首先黎個濃湯雞煲翅，飲落雞味香濃而清甜，配上一大排魚翅，彈牙冇得輸，完全係高級嘅享受。
招牌脆乳鴿外皮炸得皮脆肉嫩，鴿肉嫩滑多汁，食到差啲手指都食埋。
套餐包左一位選一個小菜，我哋揀左菠蘿咕嚕肉同滑蛋炒蝦球，咕嚕肉糖衣脆到冰糖葫蘆咗內裡肉質鬆軟，配上新鮮菠蘿，甜酸度剛剛好。
滑蛋炒蝦球嫩滑得嚟仲有啲蛋汁加埋新鮮彈牙既蝦仁，清爽既蔥粒令到呢個餸又多左一重口感。
仲有個拳頭咁大既鮮蝦荷葉飯，未打開已經聞到清香既荷葉味，飯粒分明，鮮蝦夠爽配搭得幾好，食埋呢個夠哂飽。
糖水係蛋白杏仁茶，杏仁氣味獨特清香，入口順滑且有蛋白碎，甜而不膩。
