警告大家：極度難食！！朋友生日揀咗嚟呢度食飯，但係食物質素真係差到食唔落。我唔介意去寫千字文話俾大家聽，啲正評全部都信唔過。我地4個人去食，叫咗4個set dinner，基本上大部分款式都俾我地叫齊晒，當中其實有唔少項目係要額外加錢的，人均食咗$400左右，但提提大家無論係要加錢定唔使加錢：全 部 都 係 伏 😀 唔好抱有任何希望覺得加咗錢係會好食啲，都係一樣咁難食，由前菜一路伏到落甜品其他嘢先唔講，講咗最嚴重嗰碟嘢先：甜品-巴斯克芝士蛋糕一擺落口已經聞到陣酸臭味，頂唔順作嘔即刻lur咗🤢🤢懷疑係雪櫃放咗幾日/室溫放咗成日，同行朋友都話食到有怪味，其中一個朋友食完肚痛。食物安全麻煩留意一下以下係詳細食評：前菜-是日餐湯上菜嗰陣見到碗嘢係半透明濁黃色已經feel到伏，根本就係一碗粉溝水，如果矇住眼嚟飲根本飲唔出係咩味。碗湯由頭放到尾大家只係飲咗一半，去到上甜品嗰陣由於甜品太難食，其中一個朋友想飲啖湯清一清個口，點知拎起隻匙羹見到碗嘢成兜水泥咁一pat pat…前菜-炸牛油果條完全意義不明，又話牛油果條、但出到嚟係半月型一楷楷，個炸漿冇調味、牛油果又冇調味，total 5舊牛油果但上面得幾滴沙律醬，又冇另外跟一個醬，真係唔知食緊啲乜，成兜嘢都冇味前菜-鴨肝醬多士上面啲鴨肝醬係ok的，不過我估都係買返嚟架啦，所以就算好食都唔關餐廳事。下面舊「多士」唔見咗，因為下面只係得一舊濕濕地嘅法包仔，不如你話返俾我知咩叫多士先前菜-水牛城雞翼面頭啲醬ok，但隻雞翼食到去中間芯勁大陣雪味，肉質係實的的咁，我地淨係食咗個表皮就丟咗冇食了飲品-玫瑰花白茶朋友話：好似飲緊花露水咁。加咗$58好似倒錢落海，早知飲可樂算飲品-Made of Gold飲落好似美祿，但係一杯$58的美祿，仲要飲落勁多粉好似未開勻就加冰咁主菜-新西蘭肉眼扒食落勁大陣鬆肉粉味，加埋啲啡色蒜蓉汁落去簡直就好似茶餐廳雜扒餐一樣，只不過呢度食貴啲。揭開塊牛扒睇啡有咩配菜，原來底下係有5大塊形狀不一嘅蕃薯，似係蒸完再焗嘅味、但係冇任何調味，就係熟咗嘅蕃薯，毫無誠意可言，好似求其攝啲嘢落去撐起塊牛扒咁主菜-燒豬鞍可能係全晚最正常嘅一道菜，豬肉有少少騷味但可以接受，配菜調味不足但起碼啲蕃薯粒粒係有少少糖漿響面頭主菜-雞卷雞肉少少霉，中間啲芝士好奇怪、冇乜芝士味又粉粉地主菜-蕃茄牛尾意粉朋友覺得正常質素，但個人唔太鍾意，個蕃茄汁太水、調味不足、蕃茄風味亦都唔太夠，啲牛尾（肉碎）好似用水烚出嚟咁、中間芯係冇味的甜品-是日甜品 朱古力布朗尼唔似布朗尼，似蛋糕仔多啲…但個味都過得去甜品-心太軟配雪糕首先嗰舊灰白色嘅球體根本唔係雪糕，而係嗰啲食落好似cream嘅扮雪糕物體，擺咗勁耐都冇溶過，到底係咩西餐廳咁cheap俾啲咁嘅嘢出嚟？以為我去咗食放題添。心太硬個外殼好濕，味道還好甜品-巴斯克芝士蛋糕（很重要所以重覆再講多次）一擺落口已經聞到陣酸臭味，頂唔順作嘔即刻lur咗🤢🤢懷疑係雪櫃放咗幾日/室溫放咗成日，同行朋友都話食到有怪味，其中一個朋友食完肚痛。食物安全麻煩留意一下…Read More
