好似係同肥瓜第一次食香港仔魚蛋粉 , 以前對呢間野冇咩好感 (冇得解果隻) ,
但而家覺得佢D野食其實係唔錯ge。
肥瓜病要食清淡野 , 食魚蛋粉最好啦 ! 香港仔魚旦粉d位都幾好坐 , 又有tv睇。
肥瓜唔知食乜好 , 就跟我叫豆苗餃 , 佢跟米線 , 我要淨食。
再嗌炸魚皮同野飲。
招牌xx豆苗餃(淨食)$23 + 招牌xx豆苗餃米線$20 + 炸魚皮 $12 + 熱柑桔檸檬$9 +柚子蜜$9
佢先黎ge係炸魚皮 , 不過冇湯上wor , 可能佢見我地有嗌粉麵就當我地浸落碗麵食 ...
不過都ok唔大問題。
呢度d豆苗餃淨食一碗5粒 , 但佢1粒已經大到好似我手掌咁 !
又好好味 , 好多菜響粒餃入面 , 健康滿分 !:)不過肥瓜話麻麻地 , 可能唔岩口味。
至於炸魚皮 , 好薄身 , 我鍾意厚身少少多d。底果d全部都碎濕濕 ...
野飲沖得比較淡 , 不過茶餐廳慳皮 , 都預左。
呢餐都食得幾開心又滿足。咁平 ! 又食到咁飽
