貪吃婆婆's Profile

九龍城素有香港小泰國之稱, 講到食泰菜, 第一時間想起九龍城, 今日來九龍城的金麥泰泰國菜館食泰菜。店舖簡裝, 尚算光猛闊落, 看看餐牌, 泰式美食包羅萬有, 價錢非常親民, 重點是免加一、免加一、免加一, 重要的事情要說三次 泰式鳳爪（細）泰式鳳爪是食泰國菜必叫的小食, 酸酸辣辣, 開胃醒神, 還撈入香菜香芹, 入口又帶點清清爽爽的。冬陰功湯(細)冬陰功也是泰菜的代表, 金麥泰泰國菜館的冬陰功湯, 材料有大蝦、菇菌、蕃茄、洋蔥及香料, 辣的程度屬於輕微, 不搶喉, 湯頭有海鮮及蕃茄洋蔥的甜味, 淡淡的香茅清新, 好喝。泰式鳳翼釀珍珠雞全翼起骨釀入糯米飯再炸至金黃色, 色香味俱全, 雞翼脹卜蔔的, 炸得很乾身及香脆, 一點油膩感也沒有, 糯米飯鹹香煙韌, 跟雞翼一脆香、一煙韌, 全晚我們最推介的美物。泰式燒豬頸肉跟泰式魚露汁豬頸肉本身油脂豐富, 表面燒得焦香, 燒出油份, 勁香口, 泰式魚露香料汁真係冇得輸, 可令豬頸肉味道更富層次及惹味, 送啤酒一流。泰式串燒（豬、牛、雞、雞腎各一串）跟泰式甜酸醬及沙爹醬雞肉最嫩滑多汁, 跟沙爹醬很匹配, 雞腎就爽口, 反而豬牛偏瘦, 唔夠juicy。芒果糯米飯有一整個熟透的芒果肉, 香甜多汁, 煙韌的黑白糯米飯淋上濃傑的椰漿, 人間美味也。…Read More

小時候貧窮家庭豬油撈飯是常餐, 現今香港生活變得富裕起來, 想吃一碗美味的豬油撈飯不易, 粗菜館是香港有點歷史的懷舊菜食店, 賣點之一也是蔡瀾先生最愛的傳統豬油撈飯。粉葛赤小豆豬骨湯 ~ 足料靚湯原煲滾熱辣上枱， 火喉充足， 湯頭很濃郁， 阿媽靚湯， 粉葛赤小豆湯有清熱去濕功效， 多飲2碗收保健身體之效。豬油撈飯 ~ 米飯粒粒分明, 趁熱淋上豬油及豉油撈飯, 口感帶點嚼口, 軟硬適中, 入口那陣滿口的豬油脂肪香氣及醬油豉香, 粗菜館這碗豬油撈飯, 讓我瞬間幸福起來, 很滋味的回憶。籠仔梅子蒸大鱔豉汁蒸大鱔常吃， 幸好粗菜館有梅子蒸大鱔， 鱔片肥大肉厚， 份量又多， 肉質肥美爽彈，鮮美油香， 配上微微酸香的梅子醬， 多吃2件也不覺膩。XO醬鮮蝦帶子炒西蘭花很香口的一味餸菜, 惹味XO醬竟然用上原粒小乾貝及原隻小蝦干, 極鹹鮮惹味, 帶子爽甜, 蝦肉大大隻 , 很爽口。紫羅咕嚕肉咕嚕肉炸漿薄薄一片, 豬肉條外脆內軟, 做到鎖住肉汁的火喉, 咕嚕醬汁用上酸辣子薑片及甜菠蘿, 酸酸甜甜加上子薑的酸辣， 挺開胃的， 子薑片炒過也爽脆， 好好食。…Read More

今日放銅鑼灣, Zinger 是近期最愛餐廳, 氣氛cyber 浪漫, 食物講究又美味, 今日早放, 18:00 上來, 客人不多, 可以影餐廳全景, 正確嚟講餐廳是開 18:30 的, Zinger 走型格酒廊路線, 19:30 有歌手進注唱歌畀大家聽, 也可一齊上枱hyper, 朋友聚會還可包場, 由於餐廳面積不大, 平日$25000 已可包場及包歌手唱歌開party狂歡。前菜 ：白酒煮藍青口 蒜蓉包是即焗的, 濃烈的蒜香配口感爆脆的多士, 美味非常, 白酒汁牛油、蒜香也濃郁, 藍青口肉嫩滑甜美。主菜 : 寶雲酥焗紐西蘭羊鞍伴時令蔬菜配紅酒汁 （10 oz）擺設美美的上枱, 五成熟的羊鞍, 火喉控制得完美, 羊肉呈粉紅色狀態, 肉汁豐富, 肉質鮮嫩酥香, 最驚喜的是哪個芋頭片, 芋頭味很濃, 粉嫩香棉, Zinger 菜式供應不算多, 就是貴精不貴多, 專注每道菜都認真烹調, 好食主菜 : 扒大蝦龍蝦汁意大利飯另一出色的主菜, 龍蝦汁滿口蝦膏的甘香, 咸鮮濃郁, 吸收了濃鮮龍蝦汁的意大利飯, 煙韌得嚟夠硬度, 正宗意大利烹調, 意大利飯好吃否, 重點是那個飯汁, 出色！反而大蝦成了配菜…Read More

今日行完花墟便跟朋友落旺角的彌敦道726号 的NAM VIET NAM CAFÉ 南越南咖啡廳晚飯, 睇openrice介紹佢哋係越南 Fusion 菜主題餐廳, 食物賣相呈現非常有特色及吸晴。荔枝雲朵咖啡一嚿玫瑰雲騎在咖啡液體上, 底下是荔枝汁, 外觀配搭很有美感, 令我對這個配搭充滿期待感, 攪拌咖啡及荔枝汁後喝一口, 先感受到的味道是冰凍香濃的咖啡, 隨後而來的是滿滿荔枝的果汁香甜, 朋友就飲班蘭龍眼茶。 扎肉心內美米紙卷顏色配搭鮮豔, 米紙卷配料豐富, 內有紅蘿蔔絲、大件扎肉、豆芽菜、青脆青瓜及紫蘿蔔片, 伴花生粒芝麻醬食, 清爽健康。越式咖哩牛肋條配蒜蓉包牛肋條炆得腍滑鬆軟, 肉味濃郁, 還有爽口牛筋, 越式咖哩汁辣度温和, 反而咖哩香味強勁, 蒜蓉包脆卜卜, 蒜蓉香氣飄逸, 就咁食已經好好味, 如果想再香啲, 可以加少去香辣咖哩汁伴食, 更惹味, 個人覺得不加汁蒜蓉包脆口啲, 好食啲。脆米紙薄餅很有創意的越南薄餅, 米紙做pizza薄餅底, 加上大量越南臘腸粒、紅蘿蔔絲及青瓜絲, 上面喞上千島醬, 越南臘腸跟香港臘腸不同, 越南臘腸除咗有臘肉的油香, 味道還有少許甜味, 米紙餅底脆卜卜, 這個薄餅口感味道非常豐富, 千島醬微微的甜帶點微微的酸, 可中和越南臘腸的油膩感, 有創意又好食惹火上身咸檸豬頸肉豬頸肉用乾葉盛載上枱, 店員會即席點火, 令豬頸肉添一份炭燒香味, 豬頸肉爽口油和, 拈附送的青檸蒜蓉酸辣汁伴食, 香香辣辣、甜甜酸酸更正烤萋葉雞配蘋果條烤雞上枱還是微熱的, 皮脆肉嫩, 雞肉鹹香, 肉汁還很豐富, 不乾柴, 放幾粒炸蒜粒及椰漿咖哩辣醬在雞件上一齊食, 超惹味, kimchi蘋果條還是第一次吃, 酸酸爽爽, 甜甜辣辣, 既開胃也可減低炸物或燒物的油膩感呢間越南fusion菜菜式創新, 食味又好, 仲好抵食, 每人一杯特色飲品, 叫咗五個食物, 連加一埋單只是4百多元, 難怪座無虛設, 下次來要叫隔離枱的兩杯波波特飲, 好靚。…Read More

石硤尾南山邨是很多香港人的集體回憶, 最近開了一間大排檔小炒新食店 ~ 金華餐廳小廚, 除了大排檔美食, 還有很多其他特色食物, 例如順德碌鵝、炸子雞及不同的海鮮煮法, 價錢是街坊的實惠價。椒鹽鮮魷 ~ 炸漿超薄, 入口先脆後爽彈, 餐廳位於街市附近, 鮮魷極新鮮, 鮮甜爽口。金牌欖角骨 ~這個欖角骨汁液很特別, 排骨先醃製走油, 爆香欖角碎, 回鍋排骨爆炒, 再加上蜜汁, 欖角碎及蜜汁黏付在排骨上, 令排骨鹹香得來帶點欖角的香味, 蜜汁又可中和欖角的鹹味, 這個小菜煮法有新鮮感, 又美味 , 我們都很喜愛, 必食。朵椒蒸大鱔 ~ 常常吃豉汁蒸大鱔, 今天來個朵椒蒸大鱔, 朵椒除咗跟魚頭夾, 原來跟大鱔都很夾的, 香辣的朵椒可減去大鱔的油膩感, 大鱔的肉嫩鮮美肉質, 永遠是最吸引食家的原素,大鱔也有滋補肝腎的功效, 百吃不厭。金牌小炒王 ~ 小炒王是我吃大排檔美食必吃的菜式, 小炒王做得好吃的大排檔, 其他菜式不會差得去哪裏, 金華餐廳小廚的金牌小炒王材料非常豐富； 翠綠韭菜、鮮彈鮮魷鬚、爽脆菜脯、原粒腰果、咸鮮蝦干、爽口茜芹和椒絲等, 鑊氣十足, 味道豐富, 鹹香惹味, 伴飯妙品手工糍粑 ~ 糍粑炸得外脆內煙韌, 拈黃糖漿及微甜的黃豆粉一起吃, 香甜滋味, 圓滿的開心飯聚。…Read More

荃灣真是個食東西的好地方, 林林總總的食店也有, 今日選了一間荃灣的傳統齋舖~寶蓮素食, 之前是食舊店的, 原來寶蓮素食己搬到寶石大廈, 店舖新裝修, 地方比舊店大很多, 感覺光猛, 門前貼了午飯$85齋buffet任食75分鐘的海報, 相當吸引 。涼伴前菜推介 : 1. 酸脆青瓜 ~青瓜酸酸甜甜, 有些少辣味, 爽脆到不得了, 食了三轉。2. 鹿角菜 ~ 應該是我認知的海燕窩, 以麻油、醋、糖、辣粉涼伴, 爽口彈牙, 有營又美味的海藻食物。3. 雲耳/蓮藕片/蘿蔔片 ~ 也是有營爽口的開胃前菜。傳統齋推介； 1. 酸齋 ~ 傳統齋滷味拼盤中, 最愛的是酸齋, 麵筋索滿酸酸甜甜的汁液, 美味開胃。2. 芋角 ~ 芋泥幼滑粉棉, 芋頭味濃香, 外層酥香。熱食推介: 1. 咕嚕肉 ~ 咕嚕肉有點似糖醋油炸鬼, 口感脆卜卜, 酸酸甜甜。2. 肉碎四季豆~ 鹹香惹味, 四季豆爽爽的。3. 醬油炒腸粉 ~ 腸粉軟滑4. 叉燒酥 ~ 酥皮包住叉燒醬肉碎, 酥香鬆化。甜品推介: 1. 糖不甩 ~ 糖不甩堆滿芝麻花生粒, 入口香甜軟彈。2. 陳皮紅豆沙 ~ 陳皮味足夠, 紅豆也煲得夠火喉, 夠軟腍, 唔太甜。…Read More

長沙灣福榮街開咗一間新嘅外賣店, 店前貼了何謂貢花雞, 八卦一下, 原來貢花雞的意思是山區的自然放養走地雞, 自由採食, 生長較慢。走地雞只賣$100, 絕對食得過, 便買了半隻雞及叉燒飯開餐。貢花雞半隻 雞皮呈黃色, 應該是薑黃上色的, 雞皮薄薄一片, 皮下脂肪很少, 肉質入口緊實彈牙, 雞皮爽脆, 雞味香濃, 雞皮散發著清香的黃薑味道, 雞肉鹹香緊緻, 浸雞前應該是用鹽醃過的, 正是在祖國吃的走地雞質感及雞味, $55半隻, 抵食價。叉燒飯 叉燒是店家的自家制, 可以做到有脆邊, 絕對是誠意之作, 叉燒帶點肥肉, 焦香、油香兼備, 難得瘦叉的部分也是軟腍的, 且非常入味, 香香甜甜好送飯。例湯 (附送）有啲似薑黃清雞湯, 不是味精水, 可飲。…Read More

今日去石塘咀市政大樓搵食, 新開張的勝記小廚, 是傳統的鑊氣大排檔小炒, 望望食客枱上的美食皆有鑊氣, 便坐下來一試, 大排檔美食由細食到大, 重點係要鑊氣夠美食才香味去吸引食客坐下來, 勝記小廚勝任 。餐廳裝潢是港式大排格局, 餐牌有齊港式大排檔美食；小食、雞煲、鑊氣小炒、煲仔飯、炒飯、炒麵及啤酒樣樣俱全, 價錢實惠。藍妹啤酒食大排檔指定動作, 飲杯冰凍的啤酒, 冰涼暢快的啤酒配大排檔美食, 絕對是絕配🍻小食 : 冰鎮魷魚等齊人開飯前的佐酒小食, 冰鎮魷魚～大鮮魷灼熟再入雪櫃冰鎮, 上枱時再淋上油麻油、辣椒油及秘製醬汁撈起, 鮮魷非常爽口彈牙, 濃濃的麻油香及辣椒油的中辣, 另鮮魷本身的味道好淡, 入口有種微妙的味道, 但又吃不到是什麼味道, 向老闆八掛, 老闆說鮮魷是用藥材湯浸熟的, 我同朋友都覺得這味道是特別的， 美味麻辣雞煲半隻大量薑件、香芹、芫茜、洋蔥、辣椒乾、蒜頭及菇菌爆香, 爐上, 炒起來香噴噴的, 半隻雞份量足, 雞件嫩口, 香辣鹹香, 惹味非常, 鹹度適中, 香而不鹹膩, 伴酒喝及伴飯皆宜欖菜肉鬆四季豆四季豆BB級數, 很嫩口爽甜, 配上鹹香的欖菜及油香的肉鬆, 夠鑊氣, 又一大排檔鑊氣小菜。咕嚕肉甜酸菠蘿配上爽口紅椒青椒, 豬肉條炸得脆口乾身, 酸酸甜甜的醬汁配上油香肉條, 開胃不油膩， 伴飯伴一流。…Read More

銅鑼灣開咗間新扒房 ~ Supreme Steak & Grill , 聽朋友講佢哋啲牛扒出品唔錯, 今晚特意嚟鋸扒, 餐牌比較簡單, 晚餐套餐及小食飲品各一, 晚市套餐有10個套餐供選擇, 主打牛扒, 還有西班牙黑毛豬鞍、羊架、油封鴨腿、比目魚等。鹿兒島A5和牛西冷扒附黑胡椒醬汁 /包飲品及任食薯條90分鐘 ($280）**鹿兒島A5和牛西冷扒叫了 5成熟, 牛扒外層烤得焦香, 鹿兒島A5和牛油脂分佈平衡, 厚度足, 切開牛扒, 肉色嬌嫩, 非常誘人, 切切實實能呈現外脆內軟多汁的肉感, 入口口腔滲出炭燒的牛油香氣, 肉質質感肥美幼嫩, 且肉汁豐富, 油香四溢, 食罷有齒頰留香之感, 很幸福的味道, 黑胡椒醬汁的黑椒味是淡淡然的, 沒有平時黑椒汁那古強而霸道的香氣, 不會搶味**任食炸薯條, 薯條夠乾身, 唔油膩, 鍾意吃的可以無限添食。低溫慢煮西班牙叉燒 ($60）呢條叉燒嘅叉燒醬味道跟平時食的港式叉燒有些分別, 除了叉燒醬, 我還吃到甜麵豉的味道, 有好香嘅豉味, 港式叉燒醬偏甜, 但Supreme Steak叉燒醬就有啲豉蜜味, 味道層次豐富好多, 西班牙黑毛豬肉用慢煮方法烹調, 豬肉軟腍入味, 假如這個叉燒配上一碗白飯, 當叉燒遇上白飯將會如虎添翼, 相得益彰, 突然想起食神碗叉燒飯添…Read More

今日出九龍城辦年貨, 買潮州賀年食品及靚牛肉, 九龍塘食肆林立, 當然順便食埋晚飯, 今日食潮州菜, 上Openrice 揀選了潮薈館, 潮薈館吸引之處是那古色古香的店舖裝修, 特別是哪些綵燈及古城古河牆壁畫, 讓人穿梭去了古代的中國, 十分喜歡。菜單以潮州菜式為主打, 鹵水食品少不了, 亦有鮑參翅肚供應。鹵水三寶 ($248）潮薈館的鹵水三寶是鹵水鵝片、鵝腸及鵝肝, 鹵水鵝片口感有點嚼口, 肉質緊緻, 肉味濃, 鹵水汁偏濃香, 鵝腸保留了少許腸肥膏, 爽脆肥美, 鵝肝浸得剛剛熟, 算是厚切, 中間位置還呈粉紅色, 入口鬆軟油滑, 甘香味美, 底郭的鹵水豆腐吸收了濃香的鹵水汁, 也很美味。芋蓉香酥鴨 ($128）很久沒吃芋蓉香酥鴨了, 表面的蜂巢炸得酥香, 入口即化, 芋蓉粉棉香滑, 很香的芋頭味, 鴨肉有時連皮的更香口, 整體調味簡單, 微微的鹹香更能食出原味道, 而那個甜醋汁更不能錯過, 加少許落芋蓉一齊食, 酸酸甜甜的醋香能中和炸物的油膩感,  這個芋蓉香酥鴨很出色。凍食烏頭 ($188）應該係元朗出品的黃油芋頭, 烏頭肉質軟身鮮美, 拈些附上的普寧豆醬令魚肉更鮮甜, 呢條凍烏魚夠大條, 魚腩部份嫩滑, 魚身多部份都有黃油滲出, 滿口魚油香。…Read More

經過灣仔本區又有一間新食店開張, 是主打越南食品的俊軒越南餐廳, 裝修簡潔光猛, 餐牌主打越南菜; 越南法包、越南河、越南檬、香茅豬扒、牛油雞翼......價格親民。招牌海南雞配黃薑飯 ($82）**海南雞賣相不錯, 金黃色雞皮, 雞皮香香滑滑的 , 雞肉夠肉汁, 不嚡口, 放些附上的海南雞醬, 惹味得很, 俊軒越南餐廳的海南雞醬味道很豐富, 我食得出的主要材料有; 香矛、辣椒、青檸、薑蓉、蒜蓉、糖等等, 香矛味道頗出, 酸酸甜甜的青檸及香矛的清新氣息。**海南雞飯的軟硬度更是我喜愛的, 米飯粒粒分明乾身, 米飯粒沾滿了黃薑粉粒, 米飯是有點嚼口的, 飯粒入口充滿了雞湯的油香, 黃薑放得多, 卻沒有黃薑那股黃薑獨有的苦澀及泥土噏味, 好食, 最後一定要食埋啲酸甜爽口的蘿白絲, 清新口氣。椰青($40）椰青水夠甜, 冰涼解渴, 估唔到椰青水咁甜, 椰青肉還是嫩嫩的, 可以用匙羹刮嚟食, 甜甜滑滑, 可以當甜品食, 一點不浪費食物。…Read More

The Musicbox Grill House & Bar 位於銅鑼灣地鐵站附近, 交通十分便利, 吸引之處是餐廳以音樂作主題, 場內設有打碟機及專業音響設備, 餐廳牆上裝飾亦以懷舊黑膠唱片作擺設, 播放著懷舊英文歌曲, 很有特色, 怪不得不到七點便座無虛設, 不想等位最好還是預約。食物方面以西餐為主; 前菜沙律、小食、牛扒、薄餅、羊扒、意粉及甜品等, 當然少不了酒吧的不同酒精飲品。餐廳晚餐時段提供多款套餐選擇, 有齊沙律、湯、主食、小食、甜品及飲品, 屈指一算....相比散叫食物便宜很多, 我們今晚叫了 ” Chef Testing Menu”, 加多一個四重奏芝士薄餅。Chef Testing Menu ($360)1. Goose Island IPA 生啤 (可套餐轉配+$48) 出來吃飯放鬆有怎少得冰凍的生啤呢？今晚揀咗一杯麥味較濃的IPA, 夠冰凍2. 凱撒沙律 爽脆沙律配鹹香脆芝士粒、脆麵包粒及芝士粉。3. 英倫週打蜆肉湯配蒜蓉包週打蜆湯入口Creamy , 有菇香, 蜆肉喊鮮及火腿的香味, 蒜蓉包暖暖的, 十分脆口。4. 鮑魚海鮮拼盤配蒜蓉牛油汁拼盤內有鮮味爽彈飽魚、爽脆原隻八爪魚、原肥美花甲、爽口大蝦、青口及意大利腸, 蒜蓉牛油汁惹味香得黎又不搶海鮮的鮮甜5. 120日穀飼阿根廷安格斯肉眼扒 (8安土)叫了5成熟, 同時要求切開牛扒不要見血水, 餐廳非常好, 廚師煎好牛扒後等待收完血才上枱, 牛扒切開, 還呈現嫩紅的肉色, 沒有血水滲出, 剛剛熟, 入口牛味濃郁, 肉汁豐富, 口感柔嫩, 有著bbq炭燒的焦香香氣, 跟帶點肥肉一齊食, 那股煎焦了的牛油甘香, 好吃得很, 牛扒煎好後本身廚師已磨了少許海鹽及黑胡椒提鮮, 基本上我們沒有拈附送的燒汁及芥末醬吃, 只試了一小塊拈少許芥末醬, 味道有芥末的刺激香辣, 還是原味牛扒更好食。6. 黑松露意大利雲吞食慣香港雲吞, 意大利雲吞不是我個杯茶, 黑松露蘑菇芝士醬汁黏住粒粒意大利雲吞, 清幽滑口, 還有淡淡的蒜蓉香, 雲吞有嚼口, 不錯。7. 法式焦糖燉蛋法式焦糖燉蛋口感層次分明, 薄薄一片的脆焦糖, 外脆脆的, 下層卻是綿密香滑的燉蛋, 甜度適中, 不甜膩。四重奏芝士薄餅 ($148）另外叫多一個四重奏芝士pizza, 又係即叫即焗, 上枱熱辣辣香噴噴, 薄批底覺得脆卜卜, 上面的四重芝士厚厚的, 極濃香, 四種芝士互補不足, 焗得金黃蕉香, 這個pizza真係好食到暈！這樣高質素的牛扒及pizza, 每人約3百, 超級超值！…Read More

黃竹坑真係變咗好多, 多咗好多食肆、酒吧及特色cafe, 今晚6：00 前來黃竹坑地鐵站附近的 Insanity 簡單吃, 目的是 Happy hour 的生啤, 餐廳還有調酒師駐場為客人調教雞尾酒,  Insanity 裝修頗特別, 充滿大自然氣息。食物方面以西餐為主; 薄餅、沙律、意粉、咖哩食物及甜品等, 當然主打酒精及佐酒食物。Suntory Premium生啤先來一杯冰凍的Suntory Premium生啤放鬆心情。Lamb Curry咖哩羊肉上枱是熱的, 還是冒煙的, 配白飯、印度薄脆、新鮮洋蔥、青瓜及蕃茄, 羊肉汁簡直是刺激味蕾巔峰之作, 複雜的香草味道混合了香濃的咖哩, 咖哩汁辛辣惹味, 伴飯食完極想再來一口, 勁香辣, 羊肉份量多, 有肥有瘦, 肥美肉香兼備, 再來一杯生啤消辣, 完美！  …Read More

門前仲有開張花牌, 銅鑼灣新店, 入黎食個下午茶先 , 新開張, 店舖光鮮整潔。回味餃子豬．牛．鵝粉麵專門店果然名副其實, 有齊牛寶寶、鵝寶寶、魚寶寶及餃寶寶, 改名有心思, 寶寶嘅意思係有齊唔同部位/種類嘅牛、鵝、餃子、魚肉食物, 啱想試多啲花樣的花心之人。崩沙牛腩拼魚蛋崩沙牛腩靚仔到呢, 是真正的崩沙腩, 崩沙腩是牛腩中最矜貴的部位, 好易認, 有層牛的橫膈膜與腩肉相連, 軟腍味香, 肥瘦適中, 可謂牛腩中的極品, 坑腩肉味濃郁, 入口鬆軟, 食完口中有微微的鹵水回香, 好食。魚蛋則爽口彈牙, 用胡椒除腥, 魚鮮味很不錯。麻醬冷麵絕對推介, 冷麵入口冰冰涼涼, 麵質軟滑得黎不失口感, 麻醬清酸, 酸酸甜甜的麻醬香, 配上清爽青瓜絲, 很開胃的主食。淨獅頭鮮鵝翼份量勁多,  鵝翼夠大隻, 好多肉肉食, 鵝翼鹵得好入味, 打包返屋企送啤酒一流。鵝翼上面的甜酸菜都好好食, 爽脆, 甜、酸、辣、鹹味道調配得很和合 配湯麵、米粉等麵食做伴菜好惹味, 食店可以考慮出樽裝獨立甜酸菜賣, 應該有市場。…Read More

很久沒來北角新光戲院睇大戲了, 今晚先來晚餐聚一聚, 店小二是近期北角大熱的小炒創新鑊氣美食店, 佢哋嘅黃金兩食賣相很吸引呢。果然係呢期人氣店, 七點已滿座, 要食的話預先訂位比較穩陣, 我哋食六點半還可以。黃金蠔兩食第二食是黃金蠔兩食, 金黃色的鹹蛋黃醬, 厚厚的包裹整隻蠔肉, 很豪爽的份量, 即叫即炒, 上枱熱辣辣香噴噴, 蛋黃醬鹹香到不得了, 蠔肉厚肉爽甜, 鮮與甘香的完美結合。第二食是用椰殼盛載的蔬菜、菇咖哩汁配酥香牛角包, 咖哩汁香濃微辣,  配酥香內軟的牛角包, 美味無窮。酥炸豬肉卷腐皮包著新鮮豬肉碎及其他配料炸至金黃脆口, 豬肉碎軟熟有汁, 還食到有清新嘅香草調味, 很香口的佐口食物, 配那個黑松露沙律醬, 酸酸甜甜, 多食幾件也不覺膩。梅菜蒸菜心豆腐用脆口的甜梅菜鋪面, 甜梅菜爽口帶微甜微鹹, 配較清淡的滑豆腐, 只簡單淋上鼓油, 味道己很不錯。萬字醬油雞雞皮上了醬油的色澤, 帶點金黃啡色, 雞肉浸得剛剛熟, 入口非常嫩滑, 醬油帶點微甜, 唔鹹, 味道調教得剛剛好, 值得推薦。小二迷你獅子頭豬肉包住原隻鮑魚蒸熟後淋上蠔油醬汁上枱, 肉香飄逸的豬肉配上有點嚼口的鮑魚, 一爽一軟, 口感豐富層次, 相片也看得到爆肉汁效果, 就咁食, 蠔油醬汁略嫌濃味咗少少, 如果叫碗白飯送飯, 味道就非常平衡了。店小二食物質素整體都很好, 可以再來, 佢哋仲有好多其他鑊氣美食, 例如隔離枱的炸大腸就非常吸晴了。…Read More