樓下冰室

樓下冰室兩間分店都係荃灣，兩間水準都好好，價廉物美！今次我係想介紹近大窩口附近嘅一間。

今日叫嘅嘢食唔多，有芝士蕃茄肉醬薯角，佢嘅芝士好夠，肉醬都好香，薯角脆口，食落好好味。

芝士蕃茄肉醬薯角

食d咁熱氣嘅野，當然要飲下野。我呢就叫左一杯凍阿華田脆脆，味道好好架，華田味夠濃，加上有啲脆脆喺面，口感懷舊得黎又有一點新意。

凍阿華田脆脆

而我個人最欣賞嘅係佢地瑞士汁雞肶，一望到個雞肶就知好味，望落光滑多汁，香氣撲鼻。雞肶非常入味，肉質鮮嫩，真係令人想食完一隻又一隻！

瑞士汁雞肶

樓下冰室除左食物好味之外，員工服務態度都好好，佢地會關心各個食客嘅需要。所以，我推介大家都來試下喱間咁有人情味，食物價廉物美嘅餐廳！