Omotesando Koffee (Closed)

一直都想嚟食，可惜遲遲未有時間，今日咁啱經開呢頭又冇人就嚟左，估唔到咁晏先嚟都仲有呢個厚厚既玉子三文治睇相就睇得多，實物真係第一次，麵包好軟熟，中間玉子真係好厚，就咁望落去以為會乾爭爭同嚡，點知咬落去先知真係好滑好嫩，仲有小小蛋汁，唔同玉子壽司既玉子，再加埋小小wasabi 同應該係類似沙律醬嗰一類既醬又真係幾match，有小小攻鼻但又甜甜地，難以形容，如果塊麵包可以烘底就仲如，真係外脆內軟😂咖啡師即時問你要唔要糖，之後係你面前即沖，呢杯係cappuccino，面頭奶泡夠滑，飲到有小小酸味，啡味亦出。