channelson6855's Profile

下午3點幾，去尖沙咀探朋友，咁啱撞正佢食飯時間，陪佢食飯，帶左我嚟呢到食，呢到嚟得既都係熟客，而且呢個時間嚟食既全部都係sales，一嚟到已經見到有周大福，Chanel，Dior既職員，仲有一枱應該係打嚟book位兼叫定嘢食，人未到已經上定菜，不過有蓋蓋住，而且2,3分鐘後佢地就到，一坐低就有得食，啱晒爭分奪秒既佢地。星期一至五每日有一個特價餸，外賣自取仲有8折，呢個價錢而家出面真係好難搵，仲要佢味道雖然唔算得上好好食，但一d都唔差，中規中矩，而且份量都唔會好小。你叫一個餸仲跟一罐汽水，例湯（雖然有味精），白飯（可選菜飯，不另收費），最後仲有糖水送，而且冇加一收費，真心抵。呢d食堂如果唔係有人介紹或帶你嚟根本唔會知，仲要係上樓。…Read More

如果唔係有友人帶路，我都唔會知唔會發現有間咁既茶餐廳仔，舖頭比d排檔遮住晒，除非你行返行人路或者本身住係嗰頭，熟嗰到，唔係都幾難發現。餐廳好似有瓦遮頭既大排檔咁，不過面積比較細，但係係兩間相連，而且亦有舖外吧枱位坐。煎豬扒公仔麵等左10分鐘左右，豬扒煎得夠香而且有咬口得嚟唔會嚡同乾，不過如果可以另上唔係浸係湯到會好d，公仔麵亦唔會過淋，仲有一棵菜送。雞翼都係，煎得外皮脆，入面唔會乾𠲜𠲜，仍然有小小肉汁。…Read More

好耐冇嚟過，今日咁啱經過附近就順便嚟食，餐廳裝修懷舊，但衛生程度比上次麻麻，上次嚟到乾乾淨淨，今次嚟d枱同座位都有d食物殘渣，可能人手唔夠問題，等左好耐先叫到侍應嚟落單。依然最愛呢間餐廳嘅下午茶餐，炸雞脾加紅豆冰等左10幾分鐘先上枱，薯條新鮮熱辣，外脆內軟，炸雞比同塊面一樣大隻，炸得皮脆，連平時唔食雞皮既我都食埋，內裏雞肉嫩滑有肉汁。懷舊紅豆冰，用上碎冰而且整到一條冰柱，好懷舊嘅感覺，比出面坊間嘅冰粒易食，紅豆軟綿又唔太甜，成杯紅豆冰甜度剛剛好。…Read More

巨峰提子白露奶蓋茶芝士奶蓋可以，算幾滑，芝士味偏淡，巨峰提子茶完全唔掂，淡茂茂，冇乜提子味，而且飲到有小小苦澀味，飲完條脷嚡烚烚，唯一係飲得出有加提子，飲到提子果肉，建議店方下次可以將提子去皮才製作飲品。凍頂烏龍茶朱古力切餅，買飲品即時加$18就有任何切餅一件太夜去，好多切餅已經賣晒，剩返呢款，朱古力味出奇地好濃，以為會係死甜，點知冇死甜得嚟仲有少少甘苦味👍🏻，反而唔係好食到烏龍茶味，茶味比較淡。…Read More

入到黎先知呢間餐廳好多菜式都係以美人命名，打開餐牌發覺好多菜式無論烹調方法定係食材都係健康為主，以蔬菜類作主打美人鍋美人鍋，用咗號稱雞淆成既湯底，再加多嚿骨膠原落去煮，成個鍋係冇肉類，不過咁先好，唔會有啲肉類嘅油污染左個湯底，侍應亦都建議我哋滾起先飲一碗湯再打邊爐。鰻魚忌廉芝士三文魚子壽司卷忌廉芝士加鰻魚又幾夾，而且食落口唔會好膩，反而覺得幾滑三文魚牛油果美人卷中間都係加咗芝士，仲有牛油果同三文魚，成個口感好rich，個醬汁仲好特別梳乎厘玉子燒Gimmick 幾好，但始終唔係好滑，不過都仲有小小蛋汁，入面都算嫩即切沙律，推架車仔出嚟係你面前即場將啲材料切好撈埋先擺上台，開頭唔知以為佢有乜表現，原來係切沙律。…Read More

之前睇雜誌講到個老闆滿腔熱誠，幾有heart咁整嘢食，點知🤦🏻‍♂️我仲特登嚟食，圖片只供參考都預左，但我明明係堂食，點解整到好似外賣咁，用個錫紙兜裝比我，正常焗嘢係咪應該用陶瓷嗰d器皿裝呢，搞到好似大家樂大快活咁，仲話係高級茶餐度，我諗除左價錢之外完全唔覺高級。一上枱微暖，d芝士完全唔覺有3重，冇味冇拉絲，風乾蕃茄同菠蘿有小小酸味，但唔夠乾，食落有d黏牙，豬扒預先切開一條條，但完全唔係佢講既低溫煎，又乾又嚡又冇肉汁🤦🏻‍♂️，最離譜係個飯，其實我都唔知係咪飯嚟，但明明寫住洋蔥粒炒香油飯，點知一粒洋蔥都食唔到，個飯係濕既一pat，冇牙都食到😂，同埋個底好油，食左一啖已經食唔落，招牌嘢都搞成咁，其他嘢都唔敢叫，即走，再去第二到食好過。頓時覺得大家樂一哥焗豬扒飯好好食😂等左廿幾分鐘，完全唔值得，十分徹底失望。…Read More

一直都想嚟食，可惜遲遲未有時間，今日咁啱經開呢頭又冇人就嚟左，估唔到咁晏先嚟都仲有呢個厚厚既玉子三文治睇相就睇得多，實物真係第一次，麵包好軟熟，中間玉子真係好厚，就咁望落去以為會乾爭爭同嚡，點知咬落去先知真係好滑好嫩，仲有小小蛋汁，唔同玉子壽司既玉子，再加埋小小wasabi 同應該係類似沙律醬嗰一類既醬又真係幾match，有小小攻鼻但又甜甜地，難以形容，如果塊麵包可以烘底就仲如，真係外脆內軟😂咖啡師即時問你要唔要糖，之後係你面前即沖，呢杯係cappuccino，面頭奶泡夠滑，飲到有小小酸味，啡味亦出。…Read More

用恒生信用卡有半價優惠，而且好似不限人數，單頭都有，唔一定要雙數人數，仲要星期一至日都有，所以拿拿臨打電話去book位頂層係甜點有太陽形狀，唔記得係乜😅粉紅色rosemary士多啤梨水泡圈，成嚿都濕濕地，好難食，好似麵包浸左水撈返上嚟咁。焦糖貝殼蛋糕，正常。魚形棉花糖脆朱古力，朱古力味有，夾埋棉花糖都冇死甜，抵讚。芝士餅，果然係酒店名物，不解釋。柑桔味朱古力幾特別，外層係62%黑朱古力，入面係柑桔焦糖軟心。鹹點有鴨肝芭菲，做到似mousse，食落唔油膩，配上楓糖杏仁燕麥片。椒鹽魷魚，配上清新的青檸及大蒜蛋黃醬，中和椒鹽魷魚可能因為凍左而產生的油膩感。三文魚他他多士，正常。另外仲有原味及朱古力味scones配cream及橙味同士多啤梨味果Jam，scone食落原味好食d，可能朱古力味淡d，不過凍左，但唔乾硬。呢個係差不多食完個tea set先上比你，擺得好靚，係Movenpick雪糕，而且好似係獨家薄荷朱古力口味，底層係蛋白泡沫，貝殼係白朱古力，綠色一點點係青檸薄荷啫喱。…Read More

銅鑼灣新開過江龍，裝修有日式feel，但店舖座位不多，訂左枱嚟到都要等多陣，好在佢叫我地行下先，有位再打比我地。頂級板腱牛扒牛扒有肉汁，彈牙唔韌又唔嚡，以百幾蚊呢個價錢食到呢個質素真係物有所值，而且佢每個set都跟一個沙律，一碗白飯，面頭仲加有我好鍾意既味素，去日本必買，撈飯食真係一流，仲有嚿胡麻凍豆腐，如果跟埋杯茶或麵豉湯就好😜吉烈炸牛扒牛扒面層略炸過，內裏生生地，等上枱時再用附上既鐵板及牛油自己煎到啱自己既熟成程度，有得玩又有得食，又可以試唔同熟成程度，幾好，牛扒外脆內軟，口感特別，同吉烈豬扒好唔同😂…Read More

朋友帶我嚟食蒜頭，話呢間好正，好啦，就嚟試下啦。MFG特式雞胸沙律配雪梨酒醋汁雞胸小嚡，有平時小見既芝士粒，仲有碎蛋，青瓜，車厘茄，個汁幾特別又清，同沙律好夾。蒜香忌廉汁蟹肉龍蝦肉意粉正，但份量小，忌廉汁略嫌太稀，唔夠掛身，撈埋蟹肉龍蝦肉好食MFG特式醃漬蒜頭炒韓國牛油飯飯身較硬，有點似未熟透既意大利飯，幾香，而且唔油膩，蝦亦都爽口彈牙MFG招牌意大利薄餅估唔到蒜頭同薄餅都咁夾，簡簡單單加埋菠蘿，蝦同芝士，強烈推介一定要加埋另上既蒜頭蜜糖，將個味道昇華到另一個層次，好味飲品都幾伏，下次都係專心係食物方面，飲水算啦。…Read More

呢間餐廳開咗好耐，一直都想嚟食，但因為之前每次經過都排長龍，所以放棄左，今日咁岩又經過，可能下午茶時間，竟然無人排，店內亦得兩三枱客，就入左嚟食，一個人坐吧枱，望住海，雖然有駕郵輪遮住晒😂期間限定：味玉醬油拉麵麵質煙韌彈牙，似日本食既咁，好難得有過江龍可以做到似日本食既感覺。糖心蛋正。雞叉燒都滑，肉質唔實又唔鬆散，好食叉燒肥瘦均稱，但比較薄，成塊擺入口都冇乜咬口，唔通入口即溶😂值得一提係佢塊紫菜，啱啱好痴係碗邊，浸唔到d湯，唔會淋晒最後想講個湯底，唔知係咪因為醬油嘅關係，感覺好咸，飲左幾啖就放棄，之後仲有d口渴。餐牌好大，但打開其實冇乜嘢揀，佢都係比張紙你畫。…Read More

聞說這間新開日本餐廳在九龍區頗大名氣，點知有一半失望。前菜：魚皮，但係淋既，有d柚子醬油，幾好食櫻花蝦鰻魚玉子卷，櫻花蝦脆口幾惹味，但敗左點解會有飯，仲要係濕既一pat，而且鰻魚份量較小，成件事錯晒🤦🏻‍♂️脆漿千島炸蠔：粉漿微脆，厚度適中，唔會一口粉，炸物配千島醬真係無得輸😂壽司：刺身都新鮮，係鰻魚遜色d，飯都係麻麻地。碎蔥拖蘿飯：👎🏻👎🏻👎🏻拖蘿蓉勁多筋，咬唔斷，啖啖都食到筋，要吐返d筋出嚟，食得都幾辛苦。原隻軟殼蟹沙律軟殼蟹外脆內熱而且有汁😋，蟹籽增加沙律口感，仲有生菜，車厘茄，粟米粒加拿大海膽手卷：海膽係幾鮮甜唔腥，但紫菜好快淋，佢擺低10秒都冇，其中一嚿就冧低左😂，而且中間位d飯一pat pat，比較黏。水母刺身：上網睇先知原來係海蜇，唔怪得係日本既時候唔見有得食，而且食落口感同食海蜇一樣，不過爽脆d同埋係無味，所以跟個酸汁比你點，但唔知點解個兜低有d藍色既水，唔知係咪水母既汁液呢🤔？…Read More

嚟到住家菜食住家菜，又點可以唔整返碗湯飲，咁先似係屋企食飯㗎嗎😂唔記得叫咩湯，其實我都唔知係乜湯，因為係朋友叫，但飲落的確幾好飲，飲得出係冇味精，有d似阿媽煲既感覺，但當然仲差d啦，而且佢d味比較淡。清清地暖下胃先。阿嫲雞唔熱唔凍，似係煮完攤到室溫先上菜，但雞肉幾嫩唔嚡，但食唔出係乜味😂中式牛柳，牛柳唔嚡唔韌，菜甫肉鬆煎蛋角，咬開入面仲有小小蛋汁😋蜜糖豬扒，蜜糖味欠奉，但豬扒軟淋仲有西蘭花斑片，魚香茄子，兩樣都正常。整體d小菜都唔錯，有小小家的味道。另外一提，服務幾好，會幫你分湯，會不時過嚟幫你換碟，問佢有冇wifi仲會同你講用iphone要連4次先得，又真係第4次先連到😂…Read More

主打新舊融合既新派中菜，菜式好特別，裝橫亦時尚得嚟帶有小小古典味道，同時亦令設吧枱，方便d人可以淨係嚟飲嘢。酒精類都算多選擇，而且有搞鬼既名襯托，另我每杯都想叫嚟一探究竟，好彩有英文可以睇，唔係真係唔知自己叫左乜嚟飲😂菊檸氣，無乜檸味，但滲出淡淡菊花味，幾清新，後尾有酒既餘韻係口中，幾特別既菊花酒水牛奶龍蝦球水牛奶幾滑，佢整到好似布甸質地，龍蝦份量較小，但幾爽彈。松茸羊肚菌海膽燴飯飯粒分明，有點黏，配埋海膽食一流，如果可以加小小紫菜碎我覺得仲好食。茉莉花茶味意式奶凍以為佢送錯，點解橙色咁似芒果😂，原來係有兩層，面層係約1寸厚既茉莉花味似mousse物體，底層係白色奶凍，茉莉花味幾出，加埋滑滑奶凍一齊食又幾好食，旁邊仲有兩粒朱古力脆脆都唔錯，唔係死甜，而且有可可味。…Read More

朋友帶我嚟食，話呢間新開好想嚟試，位置都算方便，但一入門口勁大油煙味，好似有一層煙霞咁，抽風設備真係要搞好d，好彩食完d味都唔算。叫左個牛拼盤，但唔係好明，明明間餐廳係日本嚟既，唔係應該食返日本既牛咩？點解咁多澳洲牛😂，再睇返個menu，都係澳牛多過日本牛，個拼盤個人覺得最好食係胸腹肉，牛五花同牛肩板肉都唔錯，厚切牛舌同牛肉眼扒反而普通牛脷薄切好食過拼盤既厚切，值得另外點一碟牛肋條係今餐全餐最好食，有肉味又唔韌唔嚡，再加上佢本身醃個汁，無得彈。呢到因爲新開冇耐關係，雖然有酒menu，但未有酒牌未賣得酒，但可以自帶酒水唔收charge，餐廳亦有圍裙提供，避免燒肉d汁或油彈到衫，幾貼心。…Read More