🥡 刺身
放題嘅重中之中，每款刺身師傅都冇留手，切到厚厚咁一片，每一片都令人好有滿足感。種類方面，三文魚、吞拿魚、油甘魚同埋帶子就係我嘅首選啦！
🥡牛吞串燒 芝麻雞翼
呢兩款都係我嘅最愛，芝麻雞翼個皮脆卜卜，加埋啖啖芝麻，夠曬香口！牛吞就更加係必點！
🥡香草羊架
調味好足夠，每舊都大大舊，腍身得嚟又夠juicy，唔錯唔錯！
🥡醉鮑魚
性價比最高嘅地方，莫過於有鮑魚啦，醉鮑魚好入味，完全唔難咬，食落有陣陣嘅花雕味～
🥡鮑汁花膠
而家放題已經唔只再局限於日式野食，花膠大大塊，食落好腍好入味，可以一試！
🥡酸菜魚
仲有而家大熱嘅酸菜魚，魚片好嫩滑，整體味道好足，見人食完一碟又一碟。
