一粒砂糖's Profile

:(:(:(:(:(:(我只想講 ... 真係極度唔好食 ... 舊cream ... 食左1啖就丟左 ...下面個蛋糕我食晒 ... 不過係舊冇味既蛋糕 ...唔鬆唔軟 ...睇怕就算有人請我食我都唔會再食 ...美心的西餅比佢更加有吸引力 ...而且價$係佢既一半呢 ...:(:(:(:(:(:(…Read More

兩個朋友返到香港 , 一直講 : 點都係香港好!佢地總係要抱怨響外國消費好貴 , 所以早就決定左回到香港要食回多國菜補數 !好啦 , 今天出左旺角 , 純粹只係為左行下 , 帶埋佢地試不同小食 , 因為我好鍾意小食所以我帶路 ,食到5成飽大家行到好累所以迫住搵地方食晚餐+坐 ,佢地突然話要食thai food , 於是立即打比朋友仔叫佢上openrice search下mk有乜thai food結果就去左呢個真心泰國菜館。話說佢係響"朗晴坊" ! 唔親眼見倒都估唔到 " 朗明坊" 係生成咁既樣我地上左2樓就到左要用餐既地方 ,入到去見都幾忙幾多人 , 應該野食都唔會太差...3個人叫左2人餐 , 菜名唔太記得 , 但就記得有...1)炒通菜2)豬頸肉3)咖哩雞4)蟹肉炒飯5)烏頭魚先講講通菜 , 真係幾好味 ! 可能又因為我地想食菜&太耐冇食thai food之後既豬頸肉都過得去 , 肉質麻麻地 , 不過個sauce拉返分咖哩雞既雞好滑 ! 好彩簡左雞咋:) 不過食到呢度已經開始覺得辣又不停飲水炒飯係非常普通既炒飯 , 唔似thai food , 食得最少係呢樣 ! (食淨晒)烏頭魚都好好味 , 好多我鍾意食既料 ... 不過我認為味道不及強記食過的明爐魚 !而凍檸茶就非常唔掂 , 似蜜糖水 ! 早知叫可樂算數...3個人笑笑鬧鬧傾心事 , 坐左好耐 , waiter不時自動自覺加水 !甜品係黑芝麻西米糕!?食落係似大菜糕....本來總期待係"煙un"口感架....:(2人餐3人都食唔晒(2女1男)不過突然食到泰國菜令我心情真係爆晒燈呀... …Read More

先講一聲生日快樂 ...已經第2次和你過生日上年的生日...我只做了個blue berry cheesecake給你...今年我選擇了和你到ruby tuesday食晚飯這是第一次試ruby tuesday ,太習慣了到中式港式地方 , 向來都是2人3菜..4人5菜的方式 ,所以今次也叫了3款..不過這種美國式餐廳的份量真是....超多!!結果係食淨了很多...我們點了1個小食拼盤 , 海鮮闊麵和肉眼扒...真的每一樣都很惹味...小食拼盤有雞翼..薯皮...炸芝士...同埋洋蔥圈雞翼的bbq醬味道好獨特...炸芝士的芝士更係拉到半米長都唔會斷....平靜的渡過了這一晚...今天是你的生日...應該係我哄你開心...結果整晚都是你在找話題...我也沉默得連自己都覺得奇怪...因為家裡放了已經焗好既朱古力千層蛋糕...所以沒有再order甜品...waitress小姐真係好有禮貌...提議我join vip可以有50% off...我經過考慮之後都係冇join到...因為我都仲未決定...將來日子仲有冇機會同你黎食飯...…Read More

好可怕的一餐 , 吃完這餐離開之際看到門口又排了條長長的人龍 ,也許香港人人云亦云 , 也許是我點錯了菜式 , 總之我點的3樣都很差 ...時間早 , 唔洗排隊 , 坐低點了三款食物 , 西冷牛PIZZA , 蟹肉煙鴨胸炒飯 , EXP多多拼先來的PIZZA還可以 , 很香脆 , 但面頭的牛不像西冷牛。不過雖說是PIZZA , 其實是不飽肚的:)只能當成小食 ...然後是蟹肉煙鴨胸炒飯 , 這個飯係凍既 , 蟹肉我敢打賭份量係少過5G。冷冰冰又油膩 , 跟本不想吃。最後上的EXP多多拼 , 最好味的是圖中底部的2粒大魚蛋 , 佢左手邊的炸軟殼蟹卷係苦的 ...豆腐太咸 , 中間有枝棍(其實係蔗黎)的果舊其實同大魚蛋冇分別。串燒OK...但亦係凍既...一D都唔熱...埋單$2XX , 1D都唔值咁GE 價。我一定一定唔會再去。離開眼見門口咁多人排隊...真係....唉.............. …Read More

" 兩份三式 , 一份辣一份唔辣 , 另外要大麥精同大檸各一 ! 唔該 "真係好耐好耐冇抽時間黎食明記腸粉 !! 好懷念呀 ...今天帶了肥瓜來試明記腸粉 , 坐低便向老闆娘落order ! 老闆響入面切腸粉做唔停手 ...這裡的腸粉自己落醬 , 落多多都冇人話你:)從前吃腸粉不會落甜醬 , 一點也不落 ,還記得很久以前托肥瓜買一份腸粉給我 , 我提醒他不要加甜醬 , 他還是加了 , 結果我發脾氣嬲了他很久 , 想起也覺得自己自私及幼稚!!我的腸粉醬比例是 : 舖滿碟的芝麻 + 4匙花生醬 + 2匙甜醬 !!每次吃後淨下的醬汁也是濃濃的 ... 一份三式 , 就是腸粉魚旦豬皮 ! 只售$12 , 大紙包飲品$6 , 只有舊式的如麥精 , 荳奶 , 檸茶和菊花茶。它的腸粉很幼滑 , 很軟身且不易散開 , 魚旦如果叫不辣會有很重的果皮味 !!豬皮也比較爽口 , 不過本人較喜歡稔一點的豬皮。明記的花生醬開得較稀 , 但很滑溜 , 喜歡花生的人多加一點吧:)如果再有時間吃早餐 , 必會再到訪明記。…Read More

仲記得第一次食係同屋企人 , 而家成日帶各種朋友仔黎食 !上次同肥瓜大快活打邊爐意猶未盡...今次同肥瓜瓜又黎新廣發開餐 ... 一定食餐飽 ...夜晚7時半來到新廣發 , 先提提大家 , 為了方便添野食 , 一定不可以著高爭鞋及露趾涼鞋 因為地下經常濕淋淋 (雖然定時有人拖) , 又會比人踩 ...急不及待去拿取食物 ... 可以逐塊肥牛簡係呢度既好處 ... 哈同埋可以每樣丸都拎一粒 ...主攻海鮮同肥牛 ! 今晚有蝦有瀨尿蝦同蟹 !! 好多膏 !!因為好易比人清晒 , 所以唔好太晏先黎呀 !!基本上材料都係新鮮 , 而且好難講話D野好冇食 ... 因為煮幾耐係自己定不過肥牛一定唔係雪花果D架喇 ... 而係一邊肥肉一邊瘦肉果種貢丸 , 墨魚丸 , 白魚蛋都比較出色 ! 結果每人飲左4,5枝汽水呀 !!…Read More

沙爹王開業多年 , 但我是今年才開始成為它的fans ,我每個月也會光顧最少一次 , (另一原因 , 因為它的現金劵限期只有一個月 ... 哈哈 )和親愛的二家姐來到山東街沙爹王 , 她對上一次食已經是8年前的事她說當時的沙爹王仍是快餐店形式呢 ! (就是要自己買票取食物)我們order了龍蝦湯$15 x 2 , xo醬炒蘿蔔糕$42 , 芝士焗什菌$3x , 鮮芒果蝦沙律$29這裡的每樣菜式也做得很好 , 招牌白咖哩豬扒的香濃味道更加不可能在別家店吃到。可惜二家姐已經戒了吃豬肉 , 今天只有點了別的菜。龍蝦湯比較稀身 , 本人比較偏愛濃郁一點的湯 , 雖然味道很好 , 但口感被我扣了分。xo醬炒蘿蔔糕的份量很多 , 多得已經不能當作小食 ! 沒點飯和麵是正確的 , 這個份量要3-4人分著吃 ... 味道不錯 , 但沒蘿蔔味 , 而且不夠辣 ! 可能太吃慣了自家制的蘿蔔糕 ! 哈哈芝士焗什菌以前也有點過 , 每次都能製作出一樣的味道 ! 真利害 ,其實芝士只有面頭一層 , 底下的是忌廉汁 , 也總比其他餐廳在底下放一大堆薯茸好 ...鮮芒果沙律實屬健康之選 , 材料只有簡單的生菜 , 芒果 , 蝦。但伴以白醋及檸檬汁後 , 十分醒胃 , 比起用卡路里頗高的沙律醬做的沙律 , 這個好味又健康得多 !因為每次也會送現金劵的關係 , 所以習慣了每個月也來光顧一次 !今次也用了$12現金劵 , 埋單都係$13x左右:)好味 , 環境好 , 服務好 , 屬旺角平價餐廳之一。…Read More

第一次黎呢度開飯 , 事關肥瓜平時返工會叫外賣都係叫呢間 , 話晏晝野食唔錯 , 所以今晚黎試下佢ge晚餐。行入去有卡位坐 , 坐低睇食乜 , d野食都幾貴 (茶餐廳黎講)。落單ge時候個啊姐可以寫寫下去左幫隔離台落單lor (隔離台疑似係熟客)真係搞笑 ...結果叫左 :芝士焗雞扒意粉$35 + 餐飲可樂 + 西蘭花什菌炒斑片 + 凍檸茶 $3先上例牌味精湯一個 , 飲左2啖已極為口渴 ...肥瓜的西蘭花先到 , 賣相吸引 , 不過食落好似有味精 ...而我ge意粉好耐先上 ...有2大塊雞扒 , 煎得好脆好好食 , :)但個意粉係用淡忌廉芝士煮成 , 味道淡了一點 , 過得去啦。應該唔會特登再返黎食 ... …Read More

其實一向都唔太鍾意大快活 , 平時都會去大x樂 , 覺得冇咁"行貨"但係朋友話大快活新出果個特盛牛‧豚鍋好食 ! 琴晚就去左試 :)果然食得我好滿足好滿足呀 !慣左7點左右食晚飯 , 雖然好想等到佢 8:30 後特價 , 火鍋料買一送一 , 但個肚等唔倒。所以決定一人一鍋。特盛牛‧豚鍋$50 x 2 (送1公升巨蜂提子汽水一個鍋配上 4 層配料 : 最面層有玉子豆腐 , 餃子 , 唐好菜及娃娃菜 第二層有黑豚肉粒及黑豚肉切片 第三層有牛肩肉粒及肥牛切片 最底層有烏冬一客本來怕一人一鍋太多了 , 後來發覺都係可以塞得晒入個肚。湯底我嫌唔夠濃郁 , 所以自行再加上茄汁3大包。雖然呢個鍋冇港人鍾意食ge丸丸 ,但係個鍋主角係牛同豬 , 食物頗算新鮮 , 唯牛肩肉粒未完全溶雪 , 夾起係痴埋晒。而烏冬似上海麵多d , 拉麵亦似平時食開ge冷麵口感。隨鍋附上醬汁一個 , 分別有胡麻及果醋醬油。2樣味道一般不算出眾。感覺像吃了一個多料多餸的烏冬麵 , 而價錢也只須$50 , 實在超值。還定時有人主動替你個鍋加水 :) 大公司果然服務好d。我諗呢個冬天我仲會去幫襯呢個鍋多幾次!!!…Read More

見佢新開冇咩生意都想支持下 ... 但佢d 野食真係又貴又麻麻 ...:(呢個月第2次去食 , 今次帶左2位朋友仔食 , 不過令到全體人員失望 !坐入去依然冇客 , 不過就好多員工 ... 員工有禮貌 , 次次都有笑容d朋友諗左好耐食乜 , 我就一定食紅豆沙 + 湯圓紅豆沙$12 + 3粒湯圓$9 + 牛奶味雪花冰$29 + 腐竹意米糖水$12朋友ge腐竹糖水 , ok冇咩特別 ...不過另一個朋友ge 雪花冰就好恐怖 , 可能食慣糖百府大大份啦!!佢呢度ge 真係得糖百府ge 4份1 ... 仲要d料勁求其 ...醬配了焦糖 (勁少) , 罐頭菠蘿 (勁少) , 蜜糖星星 (勁少)味道係冇問題 ... 但係$30 ... 冇可能比呢d 咁ge 貨呱我個紅豆沙湯圓 ... 湯圓係勁細粒!!!!!!! ... 雖然好處係3粒都可以簡唔同味 ...不過紅豆沙太甜喇 ... d 糖味仲勁過紅豆果種香味 ...湯圓每加一粒要$3 , 又細粒又冇餡:( 完全感覺係極差 ....真係唔得呀!! 冇下次喇!! 唔會再浪費金錢 ... …Read More

呢間築地 , 開響舊築地ge對面 , 本來係做一d革新ge日本菜式 , 但係生意淡薄做唔住 ,d人寧願簡返對面舊築地慢慢排都唔食呢間。後黎轉左做外賣壽司舖 , 最平果陣好似$20有10件 , 但亦都過無耐又轉形 ,而家食住個勢開糖水舖 , 變左 築地創作料理。糖水由中式傳統糖水 , 台式雪花冰 , 西式多士仔 , 以至港式咖哩魚蛋雞翼尖都有 , 岩晒為食多變ge香港人:)為左尋找最好食ge紅豆沙撈湯圓 , 試過上水舖仔糖太宗 , 試過全港都有分店ge滿記甜品 ,今次試左呢間剛轉形生意未穩定兼且冇熟客ge築地。平時行過都幾多人 , 今日冇人 , 真係好奇怪 , 因為星期一同區某間糖水舖屬休息日 , 仲以為呢度生意會因此變好 ( 睇下相 ! 間舖冇客人 ! )我一早已經決定食咩糖水 , 而肥瓜就叫左榴槤飄香。熱蓮子紅豆沙$13 + 兩份湯圓( 4粒 ) $10 + 榴槤飄香$30肥瓜個榴槤飄香整果陣已經好香 , 黎到依然冇令人失望 , 實物同圖係一樣:)榴槤味好重 ! 入口即溶ge口感相信響熱辣辣ge天氣食一定更加透心涼 !質地類似榴槤味ge沙冰 , 夾雜住粒粒ge西米同埋柚子肉 , 中間ge榴槤茸更加令人愛不釋手 ...不過$30貴左少少 ... 如果賣$25更好啦值8分呀佢!!( 本人不停與男朋友搶食 ! )紅豆沙比較遲黎 , 因為佢寫明製作需時 ... ( d 湯圓 )份量好大碗 , 用一隻高身既白色碗載住。我用湯匙一撈 , 紅豆沙夠杰身不特止 ,仲發現d湯圓係勁大粒 ! 有d 似自己響屋企搓果d 但係d紅豆全部淨返晒d皮 , 如果可以有一粒粒紅豆咬下會更好...呢個紅豆沙值8分 !食得好滿足 , 下次ge 紅豆沙撈湯圓 , 應該食邊間呢 :)? …Read More

以前條街冇咁多高質素台式飲品店 , 想飲珍珠奶茶一定會先諗起仙踪林 / 仙x岩 。度度都總有一間 , 又可以坐 , 下午茶加多幾$就有小食。同朋友傾計一定唔會簡麥cafe , 因為d呀叔呀嬸最鍾意買個超值套餐就入麥cafe坐 , 仲大大聲講野 ...好耐冇來此仙踪林 , 與半年冇見的朋友charing入到黎就坐低 , 因為人多 , 迫住坐近大門的位置。本來想留返個肚食老豆煮ge晚餐 , 但係加多$4有個吐司實在太抵 , 又抵受唔住甜野ge誘惑 , 叫左野飲同吐司。香芋晶球奶茶(細凍)$22 + 金莎朱古力吐司$4事關飲得街邊珍珠奶茶多 , 今次試下d 新野 , 香芋晶球奶茶。原本想叫熱ge , 但因為偏愛用壺沖ge熱飲 ( 呢1點仙x岩就做到! ) , 呢度冇 , 唯有飲凍架啦 ! 香芋晶球奶茶 , 味道岩岩好 , 不過 d "晶球" 就同我想飲中有d 出入。首先佢唔係球狀啦 初初仲以為會係爆珠 ,但食落好似係切到好碎ge大菜糕。金莎朱古力吐司依然好吃 , 朱古力醬夠不會姑寒 ! 一傾就傾左 2 , 3 個鐘 ... 其實 d 奶茶要同台式飲品專賣店 比 ge 話 ,係冇得比 ... 人地 $10 大大杯又勁多珍珠 , 仲要好味d ,但呢度有個位比你坐嘛 ! …Read More

好似係同肥瓜第一次食香港仔魚蛋粉 , 以前對呢間野冇咩好感 (冇得解果隻) ,但而家覺得佢D野食其實係唔錯ge。肥瓜病要食清淡野 , 食魚蛋粉最好啦 ! 香港仔魚旦粉d位都幾好坐 , 又有tv睇。肥瓜唔知食乜好 , 就跟我叫豆苗餃 , 佢跟米線 , 我要淨食。再嗌炸魚皮同野飲。招牌xx豆苗餃(淨食)$23 + 招牌xx豆苗餃米線$20 + 炸魚皮 $12 + 熱柑桔檸檬$9 +柚子蜜$9佢先黎ge係炸魚皮 , 不過冇湯上wor , 可能佢見我地有嗌粉麵就當我地浸落碗麵食 ...不過都ok唔大問題。呢度d豆苗餃淨食一碗5粒 , 但佢1粒已經大到好似我手掌咁 !又好好味 , 好多菜響粒餃入面 , 健康滿分 !:)不過肥瓜話麻麻地 , 可能唔岩口味。至於炸魚皮 , 好薄身 , 我鍾意厚身少少多d。底果d全部都碎濕濕 ...野飲沖得比較淡 , 不過茶餐廳慳皮 , 都預左。呢餐都食得幾開心又滿足。咁平 ! 又食到咁飽 …Read More

因為你 , 我無疑改變了很多。例如我愛上了你愛吃的海鰻壽司。沒骨氣的我 , 說完分開又要約你出街。其實已經習慣了你放假我都會陪你出外晚餐 ,而我放假我卻總是獨自在家 ...下午收到你的訊息說正在openrice上漫遊 , 又提及想試試元朗的酒泉 ,或是很久沒光顧的青森二丁目。我又開口問你要不要出外晚餐 , 因為我總是等不到你的主動。你的精神不佳 , 故我們決定留在上水晚餐。約晚上7點 , 青森店內只有兩台客人 ,我們坐下 , 點餐點了很長時間 ... 兩個沒主意的人坐在一起很麻煩 ,永遠把選擇權推到別人手中。不過我們清楚必定要吃的是拖尾三文角壽司 ,現在堂食還有優惠價。然後點了原條海鰻壽司 , 我是因為你才變得愛吃鰻魚的 ,這讓我們每次去到日本餐廳都一定會點有鰻魚的東東 ,不過還是覺得這裡的鰻魚是最好吃 ! 再隨便點了其他食物 ... 喝喝熱茶 , 等著食物到來解救我們沉默的埸面 ...拖尾三文魚壽司$15(2件) X2 , 原條海鰻壽司$26(2件) , 朝鮮牛肉鍋燒飯$47 , 烈焰一口卷$32(6件) , 日式燒蠔$48(4件)先來的當然是三文魚壽司 , 三文魚切得又長又厚 , 令我回想起上次在元氣吃的三文魚壽司。元氣的三文魚壽司薄如廁紙 , 沒鮮味沒甜味 , 飯亦是一夾上手便隨即散開 , 但仍然每晚也有長長的人龍排隊去被它搵笨 , 究竟他們是貪佢就腳還是未吃過好吃的日本菜?這裡的三文魚壽司飯還是暖暖的 , 會嚐到淡淡的醋味 , 又不會讓我忽略了珍珠米的飯香和軟熟的口感。海鰻壽司登埸了 , 看著它令我心兒砰砰跳 , 腦海裡跑著那段初嚐清森海鰻壽司的記憶 : 那時我不抱任何期待一口咬下去 , 立即嚐到那香熱的鰻魚和燒汁帶給我的衝激 , 那是我第一次感到鰻魚是這般惹人垂涎。這次的鰻魚一樣軟滑 , 一整條放入口裡 , 讓醬汁停留在齒頰之間 , 感覺除了滿足 , 就是滿足。把3件壽司塞進肚皮後 , 本來暴食的慾望被緩和了一點 , 但是 , 當侍應把一鍋熱騰騰的牛肉鍋飯放到我面前後 , 我的手已經不自覺的那起杓子盛飯 ! 翻開滿佈鍋面的片片牛肉 , 白飯淋上泡菜辣汁 , 洋蔥與辛辣的氣味交替傳來 , 吃一口 , 再吃一口 , 實在停不了手。打了生蛋的飯滑溜溜 , 紛紛溜進了我的肚子。牛肉份量略少了點 , 要不是我正減肥 , 必會與他出現爭食情況。把鍋飯解決了一半的時候 , 侍應生同時呈上了日式燒蠔及烈焰一口卷 , 我還差點對侍應生說 : 我們沒點這個 ! (我指著那6件壽司) , 因為它們的樣子一點也不 " 烈焰 " 。我懷疑它們改錯名字了 , 要不是侍應生補了一句 : 你們點的烈焰一口卷 , 我會衝口而出要他把那碟壽司拿走 ......燒蠔真的很大隻 ! 比我想像中大多了 , 不過一點也不像燒蠔。沙津醬很多 , 還配有些雜菜 , 芝士量卻很少 , 太酸了 , 比例不對。一點也不好吃 , 如果它是第一碟呈上的菜 , 我會對這餐廳扣分的。而那烈焰一口卷其實沒有特式 , 但我又一次吃到它們的醋飯 , 實在太出色了。內裡的餡料猶如加州卷 , 上層有芝士及芝麻 , 八爪魚 , 很便宜又好吃的一款壽司。抬頭發覺店內已經坐滿人 , 為了不佔據著位置 , 多坐一會便離開。侍應生送上包裝可愛的雪米糍兩大粒 , 啊 ! 甜品啊 , 這一餐完全滿足到我 , 讓我不禁微笑著走在店舖。有這麼一刻 , 我不得不承認 , 我腦海和我的心 , 都不是百分百愛著你 ,有這麼一刻 ,我的心只有青森二丁目。 …Read More

我也不知道他在想什麼 , 因為他從來不對我說他的感覺。也不會主動提出假日的去處 ,所以我又開口了 , 又開口問他要不要去試新開張的糖水店。從來只有我出主意 , 然後他同意。走進小店 , 只有一張大桌坐了人。員工老闆都很親切帶位 , 推介甜品 ,本想點個湯丸 , 但看圖並不太吸引 , 於是點了個椰子味河粉配芒果 ,他的河粉點了黑加倫子味。椰子味河粉配芒果$30我愛吃爽口彈牙的河粉 , 曾在太和甜品工房吃的河粉是很爽口的 ,這裡的卻沒口感 , 沒什麼味道 , 是我的標準變了嗎 ? 就像我們之間也變質了 ?原本 , 芒果配椰子會很好 ...沒什麼特別的一碗糖水 , 份量是很多沒錯 , 比起上水其他的甜品店大碗多了 ,不過 , 跟香甜二字無緣。或者我們也無緣了 ...這裡的裝修很好 , 桌椅也是實木做的 , 坐得舒適。沒太多人流卻可讓我與他再坐一會聊聊天 ,不像其他糖水店吃完急著走。但我們吃完便走了 , 只因我們之間沒話題了 ...我再也說不出 , 我對你的總總要求。躲於街角裡的小店 , 也許滿適合快要分手的情侶 ,至少 , 我掉下眼淚也沒人察覺 ; 猶如沒人察覺到這間新開的糖水店。 …Read More