Polypoly Law のプロフィール

旺角平民美食推介可以係旺角坐滿人既餐廳，水準一定要高。見到呢間成日都咁多人食，我又去試下先。環境光猛，大量卡位可坐。丼丼丼，雞，牛，魚，豬，乜都有食具一套包好，感衛生乾淨加＄16蚊就轉到套餐，有飯有小食有野飲每個丼都有酸薑片、海帶、蛋絲，伴飯一流。原條鰻魚丼鰻魚肥美厚切，再加個蜆肉青瓜涼伴菜，食到舔舔脷。一口牛丼蒜片牛柳粒，牛柳粒咬落去爆爆爆汁，配埋蒜片一齊食，味蕾至高享受。呢個價錢竟然可以食到咁高質既一口牛，太感動了。天氣咁凍，飲碗䁔笠笠既湯最舒服套餐加$8，有碗辣湯煮藍青口。味道偏辣，青口惹味。而且一啲沙都有，清洗得好乾淨。黑蒜濃湯煮蜆，都係套餐加$8。蒜味香濃，蜆肉鮮甜。雖然size唔大，但蜆肉份量都幾多，唔會話得兩三隻。飲品都係要左味贈湯海帶豆腐很足料，湯也夠熱，飲完真的很舒服。又平又好食，唔怪得坐無虛席。…さらに見る

放大假，冇出遊，想食返餐好既慰勞自己。朋友於是帶我去長沙灣食鐵板燒，聲稱又平又抵食喎。間舖入口係青山道，荔枝角站行過去不用十分鐘，都好易揾。約左六點，準時開門。地方唔算大，整間舖日式裝潢，以木色為主，有個大壁畫，充滿日式風情。沒有坐吧枱，因為坐餐桌還舒服。佢哋好細心，二人枱都會放多張椅，方便擺袋擺除行物品。選了一個二人餐。車海老の - （二人前）＄648包括咗沙律、大蝦、比目魚、安格所牛肉粒、野菜、炒飯和味噌湯沙律用左和風醋，好開胃比目魚煎到兩面都金黄色，魚皮煎得香脆可口，但魚肉質仍好保持到鮮嫩。烹調時間既控制和手法值得一讚。牛油煎大虎蝦色香味俱全。賣相吸引，蝦香撲鼻，讓人垂涎欲滴。大蝦拆殼起肉，每隻再細分為三份，方便品嚐。啖啖厚肉，肉質彈牙爽口。調味恰到好處，唔會過咸。蝦頭經特別處理，蝦頭拆開再煎香，大量蝦膏蜂擁而出，精華之所在，滋味無窮。安格斯牛柳粒size剛好，一口一件。牛柳粒煎到五成熟， 肉質粉嫩岩岩好，唔會有筋亦唔會靭，配埋炸蒜一齊食，牛肉味道層次更豐富。野菜加入了牛油和蒜粒，椰菜切絲略炒，簡單得黎又好食。炒飯珍珠米配上蔥粒、蛋、櫻花蝦。飯粒炒得幾乾身，粒粒分明。飯中的蝦米仔令整個炒飯更香口。整體不覺很油膩，唔會成口油。飲埋有海帶同豆腐既麵豉湯，咁就完滿結束左呢一餐。埋有海帶同豆腐既麵豉湯，咁就完滿結束左呢一餐。…さらに見る

放工啦，去食烤魚啦行過見到呢個宣傳口號，吸引左我同朋友入去，一於Happy Friday night呢度原本係酒樓，一板之隔，分左任食邊爐區和呢邊既烤魚區。地方不是太大，但有卡位坐。而且通氣好，不會煙霧彌漫。雖然唔係任食。可散叫或二人餐，一樣食到飽。二人餐都好抵食，優惠價$368。包烤魚鍋或雞煲，肥牛或黑豚肉一份，田園併盤和薯粉或烏冬一份。㨂左食招牌酸菜烤鉗魚。朋友唔食得辣，所以只要左BB辣。條魚好大，有斤幾重，長過隻筷子。二個人食一定足夠。原條鉗魚上，開邊，放便享用。只有大骨無細骨，可以大口吃。肉質較結實不鬆散。食得暢快。鍋入面仲有很多配菜，豆卜、大豆芽和娃娃菜。吸滿晒酸菜湯，BB辣都一樣咁好食。兩個人食完條魚都有七成飽了。食到咁上下，職員會主動加湯和幫你換碟。自動波，要讚。睇到份肥牛就想吃。色澤鮮紅，油脂分佈均衡，是新鮮靚貨。油脂在舌尖慢慢滑入喉嚨，滿口都充滿肥牛既鮮味。很滿足。田園併盤，有生菜，粟米，蓮藕片，蘿蔔和薯仔。粟米很甜，菜也很鮮嫩。另外再單點左藤椒脆魚皮和必食燒烤徂合。意外驚喜，串燒竟然跟埋個火爐上。可以保持肉既温度，吃起來更美味。份量也很多，有雞軟⻣，牛肉，雞心，海蝦，豬頸肉，脆肉瓜和雞皮。每種有兩串，二人份。$88超抵食，冇改錯名，真的叫必食燒烤組合。藤椒魚皮不是周圍都可以吃到。難得見到，一定要試。魚皮精瑩通透，魚皮下沒有留下多餘既脂肪。口起來很爽脆，但有一定口感。辣度無得揀，比起個BB辣既酸菜魚辣得多。因為係藤椒關係，辣啲都正常。朋友竟然為了它，紅燒孖膶腸嘴也要繼續吃。叫返兩支支裝可樂解下辣兩個人吃咁多野食，同食放題真係無分別，大家都棒住個肚走。大滿足。…さらに見る

今日約左廚藝有四十年既朋友去揾食，真係唔正都唔去，勁開心。我地去燒蝦蝦食午市放題。呢度主打留水蝦，海鮮和肉類一樣任食。限時二個半鐘，又玩又食，時間唔多夠。可以食耐啲就好啦。自助形式，分左海鮮區，肉食區，蔬菜區，熟食區，飲品區和甜品區。午市關係，人流不多，可以慢慢揀食物，唔使搶。地方很寬敞，全卡位形式，坐得舒服。抽氣很好，没有油煙味。冷氣也足夠。不會吃到成頭汗。枱面有個Gas爐，一層式，火力勁，可以自己調較。有兩個大桶，一個放冰，啲蝦咁生猛紮紮跳，一定要攞冰做冰桶去凍暈啲蝦。一個就放食完既殼類，個桶半滿，職員就會換新既。枱面仲有大量濕紙巾供應，非常細心。座位側就是流水蝦缸。缸內有數十隻生猛既游水蝦，唔夠可以叫職員refill. 啲蝦真係好新鮮，蝦肉結實彈牙，蝦膏倒瀉而水，仲可以揾到蝦籽添。海鮮包羅萬有，生蠔、鮑魚、扁貝、帶子、貴妃蚌、蕃薯蜆丶海螺丶大蜆、原條魚都有得攞。好似去左海鮮檔。鮑魚不得了。比想像中大隻，鮮甜美味，肉質彈牙。直接再放架上燒，可以做到邊脆肉嫩既口感，正。貝殼類大大隻，又新鮮。都算洗得乾淨，無乜沙。咁多酒咁多蜆，一於發揮創意，除左用清酒煮，試下梅酒煮，士多啤梨酒煮。最好味係士多啤梨酒煮，又甜又香，有蜆既鮮甜味，亦有士多啤梨既香甜味，好好食。原條魚係咁燒都係第一次。好在朋友係到。開皮，落調味料，燒十五分鐘，即成。鹽燒魚，開皮燒，很鮮甜。再試下加檸檬乾，陳皮，蒜泥一齊燒，泰式風味出晒黎，正。唔講以為真係有大廚整比我食。材料新鮮，仲有個咁堅既朋友，大飽口福。食海鮮都食到飽，所以我放棄肉食區。但都燒返啲蔬菜平衡返既。燒菠蘿，必食。厚切又甜又香，爆汁呀。菇菇都係好juice,調個汁放上去，又係另一種食法。燒大蔥，原來只吃入面最青綠最嫩既心，長知識了。等待期間可以去熟食區拿野食。鹽酥雞粒，泰式蝦餅、蒜蓉粉絲蒸蝦、冬蔭功湯，薑汁糖水。大胃皇仲可以自己揀麵淥，幾過癮。飲品都有好多款。汽水，生啤 、真露、自助斟清酒、梅酒，連花茶都有。我地就充分利用左呢啲花茶材料啦。甜品款不多，不過都可以過下口癮。除咗雪糕雪條仲有朱古力糯米糍、豆腐花、切餅、生果。朱古力糯米糍好食，煙煙韌韌，唔會太甜。食返啲生果沖洗下味蕾。西瓜和提子都很甜。2.5個小食，下眼就完。佢地完來做緊推廣，早一日定位，午巿可以食足四個鐘 ，咁就正啦。…さらに見る

朋友介紹人和月，做緊中秋優惠。我黐住佢可以有拆食火鍋放題，點可以唔食！呢度地方都幾大，有好多卡位，坐得舒服。抽氣好，不過最緊要冷氣勁，可以一邊嘆冷氣，一邊打邊爐，享受一下。呢度一次過滿足食烤魚和打邊爐。先㨂食雞煲定烤魚，我地就㨂左食麻辣烤魚。原條鱸魚上，開邊放便享用。條魚好大條，魚肉結實嫩滑，唔多骨。人面仲有啲配菜，豆卜、萵筍和娃娃菜。啲配菜吸滿晒麻辣湯，超刺激。兩個人食完條魚都有七成飽了。食完烤魚再食火鍋。有A-E餐，㨂左最平既A餐，精選牛肉吃到飽。精選牛肉一啲都唔差，有牛板腱、牛胸爽、牛舌心、雪花肥牛和牛下肩。最愛雪花肥牛，油脂分佈均衡又不會過重，牛味濃。湯底八選一，㨂左少見既椰青香茅青檸湯威。 好有泰菜feel，味道青新，淡淡椰香味淺嚐味道酸酸地，係青檸味。個湯底幾特別親未落料，飲左碗椰青湯，清下個味蕾再食過。 自助區拿火鍋配菜，雖然款式不多，但有我愛吃既皇帝菜和勁爽口既水魷，響鈴更加要食。火鍋食物質素高，自助區既熱食都一樣吸引，一啲都唔馬虎。招牌豬頸肉、麻辣蘿蔔牛腩、蒜香金沙骨和高原香酥肉更昰必食。尤其是麻辣牛腩，大大件，肉質軟腍 ，出面少有。飯後甜品唔單止有雪糕仲有豆腐花仙草、喳咋、時令生果和超吸引既台灣芋圓。任食芋圓好滿足，煙煙韌韌好過癮，唔會太甜，伴雪糕，仙草食都得。出面飲品櫃自取，有汽氺和花茶，凍涼解渴。估唔到仲有支裝可樂飲添。整體食物很滿意，尤其是精選牛肉。無諗過最平既餐可以食到咁高質既牛肉款。而佢哋嘅服務都好好，上菜和收盆子都快手。仲會提你last order，超貼心。加埋中秋優惠，超抵食！…さらに見る

出左消費卷，今日決定去觀塘血併。不過要填包肚子先，午巿放題就最岩啦。大喜屋係駱駝漆附近，又近地鐵，非常就腳，岩晒。十二點開始，但未夠鐘已經排晒人龍，好誇張。佢分開兩條隊，一條隊食放題，另一條隊食定食，唔好排錯。午巿放題好抵食，二百零蚊位。地方很大，大量卡位，坐得舒服。我同朋友一個用QR code落單，一個出外面自助區拿食物。 務求食盡每分每秒。自助區都有好多野食，海鮮，熟食，沙律菜，生果，糖水和甜品都有。食物種類多到數唔晒。冷盤海鮮有凍蝦和花甲，非常鮮味，勁搶手。刺身一大盤，三文魚、油甘魚、吞拿魚、希靈魚、北海道帶子、象拔蚌、赤貝、花海哲、赤蝦和甜蝦…….最驚喜係花海哲刺身，又滑又爽口，很美味。手工壽司賣相精緻，配搭新穎，一 口一件，一個用味道也不錯呢。手卷也要吃。海膽同飯既比例近乎一比一。海膽非常鮮味，滿口都是海膽獨有既香味，好食到要再叫過。燒菠蘿和脆肉瓜必點，多汁好吃。燒羊扒有我手掌咁大，大塊得誇張，又厚身，味道也很好，不會有過重既羊羶味，好吃。一向喜歡吃魚，呢度有燒鰻魚，鹽燒鯖花魚，燒比目魚，同埋仲有薑葱爆鱔球，正到不得了。圓滾滾即榴櫣炸彈，好吃到停不了，外脆內香。 冰糖龍眼併陶膠，糖水超足料，仲落左紅棗，不會太甜，不過食左好飽。飲品除了汽水，紙包飲品，咖啡機沖咖啡，檸檬茶，還有清酒和手工茶。 佢哋仲好貼心有暖櫃，有暖既紙包飲品和罐裝咖啡，讚👍🏻。服務也很滿意，收碟和上菜快過我張嘴。一座底就完全冇停過，食足三個鐘。 朋友話雖然好滿足，但就飽死了。…さらに見る

食左幾年，喜歡佢地即牛坑腩，半肥瘦，牛味濃，口感佳。但原來只限堂食先有咁高質既牛坑腩。話說木蘭到訪，八號波就未見但雨就係咁落。所以買外賣返屋企同家人一齊食算。點知出事，我嬲到另晒啲外賣返去。我要米線冇米線，變左米粉～》算數！我當落單聽錯！我喜愛既牛肮腩，睇見好失望，黑人問點解九成係肥膏黎既？？？同之前堂食既質素非常大出入，發生乜事？～》算！我當我黑仔，食左碗米粉醫肚算數。點知屋企人突然大叫，望下佢碗魚蛋魚片米粉。㖇！乜加左料既？？成碗粉得佢粒黑色外來物，一眼就睇到佢啦！仲有腳呀喎！！！喂呀，呢個外賣真係唔得羅！落住大雨我都要令返去比店家睇。出街揾過第二啲野食算數。店家最後退返錢比我，不過道歉同解釋都冇。咁唯有同你講拜拜👋👋👋…さらに見る

平日放假，就是 要一邊嘆冷氣，一邊打邊爐，享受一下。地方都幾大，坐位舒服，抽氣好，最緊要冷氣勁。肉、浦、團、盛，四款套餐可揀。要左個中位價既套餐～團$198/位湯底揀左壽喜燒，愛佢既甜味同時又可以中和油膩感。頭盤鮮牛送上來時好震撼，感覺尤如牛間仙景，仙氣飄逸。頭盤：牌~牛肋條肉、生板腱、牛脛脊、牛五花肉、安格司牛小排。每份鮮牛還附有名牌，就像讓仙女用作點燈之用。仲可以知自己食緊咩，好貼心。最喜歡食安格斯牛小排，小小肥肉，特別香。澳洲M5和牛牛肩胛，好大塊，差唔多有手掌咁大。之後用QRcode落單，有唔同部位嘅牛，豬，雞⋯海鮮有海蝦、原隻魷魚仔和廣島蠔。無限落單，Yeah!!!北吉廣島蠔，都幾大隻，乾淨無海水味牛滑和蝦滑，爽口彈牙出面仲有自取配料，丸類高質，貢丸都有數款，芫茜貢丸、香芋貢丸、芥未貢丸、黑椒馬碲貢丸。芥末貢丸最刺激，好食。蔬菜好新鮮，最驚喜係有貴價冰菜，仲有我愛吃既鮮准山，蟲草花、萵筍。出面飲品櫃自取，有汽氺和花茶，凍涼解渴。整體食物質素都唔錯。尤其是牛，款式多又新鮮。而佢哋嘅服務都好好，上菜和收盆子都快手。最後仲會送上窩心既卷蛋作甜品。我同朋友都坐得舒服，食得好開心。…さらに見る

係油麻地百老匯電影中心睇完戲，想近近地係附近食埋飯，但又要坐得舒服啲，有啲情調既，呢間紅煮意餐廳係首選。地方唔算太大，而且都好full下，醒目既就book定位。相信呢度最吸引既，就係有live。但只限星期六晚。不過，冇live都唔緊要既，因為一整晚都有Mirror既歌陪住我食飯。餐牌選擇多，要肉食既或清清地既菜式都有。可以單點或跟餐，跟餐都係多廿零蚊，抵食好多。忌廉蘑菇餐湯，法式烤包個湯都幾creamy，忌廉味濃。麵包香脆，有少少蒜蓉味，暖暖地，唔錯。Daily Fish海鹽燒鱸魚配薯菜鱸魚切件上，肉質細緻鮮甜，沒有魚腥味，也不易散開。醮點香草忌廉汁，更加好吃。薯菜可轉飯或意粉，我冇轉，因為係薯餅。香脆可口，好過食薯條。蒜香大烤菇炒意粉大烤菇好juice, 好香蒜味和菇味，好夾。意粉軟硬剛好，有少少咬口，但又不會太硬。香蒜既味道味道完全滲透進意粉裏。材料簡單樸素，但整個意粉令人反覆回味。餐飲可以揀指定果汁，今晚係Apple juice，樽裝，都幾特別。未試過呢款樽裝果汁，唔會太甜，有陣陣蘋果味，飲完可以幫助消化。呢度環境都唔錯，飯後靜靜地坐下，同朋友吹下水，好舒服。…さらに見る

新開茶記係彌敦道，地鐵站附近，地點方便新裝修，有卡位，坐得舒服$43一份歐陸早餐，四選一，當然揀西冷牛扒啦牛扒雖然薄啲，但質素唔錯，筋位集中係一邊，都易切易食。牛角酥外脆內軟，陣陣牛油香。可惜沒有併入芝士火腿，失色不少。德國腸仔，感覺像吃台灣腸，較肥多油。細細條，不會吃得太油膩感。嘆埋杯港式奶茶，好滿足。茶香味濃，不會太甜。岩我唔口味。回頭率甚高，下次見👍👍…さらに見る

今日去 大埔 踩單車，路過龍尾村， 喺村口見到有 一間日式餐廳，應該係新開嘅，之前都唔覺有，決定入去醫肚。有室內室外位置， 日式裝橫，室外仲有個人工流水式瀑布，很有風格，一於坐室外，吹下自然風，慢活一下先。食飽先 有力氣做運動，所以決定食日式 火鍋。 安格斯牛小排火鍋$538 湯底係壽喜燒，除左牛小排另上外，啲蔬菜配料早已放滿入鍋里面，吸滿了湯汁，分外鮮甜。牛小排都好大份，色澤鮮血，油花分佈均勻，肉質鮮美嫩滑，食得很滿足。火鍋仲跟四點刺身 一份。無得揀，由師傅發板各兩件。有池魚， 油甘魚 ，三文魚和鮑魚 。新鮮肥美。鹽燒黑豚肉串$32/串半肥瘦既黑豚肉肉串，肉質軟腍，脂肪部分更燒到脆卜卜，有點像吃豬油渣既感覺。加點檸檬汁，更能帶黑豚肉既鮮味。燒原隻魷魚筒$88原隻魷魚筒上，賣相很吸引。放入口，肉質爽口富彈性，越嚼越吃出它的甜度和味道。燒雞軟骨$48份一份有三串，香脆又有嚼勁，低食。巨峰梳打$38食火鍋點可以無凍野飲！不過唔飲汽水，飲佢地自製既巨峰梳打。唔會太甜，有清新既提子香甜味，好正。入大尾督無得燒野食，咁改食日本野羅，冇話唔得呀，一樣係可以保充能量。有機會試下佢地既午餐先，睇落都唔錯。…さらに見る

今日難得同細妹一齊放平日，一於去食燒肉放題慢慢嘆。色彩繽紛既坐位，韓式既裝潢，地方濶大，坐得舒服。同埋最緊要抽氣通風系統好，無油煙味👍枱面有本堅......厚既點菜薄比人剔剔剔點菜落完order唔使3分鐘卜，啲食材就送上黎。快手👍👍肚子叫，叫左個熟食一口牛食住先。沙爹汁好惹味，一口一件非常正。再試左幾款前菜，菠菜和泡菜，一個清新一個酸辣，兩種味道。呢度服務一百分👍👍👍👍職員超細心，講解左開爐燒肉要注意既事。原來張牛油紙變黃代表爐夠熱，可以開始放食物落爐燒。燒魚，蔬菜，有淹料食物，一定要放係牛油紙上燒。又上左一堂😄😄佢仲要邊講解邊示範。即係有人燒埋比你食😂😂😂肉，全部都係肉，正呀😍😍😍職員話，靚肉係唔需要醮調味料，最多都係落下海鹽。不過，我就乜都無落，要吃原汁原味，燒得好，啲肉肉都可以好juicy 呀😋😋😋😋牛小排，大理石，翼板牛排，韓牛，安格斯肉眼扒.....樣樣都咁正，色澤鮮紅，鮮嫩有肉味。仲要有高手出手，我地今次真係有口福啦😁😁😁呢塊巨型牛，大個我塊面，好誇張。職員幫我地將佢剪細，仲好細心咁剪走埋啲肥膏，方便我我地享用。豬頸肉，五花腩，雞翼，韓式雞肉點可以唔試。用左韓式醃料調過味，特別係豬頸肉，醃得好入味，雞肉也很嫩滑。雞翼單骨拆開，方便食用。生菜包肉肉係我喜歡既食法。啲生菜好新鮮又大塊，放啲肉，再放啲配菜落去，正👍👍👍呢度仲有得燒海鮮，有大蝦，魚塊，青口，帶子，多春魚，藍青口和魷魚翼。燒魚原來要每邊燒15分鐘，中途唔好搞佢，要有耐性。職員話，要食好野係要付出既👌😂😂咁先可以燒得好靚好好食。佢真係無講錯，多春魚條條都完整無缺。魚塊外面燒到金黃色，脆卜卜，外脆內軟，超正，真係估唔到可以燒到咁出色。海蝦好大隻，啖啖肉😋😋😋青口都好大隻，無沙燒帶子時間控制得很好，有點入口即溶既感覺。多謝職員既高超技術👍👍食到咁上下，就係燒蔬菜既時侯。慢慢燒，真係唔急得，但係值得。最愛燒脆肉瓜，勁多汁。燒粟米，好甜好味。四季豆就一般，感覺燒得太乾，失敗左。食左咁多野，當然要飲返啲野解下喝。可以飲湯，茶，或者汽水啤酒。試左個韓式雪濃湯，大量蘿蔔和肉條，清甜好味。有茶包既玄米茶都好飲，消滯解喝。飲飽食醉，最後食埋啲雪糕咁就完滿啦。雖然得二隻味，但個乳酪雪糕好鬼正，酸酸甜甜，食左佢三杯，回晒本😁😁😁…さらに見る

黎staycation ，食埋佢既dinner buffet 😍生蠔，長腳蟹，凍蝦，東風螺唔使講必食但熟食都好好味用QR code落單，有專人令過黎比你食推介食帶子，東坡肉，好有水準甜品都正，馬卡龍，檸檬撻。。。。高質超值…さらに見る

23樓既高質西餐呢度室內室外既景觀都係咁吸引室外室內都有大形壁畫，很吸引。室內有一邊是一整排落地玻璃窗，從23樓望著旺角景色，加上點點燭光，好有氣氛，有另一種味道。呢度有加一服務，但環境和服務一流，換碟加水都好快手。又會主動提供新碟比你share main course，值得。黑水橄欖麵包、粟米麵包粟米包甜甜的，還有粒粒松子。黑水橄欖麵包屬咸包，味道清新。吃起來口感溫暖，外脆內鬆軟，塗上牛油吃更可口。吞拿魚他他+紅菜頭蓉伴牛油果醬多士吞拿魚切粒，伴青瓜粒，蕃茄粒和少量沙律菜，好清新，很突出原材料的味道，吃得出吞拿魚的鮮。多士也鬆脆好味。是日精選餐湯係忌廉湯，很濃郁又creamy，仲有粒粒麵包粒，增加口感。主菜香煎法國鴨胸伴香燈燒汁 $458鴨胸切片連皮，不覺油膩。一條條香橙絲，讓鴨肉也滲滿香橙味，慢慢細味會吃到淡淡的橙香。伴碟既柚子粒，紅椒黃椒，珠豆，剛好可以中和鴨胸既油脂。黃色薯蓉，有牛油香味，很飽肚。法式海皇鍋 $488材料豐富，有大蝦，魚，貝類和魷魚，底部還有薯蓉。份量足夠share食。醬汁帶有鮮蝦味，整體味道不濃烈。自家製白桃乳酪慕絲蛋糕甜品控一定要試。外貌精緻，口感幼滑清新，味道不錯。睇又好味，正。餐茶我們只要了熱檸水，讓味蕾保持清新，不會影響食物既味道。…さらに見る

秋高氣爽去行山，之後食火鍋，擦餐勁，每年既例牌動作。今日行完龍虎山，落中理揾左間樓上火鍋店。之前係旺角分店試過佢地既一人鍋，感覺唔錯。今次就同朋友一齊散叫share黎食。呢度地方好大，中式裝潢。雖然食火鍋，但沒有煙霧瀰漫既感覺。例牌活動，自製獨家醬料😄湯底＜祖傳麻辣鍋＞叫左小辣，麻但辣度一般。不過預左陣間食菜，所以辣度其實剛好。餐紙寫住可以用優惠價追加蜂巢豆腐和鴨血，點知佢地張餐紙係寫錯左既！！！係免費追加呢兩樣餸。YO YO YO, 可以任食我喜歡既豆腐和豬紅，太幸福啦。好多餸都可以揀order全份或半份👍👍👍可以試多啲菜式😋件鴨血大過隻匙蜂巢豆腐掛湯力非一都二，吸滿麻辣湯，好刺激。響鈴（半份）必吃邊爐食物，快靚正😚😚佢地有個甜酸醬可以醮。不過，個人覺得原汁原味已經好好食。極品安格斯肥牛（半份）色澤鮮紅，紋理清晰，油脂不多，口感一流👍👍👍特級牛脷托（半份）鐘愛食牛脷。雖則呢片牛脷薄切，但冇左我對佢即既鐘情😂😂脆鯇魚片 （半份）有細骨，但可以接受。魚片新鮮，但如果可以再脆啲就更好。酒糟五花腩 （半份）酒糟五花腩放係乾冰上，冒住陣陣煙霧，好誇張。建議腩肉只灼三十秒，灼一灼就得左。腩肉很入味，酒香肉腍，正👍👍四寶餃併盆（一份）有水餃皇，魚皮餃，韮菜餃和雲吞。岩晒貪心既我一次個試晒咁多款。每款都好正，皮薄餡靚，鮮蝦大大隻，豬肉入味。娃娃菜（半份），皇帝菜（一份）菜很新鮮，乾淨。最緊要唔使我洗就有得食，因為皇帝菜好鬼難洗既😆😆食麻辣又點少得可樂呢☺️甜品呢個甜品超驚喜。一來又係免費送，二來賣相好吸引，三來係超級好食。腐竹沙冰真係第一次食，凍涼得黎好清甜，有淡淡既腐祝味。喜歡食腐竹糖水既人一定要試👍👍👍👍👍呢度要收服務費，值既。佢地都好主動加湯，上菜又快，仲有咁多免費美食添。…さらに見る