noodles.club's Profile

日本連鎖串燒店鳥貴族自從上年登陸香港後，一直以性價比超高串燒同飲品保持高人氣：所有串燒、特色菜、飯麵及酒精飲品都只係$29.9，點餐完全唔使睇價錢咁🤩今次同老公到訪仲撞正鳥貴族40周年特別餐牌，帶來各種大阪美食，唔使飛都感受到關西熱鬧氣氛！🎌🔸章魚燒配脆蝦餅 大阪祭限定menu之一✨章魚燒內餡軟嫩，搭配彈牙章魚粒同埋濃郁醬汁，神還原大阪本地風味！仲伴以脆蝦餅，蝦味同酥脆口感同章魚燒味道好夾！🔸炸串（牛肉、豬腩肉） 另一大阪祭menu！兩款炸串炸粉好薄，香脆但唔會有油膩感；牛肉味濃帶嚼勁，而豬腩肉就滲住微微油脂香滑口感，送酒一流🔸雞腿貴族燒（秘制醬汁） 雞腿肉質柔嫩有肉汁，搭配秘制醬汁鹹甜適中，配上鮮甜京蔥，每一啖都回味無窮🤤🔸貴族雞釜飯 釜飯係生既狀態上枱，店員會教客人調理方法，等20-25分鐘就食得喇！米飯吸滿特製雞湯既雞肉鮮味，配上鮮嫩雞肉、赤板魚蛋、甘荀及牛蒡，令整個釜飯口感層次豐富，暖胃又飽肚🥰🔸明太子蛋黃醬燒雞胸肉串 雞胸肉燒得剛剛好，肉質唔怕鞋口，加上滿滿明太子蛋黃醬，鹹香鮮味為雞胸肉味道加添層次🔸鹽燒雞中翼、秘製醬汁雞肝 鹽燒雞中翼外皮香脆，鹽味恰到好處，唔會蓋過雞肉本身味道；雞肝口感滑嫩，同秘製醬汁味道完美配合，話咁快食哂成串！🔸芝士雞肉丸 雞肉丸口感柔軟，上面鋪滿濃郁芝士醬，每一啖都係滿滿鹹香…Read More

一直好少食日式放題，驚唔夠新鮮質素參差… 不過今次初訪中環ODDS，完全顛覆對放題既印象😌ODDS位於中環渣打銀行大廈，高級地段配合典雅格調bar area，踏入門口已經好驚艷😍穿過暗門黎到用餐區，享受逢星期六日及公眾假期供應既Dinner Feast，包括每人一款主菜以及2.5小時無限量小食，仲可以加錢無限暢飲！Free flow小食餐單已經包括沙律、刺身、卷物、串燒、鐵板燒及甜品等等，加上超高質素主菜，成為中環必去性價比高日式料理🇯🇵🔸沙律先點沙律，每一款細細兜但已經有齊牛油果、魚生等配料，味道平衡好開胃🔸刺身油甘魚、真鯛魚、八爪魚等等刺身都好新鮮，而且有唔同醬汁配搭令味道更多元化！最鍾意海膽魷魚，煙靭口感配海膽鮮味食唔停口🤤🔸卷物卷物一件件排列整齊，小小一件但精緻又足料💪🏻鹹香芝士火炙三文魚卷、脆脆口感天扶良蝦卷、肉味濃郁汁燒牛肉肉青瓜卷，bite size唔怕頂肚又好味🔸串燒 鐵板燒 炸物餐牌仲有好多唔同串燒揀，好似免治雞肉棒、雞軟骨、雞腎、魷魚等，火候剛剛好而且汁燒調味到位。唐揚魷魚金黃香脆，鐵板牛油太子貝口感彈牙香氣十足，想食多啲暖胃小食仲可以點日式茶碗蒸同味噌湯，味道同樣出色！🔸A4黑毛和牛3食白飯上面鋪滿黑毛和牛片，油花分布均勻，入口柔滑充滿脂香🤤先品嘗牛肉原味，再加入醬汁山葵或蒜片，最後做成茶漬飯 ，三種食法各有特色，係一個好豐富嘅體驗🥰🔸特選火炙壽司8款壽司一啲都唔馬虎，8件鮮味及口感各有不同，火炙後逼出油份入口香氣更濃郁！🔸甜品日式蛋糕同和菓子都係任點，為豐富一餐作結😌…Read More

Pizzeria Italia係我同老公經常幫襯既餐廳，味道口感正宗得黎性價比高今次回訪摩羅廟街分店，雖然係半山但可以經由扶手梯直達，地點方便；餐廳面積唔大但坐得舒服，紅白枱布配合木系bar area令整體氣氛更加homey🇮🇹 揀左2人套餐，有齊前菜拼盤、兩款主菜同甜品，飽肚又抵食！🔸Antipasti Platter前菜選擇好多，呢個拼盤就可以一次過試到不同款式🙆🏻‍♀️ 炸新鮮魷魚彈牙香口，烤麵包配自製番茄莎莎醬鮮甜開胃，煙三文魚配酸豆檸檬及特級橄欖充滿刁草香氣，仲有自製雞肉炸丸子炸得金黃香脆，不同口感味道組成一個豐富既拼盤🔸Parma Gorgonzola e Cipolle店家批底新鮮手製，批底柔軟但批邊保持煙韌；呢一款11” pizza配料包括巴馬臣火腿、哥根蘇拿芝士同洋葱，表面塗滿蕃茄醬，酸度正好平衡哥根蘇拿芝士既濃郁藍芝士鹹香🔸Linguine with Mix Seafood in White Wine Sauce第二款主菜揀左雜錦海鮮意粉，可以揀白酒汁或茄汁作基底。海鮮配料相當足料，有蝦、蜆肉、八爪魚仔、三文魚等等，令整碟意粉口感好豐富，白酒汁更能提升鮮味🔸Tiramisu口感軟滑而且味道唔怕太甜膩，散發濃郁咖啡香氣，而且份量夠大最適合分享…Read More

係中環lunch成日都驚又貴又多人，不過自從係IFC搵到Pata Negra House，放飯就多個高質又輕便嘅選擇🤤 Pata Negra House專門經營伊比利亞黑毛豬火腿同西班牙美食，店舖面積細細已經有齊三文治、湯品、沙律等食品；加上雪櫃入面大量西班牙火腿及芝士零售選擇，無論係想享受美食定係購入高質西班牙產品，一間店已經可以做齊晒😌🔸 開心果腸佛卡夏意式包 Iberico Mortadella Focaccia呢度可以揀唔同配料同麵包砌出自己鍾意嘅三文治，我就揀咗mortadella配focaccia！focaccia外酥內軟而且唔怕油膩，中間夾住超·級·多開心果腸，每一啖咬落去都食到滿滿肉香！！再配合青醬同開心果粒，橄欖油香氣、堅果味道以及開心果腸柔和鹹香互相平衡，無論味道定口感都100分🥰 除咗單點仲可以跟套餐，有埋沙律或湯品等等，更加滿足！🔸32Months Iberico Ham買lunch之餘順便幫屋企入貨，店員亦好用心介紹每一種火腿種類同部位嘅分別，揀得更有信心💪🏻呢一款黑毛豬火腿經過至少32個月乾燥熟成，肉質細膩帶淡淡堅果香，適量油份亦令火腿更香更柔滑！🔸Iberico Lomito 呢一款豬脊肉就經過至少12個月乾燥熟成，由栗子和橡果飼養既黑毛豬帶更重堅果香氣，肉質結實味道濃郁，口感層次更加豐富！…Read More

之前介紹過米芝蓮推薦泰菜Restoran Saya，今次去左位於荃灣既姊妹店Kopitiam By Saya同樣冇令人失望🥰 餐廳設計有心思而且位置寬敞，窗邊位置仲可以望到大海景；餐牌選擇繁多而且性價比高，晚上8點後入座仲會有海鮮七折優惠，更加抵食！🔸爆蒜炒蟹肉滑蛋飯 必點！！一上枱就見到碟內鋪上大量炸蒜同蟹肉，加上煎至半熟嘅滑蛋，令整道菜更加吸睛😍滑蛋口感柔嫩，同富存在感嘅炸蒜成強烈對比，但入口之後不同食材平衡得宜，亦令蟹肉鮮味更為提升，口感豐富而且層次分明，食唔停口🤤🔸辣椒膏炒花甲 花甲肉質鮮甜爽口，以辣椒膏炒過後辣勁同鮮味互相融合，加埋燈籠椒、蕃茄燈配菜更加惹味🌶️🔸紅咖喱檸檬葉燒封門柳 封門柳肉質鮮嫩多汁，煎至半熟後不但保留牛肉香氣，微辣之餘帶檸檬葉清香，味道層次非常豐富，係一道高質肉類主菜☺️🔸蝦多士 蝦多士外皮酥脆但完全唔怕油膩，最驚喜係內餡超級飽滿，咬開會見到滿滿蝦肉放喺薄脆多士上面，鮮味十足，配上甜辣醬更加惹味🤩🔸生蝦刺身 又係泰國菜必食😍一碟4隻生蝦刺身新鮮肥美，口感彈牙，配上以香草調配嘅醬汁，提升鮮味同時唔會蓋過生蝦味道，推薦！🔸芒果糯米飯 點少得泰國最經典甜品🥭芒果熟度剛剛好，大大隻而且甜美多汁；糯米飯口感軟糯香甜帶斑斕香，搭配椰漿味道更加濃郁🔸Found in Bangkok/ Lady Boy兩款以泰國為主題嘅雞尾酒，同樣以Gin酒作為基底但帶有不同花果香氣，清爽唔怕甜膩！…Read More

茶大椰係一間以椰子為主題既連鎖茶飲店，以椰子為基底創作出不同茶飲及甜品，最適合好似我咁有乳糖不耐症既人🙆🏻‍♀️尤其係用上鮮椰乳及原茶葉做出既創新搭配人氣好高，已經榮升為我近期最愛既茶飲店🥰🔸抹茶生椰乳店內其中一款熱門item✨抹茶濃郁香氣與椰奶既清新融合得好和諧，回甘茶香同時帶住椰奶清甜味道🍵將飲品拌勻後口感醇厚但唔會過於甜膩，係茶大椰必試茶飲！ 🔸焙茶鮮椰乳除左抹茶亦有焙茶版本，焙茶本身味道帶微微焦香，同椰奶既清新甜度相輔相成！入口口感細膩柔滑，焙茶特有既烘焙香氣比較突出，同抹茶生椰乳相比又有另一番風味🔸原味大椰凍本來想試既焦糖大椰凍剛好賣哂，但原味原來已經好夠味🤤一整個椰子裡面裝住以椰奶製成既椰凍，口感順滑帶有彈性，而且每一啖都有天然椰子香氣同甜味，好清新！記得刮埋椰殼內側既椰子肉一齊食，口感更加豐富🥥…Read More

韓奶奶拌飯位於元朗出晒名嘅食街，主打不同口味韓式拌飯，今次專登同老公去試試🇰🇷餐牌見到好多唔同款式口味嘅拌飯選擇，而且小食性價比好高，好多detail位都睇得出小店有落心機🙆🏻‍♀️釜飯以韓國高壓鍋加速煮成，每窩飯獨立即叫即煮，每一份都熱辣辣🔥🔸燒芝士韓式辣炒魷魚拌飯店家新出品！拌飯用上濃郁韓式醬汁，帶特有甜辣味道；魷魚鮮嫩有彈性，再將兩種芝士鋪滿表面，加上粟米同牛油，烤過後散發奶香，同辣炒魷魚係絕配！店員建議將全部配料拌勻食，每一啖都有豐富口感😍每個拌飯附上泡菜、前菜及海帶湯，order一個拌飯已經有齊整頓豐富晚餐🔸特級牛頸脊拌飯餐廳招牌之一！牛頸脊肉質軟嫩保留肉汁，份量一啲都唔吝嗇🥰表面仲放上一隻生蛋黃，亦有香蔥、粟米、牛油及芝麻等配料；店員介紹可隨喜好加入另上嘅特製醬汁，然後全部拌勻，蛋黃幼滑口感更能提升肉香🔸自家製韓式炸雞 配蒜蓉芝士醬炸雞外皮酥脆但唔怕油膩，裡面既雞肉嫩滑多汁，好惹味。最欣賞嘅係蒜蓉芝士醬由店家自家調製，蒜香濃郁芝士醬滑順濃厚，完全成為整個小食嘅亮點！🔸香煎韓式韭菜餅配特製醬汁** $28已經食到韭菜餅，性價比超高🤩 韭菜餅煎至微脆，韭菜、蘿蔔等蔬菜同麵糊比例恰到好處，唔會有膩感😌特製醬汁鹹香帶有淡淡酸味，幾開胃🔸凍頂烏龍茶 / 雨前龍井茶兩款罐裝茶都冇添加糖；回甘香氣正好配搭味道濃郁嘅拌飯…Read More

再訪大阪過江龍🥰 弁慶 御好燒 鐵板燒由日本人主理，由主廚、侍應到客人都以日本人居多，氣氛輕鬆熱鬧但唔會嘈吵，身處中環都感受到日本地道氛圍🥳最鍾意坐counter座位望住師傅席前調理食材，一步步煮出高質菜式😌今次到訪餐廳仲做緊沖繩縣祭期間限定menu，即刻同老公試咗幾款！🔸琉球韭菜燒賣腐皮包 沖繩縣祭menu限定菜式之一！用腐皮包住以韭菜及豬肉製成既內餡，似餃子嘅味道但多咗腐皮微甜煙靭口感💁🏻‍♀️ 每一個腐皮包都係滿滿內餡，味道層次好豐富🔸脆炸粟米 另一款沖繩縣祭菜式，粟米加入少量粉漿後煎成一個個小圓餅，炸至金黃酥脆同時保留粟米鮮甜味，係大推既小食之一！！🔸沖繩香檸Sour 沖繩縣祭限定cocktail，帶有香檸獨有酸度及香氣，酒精味道唔會太強，清爽解膩🔸熱熔芝士大阪燒 用椰菜及以高湯調味既粉漿作為基底，搭配自家製醬汁、沙律醬同豬肉片，做成傳統關西風大阪燒🇯🇵 每一塊既椰菜/粉漿比例剛剛好，口感紮實，最後再覆蓋上大量熱熔芝士，令整道菜式更加吸睛，芝士濃郁奶香更能夠提升配料風味！🔸明太日本玉子卷 師傅將蛋漿煎至半熟，令玉子卷保持柔軟口感；包住鹹香味濃明太子非常惹味，忍唔住一啖接一啖🔸關東煮 湯頭清澈鮮甜，食材吸收湯底精華，尤其白蘿蔔同炸豆腐非常入味，入口溫暖又滿足…Read More

位於中環街市既MYLKLAB.CO係一間豆乳飲品專門店，主打100%有機黃豆製作既豆乳產品，對於好似我呢D有乳糖不耐症既朋友簡直係天堂！✨店內所有飲品均為純素、無奶，而且種類選擇非常多，由手調飲品、枝裝豆乳、到雪糕同布甸等甜品都有得揀，過口癮都可以揀得天然健康💪🏻🔸有機紅菜頭豆乳一到手已經被搶眼粉紅色吸引💕紅菜頭獨特草青香帶自然甜味，同有機豆乳融合健康又有創意，味道清新。坊間比較少見呢個配搭，鍾意嘗新一定要試！🔸豆乳奶蓋 抹茶紅豆拿鐵抹茶清香同紅豆甜美完美結合，再加上濃郁既豆乳奶蓋，甜度及茶澀味互相平衡🍵濃密口感加上粒粒紅豆，口感層次豐富，又消暑又有滿足感試！🔸雪燕桃膠豆乳 除左即時沖調既飲品之外，仲有枝裝飲品易於攜帶😌呢一款豆乳加入雪燕同桃膠，係順滑口感上再增強口感，亦更具養生美顏效果🔸黑芝麻有機豆奶 黑芝麻味道濃郁但不失清新aftertaste，亦唔怕蓋過豆奶既天然黃豆香，口感濃厚而且營養豐富！…Read More

品曲奇終於係旺角西洋菜街開設新分店！之前係中環買過已經成為忠粉，今次新開分店更加充滿香港特色，門口行過已經好吸睛😍旺角分店整個空間都充滿香港特色情懷，每個角落都設有大量打卡位，無論係外觀設計定產品陳列都超級靚🥰 客人可以係店內試食不同產品，店員亦會俾心機介紹，可以慢慢揀自己鍾意既味道🤤 品牌產品包裝一樣好有特色，有香港主題曲奇禮盒，亦有舊信箱造型小盒裝等等，送禮自用都有滿滿幸福感💛今次揀咗兩盒同屋企人share，兩款都好滿意！🔸朱古力果仁脆脆結合蛋卷酥脆同曲奇口感，濃郁朱古力味配夏威夷果仁nutty香氣好惹味，食多幾塊都唔覺膩，口感幾清爽！🔸快樂果醬曲奇禮盒排放精緻既禮盒，包括牛油曲奇、果醬牛油曲奇、 果醬朱古力曲奇同 菠蘿醬荔枝曲奇四款，口感酥脆充滿牛油香氣！盒內仲包括一塊香港特色糖牌，有得睇又有得食，充滿玩味🇭🇰…Read More

終於到訪位於銅鑼灣既人氣高級餐廳Bochord📚Bochord 係古代英語世界中意譯為藏書室、圖書館，走進餐廳已經令人有行入古老大宅藏書閣既錯覺！昏暗燈光營造出浪漫氛圍，旁邊落地玻璃窗俾客人飽覽維港迷人景色，環境幽靜舒適😌餐廳每晚仲有現場樂隊演出，唔單止可以接受客人點歌，仲會為慶祝生日或紀念日既客人以歌送上祝賀，大日子約會又多個好地方🥰Bochord Tasting Menu:🔸Spanish Cuttlefish & Royal Daurenki Caviar西班牙墨魚薄片搭配煙燻魚籽，配以柚子和墨西哥辣椒泡沫，口感層次豐富；另一邊有皇家魚子醬，充滿獨特鮮味🔸Toro Sashimi / 52-Degree Scallop / Sea Urchin Tart跟住係3款amuse-bouche！Toro刺身用上蘿蔔片襯托，以ginger & plankton sauce 解膩；低溫烹調的日本帶子搭配辣味荷蘭醬與雙魚泡沫，味道層次豐富；日本海膽小撻配合海膽紫蘇蓉，將鮮味大為提升😍🔸Steamed Fresh Blue Crab第一道頭盤用上新鮮藍蟹，起好蟹肉再配搭墨汁同香醋，鮮味酸度平衡得宜。旁邊係梅味素麵，可以自行倒入辣椒及香蔥醬汁，口味竟然比想像中清新！🔸Seafood Bisque以海鮮及藏紅花熬製既濃湯，加入海膽忌廉及日本鰤魚刺身，味道鮮美，好味到想即刻要多碗！🔸Jamón & Black Truffle經36個月熟成既伊比利火腿味道濃郁，搭配牛肝菌及夏季黑松露片，香氣撲鼻，鹹香配菇菌清新味道非常吸引🔸Charcoal Grilled Pacific King Prawn太平洋大蝦經炭火烤製後原隻上碟，大蝦肉質鮮嫩彈牙，可隨喜好搭配海鮮照燒醬，或者加入蝦油既迷迭香蒜蓉，炭燒香氣更為提升🤤🔸Australian M6 Wagyu Beef Short Rib以63度低溫慢煮和牛肋排，肉質嫩滑而保留肉味，配上加入柚子既Demi-glace ，係一道滿足感高既主菜！🔸Sea Salt Caramel Chocolate Mousse Cake以64%黑朱古力忌廉造成慕絲蛋糕，搭配海鹽焦糖及烘焙榛果脆片，為豐富晚餐作結…Read More

元朗出名多好野食，但其實一直都缺少高質西餐🥲直到The Central 開左之後，元朗都終於有外國chill vibe餐廳，仲可以飲到高水準cocktail！餐廳位於朗屏站旁邊，地理位置方便，仲有半開放式座位，估唔到元朗區都有alfresco dining氛圍！酒鬼們一定要幫襯呢度既happy hour，唔同酒類飲品都好抵飲🥴🔸蟹肉蘸餅將蟹肉混合微辣Sriracha醬及奶香濃郁既蛋黃醬，再放入蟹蓋上枱；蔥花同蟹籽為蟹肉增添鮮味，搭配酥脆蝦片一齊食，係一道高質餐前小吃🥰🔸生牛肉他他以紐西蘭嫩牛里脊肉製成，肉質細膩。調味清新唔會蓋過牛肉本身味道，最特別係加上柚子胡椒，清香同微辣完美平衡，可以搭配蝦片一齊食！🔸黛安汁肉眼扒配薯菜紐西蘭肉眼扒煎得剛好係我地要求既medium rare，外層微微焦香，裏面鎖住肉汁😍 黛安汁濃郁帶芥末香，同牛肉味道非常相配🙂‍↕️配菜有火箭菜同炸至金黃酥脆既薯條，質素同份量都令人滿足🔸墨汁魷魚蜆肉意粉新鮮蜆肉同魷魚口感彈牙，配上墨汁意粉味道鮮美🤤已XO醬調味為整碟意粉增添香辣風味，再加入紫蘇及羅勒葉平衡整體味道，口味濃郁又不失層次感！🔸East Side Spritzers, Apple FizzCocktail係餐廳其中一個主打，同老公嗌咗兩款適合夏天既飲品 - East Side Spritzers 以gin作基底，配以熱情果、青瓜、菠蘿等口味，清新帶草香；Apple Fizz就用左vodka, st germain再配上蘋果同肉桂，微甜果香好開胃…Read More

炎熱夏天最啱食開胃泰國菜🥳今次到訪既呢間餐廳泰鑫位於灣仔，餐廳由參加過米芝蓮既廚師主理，提供正宗泰式味道🇹🇭溫暖明亮環境，一入門口已經聞到食物香氣，食欲大增🙆🏻‍♀️餐牌上有唔少菜式選擇，揀左性價比高二人餐，加$1仲可以換購小食拼盤！泰鑫二人餐 $398 🔸冬陰功(S)湯頭酸辣開胃，香茅味道突出但唔會太辣，有蝦同草菇非常足料🔸牛肉黃咖喱牛肉肉質軟嫩，黃咖哩稀身但味道濃郁帶椰香。加錢配薄餅沾上咖喱一齊食，更加突出咖喱風味！🔸雞肉金邊粉金邊粉口感滑溜，搭配雞肉、雞蛋及芽菜，味道酸甜無膩感，亦可加入旁邊花生碎及辣椒混合成自己鍾意既味道🤤🔸椰汁冰冰馬蹄爽一粒粒馬蹄爽口感爽脆，配上冰凍椰奶，每一口充滿椰香唔覺甜膩，夏天消暑必食🥰🔸泰式奶茶 青檸梳打 隨餐附上泰式飲品，奶茶順滑香濃，青檸梳打清爽帶甜，亦可加錢轉為椰青或沙冰🔸小食拼盤（蝦餅，炸雞翼，豬肉條，福袋）估唔到$1換購都咁高質！四款小食用小竹籃盛住，炸得金黃香脆，可以沾上泰式酸辣醬一齊食，其中最鍾意彈牙蝦餅以及充滿肉汁既炸雞翼🤤🔸泰式炒芥蘭可以$68換購，炒得爽脆香口充滿蒜香🔸柚子大蝦沙律彈牙大蝦配上清甜多汁既柚子果肉，再加上酸甜醬汁，調味恰到好處😍…Read More

原來元朗都可以食到正宗韓國刀削麵！位於元朗鳳攸南街嘅「부자칼국수自家製韓國刀削麵」係街上排隊店之一，店家亦係香港第一間韓國刀削麵，以正宗味道同濃郁湯底打響名堂🥰店內餐牌除咗麵食之外亦有餃子、煎餅等選擇，其中刀削麵足料量多性價比超高，難怪堂食外賣都咁多人捧場😌🔸牛骨湯刀削麵以刀削麵為主打，麵條質素當然完全加分！手工製成既麵切成粗條，口感彈牙帶嚼勁；牛骨湯底呈奶白色，入口鹹香味濃，配料牛𦟌肉質軟稔，加埋蛋絲及紫菜口感層次豐富。每一張枱都擺咗韓式辣醬，加少少落去牛骨湯底就會變成充滿辣勁既辣牛骨湯，一碗麵食到兩種唔同口味🥳🔸花蛤刀削麵同樣份量驚人，不過主角就換成花蛤😍花蛤份量多而新鮮，口感彈牙而且清潔乾淨冇沙冇腥味；湯底對比牛骨湯較為清爽，更能提升海鮮鮮味。除咗大量花蛤之外，配料仲有蛋絲、紫菜、冬菇及翠玉瓜，整體味道配搭平衡😌🔸五花肉泡菜煎餅煎餅加入泡菜酸甜惹味，再加上一片片五花肉係表面，燒過後油份逼出，令整個煎餅變得更加香脆🤤可以點少少醬油醋一齊食，減低膩感更香口！…Read More

唔使飛都食到東京神級咖喱！？原來Tabelog百名店之一既獲獎咖喱名店Caligari已經登陸香港🇯🇵 Caligari來自東京，主打8-12小時慢煮雙色咖喱，連續多年蟬聯「神田咖喱大賽冠軍」🏅香港店完全複製日本秘方，配合日本米還原當地味道，而且所有套餐都附上是日前菜同飲品，到訪當日既醃蘿蔔入味又開胃，為之後上既咖喱打定底💛🔸秋葉原定番第一次黎一定要試晒兩款咖喱！Caligari元祖椰汁咖喱加入椰漿，濃郁椰香配合平衡得宜既甜辛味，香氣十足；而Caligari特級香料咖喱就用上茴香、丁香 、肉桂等香料調配，加入肉類熬煮後味道層次豐富，辣勁亦唔會太搶風頭🥰 呢一款秋葉原定番有肉質嫩滑既龍田揚炸雞，再加埋芝士、鵪鶉蛋、薯角同茄子做配料，份量大而且好豐富🔸新宿定番同樣係雙色咖喱，不過就換上吉列豬扒做主菜😌吉列豬扒外皮炸至酥脆，但裏面保持鮮嫩帶肉汁，而且一樣咁大份🤤同樣有芝士、鵪鶉蛋、薯角同茄子做配菜，值得一提茄子煎得非常香口亦唔怕油膩，將咖喱香氣更為提升！…Read More