TH.Ma's Profile

在尖沙咀的The Grill Room，這次的晚餐真是令我驚喜！首先，燴蕃茄牛面肉扁意大利麵，意大利麵的口感滑順，搭配濃郁的蕃茄醬汁，牛肉更是燉得入味，整體非常滿足。接著，燒帶骨豬扒配香茅芥末籽忌廉汁更是讓我讚不絕口。豬扒外表烤得恰到好處，肉質鮮嫩多汁，香茅的香氣與芥末籽的微辣相得益彰，非常好食。最後，Chocolate Millefeuille的甜品則是完美的結尾。濃郁的巧克力，口感層次分明，不會過於甜膩，吃完後讓人心情大好。The Grill Room的菜式不但味道出色，環境也非常舒適，適合和朋友聚餐或慶祝特別的日子。…Read More

食得肉多都想食下素，係尖沙咀就搵到呢間“雅•悠蔬食”’，雖然係樓上鋪但上到黎已經有好多人，地方夠闊落唔使聽隔離枱傾計我想試多d野就叫左個晚市套餐，前菜有泰式鮮果沙律和麻醬沙薑豆絲粉皮，夠fresh夠開胃；手卷就揀左香芒牛油果苜蓿芽手卷，各樣野都配合得好好；仲有個羊肚菌冬瓜竹笙黃耳百合雪蓮子燉湯，好足料夠出味；主菜就叫左白松露淮山野菌忌廉意大利飯配椒鹽猴頭菇，各種菇有各自的香味配埋忌廉意大利飯，真係唔會醒起裏面係冇肉。老婆細食唔使叫2個套餐就單叫多個意大利牛肝菌乾燒伊麵，夠哂香濃惹味飲品叫左杯香芋黑糖珍珠，珍珠仲要係即煮夠煙韌。甜品係套餐加48蚊就食到原本88蚊既芒果雪山綿綿冰，勁大盆，直頭係2人份量，芒果同配料都好多，為呢餐畫上完美句號。…Read More

呢排冇乜旅行去，就同老婆join左個 洋紫荊維港遊兼自助餐， 碼頭好易搵，就係北角站穿過北角匯就到。上到船上面座位闊落，出航期間隻船會係維港巡航， 兩邊大玻璃令全家都可以觀賞到全個維港夜景，船上中間位置仲有現場樂隊表演。自助餐的食品款式不少，包括小龍蝦，蝦，螺，青口，煙三文魚，ham，即切既beef Ribeye，咖喱牛腩，炆牛尾，中式燒味，飯麵意粉叻沙，湯品，中式糖水，西式糕點，奶茶咖啡，汽水啤酒都有。開船睇住夜景食一Round 就可以上去田板喺海上觀賞幻彩詠香江匯演，平時係陸地就睇得多，係海上睇就覺得自己好似上左舞台中間咁，d燈光係不同角度照出來十分精彩。係船上面食下野傾下計，聽下live band，睇下夜景，不經不覺就2個多小時，放下平日急促的步伐，享受一下船上慢慢的一個晚上，是一般陸上餐廳感受不到的感覺。…Read More

在天后美食街的“参不館”火鍋餐廳。餐廳的裝修模仿九龍寨城風格，讓人彷彿置身於懷舊的香港，就連窗外的風景都同裝修風格互相配合。這裡的火鍋材料不僅味道新鮮，更是選擇多樣化，令人垂涎欲滴。餐廳提供多款湯底，包括雞件花膠雞湯、麻辣湯底和豬骨湯等，滿足不同口味的需求。十種醬汁醬料供客人自由配搭，其中自家製的蔥頭油和沙茶醬特別值得一試，增添了火鍋的風味。最吸引我的還是他們的雞件花膠雞湯鍋底，湯頭鮮美，喝上一碗讓人倍感暖心。而在享受火鍋之前，店員還推薦先品嚐一碗暖湯，這樣的做法就是對湯底真材實料的信心表現。餸菜方面，Q彈鮮墨魚丸和鮮蝦丸口感極佳，爽滑彈牙，自家製的鮮蝦雲吞和韮菜餃更是讓人回味無窮。另外特別推薦的手切封門柳，肉味香濃，質地鮮嫩，每一口都令人著迷。此外，自製炸魚皮和各種新鮮蔬菜如皇帝菜和唐生菜，都為火鍋增添了層次感。值得一提的是，每張枱都可享受一次十蚊十支酒的優惠，讓用餐氛圍更加熱鬧。餐廳內部寬敞，枱與枱之間的距離適中，讓人用餐時不會感到擁擠，平日夜晚座無虛席，必須提前訂枱。最後，銀菊露和竹蔗茅根海底椰的搭配，讓整餐更加清爽，完美地平衡了火鍋的濃郁。整體而言，“参不館”無疑是一個值得推薦的火鍋餐廳，無論是味道還是服務，都讓人感到滿意，是讓人感受到一種完滿的火鍋體驗。#天后#火鍋#参不館…Read More

去到中環搵嘢食， 想食平平地嘅日本嘢 ，就搵到廿一堂 呢間日式食堂， 呢度 一個套餐都唔使100蚊 算好抵，買野攞餐都係自助式，就係呢d位平返黎。叫咗個鐵板芝士漢堡扒配本菇滑蛋丼， 點餐嘅時候先知原來滑蛋多可以改做紫菜丼， 不過滑蛋本菇吸引啲， 鐵板上嘅好處係食住都熱辣辣， 漢堡扒夠juicy醬汁夠多餸飯， 跟餐仲有個甜品係個大福， 不過面頭有啲椰絲我就唔多鍾意， 跟餐係個麵豉湯或者汽水或者玄米茶，加三蚊就可以有凍飲， 埋單都係91蚊，味道都唔錯。…Read More

舊同學聚舊，揀左呢間江蘇銘悅，叫左個商務套餐，前菜有個三小碟，雙色鎮江肴肉特登用返紅色醋做返個層果凍十足紅寶石咁、蔥油海哲頭爽口彈牙、魚子醬海鹽糖心燻蛋，煙燻既香味配合返魚子醬和海鹽的咸味十分配合。雲南真菌螺頭老雞燉湯，真菌既香味加上新鮮螺頭鮮味配合埋老雞濃郁既香味，一啖接一啖好快就飲哂。宮保海虎蝦球，新鮮彈牙，肉質結實，配上宮保汁香辣得黎帶點酸甜，層次豐富。百葉子櫻桃肉，醬汁香濃，櫻桃肉炆得夠哂淋夠哂入咪，入口即溶。海苔酥脆魚片，外層酥脆香口而不油膩，魚片鮮嫩多汁，配上調配過既沙律醬，多一重風味。乾煸四季豆，四季豆表面微焦，乾香辣爽，配飯送酒一流。招牌小籠包大大隻，夾起時滿滿既湯汁好驚會爆，肉汁香濃皮薄肉嫩。精選甜品係雪耳紅棗糖水，清甜滋潤。呢餐江蘇菜令我加深認識到漢族八大菜系既特色！…Read More

約咗個舊朋友食飯，佢話要介紹我間隱世西餐廳，淨係叫我喺太古站等，神神秘秘帶咗我去東達中心AGE Cuisine Express叫咗一個dinner set ，先上左一碗蕃茄忌廉湯，有蕃茄既香味但又有忌廉湯的滑溜，十分特別，主菜係燒美國Prime級牛扒（8oz), 表面微焦，內裡剛好5成熟，肉質非常嫩滑富有肉味，好食到唔點牛扒汁都得，陪合清新薯菜，仲有薯仔味濃既粗薯條，加埋杯凍檸茶真係大滿足另一樣就叫左大蝦煙三文魚意式夾餅，裏面夾左超大塊三文魚及多種配料及醬，另外仲有芝麻菜沙律係面增添清新感覺，雖然唔似得一般pizza見到啲材料鋪喺面咁靚，但就係因為佢咁多材料所以要用夾餅形式包住啲材料另外仲叫咗水牛城雞翼，醬味香濃唔會太辣，食完一隻又一隻呢到地點方便，坐得舒適寬敞，係適合拍拖浪漫，好友聚會既好地方…Read More

每逢十月初都會去海洋公園哈囉喂玩完要搵好野食，靠海食海梗係係本地搵海鮮食，原來喺鴨脷洲開咗間港式大排檔仲有海鮮食，搭地鐵3個站就去到，呢到仲有車巴士出旺角同中環夠哂方便仲可以睇下夜景，如果揸車去附近就有停車場泊車，食完飯仲有得平返d泊車錢餐廳地方闊落，室內有冷氣，室外有大排檔氣氛得黎有頂又唔怕會落雨，樓底夠哂高，一入門口有個大魚缸揀海鮮，旁邊就有潮式鹵水，周圍仲貼滿各種小炒既照片，令人食欲大增，款式五花八門食多幾次都唔會悶我地三個人叫左唔係好多野招牌白胡椒蟹（大蟹）用個鐵板上，一黎到淋上醬汁先刺激嗅覺同視覺，鐵板上食到尾都仲係熱辣辣，蟹肉鮮甜結實，醬汁惹味香辣原隻脆皮炸豬手，起哂肉切好哂大大舊，皮脆肉嫩最適合送啤酒招牌脆皮咕嚕肉，醬汁掛身加上香口脆皮，肉嫩多汁，配上新鮮菠蘿減輕油膩感芒果蟹肉炒飯，芒果鮮甜多汁，陪上滿滿嘅蟹肉，乾身嘅炒飯，真係食到一碗接一碗配埋大排檔文化-戰鬥碗，真係飲得特別暢快地址：鴨脷洲西邨街市一樓(港鐵海怡半島站A出口)(鴨脷洲商場停車場可供泊車)營業時間：11:00am - 12:00pm#海洋公園 #海洋公園哈囉喂 #哈囉喂全園祭2024 #厲鬼圍城 #亡了忘不了 #城寨 #門票正式預售 #OceanPark…Read More

有一次我去上環找換店對錢，剛好約了舊朋友食飯，介紹了我來這家龍蝦為主題的餐廳，點了一個套餐，方便迷惘的我們不用思考吃什麼先來宮廷走著暖胃湯，用著古式酒杯裝著暖胃湯就像古人品酒充滿中式風味，一飲下去已感到口腔至胃部都有一股暖意蔓延出來龍味點心拼盤有3款點心龍蝦蝦餃，餃皮晶瑩剔透，龍蝦肉非常彈牙蟹籽鮮蝦燒賣，滿滿的蟹籽口感清脆，彈牙的蝦肉和軟綿的豬肉放在同一粒燒賣內形成強烈的對比卡邦尼小甘筍，外觀已經十分精緻，酥脆而不油膩脆米波士頓龍蝦鮑魚海蝦帶子泡飯，龍蝦新鮮彈牙，廚師早已打碎龍蝦鉗方便食用；鮑魚鮮甜煙韌，配上海蝦成個泡飯有如口中裝下汪洋大海一般充的豐富，食左2碗先發現未加脆米，加上再吃又別有一翻風味紅粉玉露係番石榴加西米既新派糖水，味道清新加上西米爽口，使得口感豐富…Read More

銅鑼灣不嬲都會有好多唔同類型既餐廳，今次竟然搵到間食omakase既“重房”，今次襯住老婆生日同佢慶祝就食下好野，鋪頭裝修好有feel，每個座位都可以同師傅溝通到。前菜先係清香既北海道粟米，滑溜既蒸蛋。蜜柑鯛配上一些香草吃出魚的新鮮。北海道帆立貝灑上烏魚子粉，非常之夾鹿兒島地金目鯛，輕輕燒過再配上香蔥有著耳目一新的感覺。磯煮鮑魚，爽口彈牙，配上鮑魚肝醬，鮮味倍增。燒過既馬友魚，魚油香口平政魚，味道有點熟悉但又有短陌生原來係油甘魚近親。甜蝦上放返燒香左既蝦頭糕，香濃新鮮吞拿魚生死戀，選用吞拿魚眼上面額頭部位，部位叫老天，一片生加一片灸燒左吞拿夾住一齊食別有一翻風味秋刀魚配上北海道麵豉醬；池魚配上日本炸蒜十分香口；北海道白海膽，肥美濃郁。尾聲有個昆布湯烏冬，溫暖返個胃，十分滿足。食埋個黑糖蕨餅，劃上完滿既句號…Read More

加路連山道好多好野食，今次同老婆黎發掘有咩好野食先，行過見到呢間霓虹光管招牌，有d酒吧feel既設計，鋪頭搭以簡約木系裝修,令人有放鬆、好想chill下既感覺。我就叫左個是日晚餐，煎羊扒配果薯菜（$85）,羊扒的油脂比例剛剛好,剛好帶出羊味而唔會過於肥膩,醬汁惹味得黎又唔會蓋過羊扒，露筍細嫩新鮮，薯仔也處理得宜。另外叫左個多重芝士熱狗配沙律可樂，芝士既香味已經令人食指大動，一食落去先發現佢仲配芥末醬點綴，令佢減低咗油膩嘅感覺，沙律亦精美，看得出餐廳對細節也不馬虎。…Read More

難得同老婆撐枱腳，但又想食高質d既中菜，就揀左利寶會館，有fd午餐食過唔錯介紹我去食，對於選擇障礙症既我黎講就最怕揀食乜，好在佢有個自選位餐，只要一人揀返個小菜就搞掂，個餐包左好多野。首先黎個濃湯雞煲翅，飲落雞味香濃而清甜，配上一大排魚翅，彈牙冇得輸，完全係高級嘅享受。招牌脆乳鴿外皮炸得皮脆肉嫩，鴿肉嫩滑多汁，食到差啲手指都食埋。 套餐包左一位選一個小菜，我哋揀左菠蘿咕嚕肉同滑蛋炒蝦球，咕嚕肉糖衣脆到冰糖葫蘆咗內裡肉質鬆軟，配上新鮮菠蘿，甜酸度剛剛好。滑蛋炒蝦球嫩滑得嚟仲有啲蛋汁加埋新鮮彈牙既蝦仁，清爽既蔥粒令到呢個餸又多左一重口感。仲有個拳頭咁大既鮮蝦荷葉飯，未打開已經聞到清香既荷葉味，飯粒分明，鮮蝦夠爽配搭得幾好，食埋呢個夠哂飽。糖水係蛋白杏仁茶，杏仁氣味獨特清香，入口順滑且有蛋白碎，甜而不膩。…Read More

夏日炎炎冇乜胃口，就喺香港仔買左個我近期最愛既麵尊車仔麵返屋企嘆住冷氣梳化煲住劇叫食啦，2個人剔下剔下就叫左9個餸超豐富打開個碗都睇唔到d麵咁制豬皮夠爽彈，蘿蔔次次都超甜必叫，酸齋正常，雞翼尖好入味，米線夠彈牙唔會痴埋哂另一碗就叫左次次必叫既豬頸肉，五香牛腩炆得夠淋，蠔油東菇夠爽，午餐肉勁厚身，炸魚皮又脆，俾得多過街邊粉面鋪，粗面正常湯用另一個碗上，唔使將d餸倒黎倒去同埋記得剔紙記得剔右下角既汁醬，腩汁同多蔥係必叫之外，麻辣都係好常會叫，你見佢有得單獨買就知有返咁上下啦 。…Read More

係銅鑼灣既Semi buffet lunch已經少見，仲要價錢咁抵食，就試下佢先，坐位夠闊落舒適。餐湯已經好味加左分，飲落好熟悉但又講唔出，問返waiters 先知原來係椰菜花忌廉湯自助區有自選醬汁和配料既沙律同佢配搭好既沙律，吞拿魚通粉，另外有d小食開下胃，最正係有一大盆香辣雞翼同薯條好惹味，朱古力蛋糕亦都好味之後可加錢選擇返個 main course, 由$38嘅卡邦尼到$208牛排都可以揀。美國安格斯牛肉煎蛋漢堡配薯條+$158佢既牛肉漢堡結實得黎肉汁豐富，太陽蛋一咬落去蛋汁流出黎又多了一個層次,麵包香脆配上微辣醬汁非常惹味。叫左個香煎三文魚柳伴菠菜苗及枝豆+$138上菜時擺盤已經好靚，三文魚皮煎得金黃香脆，魚肉鮮嫩，波菜亦處理得好好。燒紐西蘭10安士肉眼扒配薯條+$208呢個肉眼扒肥瘦適中，叫左7成熟外層焦香帶點微焦，肉質結實兼有牛味,配合香脆炸薯條加左$28叫左杯cappuccino，有個靚拉花食得更加開心…Read More

喺黃竹坑食晏，最簡單就係食工廠大廈入面搵茶記，係業勤街有條樓梯有人行出黎先見到大廈入面有間明星茶餐廳，見佢都多客，一於試下先午市套餐50蚊仲包野飲或例湯邊到搵先，今日d套餐睇唔啱就叫左個新鮮大蝦楊洲炒飯$55，都跟野飲，阿姐話炒嘢要等我仲開心添唔係炒定喺度，隔離嗰個人選香豬扒睇落都唔錯，下次可以一試，玩住電話睇發現上唔到網但係好在有wi-fi。好快就有得食，賣相都幾唔錯有好多叉燒粒同蝦仁，個飯啱啱炒起熱辣辣，飯又夠乾身，蝦仁彈牙叉燒粒正常，係爭少少咸味，但好彩係咁畀我試到佢嘅辣椒油都幾香。熱咖啡都幾好飲，係細杯左d唔夠喉。p.s.凍飲加2蚊好抵喎…Read More