Hungry Bear's Profile

串燒好惹味👍👍👍 叫了牛肉串、羊肉串、旋風大麵筋和豆腐串。最喜歡羊肉串！ 還有旋風大麵筋都好好味！ 安格斯肥牛陽光湯番茄麵都可以，不過牛肉稍為少了一點， 整體來說都好味。酸菜牛肉麵， 點了微辣但都仍然很辣， 整體一般。 最重要價錢真是非常便宜，不過餐廳衛生環境有待改善。…Read More

雖然下個月才生日，但好多謝朋友的生日飯！這間餐廳環境好有holiday mood， 有點遠離煩囂的感覺～ 最近天氣清涼， 坐室外真係好chill好舒服！ 🥰LA FAVORITA brunch set:👍 首先送上麵包及頭盤：麵包外脆內軟，配上我最愛的橄欖油和黑醋。 頭盤是芝士火腿拼盤， 不同芝士和多款火腿很豐富，軟滑的水牛芝士配上酸酸甜甜的番茄， 非常開胃！👍Sexy Seafood Tower: 這個分量超勁！ 龍蝦是新鮮波士頓龍蝦， 咬落非常爽口彈牙， 海蝦和蟹鉗都好鮮甜！ 生蠔是意大利的， 雖然不算肥美但口感爽甜， 其他海鮮都好好味， 配上檸檬和自家製蛋黃醬， 提升海鮮的鮮味！ 😋👍CHEESE WHEEL AL TARTUFO: 手打粒粒意粉軟硬適中， 黑松露汁好香好creamy！👍 Wagyu beef striploin： 和牛是牛腰的部位，肉質嫩滑， 生熟程度剛剛好， 是我喜歡的五成熟。👌Oven baked Italian chicken： 雞肉嫩滑配上燒汁好惹味。👍Lavender Lemonade: 檸檬汁配上黑莓和薰衣草花香，味道非常清新。👍Red feathers: 朋友這杯是cocktail， 酒精不濃帶點甜味，適合喜歡飲甜酒的朋友。😍 甜品： 服務員很有善， 雖然沒有跟服務員是說慶祝生日，畢竟我生日是下個月， 服務員跟我們談吐之間得知我就嚟生日， 特意送多幾款蛋糕和甜品， 今餐真是食得很飽滿足呢！！❤️…Read More

餐廳裝修豪華， 尤其是法國凱旋門真係非常之吸睛， 啱曬鍾意打卡的朋友😉凱旋門入面位置比較宮廷feel， 天花板都掛住古典水晶燈，而地板用上經典黑白磚設計。 👌香蒜辣腸肉炒蝦：蝦不算大隻不過都幾爽口彈牙，味道有少少似xo醬嗰種味道，都幾惹味。👍鮮波士頓龍蝦意大利飯：龍蝦都幾爽口鮮甜，意大利飯硬度都適中， 口感都好creamy。👍炭燒安格斯肉眼扒16安士， 分量真係超勁，啱曬食肉獸。 生熟程度都啱啱好, 係我鍾意食嘅medium， 牛扒表面亦都煎得好香， 完全鎖曬啲肉汁喺入面。👍飲品mixed Berry smoothie, 味道不太甜，口感都好creamy，入面會咬到少少粒粒果肉。👍甜品：法式班戟配自家製藍莓醬， 呢個pancake都出奇地幾好食， 熱辣辣嘅pancake配上酸酸甜甜嘅果醬， 加多$18有個雪糕球， 呢個甜品就為我哋今餐畫上完美嘅句號啦。🥰…Read More

成間舖其實都不算好大, 不過好就好在無論坐咩位置都包保影到靚相, 因為周圍的佈置都好有心思同好colorful. 有d進入夢幻世界嘅感覺. 🥰 每張枱上面有個萬花筒畀你玩😆👍 香煎帶子黑松露意粉：黑松露味好香，個汁好creamy, 意大利粉的軟硬度亦好適中。👍黑松露蜜糖香草燒春雞：一上枱就聞到好香黑松露加燒汁味, 雞肉好滑溜咬落都好juicy, 加上甜甜的蜜糖汁都幾開胃. 伴碟仲有沙律菜和牛油薯蓉, 都幾豐富。👍飲品方面：OMG5C, 可以一次過試曬五種唔同味道嘅果汁. 👌抹茶牛油果奶昔：呢個味道比較淡, 奶味相對比較重, 啱曬鍾意少甜嘅朋友.👍甜品潘朵拉的盒子, 呢個係每日限量供應, 所以大家如果都想試下呢一坐低就order定先啦. 敲碎咗個玻璃糖再切碎埋個朱古力曲奇盒之後呢就有啲忌廉流出嚟, 成件事就好自癒呀！入面有啲芝麻慕絲同埋麻薯粒粒, 脆卜卜嘅曲奇加上忌廉同埋煙韌麻薯, 咬落好有層次, 味道亦都唔會太甜. …Read More

餐廳環境非常闊落！牆上有好多好靚的壁畫, 打卡一流！ 加上強勁的k-pop音樂, 氣氛好正！Oppa燒肉套餐：基本上所有的肉類和飲品都係任食任飲. 價錢星期一至四528, 星期五六日及公眾假期558, （19：30前埋單或者21：30後入座528）小童及長者都有半價優惠. 限時120分鐘.套餐包括：牛肉有14款, 主要係日本A4和牛同澳洲M7/M6和牛, 當然仲有主角熟成和牛. 除咗和牛之外, 都有大量其他肉類, 例如羊肉、豬肉、雞肉、和幾款海鮮. 還有大量韓式料理選擇. 飲品：有三十多款選擇, 除了汽水果汁, 所有紅酒、白酒、韓國燒酒、啤酒任飲. 還有即叫即炸的水果沙冰👍👍 一入座會上一個牛肉拼盤,等客人可以每樣試小小, 好食的就再叫！👍A4黑毛和牛三角腩： 三角肉的肉質好嫩口, 油脂豐厚, 完全係入口即溶！👍A4黑毛和牛牛肩胛肉：牛肩肉牛味好濃, 肉質都好嫩滑. 👍和牛舌：牛舌這厚切, 口感煙煙韌韌, 好有咬口！ 👍M7和牛上頸脊: 牛味好濃和juicy, 肉質比較有咬口.👌無骨牛肋肉, 牛味都唔錯, 咬落肉質好嫩滑, 配埋個芝士真係好惹未！👍M6和牛下腹腩: 雖然比較厚身但一啲都唔un, 咬落仲好juicy.👌霜降小牛排因為佢都比較薄切, 咬落唔會話好juicy不過牛味都ok嘅, 配埋餐廳獨有嘅甜酸醬都唔錯.👍五花腩: 五花腩好食到停唔到口, 個肉味一啲都唔騷仲好鮮甜, 我最鍾意就係用生菜包住啲五花腩來食, 加上酸辣醬、蒜片、同埋泡菜, 可以減低個油膩感之外, 仲可以提升埋成個口感味道!👍熟成牛: 熟成牛比較貴的原因係因為需要經過處理, 在風乾的過程中能夠將牛肉的肉汁鎖在入面, 而肉質都會比較鮮嫩！基本上全部牛味都好濃沃, 肉汁都好澎湃, 非常值得試！最後到甜品每人有一杯雪糕, 分別有haagen dazs同埋movenpick畀你揀. 總括嚟講, 今餐放題真係食得好滿足同好開心, 和牛嘅質素非常高質, 無論係A4和牛、澳洲和牛、定熟成牛, 每一款都震撼我味蕾. 👍👍👍…Read More

餐廳設計以和風為主, 掛滿日本燈籠還有美美的貓貓壁畫, 很有日式慶典的感覺. 🍶日本清酒：全場清酒果酒半價優惠！👍火炙吞拿魚配蜜糖芥末醬：這個配搭很新鮮, 味道酸酸甜甜好開胃, 配上大量魚仔口感好爽口和好有層次. 👍帆立貝伴高知縣產柚子醋： 帆立貝本身已經好鮮甜, 配上柚子醋更加突顯帆立貝的鮮味！👍豐洲直送活魚三點刺身盛：鰤魚和池魚好新鮮！配上秘製醬汁味道好夾也提升鮮味. 左口魚裙邊因為經過火炙之後, 魚油味好香！👍汁燒牛粉腸串燒：我個好推介, 牛粉腸裏面的脂肪好豐富，口感外脆內軟, 油脂都好香. 👍汁燒牛筋串燒：我都是第一次食, 牛筋表面燒得好香, 入面煙煙韌韌, 好有咬口. 👍汁燒牛大腸串燒：味道惹味, 送酒真係一流呀！👍燒虎蝦：虎蝦大大隻, 蝦肉都好結實, 非常之新鮮爽口. 👍石燒A4和牛:油花平均, 肉質好淋身, 牛味都好濃！必食！👎沖繩黑毛豬：肉質比較硬和“鞋” , 不建議叫...👍海鮮桶配秘製芫茜醬：海鮮桶份量勁！入面有龍蝦、扇貝、海蝦、青口、蜆、和蔬菜. 當然不少得秘製芫茜醬啦！ 還有大量切碎的芫茜！首先店員會幫我們將個芫茜醬倒落個海鮮袋shake shake shake~倒出來的時候已經聞到陣陣芫茜香了, 每件海鮮和蔬菜都被濃濃的芫茜醬包圍, 好食到停唔到呢~👍👍👍…Read More

一大班人最啱就係食點心放題！餐牌方面我個人覺得唔算話太多嘢食, 不過都足夠嘅. 👌首先上枱是燒腩肉, 而家逢食午市放題, 每一台都會送一碟脆皮燒腩仔, 呢個燒腩肉真係好好食, 個肉好林身加埋個皮都好脆, 不過個芥末醬好似加咗水咁, 好地地嘅燒腩肉就畀個汁扣曬分啦~😐🥢前菜方面：👌泰式鳳爪, 涼拌豬耳同埋黑木耳, 味道酸酸甜甜幾開胃嘅. 海蝦唔算大隻不過咬落都算爽口.🥢回本之選：👌足料碗仔翅, 味道呢都幾懷舊, 不過捉唔捉料就我覺得一般啦.👍避風塘茄子呀, 每一粒茄子都炸得外脆內軟, 加上味道有點微辣, 真係好惹味. 👌上湯水餃都ok嘅, 餡料算飽滿但皮有點厚. 🥢點心：👍精瑩蝦餃皇, 味道完全係酒樓嘅級數, 同埋入面嘅蝦肉都好爽口彈牙！ 👍燒賣都好好食呀, 入面加咗香菇, 咬落煙煙靭靭, 個味道都好香. 👍牛肉球個陳皮味好香, 同埋肉質都好淋身,咬落好juicy. 👍綠茶芝麻餅我自己好鍾意食呀, 個味道係甜甜地, 加上表面嗰啲芝麻呢煎得好香好脆, 就算已經好飽我都食咗幾塊. 👌豬仔叉燒包外觀有幾趣緻, 不過個餡就唔算話好多. 👌沙爹金錢肚呢都幾爽口嘅, 不過我就嫌汁稀咗少少, 沙嗲味唔算話好濃. 👍鳳爪/排骨都ok好好食嘅, 絕對係酒樓嘅級數. 🥢非食不可👍土匪雞翼, 個皮煎得幾脆, 同埋個雞翼啦係一啲都唔乾, 咬落幾juicy同埋都好入味. 👍xo醬蘿蔔糕呀, 呢個真係必食呀, 味道好惹味👍🥢甜品：👍馬拉糕係原籠一底, 分量真係好勁, 建議真係四個人以上先至好叫, 不過呢個馬拉糕真係好好食, 非常之鬆軟, 我就算好飽好飽呢都食咗差唔多四分一. 👍熊貓奶黃流沙包, 外觀可愛而且真係有流沙, 好好食😋好又到評分時間啦, 總括嚟講雖然食物款式不太特別, 不過星期六日都係大約$150一位（買四送一）, 其實真係抵到爛啦👍👍味道方面絕對係同平時酒樓食嘅一樣呀, 絕對冇話因為係放題就有偷工減料嘅情況發生👍 服務方面上菜同收碗碟都算快, 溜單都係漏咗一次都算可以接受👍, 總之呢一餐都算係性價比高呀, 絕對冇乜投訴. 👍…Read More

每次看完日劇都會被劇中的日本拉麵毒到🤣 這間曾經獲得連續五年拉麵冠軍！ 好喜歡這間拉麵的口感, 軟硬適中, 是比較有咬口的那種😋👍冠軍黑醬油拉麵：果然係冠軍級！湯底好濃沃, 鹹味適中, 叉燒大大塊一啲都唔孤寒😍 👍 大胃王拉麵- 激辛味噌（小辣）：這碗麵的份量比平時的多, 叉燒大大塊總共有五塊, 超級飽肚和滿足👍 味道微辣好野味😋小食方面：👌肉汁滿滿餃子： 餃子餡料飽滿, 餃子皮不是太厚, 不過如果個底煎得再脆口一點就更好啦.👍熟芥末章魚： 這個一直都好喜歡吃, 芥末味好香, 章魚也很爽口彈牙！🍶飲品方面, 當然不少得最經典的波子汽水！朋友的綠茶飲品外觀好可愛😍…Read More

馬鞍山已經唔係美食沙漠, 呢間魚眾不同酸菜魚食過幾次, 每次質素都好好！😍 分量十足大大碗😋👍👍👍🍜最推介係老壇酸菜湯, 其次係檸檬酸菜湯, 味道酸酸辣辣好嘢未🤤 另外小朋友都可以選擇蕃茄濃湯. 🐟魚肉我比較喜歡吃爽口的, 所以每次都必叫鯛魚👍喜歡吃林身的可以試下生魚片. 🥦配菜方面, 我會選擇最索湯汁的豆卜和椰菜, 還有鴨血是必叫！ 分量好多啊👍🍲另外佢哋個煲仔飯都唔錯, 飯焦好香值得一試😉😋…Read More

食物餐廳以Fusion西式素菜為主，鍾意食素食嘅朋友又多一個選擇啦. 🍴糙米壽司拼盤:入面每一件都已經有醬汁調味，所以味道都ok嘅。🍴香炸素肉片: 這個是店員介紹, 個素肉估唔到都幾juicy, 食落真係好似肉咁，不過素食材料都係以豆製同埋麵粉為主，所以好快就已經有飽肚嘅感覺啦。飲品方面我哋都嗌咗兩杯打卡飲品，呢兩杯奶昔真係不得了, 個外觀裝飾都好夢幻，飲落重極其邪惡！🍹海底日常$98：奶味好重好creamy, 美人魚尾巴裝飾好靚, 味道係雲呢拿味 , 仲可以食到粒粒啫喱 🍹粉空漫霞$78： 味道係士多啤梨味，上面個冬甩都幾好食，仲有啲棉花糖、雪糕筒、同埋d cream, 個份量都真係幾勁！ 所以本身我哋諗住叫件蛋糕嚟食下最後都冇啦, 因為成杯嘢都已經夠甜喇。…Read More

在八木橋社交平台見到經whatsapp訂座可以享用買二送一優惠和送任食刺身，要下午五點前埋單。今次和朋友試了他們的M5和牛「霞」套餐，平日價錢$398，星期五六日$418。落單形式都係以QR code進行。五色刺身盛合: 呢個係套餐包埋，帶子幾鮮甜同埋幾大粒，仲有赤蝦大大隻好爽甜。👍頭盤: 比目魚西京燒，米澤三元豚肉，芝士雞肉，新鮮鮑魚，雞泡魚干，仲有醬油牛肋條。除咗豬肉同雞肉可以任掂之外，其他都係一次性。當然唔少得今次嘅主角M5和牛西冷啦! 鮑魚表面呈金黃色，口感都好彈牙，味道都好鮮甜。比目魚有醃製過所以很入味，口感非常滑溜。M5和牛西冷: 牛扒色澤都幾靚，油花平均，和解凍都做得好好。西冷牛排的肉質比較厚實，食落都好有咬口，牛味好濃郁, 即使唔點任何醬汁都好好味。另外都可以用玫瑰岩鹽作少少調味提昇肉味。😋牛肉方面，除了m5和牛西冷之外，都仲有牛板腱，肩胛肉，一口牛，牛舌，和牛胸腹畀你任叫啊，而每款呢都有唔同醃料味道，真係花多眼亂好多選擇!我覺得好味就有牛板腱，牛味好濃。其次就有肩胛肉，雖然味道就冇牛板腱咁濃，但咬落呢會比較軟身容易啲入口。除左肉類之外，呢度都有海鮮可以任叫，不過我覺得海鮮就爭少少，唔算話好新鮮叫做過下癮啦。當然唔少得放題必有嘅炸物，天婦羅，沙律，同埋熟食等等嘅。食物種類都算好多。個人比較喜歡炸蝦多士, 口感彈牙味道有點帶甜。飲品和甜品選擇不算多，不過可以接受。有機會都會想返來試下佢哋嘅A5和牛「雨」套餐，呢個都係做緊買一送一架!😋…Read More

今次食的餐廳是一位大埔朋友介紹, 本身想試下他們的黑毛和牛套餐$438, 不過店員介紹嚴選澳洲M7和牛$358有滙豐信用卡八折優惠，所以最後就選擇食這個M7和牛~😉(**湯底有八款免費選擇，或可加錢選擇特別湯底)湯底: 台式麻辣鴨血湯 +$20湯底好惹味! 即使我不太食得辣也接受到，而且鴨血分量好多一點也不孤寒!超正! 👍櫻花蝦海鮮湯 +$38櫻花蝦味好香! 配上索汁配了如豆卜、響鈴、冬菇等咬落味道好鮮甜，適合喜歡海鮮味的朋友👍🍣任食刺身有13款選擇，全都厚切大大件，擺盤都好精美! 👍三文魚都是魚腩部位，三文魚味道好濃郁，魚油都好香!👍劍魚也是魚腩嘅部位，咬落去好鮮甜個魚油味都係好濃郁。👌帶子就中規中矩，不算好大粒，不過咬落都鮮甜。👍櫻花魷魚, 這個不是間間放題都有得食。魷魚口感好滑溜, 加上佢本身有鹹鮮味, 不需要點豉油都好好味。🍹飲品選擇不多，有汽水/果汁/紙包飲品等等，也有解熱氣的飲品，如竹蔗茅根，綠茶等等。如果不夠，都可以每位加30文任飲生啤。🍺🥦配料蔬菜種類都非常豐富🥩M7和牛盛合裏面都有4个部位, 分別是牛舌, 牛胸肉, 肩胛肉, 同埋下腹腩。👍肩胛肉，油花都好平均，肉質比較結實，咬落好有咬口，牛味都濃。👍牛胸肉油花同脂肪都比較豐富，肉質都比較軟身，牛味同樣好濃呀。👌牛舌就薄切，口感煙煙韌韌，味道都正常。👌下腹腩肉質比較嫩滑，油脂都比較豐富，好容易入口，味道都好鮮甜。👌雞/羊/豬: 我就每樣試了一塊，味道都正常，雞肉就有醃製過所以都幾入味。🍤海鮮也可以無限追加，有青口，蠔同埋鮮蝦。👍海鮮配上櫻花海鮮湯更加突顯海鮮的鮮味。第二轉的牛肉仍然都keep住靚👍，絕對沒有只得第一round靚, 之後就好樣衰的蠱惑野發生。而且份量都幾多，個分量已經是我平時叫兩三碟嘅分量。所以食完這轉已經夠飽了。👍自製炸物: 首先選擇你想食的，然後塗上炸醬和麵包糠，炸大約分零鐘左右，加上你自己喜歡的調味料，就能製作獨一無二的炸物! 炸物好食，前前後後都食了十支。😜🍦最後就係甜品時間喇，甜品選擇就唔算太多，都係一箱雪糕雪條選擇，不過埋單之後可以在門口位置用單據換領換終極甜品。雪櫃裏面都有movenpick, haagen dazs, 和dryers雪糕，憑單據就每位客人可以攞一款。整體服務都ok, 上菜和收碗碟都算快，沒有漏單情況。…Read More

餐廳環境好有格調, 樓底亦都好高，還有落地大玻璃，光線充足令人有一種好舒服嘅感覺。今次食的是一個週末限定的半放題，價錢每位238，限時90分鐘。🥢主食三色丼，有拖羅蓉、海膽、和三文魚籽。雖然擺盤不算精緻，但材料新鮮。海膽味道好鮮甜，完全冇苦澀味，配上魚油好香的拖羅蓉和卜卜脆的三文魚籽，非常鮮味。🥢另一款主食是大蝦天婦羅，份量好多，足足有成五隻大蝦，天婦羅表皮炸得好鬆脆，炸粉亦不厚，蝦肉都好爽甜。🥢任食: 刺身就有三文魚，油金魚，八爪魚，錭魚，同埋甜蝦。雖然選擇不多，但不得不讚刺身真是好新鮮，擺盤都好精美。🥢自助餐每人免費送一隻連殼原隻鮑魚，口感煙韌彈牙，鮮味十足啊!🥢刺身雖然好味，不過壽司普普通通。自己不想吃太多飯，所以沒有多叫。🥢炸物全部都即叫即炸，芝麻雞翼好味，好juicy不會乾。還有炸蠔都好味，雖然蠔肉不算大隻，不過蠔味濃，沒有任何腥味。🥢燒三文魚鰭都好味，不是間間放題都有得食，魚肉好滑和魚油香濃。🥢明太子玉子燒，口感好香滑鬆軟，味道少甜，配上明太子醬好滋味。🍸飲品方面也有驚喜，除了汽水果汁之外，有我好喜歡飲的乳酸特飲，巨峰乳酸得飲/白桃乳酸特飲。味道酸酸甜甜，幾開胃。總括來說，刺身非常新鮮，環境有格調，比起一般大眾放題，衛生很好和坐得好舒服。上菜速度很快，沒有漏單情況。…Read More

<柞木炭家>是全港首間以炸木炭韓式燒烤嘅餐廳，呢一點係吸引我來呢度嘅原因。🥢前菜:👍生醃魷魚，我有時會特登去韓式超市買生淹八爪魚同魷魚，估唔到呢度前菜都有得食，真係要俾個like佢了👍。味道方面, 魷魚辣度適中，口感好煙韌。👍泡菜都好好味啊，酸辣程度啱啱好，亦唔會過鹹。🥢小食:👍擔擔味噌茄子，茄子係啱啱熟嘅程度，咬落去好爽口，配埋個微辣擔擔味噌醬真係好開胃。👍壽喜燒和牛西冷，西冷嘅油花好靚好平均，估唔到喺韓國餐廳都食到日本料理喎。我之前喺日本食過，通常都會有壽喜燒汁快速淥一淥塊和牛，然後連埋生雞蛋同白飯一齊食嘅，所以我初時以為都係咁，但呢個可能係日韓cross over😆, 佢哋就直接將件和牛擺上個網燒，全程都係會有店員幫你燒嘅, 保證生熟程度啱啱好! 味道方面，西冷嘅肉味好濃郁，連埋生蛋黃口感好嫩滑。👌慶州極上黑毛豬梅肉，個肉味好濃完全冇豬肉嘅騷味，因為佢係梅頭肉嘅部分，所以豬肉都好腍。👌和牛牛肋肉，牛肉有醃製過，食落有好傳統嘅韓式鹹甜風味，牛肋肉嘅肉質比較厚，呢個我建議燒熟啲會好食啲，喺半生熟嘅情況之下會比較難咬，反而喺全熟嘅情況之下，將肉汁鎖曬喺入面，咬落去個肉都會嫩D，味道都比較濃。👍👍濟洲活鰻魚係我今餐叫咗幾款燒肉裏面最鍾意食嘅，鰻魚好新鮮，份量都好大件啊! 在場都會有店員即場幫你燒。味道方面真係好鮮甜啊，而且鰻魚去咗骨，啖啖肉，鰻魚嘅表皮燒得脆波波，外脆內軟，呢個真係食到停唔到口啊!👍壓軸出場就係呢個和牛三文治啊! 和牛三文治真係不得了啊，首先麵包係烘過，表面係脆嘅，而入面都搽左啲芥末醬，提昇和牛嘅鮮味，而和牛就係厚切嘅，和牛表層輕輕煎熟，中間呈粉紅色，牛肉嘅油脂都好豐富。咬落好鬆軟，牛味都好濃。🥢飲品方面:👌杯荔枝梳打，這個無什麼特別。👍季節限定蜜瓜沙冰，當時店員同我講呢個蜜瓜沙冰係即叫即整，但我估唔到佢竟然俾咗成個蜜瓜我😍，個蜜瓜真係超大個，我覺得情侶嚟到可以叫呢個一齊share飲都仲得。蜜瓜肉都好甜, 一路燒肉一路飲呢個冰凍嘅蜜瓜沙冰真係超爽啊!總括嚟講，我覺得呢間餐廳食物質素一流，由前菜到主菜都充滿驚喜，除咗有好好味嘅韓燒之外, 仲有日式料理。餐廳環境都好有情調同埋坐得好舒服。店員服務都好友善。如果大家都想試下正宗嘅韓式炭燒，不妨試下呢間啦!…Read More

今次食的晚市放題是位於中環的碗屋。當晚是星期四，價錢$548，有8折優惠。💡Menu是人手落單，上菜速度比其他放題慢。🥢每位客人都會送上有一個頭盤，包括龍蝦刺身(二人一客)，龍蝦尾(二人一客)，原隻鮑魚，或黑松露忌廉焗扇貝。我哋最後揀咗龍蝦刺身，鮑魚同扇貝。我覺得比較特別少少就係個龍蝦刺身，味道雖然唔算話非常鮮甜，但係個口感爽口彈牙。扇貝都好好味，不過個鮑魚就有點似罐頭鮑魚的口感。💡刺身有用冰托住可以保持溫度慢慢食，刺身大部份都係厚切，擺盤都好精美，不過上菜非常慢。🥢刺身真係非常之新鮮，我自己鍾意食就有三文魚，三文魚近魚腩部位，味道都好肥美。油甘魚都好好味，同樣都係厚切，完全冇血腥味。帶子都唔錯，雖然切得薄咗少少，但係味道非常之鮮甜。仲有甜蝦都好好味，雖然唔算大隻，但係都好爽甜。仲有個八爪魚粒勁彈牙。海膽都ok嘅完全冇苦澀味。不過個主打藍旗嘅吞拿魚就冇乜特別啦，都係普通赤身嘅部分。🥢卷物方面: 有任食海膽手卷，三文魚籽手卷，和拖羅蓉手卷。其實三款都幾好味，不過我就嫌佢啲料呢就孤寒咗少少，我自己有encore到就係拖羅蓉手卷，個味道好鮮甜。🥢燒物: 厚燒牛肉，牛味好濃仲好juicy，生熟程度又啱啱好，中間呈淡粉紅色。🥢鐵板鴨肝，個鴨肝好肥美，燒得都好焦香，配上個燒汁真係好野味。🥢燒帆立貝其實都唔錯，帆立貝大大粒，口感非常之爽口，不過落鹽落得重手咗少少，味道有點偏鹹。🥢炸物方面: 炸軟殼蟹，炸得好鬆脆，內脆外軟，味道帶點微辣，非常之惹味。🥢天婦羅炸蝦都唔錯，炸蝦大大件，炸得非常之脆口。🥢炸蠔都好食，炸粉唔厚，隻蠔雖然唔算話好大隻，但味道都唔錯起碼唔腥先。💡不過炸物上菜都比較慢同埋都有漏單嘅情況。🥢厚燒牛舌，用質好冧，一啲都唔難咬，口感味道有啲似食緊牛腩，我哋個個都覺得好好味所以都encore咗幾次。🥢串燒魷魚筒我自己都好鍾意食, 口感好彈牙, 味道帶點酸辣, 都幾開胃。🍸飲品方面非常之失色啊! 原來呢個放題係唔包嘢飲, 要加錢都算, 就連汽水都係得幾款可以選擇，仲有其他茶同酒類飲品，不過選擇都係好少。🍧甜品方面亦都唔多選擇，祇有幾款味道嘅雪米糍同埋雪糕。榴槤，芒果，同埋荔枝味雪米糍都幾好食。另外雪糕都好好食，我自己就叫咗綠茶同豆腐味道，朋友就叫做黑芝麻味, 我哋個個都大讚個雪糕非常之香滑同個味都好濃, 雖然好飽但係都好想再encore. 💡但又係嗰個問題, 上菜上得太慢了!! 我哋等個雪糕都等左起碼15分鐘, 當時已經過咗last order嘅時間，所以想食都冇得再叫喇。😔以放題來說，雖然食物質素高但上菜慢和有漏單的情況，食物選擇少，不包飲品，所以有點不太抵食。…Read More