Menya Itto (Closed)

呢間餐廳開咗好耐，一直都想嚟食，但因為之前每次經過都排長龍，所以放棄左，今日咁岩又經過，可能下午茶時間，竟然無人排，店內亦得兩三枱客，就入左嚟食，一個人坐吧枱，望住海，雖然有駕郵輪
遮住晒😂

期間限定：味玉醬油拉麵

麵質煙韌彈牙，似日本食既咁，好難得有過江龍可以做到似日本食既感覺。
糖心蛋正。
雞叉燒都滑，肉質唔實又唔鬆散，好食
叉燒肥瘦均稱，但比較薄，成塊擺入口都冇乜咬口，唔通入口即溶😂
值得一提係佢塊紫菜，啱啱好痴係碗邊，浸唔到d湯，唔會淋晒
最後想講個湯底，唔知係咪因為醬油嘅關係，感覺好咸，飲左幾啖就放棄，之後仲有d口渴。

餐牌好大，但打開其實冇乜嘢揀，佢都係比張紙你畫。