呢度地方都幾大，有好多卡位，坐得舒服。抽氣好，不過最緊要冷氣勁，可以一邊嘆冷氣，一邊打邊爐，享受一下。
呢度一次過滿足食烤魚和打邊爐。
先㨂食雞煲定烤魚，我地就㨂左食麻辣烤魚。
原條鱸魚上，開邊放便享用。
條魚好大條，魚肉結實嫩滑，唔多骨。人面仲有啲配菜，豆卜、萵筍和娃娃菜。啲配菜吸滿晒麻辣湯，超刺激。兩個人食完條魚都有七成飽了。
食完烤魚再食火鍋。有A-E餐，㨂左最平既A餐，精選牛肉吃到飽。
精選牛肉一啲都唔差，有牛板腱、牛胸爽、牛舌心、雪花肥牛和牛下肩。
最愛雪花肥牛，油脂分佈均衡又不會過重，牛味濃。
湯底八選一，㨂左少見既椰青香茅青檸湯威。 好有泰菜feel，味道青新，淡淡椰香味淺嚐味道酸酸地，係青檸味。個湯底幾特別親未落料，飲左碗椰青湯，清下個味蕾再食過。
自助區拿火鍋配菜，雖然款式不多，但有我愛吃既皇帝菜和勁爽口既水魷，響鈴更加要食。
火鍋食物質素高，自助區既熱食都一樣吸引，一啲都唔馬虎。
招牌豬頸肉、麻辣蘿蔔牛腩、蒜香金沙骨和高原香酥肉更昰必食。尤其是麻辣牛腩，大大件，肉質軟腍 ，出面少有。
飯後甜品唔單止有雪糕
仲有豆腐花
仙草、喳咋、時令生果和超吸引既台灣芋圓。
任食芋圓好滿足，煙煙韌韌好過癮，唔會太甜，伴雪糕，仙草食都得。
出面飲品櫃自取，有汽氺和花茶，凍涼解渴。
估唔到仲有支裝可樂飲添。
整體食物很滿意，尤其是精選牛肉。無諗過最平既餐可以食到咁高質既牛肉款。而佢哋嘅服務都好好，上菜和收盆子都快手。仲會提你last order，超貼心。加埋中秋優惠，超抵食！
