木，裝修雅緻，卡位舒適。佢地既下午茶都幾唔錯，又抵食。秋日既青の鵲舍下午茶盛惠$288/二人用，做Foodie member更可以$198優惠價錢享用。今次青の鵲舍用上三層鳥籠盛載糕點，更有乾冰的視覺效果。➖➖鹹點📌 墨西哥牛油果雞肉多士📌 茉莉花雜莓布列塔尼酥餅📌 明太子蛋醬三文治📌 開胃香檳黃金蝦開胃香檳黃金蝦非常有水準，炸得金黃，入口香脆，蝦鮮味十足。呷一口香橙柚子梳打，清新可口。墨西哥牛油果雞肉多士，香脆可口，表面鋪滿軟熟牛油果蓉及雞肉，軟脆交替，口感豐富，➖➖甜點📌 薰衣草芝士蛋糕📌 焦糖咖啡撻📌 香橙雲呢拿蛋糕📌 英式鬆餅配草莓果醬及德文郡忌廉薰衣草芝士淡而清香蛋糕綿滑順口，味道濃郁，甜味十足，脆餅底，完美組合。 焦糖咖啡撻外層鬆脆，內裡填滿甜蜜焦糖咖啡慕絲，入口苦中帶甜，有咖啡既nutty香。➖➖地址：荃灣楊屋道1號荃新天地一期UG樓78號舖➖➖人均消費：$140 (Subject to 10% service charge)好食指數：4/5抵食指數：3.8/5環境指數：3.5/5服務指數：3.7/5回頭指數：4/5…Read More

📍和牛燒肉一郎升職加人工請屋企人食飯，就揀左去之前去過既三郎燒肉既姐妹店 -- 和肉燒肉一郎。有唔同價位既套餐可以選擇， 今次就試左放題套餐C，包括了10款不同部位的美國和澳洲牛肉，2種日本雞肉，5類海鮮同蔬菜。餐廳按卡位設計，燈火通明，裝修雅緻整齊。➖➖前菜📌 沙律吧多達10種的沙律任人選擇，仲有唔同既涼拌前菜俾大家揀。➖➖肉類📌澳洲M9肩脊肉M9肩脊肉油花少但分佈均勻，肉質軟嫩中富有彈性，口感層次豐富香甜多汁，食完唇齒留香。➖➖📌 美國SRF級牛肉拼盤有和牛特選肉四種，有牛肋肉，里脊肉，牛小排同牛外橫隔模。脂肪比例最好係牛小排，燒到5成熟，拎上碟rest一陣，入口即化。➖➖📌 5款海鮮有帶子，魷魚、多春魚、螺同埋大蝦。最鍾意帶子，大大粒啖啖肉，仲好新鮮添。➖➖📌 甜品有好多口味既日本雪條，又有細細杯既甜品杯，食左楊枝甘露同木糠布甸，仲有北海道牛奶雪條，好飽啦，下次先再食過。➖➖地址：將軍澳貿業路8號新都城中心2期1樓1040-41號舖➖➖人均消費：$450 (subject to service charge)好食指數：4/5抵食指數：4/5環境指數：4/5服務指數：3.87/5回頭指數：4.2/5…Read More

昨天和朋友收工後來到銅鑼灣覓食，銅鑼灣食肆林立，面對著這裡這麼多的美食熱點一時不知如何選擇。當我地行到京士頓街離遠睇見間燈光火猛的” 天天海南雞”餐廳，我們決定試下這間連續三年獲得米芝蓮推介著名的海南雞飯。 這間餐廳分為三部分，戶外佈置了幾台精緻的餐檯椅，當天然涼爽時在室外就餐將會有另外的一番風情。餐廳前面部分是，在進內就是主餐廳。主餐廳內光線帶藍，牆上的裝修幾有心思和新意，頗有東南亞是異國情調。餐牌上所提供星洲和其它東南亞菜式應有盡有。我地2人點了天天海南雞，天天石窩雞飯、筋腩相連同和黃金大蝦。 天天海南雞整體份量搭配的很好，皮薄肉嫩的去骨雞肉配搭開胃黃瓜和湯，重有食海南雞特備的豉油同醬料。海南雞顏色鮮黃，油脂很少，雞皮鮮嫩細滑，雞肉已去骨隱見血絲，可見火候掌握恰到好處。搭配著豉香濃鬱，質感濃稠豉油，雞肉的皮下脂肪極少，食入口卻又滑嫩鮮美，即使是雞胸也絲毫不嚡。石窩雞油飯顆顆獨立飽滿，外表裹著一層金黃誘人的雞油，睇落已是垂涎欲滴，食後更是唇齒留香。 筋腩相連是餐廳秘製的炆牛筋同牛腩，離遠已聞到牛肉飄香。餐廳採用的是上等牛坑腩和牛筋，每一件都是厚切，大小均勻頗具份量。牛腩肥瘦適中肉味濃鬱，毫不黏牙。牛筋質地透明緊密如同啫喱，食落香腍軟滑，富有彈性膠質，回味無窮。 黃金大蝦菜式名字已經非常夠吸引，大蝦上滿佈金黃色的蛋黃，蛋黃鹹香惹味，蝦肉嫩爽甜。一邊啜著鹹香的蛋黃粒，一邊品嘗爽甜蝦肉，再加上一瓶冰涼的啤酒，真是一樂也！…Read More

📍 牛大人台灣火鍋吃到飽 終於到左8月既尾聲，到weekend只想好好慰勞自己一周的辛勤工作，食下好野舒緩壓力。次次想打邊爐都會諗起牛大人，相信大家都對呢間任食火鍋唔陌生，除左牛，丸類、直送手工漿同冷泡茶都好受歡迎。咁難得book到牛大人就緊係揀最貴個餐 -- $298既澳洲極上和牛吃到飽套餐。肉類、台式小食同手打滑類係用QR Code落單外，丸類、菜類同飲品都係自助區拎就可以。➖➖📌 湯底 -- 鴛鴦鍋 +$50作為麻辣控嘅C先生, 毫不猶豫揀咗麻辣湯底。可以揀大中小辣, 唔夠辣可以叫店員再畀多啲辣油。其實小辣會越煲越辣。另一個湯底就揀左阿嬤養生濃湯鍋，湯底係雞肉白湯黎，幾清，嫌麻辣太辣可以轉下口味。➖➖📌 澳洲和牛M5牛肩卷識食一定係狂食澳洲和牛M5牛肩卷啦！油脂分布平均，色澤粉嫩，牛味濃郁，口感扎實，厚薄均勻，香濃肉味又充滿肉汁，細嫩又有咬口，勁滿足。➖➖📌 火鍋配料章魚珍珠漿、澎湖花枝漿：用QR code點任點唔嬲，澎湖花枝漿爽滑彈牙，味道香濃，咬落好煙韌。炸午餐肉：厚切，口感幾好麻辣鴨血：好煙韌➖➖📌 澳洲M9和牛丸丸同肉方面都係好多選擇，花枝丸、海膽丸都好正。點左澳洲極上和牛套餐，每人仲送2 粒「澳洲M9和牛丸」添。大大粒，唔好睇佢其貌不揚，其實好有內涵。一咬係有牛肉湯汁爆出來，好彈牙。➖➖📌 甜品晚餐仲送甜品，有MOVENPICK杯裝雪糕同台中仙草凍供選擇➖➖📌 流水落花 +$48男朋友就加配咗一杯餐廳獨有嘅啤酒。花香味幾出。…Read More

​📍 三郎。燒肉替太后娘娘預祝生日，我們揀左去剛開張冇耐既三郎燒肉。尖沙咀新店主打糅合Omakase概念嘅燒肉套餐，位置方便，在尖沙咀L1出口對面既H Central。週四放工黎已座無虛席。 餐廳以日式佈置，優雅，恬靜，燈光柔和，給人一種好放鬆既感覺。整間店都係以燒肉為主，但通風唔錯，食完都唔覺好重油煙味。點左個『鳥亭』set加個和牛特盛，真係好好食。➖➖前菜📌 北海道粟米。日本小茄子。水雲先黎一份前菜，日本小茄子漬軟腍入味、北海道粟米爽脆清甜多汁，、水雲原來係海草既一種黎。➖➖肉類📌 鳥亭 $580三郎市場豚、雞、海鮮料理，好豐富。雞(阿波尾雞腿、中翼)、豬(鹿兒島黑豚里脊肉、黑豚肋肉)：雞肉肉質鮮嫩有嚼勁，夠肉汁，燒完都好嫩滑。黑豚肋肉肥瘦均勻，肉質柔嫩有彈性。海鮮拼盤有一隻大紅蝦、翡翠螺、魷魚，全部都好新鮮。➖➖📌 和牛特盛 $580有和牛特選肉五種，五款部位由廚師決定，唔係次次相同架。今次係西冷、三角腹肉、牛肋條肉、牛外橫隔模、臀肉。脂肪比例最好係三角腹肉，燒到5成熟，拎上碟rest一陣，入口即化。➖➖📌 燒野菜可以揀兩款，就揀左日本迷你蕃薯同粟米。日本迷你蕃薯細細粒，燒完好香甜，咬落好綿。➖➖📌  大蜆麵豉湯。素麵。日式蕨餅有不少份量既蜆，大大隻，洗得好乾淨，一d沙都冇。蜆肉鮮甜，但湯底稍微有點偏鹹。松葉蟹肉沙律好鮮甜，蟹肉份量都唔少。素麵湯底清甜，麵底有嚼勁。抹茶味同黃豆粉味蕨餅都唔錯，唔會太甜。➖➖地址：尖沙咀中間道15號H Zentre地下3號舖➖➖人均消費：$850 (subject to service charge)好食指數：4/5抵食指數：3.8/5環境指數：4/5服務指數：4.5/5回頭指數：4​.2/​5…Read More

📍鳳雛燉雞​一解思鄉之愁。餐廳位於​旺角彌敦道726號10樓​，會播住kpop mv。d song choice都好有sense，播左2pm oppa既해야​ ​해​ <3​​​➖➖Dinner menu有好多選擇，令人眼花撩亂。​識食一定係食鳳雛燉雞​(小辣)，咁先有夠正宗。​➖➖​📌​鳳雛燉雞 $248​嗌​​左小辣，​好大一盤，好足料，有雞之外​，​仲有洋蔥​​、​薯仔​、​蘿蔔同冬粉​。​濃濃​微辣既醬汁​燉到​無骨雞件同冬粉非常入味​。​雞肉無骨​，​肉質正常​發揮​​，​​唔係特別嫩滑​，不過真係好有韓國風味。​➖➖​📌​ ​芝士雞蛋卷 $88中間流心芝士唔算多，反而太多茄汁，雞蛋過熟唔夠嫩滑，冇燠雞咁有驚喜。➖➖​📌​ ​​青提​米酒​ $58​​味道好易入口唔濃酒精，連​男​朋友唔飲酒都係咁飲​。​➖➖📌 ​柚子燒酒 $58​夏天飲完真係覺得好正，葡萄柚口味好易入口，而且粉紅色​一杯​勁吸睛​。食落燉雞覺得辣都幾解辣。​➖➖地址： 旺角彌敦道726號10樓➖➖人均消費：$2​80​ (subject to service charge)好食指數：4/5抵食指數：4/5環境指數：4.2/5服務指數：4/5回頭指數：3.8/5➖➖ …Read More

📍 La Moo Moo' s Steak and Fries (灣仔)見呢間樓上扒房就係Pirata樓下，成日食Pirata都食到悶悶地，食lunch就試下新野。見佢lunch menu $98➖➖Starter 📌 Cesar salad and pumpkin soup Cesar salad 正常發揮，而Soup of the day 係南瓜湯，湯嘅表面加左葱花，都幾重葱味，加埋南瓜嘅香味飲落都幾特別➖➖Main📌 Black truffle cream pastaPasta好掛汁好creamy，食起嚟有淡淡嘅黑松露香味之餘亦都可以同時食都爽脆嘅細葱花，份量十足幾正➖➖📌 La Moo Moo’s Beef Burger漢堡會配埋薯條，包面同包底分別搽咗燒烤醬同千島醬，而半溶嘅芝士漢堡扒再嘅牛味香濃多汁，再加埋新鮮爽脆嘅蕃茄同生菜，令成個口感更加豐富➖➖Dessert📌 Chocolate lava cake with vanilla ice cream 賣相一流 ，而且上碟嘅時候重係好熱，一切開嘅時候重可以見到入面冒緊煙啊朱古力湧岀嚟，而朱古力香濃幼滑，甜度適中，配埋雲喱拿雪糕，呢個配搭真心冇得輸➖➖地址: 灣仔軒尼詩道239號18樓➖➖人均消費：$190 (subject to service charge)好食指數：4/5抵食指數：3.8/5環境指數：3.5/5服務指數：3.7/5回頭指數：4/5-…Read More

📍 Classic Creations CafeWeekend總要出街鬆一鬆，星期六當然要去cafe hopping一下！今次黎左西營盤新街嘅Classic Creations Cafe chill下。Cafe行工業風路線，牆上掛滿1980's 外國明星既彩畫，有MJ, Bobby Brown等巨星。咖啡店面積唔算大，但人唔算多，weekend坐係度睇下都唔錯。餐牌有好多素食選擇，pizza/ sandwich/ pasta with impossible meat都有。➖➖📌   Ribeye steak Sandwich $120  C先生個日未食lunch，於是嗌左個rib eye steak sandwich豪下先。黎到超大份，牛肉份量好多，肉味濃郁，肉質都幾嫩。面頭有茄汁同沙律醬配埋炒洋蔥，都幾開胃。仲有薯條伴碟，炸得好脆，好香口。➖➖📌 Chilli Cheese Fries $68口痕叫左個cheese fries。點知原來係肉醬芝士薯條。本身冇估到sandwich有薯條伴碟。黎到係大大一碗，肉醬係超級多，要撈勻一齊食先夠滋味。肉醬有芝士香同茄香，令人一啖接一啖咁食。➖➖📌Espresso Tonic $46賣相好靚，底層係Tonic，上層係espresso，層次分明。店員提醒攪勻個時要輕啲同慢啲，唔係會出曬氣泡。天時熱，飲完espresso tonic好解渴。➖➖📌 Creamy Black $44係比較fruity既豆，double espresso沖，層次好有趣，飲落都幾creamy滑口。➖➖地址:  上環新街15-17號偉裕樓地下B號舖➖➖人均消費：$130 (Subject to 10% servicecharge)好食指數：4.2/5抵食指數：4/5環境指數：4/5服務指數：4/5回頭指數：4/5…Read More

📍 Ground Zero而家差唔多日日都有new cafe alert，每間new cafe永遠都好多人打卡，好難好好咁坐係度enjoyan afternoon。今晚想靜靜地坐係cafe睇下書，黎到左Ground Zero chill下。Ground Zero由三位新手​創業家係牛頭角偉業街93號開設既cafe，位置唔算好就腳​，有7張檯唔算好大，行工業風路線，以綠色​為主色調，​加入了大量綠色元素​，​裝修都幾骨緻。➖➖​晏就3點去，​估唔到全場爆滿，等左15分鐘左右就有位啦，​檯同檯之間都有唔少空間，​感覺好chill好舒適​。​➖➖📌​ ​蟹肉​​闊條麵​ Crab meat ​Tagliatelle $158​嗌左要細份d，出到黎​份量​都幾​適中，⁣​闊條麵​好有咬口，好creamy​​​，蟹肉份量都幾多，食落好creamy，仲有魚籽做配料​，口感層次豐富​➖➖📌  蒜油辣椒虎蝦闊條麵  Tagliatelle with Tiger Prawns Aglio olio $138​呢個更合leighleigh口味，真係食到蒜香味​好​足，辣味帶點麻味​，​而且仲有​5隻大大隻又juicy既​虎蝦，​食落好彈牙​口感​好​豐富​。➖➖📌 Hot chocolate $42好有顏值既Hot chocolate，個拉花好靚，原來係獨角獸，都畫得幾生動 。朱古力味好濃郁，奶又打得好smooth。可可愛好者有福了。➖➖📌 ​Espresso Tonic​ $46​好有顏值​，​層次感好正。咖啡豆係自家烘焙，偏nutty，好有咖啡既香味​。夏天飲真係好正。​​➖➖📌​ ​Baileys · Mousse Cake  $48有別於平時蛋糕既形狀，味道、質感比想像中出色​，​食到明顯既香濃​baileys味，​質感幼滑細膩，加埋鬆脆餅底​一齊食好有口感。微酸​既​士多啤梨​同藍莓中和左蛋糕既​甜味。​➖➖📌​ ​​Tiramisu $​58好​高質​，甜品迷一定要試!​好大杯，​可以​兩個人share​。​Lady fingers ​鬆軟​似海綿蛋糕​，​​marscapone cheese好幼滑​，酒味都好濃。淨係黎食呢杯tiramisu都值!​➖➖地址：觀塘偉業街93號7樓01-02號舖…Read More

​📍 顏府御膳二訪呢間高質樓上中式私房菜啦！位於銅鑼灣cubus嘅5樓，差唔多成棟大廈都係餐廳，有omakase，鐵板燒同中菜。顏府御膳既菜式採用新鮮食材，調味手勢好好，唔會覺得好鹹，走比較健康嘅路線。餐廳環境寬敞，檯同檯之間分隔幾開，每張檯都有隔板同搓手液，服務好貼心。➖➖Dinner menu有好多選擇，令人眼花撩亂。對上次食過嘅某啲菜式念念不忘，今次都係嗌左兩樣上次食過嘅餸➖➖📌 金沙脆豆腐 $98​表皮很薄亦炸得​唔錯，帶有少少脆口又​唔​會油膩，內裡豆腐非常​嫩​滑，而且有豆香，加上薄薄椒鹽調味​，非常可口。​➖➖📌 ​​尖椒皮蛋 $108​去親米線店都必食之選。​呢碟高級版既​尖椒皮蛋面頭灑上好多碎辣椒，香味濃郁，真係幾辣下，配上軟綿綿既皮蛋，幾開胃。​➖➖📌 淮山炒和牛 $208 上次食過，今次都要再食！和牛肉質軟硬適中，大大片，好嫩口，份量都好多！炸過嘅淮山好似薯仔咁好食，仲有好多菇做配菜，好爽口，呢碟菜口感好豐富。➖➖📌 合掌瓜馬蹄無花果煲豬腱 $98完全真材實料，夏天飲完真係覺得好正，落左紅蘿蔔同合掌瓜味道好清甜，湯渣都可以食埋，夠曬清熱解渴。➖➖📌 XO醬炒法國豆角 $98用XO醬炒好惹味，有少少香辣，會令人不停咁食，送飯一流➖➖地址：銅鑼灣開平道1號Cubus 5樓…Read More