Foodieamew's Profile

今日舊同事請食升職飯，嚟到中環做決定咗去食一間手制意大利粉既西餐廳，原來好多年前我喺尖沙咀都有食過呢一間餐廳。好彩同事book咗位，所以入到去就有位坐唔使等，間餐廳都好full吓。餐牌頭盤就選咗一個吞拿魚他他同埋凍肉切盤，份量都幾大，同埋幾好食。主菜就揀咗一個肉醬千層麵同埋黑松露意粉。個黑松露意粉，d意大利粉咬落都幾有彈性。個千層麵就好重牛肉味。飲品方便我就嗌咗杯生啤，同事飲紅酒。食物質素同尖沙咀嗰間都一樣有驚喜！下次可以再試吓其他。買單兩個人$500，都唔算太貴…Read More

Bubu 係我平時都好中意食既一間cafe! 係正我屋企樓下，唔使5分鐘就可以行到過去。呢一間係一對夫妻經營嘅西餐廳叫做bubu, 平時會有個小女孩係餐廳度好乖咁食野做功課同玩，我諗佢應該叫bubu😎今日大我嘅姨甥仔去食晏，叫叫咗兩個是日精選午餐，一個係蘑菇漢堡配薯條另一個呢就係卡邦尼意粉。個漢堡係用手打牛肉，塊漢堡扒好多汁，配埋熔岩般嘅蘑菇醬真係一絕。卡邦尼意粉啲火腿都好大塊，加埋隻生蛋撈起嚟食好鬼正。餐飲就一人嗌咗一杯檸檬茶同凍齋啡，兩個餐埋單都係百幾蚊，價錢平過出面西餐廳一半。真心推介又平又好食。…Read More

有時候一個人食飯又懶唔想自己煮就會走去銘師傅度食湯飯，貪佢夠快夠平。食湯飯有一個好處就係唔會太油膩😂😂同平時一樣，我今日嗌咗魚腩鹹雞湯飯，特登叫師傅將啲飯分開上，咁啲飯就唔會俾啲湯攪到成碗都濕晒。佢d魚腩都幾大件，啖啖肉咁認真唔錯！鹹雞就略為乾咗啲，不過咁嘅價錢都可以接受嘅。另外加幾蚊就可以叫野飲，今次我叫左低糖嘅豆漿，如果飲唔晒仲可以攞走😂😂埋單60蚊都算係好抵，食得多西餐有時都會厭😂😂…Read More

今日晏就時間落左銅鑼灣攞禮物比心阿哥個女過生日，所以順便係銅鑼灣食埋晏先返公司拉。今次去左蘇媽蘇媽，依間馬拉餐廳愈開愈多間分店，去銅鑼灣依間最大既優點係唔洗排隊，次次黎親都有位🙂一如往常，我都係點肉骨茶，唔知點解食馬拉野我就係中意點肉骨茶🫢🫢佢依度點肉骨茶有個好處，就係可以無限添飲,次次我都會飲兩碗。佢依度既肉骨茶唔會太重胡椒味所以都算唔錯。午市佢係有套餐，晏就食會比較抵少少。但我覺得佢肉比較少，所以中意食肉既可以選其他套餐。…Read More

今日又跑左去元朗搵食，因為食左糖水無耐又唔想食太飽所以今日晚餐選擇食粥😂依家粥鋪叫發記，係元朗都愈開愈多分店，平時我食開近又新街果間，今次去左另一間分店度幫襯。我地一日叫左一碗沙煲生滾粥：皮蛋咸雞粥同蠔仔豬潤粥加一個即拉布腸粉，蝦米叉燒腸雞粥咸咸地粥底幾綿，煮到連d雞油都出埋黎蠔仔粥d蠔大大粒，豬膶好滑個拉布腸份好大份，腸粉皮夠通透，次次食都覺得好正😝係豉油比較咸。兩個人食埋單都係百幾蚊，好抵食…Read More

今日一起身見天氣好好，出去郊遊最合適不過。去完香港仔行山之後就搭車落左銅鑼灣搵食。下午茶時段搵食勝在位置多野食抵。行行下去左金百利商廈，果度都有幾多食肆😂最後去左食泰國菜，泰式食😂估唔到佢無落場仲有下午茶食，我地一人叫左一個餐，炒粉絲加海南雞飯。海南雞飯不過不失，正常份量，炒粉絲真係唔錯，炒得剛到火喉野飲係下午茶餐送既，椰汁冰。我叫左青檸梳打😛埋單一人幾十蚊，野食質素都真係唔錯，有機會可以黎多次。…Read More

之前OpenRice睇屯門有乜嘢食，見到呢間花火洋式個評分好高，睇埋個地址見到佢係位於龍門居高爾夫球場嗰邊，平視我跑步都會經過嘅，所以今日就決定跑完步就去幫襯吓佢，睇吓係咪真係咁好食。門口睇到個餐牌都幾吸引價錢都好實惠！完全唔使考慮啊直接入咗去！因為我跑完步嘅時間都幾尷尬大約係5:00所以lunch都已經冇啦，但係仲有下午茶可以嗌！最後我點咗一個洋蔥豬扒包配黑咖啡，另外我男朋友就帶咗熱狗配薯條！等咗冇幾耐就有得食啦！個洋蔥豬扒包，味道啱啱好，豬排都好有咬口識落真係幾好味幾Juice！我朋友話個熱狗都真係唔錯，薯條亦都好好吃！同埋個檸檬茶唔會太甜，冇嗌少甜，佢都話真係沖得唔錯！埋單$106，價錢真係好實惠可以再幫襯！…Read More

今日放假準備返屋企，差唔多到門口嘅時候，小朋友打俾我話佢喺公園玩緊，叫我去V city嗰間天仁茗茶買兩杯洛神花茶加寒天落去公園比佢哋飲。其實我都唔知點解佢哋知道天仁茗茶有洛神花茶買，肥妹第一次飲洛神花茶係我喺台式火鍋任食嘅時候攞比佢飲，佢一飲完之後就話好正！最後我嗌咗7分甜少冰，再加寒天，出到嚟杯嘢都幾靚！我自己就唔會買來飲啦！但係我都想試吓佢哋嗰個茶味，所以就黐咗兩口嚟飲，飲完之後覺得都有少少似利賓納，酸酸甜甜，加埋寒天都幾有咬口！唔怪得知啲小朋友咁鍾意飲啦！其實價錢都唔算貴，一杯$26蘋果好多茶飲店喇已經！…Read More

今日喺錦上路到上完堂，朋友即興話要食飯，行經盈薈坊見到有間新開嘅Cafe，係出邊睇完個Menu之後覺得都唔錯，所以就入咗去食嘢啦！間餐廳除咗有好多植物之外，仲有兩個貓店長，一隻叫蛋黃另外一隻呢就叫做大吉，蛋黃就比較派人大吉呢就好似好鍾意同啲客人玩咁樣。用餐嘅環境被食物包圍着，感覺好舒服。因為佢係主要就係用QR code落單，所以我今次冇影到個Menu。我哋嗌咗兩個煮食一個係澳洲肉眼扒五成熟，我就將薯條就轉做沙律，我朋友就帶咗一個鰻魚蛋包飯。啲嘢食都係即叫即整開放式廚房係完全睇到廚師點樣煮環境亦都好衛生店裏面完全唔覺得有任何油煙味。個鰻魚飯，都幾足料，完全估佢唔到上邊，仲有個流心蛋！牛肉五成熟，仲要切好上碟非常之細心！啲沙律好新鮮嗰張酸酸甜甜好開胃！我就點咗杯long black, 朋友，嗰個原味巴斯馬蛋糕。啲嘢食都好好食，價錢都唔算貴！環境又舒服，又有得同兩隻貓玩性價比非常之高！係盈匯坊真係好少可有啲咁高質嘅餐廳！下次我會再去！埋單都係$300仲要免+1，我諗晏晝嚟食應該仲抵！…Read More

今日大學同學同我慶祝生日，雖然生日已經過左個幾月😂😂😂記得上次見佢係佢生日，應該係上年12月，上次佢話佢張AE卡係依間餐廳有買一送一優惠。所以今次佢就提議去依間試下我地一人點左一杯黑美式主菜都係一樣，帶子三文魚忌廉墨魚意大利粉。啲帶子好新鮮，忌廉醬唔會太膩，份量雖然少咗啲，但係女仔食嘅一定夠！另外甜品呢就每人嗌咗唔同嘅款式，我嗰個係叫做類似紅莓蛋糕咁，另外個friend就帶咗個青蘋果蛋糕，兩個都唔會太甜，味道啱啱好。因為有AV卡所以買一送一優惠買單二百幾蚊即係平均一人百幾蚊。喺中環IFC可以用咁嘅價錢去到食到咁嘅質素嘅嘢真係好抵！…Read More

依家餐廳開左都一段時間，行經過好多次但無幫襯過，今日又行過咁岩我又趕時間所以入左去間鋪唔算多食客，即刻有位座，少少似茶記格局但就無卡位早餐時段係去到11:30 所以餐廳換左午餐餐牌除左并飯之外仲有車仔麵可以選。我嗌咗個慢煮雞扒煎雙蛋公仔麵，佢上山速度好快嗌咗唔夠5分鐘就已經有得食。遇真個價錢同一般茶餐廳無咩分別，如果係想快快趣趣食完野都可以既，但d野食就好一般😂可能佢車仔麵會好食點，今日埋單60蚊。…Read More

今日慶祝我生日，家姐由沙田特登嚟到屯門話想食上海菜，所以就揀咗喺V city謝謝謝儂。一打去間餐廳訂位，店員好好即刻幫我地預留咗位置。一行8人坐得都幾舒服。因為有小朋友，嗰度都有幾多野啱小朋友食，呢煎餃子炸春卷，小朋友都食得好開心。其實依間上海菜我都幫襯過幾次，貪佢方便搵位。至於食物質素方便就只能夠用不過不失來形容。但係家庭聚會都算係一個唔錯嘅選擇。我哋一行八人埋單大約$1000，食上海菜來講平均$100都算係唔錯㗎。…Read More

復活節長假嚟咗長洲玩，去得長洲當然唔少得去食當地嘅美食啦，朋友介紹一間叫長洲鐵漢日式燒烤話嗰度啲燒烤都幾特別同幾好食，所以今次難得嚟到咁就去試一試。因為長洲太多嘢想食，所以我哋淨係嗌咗三樣嘢，一個係東咖喱魷魚，燒芝士年糕同埋燒墨魚咀。個咖喱魷魚辣得來都好入味，佢係凍食嘅，同平時食開嘅港式咖喱魷魚係有分別，但係都算幾開胃。芝士燒年糕都唔錯，但係個燒墨魚咀就好似乾身咗啲。買單大約$100左右，唔算嗌得多嘢都算OK嘅。…Read More

如果你問我屯門有咩糖水推介？我一定會答係地茂館，呢間嘢係我男朋友介紹我去食嘅，果然一試就愛上。今次我哋點咗一人一碗桃膠杏仁茶再加雷沙湯丸。個杏仁茶真係好滑同埋好足料，店員完全唔吝嗇教育，勁多桃膠俾我哋，每一啖杏仁茶都可以食到一大就桃膠，真係淡淡都好滿足。最衰唔記得嗌埋蛋白啦！其實加$2就可以有蛋白，不過睇漏咗個Menu所以冇嗌到桃膠蛋白杏仁茶，睇個餐牌應該係時令推介先至有得叫。雷沙湯丸嘅份量都幾多，好似有成八粒仲有勁多花生碎真係好足料，d湯圓好有咬口，真心講唔錯!買單$97港式糖水嚟講都算抵，仲要係咁高質素真係食過返尋味！…Read More

啱啱跑完步經過龍門居個，肚仔有啲餓就決定喺龍門居搵食，咁啱撞正下午茶時段咁朋友就建議去雲貴軒度食下午茶，因為佢話上次食過呢間嘢都唔錯。我哋兩個人嗌左一個芝士漢堡配脆香雞翼，另外加$8可以加倍一款撈米線，我就揀咗台式肉燥撈米線，朋友就揀咗碗仔翅撈米線。餐飲方面呢就一日嗌咗一杯特色飲品。個漢堡包係用豬仔包來做包皮，雞翼都揸得唔錯，個感覺唔似食雲南嘢次食港式嘢但真係幾得意同多元化。米線煮到好滑，唔會太淋啱啱好。肉燥味道十足唔會太鹹。碗仔翅個玩我就冇試過，但係聽朋友講都唔錯。我就帶咗柚子特飲朋友嗌咗芒果特飲性價比都真係好高。買單啱啱好$100 ，個餐包咁多嘢食真係好抵，睇埋佢個晚餐牌，下次到真係上嚟試多次佢嘅晚餐。龍門居嘅朋友仔都建議黎試吓，因為好少舖頭咁有心會有咁多款嘢食俾你揀。…Read More