Westfacefoodie's Profile

打邊爐最緊要係個爐，車仔麵最緊要梗係令菜材變惹味個汁底啦！呢間小店由30年經驗嘅老師傅傳授嘅滷水汁同埋辣汁嘅車仔麵店，講到咁勁，一定要試下佢啦！🥡蘿蔔豬頸肉大腸生菜粉絲普通車仔麵來來去去都去蛋麵，米粉，河粉，而佢呢度有粉絲食喎，麵底就試下佢。煮得岩岩好，入口唔會太冧，仲好有咬口。蘿蔔又清甜而且炆到好入味，入口即溶，吸收曬湯底嘅味道！豬頸肉同大腸就係佢最出名嘅滷水去煮，滷水豬頸肉好入味之餘又脆口，大腸又好腍，唔會有豬嘅異味之餘，仲會清埋腸入邊嘅脂肪添，絕對係車仔麵中最細心嘅舉動。另外滷水牛筋真係佢地嘅滷水食物之中一定要試嘅。首先係好腍好滑，仲非常之"膠"，癡住我個咀。而且舊舊都係一口大細，帶少少肉，筋肉分明，令到牛味更重，更好味。🥡重點重點重點，佢個辣汁好惹味，夠辣，唔係講笑，食辣嘅就要試！點解點解點解？因為佢嘅辣係好香，而且唔會好似普通嘅辣完就算，有後勁架。所以配番一個玻璃樽裝嘅可樂就fit 哂！gur 哂啦🤣…Read More

而家市面上生酮餐廳越開越多，仲越嚟越普遍，今次就入到元朗食一間生酮都啱食嘅串燒店啦！🥡 特盛和牛煎蛋配煙肉椰菜花飯椰菜花飯有濃濃嘅煙肉味，加埋薄薄嘅和牛同燶邊太陽蛋，將蛋黃撈落加椰菜花飯當中，特別惹味🥡串燒類燒雞皮/燒雞翼/雞頸肉/燒脆鱔/豬頸肉全部基本用鹽調味，燒得幾香脆。醬汁就有2款，柚子胡椒同泰汁辣汁，柚子胡椒汁酸酸味味，有淡淡嘅柚子香氣，帶微辣添，唔錯架！店主仲特別話用嚟配雞就最啱，大家都試下！…Read More

行過旺角自然就會諗起大排檔嘅鑊氣小炒，路過一試，又真係好夠鑊氣喎！！🥡七味炸豆腐整體都好香脆，炸粉又薄，表面仲有陣陣蒜香味，份量多，最岩送啤酒。🥡黃金珍寶蝦球黃金蝦球炸到脆卜卜，每粒新鮮爽口得嚟又大大粒，配合面頭嘅鹹蛋黃蓉，食到起曬沙，鹹香味一流。🥡啫啫通菜煲上枱已經聞到好香蝦醬味，入面仲有肉碎，非常惹味，保持到鑊氣又足料！🥡豉汁蒸白鱔白鱔好滑，食落唔會話好多骨，豉汁味濃，每一舊都好入味，送飯真條一流…Read More

日本菜之中，卷物可以話係貪心之選，可以將自己鐘意嘅野食集合埋一齊。今次就去咗一間位於銅鑼灣嘅日本菜，入面都有唔少創意卷物！🍣相撲力士入面係芝士同蟹柳，加埋雜錦刺身係面，比起普通啲蟹柳小卷多咗一種特色，加埋面頭嘅醬汁，唔錯。🍣超級龍捲風卷如其名，加咗脆片係面，好似打完風一樣。事實上係芝士配吉列炸蝦同海鰻嘅卷物，食落口感有趣，吉列同脆片夠爆脆。🍣蜘蛛講到蜘蛛，一聽就知道係軟殼蟹卷物，包住蟹柳同青瓜絲，咬落果陣清新散發曬出嚟。🥡鹽燒三文魚頭鮫魚鮫一直都係我嘅必食之選，鐘意佢入面嘅油脂，脆卜卜嘅魚皮，骨同骨之間嫩滑嘅魚肉，呢個做得唔錯，好味！🥡七味唐揚炸雞軟骨雞軟骨係男友嘅最愛，呢個仲要係king size! 每粒都大到爆谷咁，外脆內軟，外層仲有啲七味粉，夠香口。🍤海蝦天婦羅天婦羅嘅熱度岩岩好，脆漿唔會過厚，咬落啖啖都有蝦，唔係細細隻，成口脆漿果種，好！🍖琦玉網燒牛舌非常出色嘅燒牛舌，夠腍，入口有陣陣黑椒味湧出嚟，風味十足。…Read More

韓國野除咗韓燒、人蔘雞湯、就一定係炸雞同埋拉曬絲嘅芝士。但個人唔太好芝士，不過見到都覺得好吸引呀～🥡 烤芝士牛排骨牛排骨即係牛仔骨，整得好冧，唔會痴住，而且仲非常入味添。配埋一大堆溶化曬嘅芝士，食嘅時候將芝士卷埋一齊食，見朋友食得好滋味。我就輕輕試咗小小，芝士本身唔係好大陣咪果種，配埋一齊都幾match。🥡芝士雞蛋卷又一個爆芝拉絲嘅菜式，一切開入面啲芝士已經開始流出嚟，雞蛋卷上面有少少蟹籽，加埋蛋黃醬同茄汁，正呀。🥡黃金咸蛋黃炸雞識食炸雞一定係食有骨，有骨先至夠香口。每啖都食到咸蛋醬，加埋脆卜卜嘅雞皮，唔錯。🥡魚糕湯去韓國食魚糕，重點一定係可以無限refill 嘅湯。呢個雖然冇得refill，但係兩個人飲都好足夠，加埋入面嘅雜錦魚糕，滿足！…Read More

🥡小曼谷孖寶呢個孖寶推介可以揀兩款唔同嘅嘢食，有炸雞、海鮮、豬手、海南雞等等。最後我哋就揀咗呢度嘅兩款海鮮，分別係蟶子同埋白鱔。兩大件白鱔，咬入口脆皮之餘，仲好夠厚身，加埋泰式醬料，正。蟶子一共有三隻，上面放咗蝦仔，咬落脆卜卜，蟶子本身都夠新鮮，味道好鮮甜。🥡泰式鳳爪去泰國點可以唔食呢個前菜，同樣都係大大碟，配埋酸酸辣辣嘅汁，非常開胃。🥡冬蔭功湯呢個湯係我嘅all time favourite，無論去到邊度都要嗌。呢個入邊有兩隻大蝦，食落爽身彈牙，湯嘅味道都好濃唔會話有過多椰汁味，幾好幾好。🥡馬拉盞豬頸肉炒通菜通菜用鐵板上，上枱仲有吱吱聲，而且仲聞到好香嘅馬拉盞味，配埋爽口嘅豬頸肉，好味。🥡五星蒜香炸雞炸雞上枱即刻好吸引，有一大隻雞髀仲有雞全翼，加個雞胸。側邊仲配埋蝦片，就算係雞胸食落都唔會覺得好鞋，雞髀啖啖肉非常唔錯。…Read More

大大話話都有成年冇食過放題，呢間位於觀塘嘅放題，細細個都已經食過啦，今日一於去重溫下，發現原來性價比都幾高。🥡 刺身放題嘅重中之中，每款刺身師傅都冇留手，切到厚厚咁一片，每一片都令人好有滿足感。種類方面，三文魚、吞拿魚、油甘魚同埋帶子就係我嘅首選啦！🥡牛吞串燒 芝麻雞翼呢兩款都係我嘅最愛，芝麻雞翼個皮脆卜卜，加埋啖啖芝麻，夠曬香口！牛吞就更加係必點！🥡香草羊架調味好足夠，每舊都大大舊，腍身得嚟又夠juicy，唔錯唔錯！🥡醉鮑魚性價比最高嘅地方，莫過於有鮑魚啦，醉鮑魚好入味，完全唔難咬，食落有陣陣嘅花雕味～🥡鮑汁花膠而家放題已經唔只再局限於日式野食，花膠大大塊，食落好腍好入味，可以一試！🥡酸菜魚仲有而家大熱嘅酸菜魚，魚片好嫩滑，整體味道好足，見人食完一碟又一碟。…Read More

旺角有唔少樓上舖都有餐廳，今次同男朋友就見到有間係board game 林立嘅大廈入面，隱藏住一間新開業嘅川味火鍋，新張期內仲做緊78折添！🥡 麻辣雞煲話明川味，入面有水煮魚、雞煲（麻辣、蒜香、芝士揀）、仲有酸菜魚，食左先開始打邊爐。雞煲就揀左麻辣，整體唔錯，雞入味，顏色都幾靚。🥡酸菜魚店長話招牌係酸菜魚，當然要食啦。一上枱個味聞到好重酸菜味，魚片唔會有骨，又夠滑身，入面仲有芽菜、金菇等嘅配料，魚片連埋個湯一齊食就岩岩好啦！🥡芫茜皮蛋湯開始打邊爐前有好幾個湯底可以揀，我哋就揀左芫茜皮蛋湯，點知好有驚喜喎！湯底係綠色架！店長解釋係因為佢地將芫茜打碎，再用嚟做湯底，成個湯都飄住濃濃嘅芫茜味，仲咬到一條條新鮮芫茜，岩曬啲茜迷🤗🥡火鍋料火鍋料分左a,b,c 三個級別，C 就有安格斯牛，入口有牛味，20秒左右就食得啦！另外，仲有帶子，墨魚仔、蝦等等嘅海鮮。至於丸類就係外面自己拎，出面仲有汽水、雪糕、公仔麵拎添！…Read More

係土瓜灣有好多唔同嘅野食，不過有啲就行得比較遠。點知係地鐵站出嚟，對面馬路就有間新開嘅車仔麵舖。入到去發現個格局又唔多似平時嘅車仔麵舖，地下唔會油淋淋，整體感覺都好乾淨。一睇餐牌，發現除咗麵之外，仲有飯可以嗌，連早餐沙嗲牛麵果啲都有。價錢都算好抵，車仔麵44蚊3餸，包熱飲。車仔麵上枱俾我感覺好大碗，同埋望落都好食，而且夠曬足料，每樣唔係輕輕俾一兩舊，而係每樣至少4舊，當然大餸就都係2舊啦，之但係3餸都好夠飽，只係我個人貪心啲，嗌咗4餸～蘿蔔好冧，而且唔會有渣，又唔會淡而無味。雞翼就真係一大賣點，個滷水好入味，又唔會太咸。豬手，顏色上都知夠入味啦，不過再冧啲就更好啦。豬腸唔係平日一圈圈果種，食落冇騷味。湯底我就加咗腩汁同秘製辣汁，千奇唔好睇少個辣汁，真心係辣，但都好惹味。小食就嗌咗鹽酥雞，同樣大大碟，上枱脆卜卜，點泰式辣醬就識食啦！整體嚟講，大件夾抵食，會再食！…Read More

知道蚊蚊豬老火鍋開左分店，太子店食過幾次，開分店當然要一戰啦！不過深水埗分店同太子唔同，除咗四川烤魚同四川雞煲之外，每枱包一盤海鮮拼盤，冬天仲有期間限定嘅羊腩煲，牛肉方面就多咗牛板腱、封門柳、刺身、雪糕、飲品都係任飲任食！今次就揀咗香辣四川烤魚，條魚全部都係大骨，非常容易食。個湯又好夠辣，連埋個魚食就完美啦！之後加湯打邊爐或者係再另叫一個湯底都得！ 牛板腱同封門柳都好有牛肉味，輕輕燙一陣就食得，好嫩滑，忍唔住一片接一片。另外每枱都會送海鮮拼盤，有鮑魚、蝦、青口同鱔，每樣都好新鮮，可惜冇得一點再點啦～部分火鍋料係出面自己拎，有啲就用QR CODE嗌，款式都有好多種。其中個響鈴好唔錯，真係即炸，再乾身啲就更好啦！…Read More

冇得去旅行，唯有用食嘢去解決我嘅相思之苦，今次就輪到越南野啦！天后平時都有唔少嘢食，清風街俾我搵到間越南Pho。餐牌主要分幾類，有Pho、撈檬、小食、越式油香飯，有好多不同嘅選擇。火車頭湯河湯河上枱之後，店員會放低一杯芽菜、青檸同薄荷葉，呢個真係令我好有越南嘅感覺，喺越南食嘅時候都同樣會有一點新鮮嘅芽菜同薄荷俾你放入碗pho 到。河粉上枱，好足料，有和牛牛丸、生熟牛肉、扎肉，河粉都非常之多，男仔食一碗都一定嗌飽。湯底就有濃濃嘅牛肉味，加埋新鮮爽口嘅芽菜，配埋好滑嘅河粉，唔錯唔錯～火五特式鳳爪小食就嗌咗個特式鳳爪，同泰國嘅無骨鳳爪有啲似，酸酸辣辣，每隻仲大大隻添，足料又夠曬惹味。鹹檸檬青檸梳打食完酸酸辣辣嘅嘢，呢杯野飲就夠曬解渴，飲落好爽，佢雖然係有兩款檸，但係唔會非常酸，幾好飲，唔錯。…Read More

之前係黃埔食過一次nomad burger，而家係北角新開又試試，見到社交平台 生酮group 開post 話有$168 burger 放題，包埋野飲，連生酮包都可以嗌。地點唔算難搵，港運城行上去都好快。兩個人一共食左6個burger ，全部都係生酮包，最好食嘅肉類係牛肉、魚餅！配料就樣樣差唔多，醬汁就推薦芥末蛋黃醬！…Read More

每次路過都一定見到佢大排長龍，難得有一日早收工，竟然見到冇人排隊，即刻試過究竟。最出名嘅一定係葡撻，每個唔算好大個，不過食一個真係唔夠喉。個酥樣有十分香嘅牛油味，咬落去明顯見到一層層分開，食落唔會痴牙。個餡嘅蛋味好好，甜味唔會太多，配埋面頭嘅焦香真係無敵，必食！…Read More

而家市面上出現咗唔少點心專門店，全天候都有點心食，但就唔係間間都做得好，而且有啲價錢仲幾貴添。知道觀塘有一間良心高質點心店，試咗兩次，真心性價比高，味道都非常唔錯。雖然午市經常大排長龍，但係等得都好值得。燒賣蝦餃，一籠兩粒，每粒都大大粒同平時出邊見到嘅size 差得遠，餡料都非常足夠，蝦嘅份量絕對唔輕手，咬開一半見到一隻有一隻嘅蝦，足料得嚟又好食，兩粒真係唔夠喉。牛肉球、排骨、鳳爪同平時出面嘅水準差唔多，最緊要係呢到即叫即蒸，熱辣辣上枱真係唔係間間都做到。另一樣好欣賞嘅就係煎釀三寶，虎皮尖椒唔係到到都做到，而且真係有辣味，非常惹味，個豉油都食得出係特別調配，好好味。腐皮鮮蝦卷，一樣係即叫即整，咬落脆卜卜。入面有唐芹配好多蝦，正！…Read More

同朋友慶祝生日想去食特別嘅餐廳，又可以坐得舒服嘅地方，於是朋友就提議左呢間fusion創意菜式何蘭mm 入到餐廳，第一眼比個裝修吸引咗，有一種舊式酒樓加訊息酒吧嘅感覺，仲有一大個落地玻璃窗望住中環嘅景色，都幾吸引。第一個試咗呢度嘅招牌菜二十4小時慢煮伊比利亞叉燒飯，叉燒燒特招香，而且又夠冧另外仲嗌左個櫻花蝦和牛面頰配腸粉，平時腸粉都係加甜醬同麻將，呢度可以將佢變成鹹點，就好似平日食陳村粉咁樣，食落唔會覺得好奇怪，仲幾夾添另外仲嗌左黑松露薯條，個蛋黃醬都幾好食，重點係又可以食到中式之餘，仲可以有西式元素。飲品方面，就嗌左話梅西瓜冰沙，飲落酸酸甜甜都幾唔錯。…Read More