thegluttondude's Profile

行開黃大仙，想食漢堡包咁食咩好啊？好在黃大仙中心有間Mos Cafe姐，咁岩八爪魚漢堡做緊買一送一喎，我去試吓先！佢個八爪魚漢堡好好食呀， 10分鬆脆，不過如果入邊多汁啲就更加好啦。當然，佢個雞塊永遠都唔會令我失望，間間都咁好食！啊！順帶一提，佢哋個凍檸檬茶都幾好味，唔係好甜，建議大家經過黃大仙嘅時候，又想食漢堡包，真係入去食下。叫咗一個餐，一個包，散嗌凍檸茶，都唔過$80 ，抵到爛！不過嗰度嘅冷氣唔係好夠，建議去食呢就一定要嗌凍飲，如果唔係會流汗！…Read More

荃灣友有福了！繼Vici Bar之後又有新chill點！Vici Stage! 佢地主打泰國菜同高質stage cocktail，價錢親民但有超高級享受！事不宜遲，即刻入正題！Dancing Grape: 味道清新帶巨峰提子嘅微甜，酒係以近期最hit嘅Gin酒做base，酒味輕微，好易入口！加上佢用個茶壺裝住啲酒，倒出黎飲好過引！好啱女仔飲！Meng’s Soup: 孟婆湯係我最鐘意嘅stage cocktail！飲落去有好香濃中國香料味，同時以Plum Gin做base，用中國碗盛載，中西合璧，味道濃郁！每次都要叫番一杯爽下！好欣賞Vici Stage對cocktail色香味的細緻度，感受到調酒師滿滿嘅誠意！相信住荃灣嘅小編應該會不停落黎chill!!!!!!Attached with stage cocktail menu:…Read More

小編同朋友經過旺角，去到一間有多野玩又多野食嘅好地方，佢就係Nardo’s Cafe啦！我同朋友一坐低就叫左2個小食2個餐！每樣食物都各有特色，但有2款食物我一定要介紹下！首先，日式煎餃子非常出色，熱辣辣嘅餃子加上燒汁及木魚，充分表達日式風情，味道好好，此小食可以一叫再叫！另外，香蒜忌廉蜆肉煙三文魚意粉亦很討我歡心！意粉汁入味香濃，材料方面，蜆肉及煙三文魚分量充足，每啖意粉都係豪華嘅享受。其他食品例如Oreo朱古力奶昔、特濃朱古力蛋糕，也做得非常好味，建議大家叫曬所有Menu上嘅食物！最後，Nardo’s Cafe原來有Party set，下次同一班朋友嚟食，又多嘢玩，又有嘢食，一腳踢搞掂晒！大家如果都想搵個好玩好食嘅地方，就去Nardo’s Cafe啦！…Read More

大滾友火鍋用料新鮮，過不多說，一於直入正題！小編同朋友叫了蕃茄豬軟骨湯底，湯底鮮甜重茄味，豬軟骨夠嫩！而有2款材料我吃完之後，決定下次都要encore!!第一個推介的菜式是陳年花雕牛展！廚師準好備新鮮牛展，之後將花雕酒倒在牛展上浸十五分鐘！牛展烚熟後非常入味，非常嫩滑！第二個推介的菜式是大滾友餃子拼盤，叫一份可以試曬4款餃！而我最鐘意嘅一款係蟹黃餃！一口咬落隻餃，蟹黃汁爆曬出黎，好香濃！大滾友其他菜式都做到好出色！尤其手切牛肉同鮮白鱔片都好正！大家經過元朗都入去食下！…Read More

Amitie Kitchen係一間好配合香港人口味嘅餐廳，食物質素好高，事不宜遲，等我講解下我最鐘意嘅兩款食物！松葉蟹味噌蟹鵪鶉蛋龍蝦汁意大利麵：我一見到餐牌就知道要點這道菜式！菜式名字豪華，味道層次分明。廚師用蟹蓋盛裝松葉蟹肉、味噌蟹膏及鵪鶉蛋，食用前將這些珍貴的材料撈勻，之後倒進意大利麵。龍蝦汁味道鮮美，但不會蓋過蟹肉蟹膏的味道，反而更令各種海鮮鮮味迫出來，加上麵條軟硬適中，整個口腔都有滿滿的幸福好滋味！頂級美國西冷牛扒配沙律 ：我常常有種錯覺，認為西冷牛扒總比肉眼扒遜色。但吃過amitie的頂級西冷後，我再沒有這看法！西冷外層乾脆，帶有淡鹽味及炭燒味，我本以為很難才能把這肉切開，原來輕輕一切，就能把肉分成小塊。看到肉汁鎖在淡粉紅的牛肉，令人垂涎欲滴！西冷肉質鮮嫩多汁，油脂適量，肉中的肥脂及筋都被炭火燒透得非常鬆軟，咀嚼時沒有任何難道，能將整塊肉好好品嘗，此西冷扒只應天上有！！！！這兩份美食是我在Amitie用餐後，一直都不能忘懷的！下次必會帶家人到此用餐，點更多好東西好好獎勵自己及他們！…Read More

飲啤酒去到尖沙咀想食串燒？一定要去肚餓了！肚餓了串燒款式多用料鮮味道正，環境又有情調坐得舒服！以下係我特別推介嘅食物：燒牛舌 - 店廚將牛舌切成大正方粒，每邊都燒得好均勻，將香濃嘅肉汁鎖在牛舌內，一啖咬落去牛舌有爆汁嘅感覺！燒雞肶菇 - 出面嘅串燒店會將雞肶菇燒到乾爭爭，浪費食材；但係肚餓了嘅店廚就唔同啦！佢將火侯控制得好好，雞肶菇每塊都外面乾身，入面多汁！仲要店廚好細心咁係菇表面擦一層蜜糖，再加上香料，令菇變得入味，係我最推介嘅串燒之一！其他串燒味道都係一流嘅！加上draft beer同手工啤都有做特價，所以下次去到尖沙咀想去個好地方chill下食串燒，肚餓了會係一個好嘅選擇！其他串燒相片:…Read More

泰濃麵係間幾好嘅餐廳，裝修充滿南亞風味，上菜又快，當然最重要嘅，就係佢地食物質素好好！今日想推介大家試下2碗湯麵，首先係頂級安格斯牛肉船湯金邊粉。佢地嘅牛肉份量適中，肉質豐富；其他配菜如魚蛋、秋葵、炸魷魚、通菜粒等等，為湯麵加上更多口感；配上香料十足嘅深啡色船湯同埋細滑嘅金邊粉，食每啖都刺激到我嘅味蕾！不過大家都知我無辣不歡，所以我亦叫左一碗雞脾肉冬蔭公薯粉試下。我一聞到個湯就知唔惹小！冬蔭公嘅辣味好香濃，隨湯嘅配菜，包括蝦、青口、香茅、菇、秋葵等等都非常新鮮！配上嫩滑嘅雞脾肉同掛湯一流嘅薯粉，真係令到我食唔停口！越食越辣，越辣越食！所以，真心，我建議大家都去泰濃麵食下佢地嘅拿手湯麵，食完會覺得自己好似真係去左越南泰國旅行咁架！！！一定要食呀！一定要食呀！…Read More

漁火是一家以中式養生湯底配合日式刺身及材料的火鍋店。事不宜遲，立刻為大家介紹此店的優秀之處！漁火的火鍋湯底有各種中式養生湯，而當中推介的是菜乾豬肺湯。湯底用料十足，而且用燉的方法制成，味道清甜香濃而不油膩，加上豬肺清理得非常乾淨，所以即使在漁火亦能嚐到家中老火湯的好味道！品嚐過老火湯，店員會為客人在湯底加入雪白的豬骨湯，進入正式打邊爐環節！漁火的火鍋材料包羅萬有，亦有時價的海鮮供客人選擇。用餐當日，老闆娘向我推介新鮮的A級象拔蚌，並提議一蚌兩味，我當然要試試！象拔蚌刺身肉質爽口鮮甜，令人引不住吃過一塊又一塊！其實新鮮象拔蚌的膽亦能生吃，但小編怕內臟的味道，所以就放到湯底灼熟才吃。蚌膽比刺身較重海水味，入口軟滑！除刺身外，小編亦點了本地鮮牛頸脊及脆鯇片。牛肉味道香濃，油脂分配洽到好處，口感彈牙夠嫩。脆鯇片非常乾淨，晶瑩通透，放入湯得10秒即熟。這塊雪白無瑕的魚肉十分嫩滑，跟煙韌爽口的魚皮成強烈對比，加上咀嚼時竟感覺不到有任何細骨，十分美味！總結，漁火的食物質素高級，而且花款眾多，小編強烈推介各讀者到漁火試試，相信各位都能吃得非常滿足！…Read More

樓下冰室兩間分店都係荃灣，兩間水準都好好，價廉物美！今次我係想介紹近大窩口附近嘅一間。今日叫嘅嘢食唔多，有芝士蕃茄肉醬薯角，佢嘅芝士好夠，肉醬都好香，薯角脆口，食落好好味。食d咁熱氣嘅野，當然要飲下野。我呢就叫左一杯凍阿華田脆脆，味道好好架，華田味夠濃，加上有啲脆脆喺面，口感懷舊得黎又有一點新意。而我個人最欣賞嘅係佢地瑞士汁雞肶，一望到個雞肶就知好味，望落光滑多汁，香氣撲鼻。雞肶非常入味，肉質鮮嫩，真係令人想食完一隻又一隻！樓下冰室除左食物好味之外，員工服務態度都好好，佢地會關心各個食客嘅需要。所以，我推介大家都來試下喱間咁有人情味，食物價廉物美嘅餐廳！…Read More

最強米線實至名歸！老闆娘米線隱藏係街巿熟食區，但係佢有著好高水準嘅食物質素。佢地湯有分幾種，有好多種餸比你揀，而每種餸都整得好入味！當中最正嘅係佢地嘅炸物，姐係我次次都食嘅蝦卷同香菇卷，腐皮好香脆，香菇多汁香軟，鮮蝦滑彈牙爽口；湯底濃郁，香料配菜亦都好夠份量；講到米線就仲痴線，佢比大部分米線都幼身，但係就好彈牙索湯，係香港真係好少食到咁正嘅米線！不過要去朝聖，就真係要等，好迫人，同埋老闆娘唔係日日都開，所以要確保佢地開先好去，follow佢地Facebook or 去前打個電話去會好d！…Read More

喱間野來講，就算閒日去都要排番半個鐘架啦，所以去嘅朋友真係要比少少耐性。不過大家嘅等待係值得嘅，因為佢個pancake真係好好食。蛋味好濃，而且厚得黎好鬆軟，加上你feel到佢果d 雪糕好高質，好香滑。推介一眾甜品控都去食下！！…Read More

荃新天地Tom N Toms嘅咖啡相信一眾荃灣人都試過啦，多士又試過未？蜂蜜芝士吐司外層幾脆，中間嘅芝士可以多d，整體上比較乾。我個人鐘意朱古力忌廉多士多d，口感滑d，甜甜地同咖啡襯d。不過50幾蚊多士就真係貴左d，用咁嘅cost我會想揀飲2杯咖啡！…Read More

早前一月去左食名家，除左必食嘅海大蝦同牛肉之外，果陣仲出左個海鮮拼盤，整體上都係新鮮嘅，味道好好，唔知宜家仲有無呢？不過都最後埋單果陣就知道肉痛啦，兩個大人兩個細路去食，平均都要300蚊一位，唔算特別抵食。…Read More

麵屋丸京入面有三個湯底，食開重口味嘅我就竟然點左清湯豚骨醬油拉麵！佢個清湯比出面嘅唔同，佢係黃色而唔係白色嘅，因為丸京加左醬油一同調制，所以湯有好香嘅豬骨味，又唔會太過油或者咸。另外佢個麵係幼麵，咬落有嚼勁，又好索湯，食落去口感好好。配菜亦做得相當不錯，筍爽口入味，糖心蛋有適當嘅調味，叉燒肥瘦適中，令整個豚骨醬油拉麵嘅表現都好平均，所有野都好夾。當然有人可能話叉燒嘅份量好少，得三塊；但係我個人覺得丸京拉麵嘅賣點係食物嘅一體性，如果落得太多會令到個麵好濟，加上丸京有出加大size比客人order，所以我覺得京丸係份量上控制得恰到好處。…Read More

愉城新開嘅元氣壽司🍣平日都好多人等位，食物質素就同其他嘅店差不多，不過佢上菜真係好快，加上佢地以宜家「壽司火車」嘅設計傳餐，取代左回轉壽司帶嘅方法，變相會減少浪費，同保持到食物新鮮度，不過我坐左去order枱，所以無得玩下架新幹線。大家不妨去試下啦…Read More