trynewfoodhk的个人专页

已經有好多年無走入茶餐廳食飯，因為啲野通常都好肥膩又太大份。今次經過九龍灣攞蛋糕，順便去試依間新開既「大渣哥」！依間野黃到癡線，仲講明只做香港人生意。入門口前有店員先幫你量體溫同核對身份症，確保入面唔係手足都係香港人。喺咁既肺炎時期，真係比左好大安心。下午５點半去到，店內未坐滿（有空位擺下袋），仲有下午茶餐供應。但我都係想食下啲佬飯😂咁啱當日比朋友去左食光榮既蔥油雞扒飯，比佢燒到我都想食。蔥油雞扒煎蛋飯（跟餐飲） $63癡左線，我真係唔知雞扒飯原來可以咁好食😭😭😭佢個雞扒係外脆內嫩，真係脆到個皮咬落有聲果隻，嫩滑既雞肉加埋啲皮脂黏黏糯糯咁，正到傻！隻蛋流心，啲米乾爽好食，樽秘製鼓油簡直世界級，入口甘香濃、有層次，仲任你加！杯茶幾好飲，飲得出個茶底唔錯。不過啲檸檬好多，篤左幾下都幾酸。聞到枱離杯啡幾香，下次試下咖啡先。本身心諗死喇都唔知食唔食得曬。結果食下食下，實在太惹味，竟然比我爬曬成碟飯，不得了不得了。雖然係茶記，但用餐環境衛生又舒服，啲夥計又好有禮貌同注重清潔，成餐食得好舒服　茶記既味道，五星級既享受…查看更多

去佐敦搵朋友食飯，朋友介紹下去左依間Cafe。最近好多餐廳都做唔住，大家如果出街食飯要多啲support 黃色食店呀！有啲cafe會玩fusion菜，依度大部分野食都係正統西式野，不過特別在有好多款式既貝果(bagel)😍自己好少去cafe食野，唔係好知一般價錢。menu大部分野食都係 $9X，覺得有啲貴。本身唔抱太大期望，純粹想支持黃店。結果食物質素十分出色又大份😍Hot Town Pulled Pork Bagel $98好大大大大個bagel！仲以為係細細個，完全無expect個bagel會咁大件又足料 ，成個巨大漢堡包咁XD入面夾左勁濃味juicy又軟腍既手撕spare ribs、多汁菠蘿、creamcheese 同沙律菜。（菠蘿睇得出有輕輕烤過，creamcheese個質地比較似乳酪沙律醬多過一舊舊果啲creamcheese。）一邊食一邊瘋狂滴汁，真係好邪惡呀依個配搭。貴啲但完全值！Hazelnut Latte +$5Weekday只要嗌主菜就包一杯$40既野飲，幾抵。依杯Latte沖得幾香，有微微Hazelnut香味。不過個bagel咁惹味，似乎同溫醇既咖啡唔夾…可能同cake夾啲。朋友的素菜全日餐 $95好大份好多野食咁。不過疫情關係，大家都好注重衛生，大家無交換食到。有機會都試下依度既all day breakfast先。…查看更多

香港最IMPRESSED我既拉麵店就係跑馬地座銀。記得2年前第一次食到座銀既雞白湯拉麵，亦係我人生第一次試雞白湯依樣野，瞬間開啟左新既大門。發現原來要做到鮮味既湯底（dashi），並唔只限於魚介豚骨，雞都做到！但跑馬地果間既位置實在太偏僻，所以無乜機會再去，到後來聽聞佢地喺中環開左分店。今次黎試下中環分店，比唔比到我同樣驚喜既感覺。依間分店位於山上面，其實都要行一大段路。（果日隻腳仲係拗住柴既狀態，包住繃帶咁行上山…）上到黎，排隊既人唔算太多。不過店內已經full曬，我單機食都要等一段時間。依度既店員都好有禮貌，服務非常好，無任何令人不適既感覺。一場黎到決定all in，乜都嗌曬！嗌左一碗雞白湯拉麵($148) + 蛋 ($15)再學日本人食法，加多一碗飯。依度既飯係牛蒡雞肉飯($48)喺雞白湯拉麵同沾麵之間猶豫左好耐，最後都係選擇拉麵，因為我想飲多啲湯XD但估唔到黎到，啲湯都係好少…單係湯既份量，已經同跑馬地店有明顯既分別雖然係一碗唔錯既拉麵，但只能說真係比唔上跑馬地分店咁神級。慢煮叉燒太肥、雞白湯無咁濃稠濃郁、泡沫感低、炸牛蒡焦香味無咁濃。同總店對比，依個質素老實講係有啲失望既。溏心蛋正正常常，無乜熏香味，蛋黃可以再流心啲。因為麵滿足唔到自己，所以食食下夾開啲麵，趁啲湯仲有剩攞黎配飯。意想唔到既係依個配搭（飯撈湯）比起碗麵本身更好食微黏、有淡淡雞味既飯掛上雞白湯汁，變得更黏滑。但咁樣隨便溝黎食，係可以好食過碗麵本身既，其質都唔係一件好事呀嘛？總體黎講，中環分店真係不了。要食就去返跑馬地總店食啦。成餐計落$221，但好似無點滿足到，相信依個價錢一定有更好選擇。話說周月正正喺依間野既隔離，下次去開依頭可能試埋周月…查看更多

好耐無食Little Vegas喇，好耐以前食過一次。依度啲野食幾適合一班人食飯share。以前依間野已經好難book位，宜家做埋黃店，人氣更加高。今日下午茶時間黎到，人流就好少既，大部分座位都空。明太子忌廉天使麵 $112記得以前食過依度既明太子忌廉意粉好impressed，啲明太子醬汁好濃，麵條又掛汁。碟野視覺效果幾好，鋪左一埋木魚絲，意粉入面有好多爽口既菇～今日再食，質素實在大不如前個汁煮得勁稀又無乜明太子味，似係無收汁，天使麵又有啲過軟。雖然整體唔難食既，但唔係我想食既當年既味道。至少唔太值百幾蚊依個價錢喇…再嗌左杯玫瑰咖啡，味道幾融和，玫瑰味唔假。但係唔係太夠熱。總體黎講，表現唔係太滿意，無咩事應該都會留quota食銅鑼灣其他黃店。…查看更多

黃到金既西式cafe! 店內外都有密集式連儂牆，密集到有啲恐怖英式鬆餅配果醬(肉桂蘋果) $22Toast Almond Latte $45一場黎到<一起果醬>，梗係要食下人地啲果醬!嗌左一個鬆餅，可以配一種果醬，就揀左特別啲既肉桂蘋果。鬆餅幾好食但唔算特別，無話特別重牛油香。Toast Almond Latte好香杏仁味好好飲果醬九宮格多士 $55依度既招牌菜就係依個九宮格多士喇！其實就係一塊厚多士，各搽九款醬上去，話特別真係無乜特別…不過上面既果醬，當然都係佢地既自家製果醬。同朋友2個人share依個，真係切到天荒地老，每款食得一少啖，但就當係果醬TASTING咁食囉。塊多士本身就有啲乾既…龍蝦汁海鮮意大利飯 $129但好多朋友都認同，其實佢地最好食既唔係啲醬，而係啲意大利飯。依碟意大利飯我都睇中好耐，又真係幾好食。軟硬適中、個龍蝦汁夠濃稠，海鮮又夠多、事前有先煎香過。PORTION SIZE比較細，但女仔都夠食。…查看更多

久違地黎銅鑼灣食下poke bowl之前喺上環食過一間中左伏，今次依間就非常滿意！性價比極高！魚生飯好多香港人都鐘意食，但其實低脂、清新又色彩繽紛既Poke bowl都係一個好好既選擇呀P.S. 依度同一條街有兩間Poke bowl，記得睇清楚店名唔好去錯呀。Poke係夏威夷語，意思係切細粒。依度既poke bowl有配好既，亦都可以自選組合。我有好多配料想試就揀左自選Tuna Poke Bowl 吞拿魚撈大碗 $88半醋飯+沙律紫洋蔥海帶芽枝豆仁豆腐 + $4牛油果 +$10山葵乳酪醬<$102>喺吞拿魚同三文魚之間掙扎左陣，但上網check過正宗poke bowl係食吞拿魚。第一次黎就梗係食最original既先啦一黎就比佢既份量感嚇親，真係估唔到咁大兜任何一款配料都比得勁足，全部都勁新鮮，調味恰到好處。豆腐軟嫩好食有豆香、海帶芽清新有嚼勁。通常食poke bowl嗌牛油果都要加錢然後切1/2個比你，但依度特別大件！估計佢地係用左澳洲巨型牛油果既2/3個，熟度岩岩好，軟滑既口感既邪惡又誘人。超級滿足到我想食啖啖牛油果既心情吞拿魚水準亦都十分高，切得幾厚身，味道鮮甜唔太多筋。但最令我驚喜既係，啲白飯超級無敵好食！！小編係飯控黎，只要米飯好味，撈少少醬汁就可以送成碗飯。依度啲白飯軟糯黏口又有咬口，直程好食到我可以齋食為左無咁飽同健康啲，揀左白飯＋沙律，多一份清新感。但想講揀雙併，白飯既份量一啲都無少到😂所以都建議大家雙併。最後好不容易清曬成碗，好難得食健康野食到咁飽又咁滿足。依個價錢完全係超值，有機會黎銅鑼灣一定encore暫居全港no.1 poke powl！…查看更多

自己好少去西餐廳/西式cafe食，因為通常都好貴又唔抵食。但依間算新開既Red Lobster真係令我喜出望外一啲都唔貴又高質！通常西餐都會先上啲麵包，依度係上鬆餅！仲要唔係普通鬆餅，係烤到又香噴噴既芝士鬆餅！上枱既時候仲有熱度同脆度，記得要即食呀。食完個鬆餅已經好滿足，係我近期食過最好既鬆餅。雖然可以refill，不過一場黎到，要留肚食其他野先嗌左兩客南瓜湯、一客龍蝦湯，話曬都叫red lobster。不過南瓜湯就甜到非常之怪，果種甜度係食中式糖水飲南瓜露既甜度…完全唔明點解要整到依隻甜度我就不推薦了。龍蝦湯算鮮甜，入面真係有龍蝦肉。不過只可以算不過不失。嗌左個舌拿魚他他，平時食依啲都偏貴，但依度性價比超高，甚至算得上平。先唔講魚生非常新鮮，口感微黏但無乜筋，仲混入左提味既各種材料　e.g.毛豆、芒果同芝麻。側邊仲有埋脆片送魚生，不過廢事「ah肚」就無點食。依碟大蝦龍蝦汁意粉，係主菜入面我最回味既一款依度Ｄ意粉唔係Ｄ細細份港女意粉，份量好足又煮到al dente，將鮮甜濃郁既龍蝦汁掛曬上麵。大蝦有煎香過又有彈性！另一碟係松子青汁菠菜意粉。成日去西餐廳食青汁意粉意粉都中伏，依度就整得好好。不過略嫌橄欖油太多，整體有啲油啫。再整左個黑松露薄餅。薄餅係薄脆果type，上面有適量既蘑菇、大量水牛芝士，最特別係打左隻蛋上去。食落有少少拉芝效果～黑松露味明顯但唔算特濃，整體口感幾好，我幾鐘意。但記得要趁熱食呀！綜合黎講，身為烘焙控，最鐘意都係佢個芝士鬆餅，真係食過翻尋味！單係為左個鬆餅我就可以再黎但係所有主菜都好出色…查看更多

紅豆肉鬆麻糬酥 $7大家都話依間既酥幾好食，見平平地買左件紅豆肉鬆麻糬酥。攞上手仲係微暖紅豆肉鬆麻糬酥，其實即係台式3Q餅，大家去台灣手信鋪一定有見過XD餅身好酥化，唔會太油淋淋，表面仲佈滿黑白芝麻籽。入面係甜度偏高既豆沙、絲狀既肉鬆、香口既咸蛋黃同少許麻糬。咸咸甜甜咁好好食性價比幾高！之後搵次買左返屋企，用焗爐焗熱8分鐘左右，更加好食…查看更多

曾經有一段時間，小編真係好鐘意去Dear食包。雖然佢啲包偏貴，但因為真係好食同埋環境正，所以瘋狂課金都在所不惜每日都會留意佢有咩新包出，一有機會就（儲錢）去！果陣Dear雖然都多人、要好早去到爭包，但未以黃店聞名。隔左半年再去，要同更加多人爭，自然要更早去到。然而好似無以前果種感動了…嗌左個花生醬麻糬包($35)同蘋果批可可貝果($42)，同朋友share黎食，價錢不便宜呀。花生醬麻糬包面頭鋪滿滿滿既花生醬，入面係一大舊麻糬寶寶～花生醬雖然份量多但亦無乜特色（應該係skippy黎）。麻糬都係正常發揮。並唔係話佢做得差，但就單純停留喺「幾好食」既感想，無驚喜既感覺。自己喺屋企，搵舊包、加好多skippy醬就可以整到依個效果。蘋果批可可貝果入面收埋左批皮同肉桂蘋果，面頭亦有一小塊酥皮。面頭同入面係批皮都係淋淋地，而肉桂蘋果既調味係非常之淡。因為以前食過佢各款煙韌款既貝果，所以自己知道佢既貝果做得煙韌既時候會有咩口感。而今次店家話依個貝果係「煙韌up」，但食落就係軟歐包既質地，完全唔煙韌喎…有啲失望。再試多個小山園抹茶醬卷。麵包既抹茶味非常濃郁，但麵體做得乾身，摻入既黑芝麻醬亦不明顯。好似乾哨麵團咁。今次特登早起試三個包，真係有啲失望了。唔知下次幫襯會係幾時呢…查看更多

位置有啲隱蔽既拉麵鋪，唔係朋友帶入去都唔知佢開左呢朋友話依間連鎖拉麵店係佢學生時期就成日食。見佢分店都幾多，全港有８間。俺流柚子拉麵　$75果日唔想食太油膩既野，所以就嗌左依個。麵係幼身，湯底有啲柚子碎同大量芝麻。成個感覺好清新。蛋做到溏心，叉燒偏瘦，無乜特別。枱面有一大堆配料比你自己添加，左配右搭幾得意。俺流叉燒飯　$45反而係依個叉燒飯，真係勁好食！雖然價錢便宜，但係勁足料。除左有兩大片燒到勁香日既厚切叉燒，仲有大量叉燒碎同白蔥絲。配埋濃郁既醬汁真係勁開胃。性價比極高（不過食完會口臭哈哈）玉子大阪燒　$22大阪燒既佐料＋玉子豆腐。普普通通啦。…查看更多

自從新城市既公關災難後，已經好少去新城市食野，有次跟屋企人食野，就打算試下未食過既餐廳。依間＜塚田農場＞位於地下好多餐廳果層。自己好鐘意食牛油果同三文魚。果日睇餐牌見佢既牛油果三文魚丼飯好似幾吸引咁，就走左入去食。結果真係勁後悔！牛油果同三文魚，基本上依個配搭只要材料新鮮，就一定唔會難食。我成世都未想像過一個牛油果三文魚丼飯竟然可以難食到咁首先以為佢會用日本米，始終都係打住日本餐廳既名堂…結果佢用既米係勁細碎、唔圓潤唔黏口唔飽滿，汁又勁少。三文魚同牛油果好似鋪得好滿，其實係切到紙勁薄，擺入口就無左。加上成個飯同材料基本上係無調味過，唔單止薄仲淡到無味…完全唔覺得自己食左野。其實整得咁無心機，不如唔好整屋企人嗌既甜品就好少少。佢係一大杯布丁加一球雪糕，嚴格黎講唔算芭菲。不過個布丁幾有奶香同抹茶香，QQ彈彈咁，都算好食。…查看更多

喺香港買牛角包，永遠伴隨住極大風險…香港大部分連鎖包店既牛角包都係淋曬，就算拎返屋企翻熱都係油淋淋唔脆。依間＜八月堂＞聽講係好食啲既牛角包店，難得經過就試下先佢有好多種味，但第一次食，就食啲簡單啲既味！迷戀卡士達 $20雖然唔係新鮮出爐，但都唔會淋曬。入面餡料份量適中，唔算爆餡，custard唔會話好甜。蜂巢形狀唔明顯，成個牛角包唔算好酥脆好挺身。整體不過不失啦。如果周圍無好啲既牛角包，買黎過下口癮都可以。…查看更多

🍣自從食完旺角「大勝丼」同紅磡「德美壽司」  後，就起左鋪魚生癮。朋友高度推薦下黎左依間 餐廳位置唔係好顯眼，走過左幾次先見到成間鋪好有日本居酒屋既感覺。當日係閒日夜晚，餐廳內唔算好多人。同朋友特登揀左bar枱位置坐低，望住師傅整野食，總覺得更加有氣氛。上餐速度都好快下，等左幾分鐘已經黎左兩個飯。▪️海寶丼【特上】$160［赤身 白身 章魚 穴子 蛤蜊 小扇貝 真雪蟹 海膽 甜蝦 鮭魚子 青瓜］乜都有既丼，全部魚生都一樣咁新鮮，每款都鮮甜到我懶得介紹，因為啲形容詞會一樣哈哈唔洗加咩配料，成碗飯都已經充滿大海鮮味！▪️吞拿魚蓉飯 $160［吞拿魚蓉 鮭魚子 青瓜］本身係三文魚派既我，最近開始鐘意食吞拿魚蓉。依度既魚蓉亦理所當然地新鮮，微漿口既口感，同帶濃烈咸香既三文魚子好夾！香港好食既魚生丼餐廳，我相信唔少。但講到依間既最大特色，一定係佢既「醋啫喱」。壽司飯加醋就聽得多，啫喱食法咁得意都係第一次試，估唔到咁清新又開胃惹味喎！😳額外加入既酸味，唔單止刺激味覺，口感亦更升一層。完全唔需要再加鼓油同wasabi，都已經好惹味。而且佢獨特食法唔止一個，仲比左成壺暖笠笠魚湯，for你臨尾加落去整 。相信壺魚湯係熬左好耐，飲落勁鮮甜醇美😭😭一丼三食都勁出色，好可惜佢份量較細😭 每種食法未試真已經食完成個丼飯，總覺得有啲空虛……查看更多

對讀poly既朋友黎講，依度應該係飯堂。但小編bookmark咗勁耐先有機會黎食😂依度既上海麵就好似傳言所述，係勁勁勁勁大碗，真係唔好覺得一個女仔KO得曬😂（P.S. 餐牌喺最後！）🍜嫩雞煨麵 $50依碗麵簡直係設計比通完頂既人食😭清澈既湯頭，飲落喉嚨果下好似全身都被治癒咁🥺係失眠完既小編想尋求既溫柔味道😭佢既清澈濃醇就好比雞白湯拉麵既湯咁，真係勁想乾曬全碗湯😭麵條燉煮得軟腍但未至於軟爛，好適合腸胃疲弱既人食。而且湯入面有超量既白菜碎同唔肥膩既雞肉粒，連營養平衡都好完美😳最憎食健康野既小編都表示佢好正!🍜大排麵 $50麵底就係普通陽春麵底，湯底無咩特色，唔會令你想飲個湯。但重點係佢既超大塊炸豬排，炸得勁酥脆同好厚肉！🍯蜜汁烤夫 $33依度既小海菜式真係幾多同幾正宗。其實我幾鐘意食烤夫，但唔係度度有得食。依度既烤夫整得酸酸甜甜好開胃，個汁應該係蜜汁加黑醋黎😛🍲油豆腐粉絲湯 $58粉絲好硬，湯個味好怪，個百頁結入面有餡，有啲似魚肉腸入面啲餡咁，但係成個結好硬。油豆腐就正正常常一舊油豆腐咁😂3個人嗌2碗麵加小食，以為應該KO到，但份量都超級過量了…查看更多

食左咁耐先知依間都係黃 （💛黃色行為: 休市s、5/10老闆留守到最後為大家服務、老闆有去遊行 ）鑽石山既包店黎講，佢算數一數二。包既質地出色，款式結合日本同台灣風格，係適合年輕包控既包店。依間包店啲試食好大方，差唔多所有大包/bagel都有試食😎隔離鋪仲有之前介紹過既 NUTTEA，小編成日一次過懲罰兩間黃店>北海道奶油草莓米卷 $16最近好想去日本，一見到依個包咁日本feel就忍唔住買咗🇯🇵啲草莓好鮮甜，個包好soft、有麵粉香，但最估唔到原來中間既yellow object唔係吉士，而係原舊牛油...即係話依舊野根本係菠蘿油既分身：草莓油🤢我自己批走左一半牛油，真心handle唔到咁多油🙈>明太子法包 $20無影到相，但好好食！條法包上面鋪上勁多明太子，成個包勁惹味。建議當日室溫食，因為第日食/翻熱食，明太子醬既沙律醬部分會過度滲透，令個包好油。而且好難得香港有包鋪有Bagel食😭依度既貝果聲稱湯種做法，整出黎口感微煙韌。好多款都試過，欣賞佢地貝果餡料唔會太甜…查看更多