🥡 烤芝士牛排骨
牛排骨即係牛仔骨，整得好冧，唔會痴住，而且仲非常入味添。配埋一大堆溶化曬嘅芝士，食嘅時候將芝士卷埋一齊食，見朋友食得好滋味。我就輕輕試咗小小，芝士本身唔係好大陣咪果種，配埋一齊都幾match。
🥡芝士雞蛋卷
又一個爆芝拉絲嘅菜式，一切開入面啲芝士已經開始流出嚟，雞蛋卷上面有少少蟹籽，加埋蛋黃醬同茄汁，正呀。
🥡黃金咸蛋黃炸雞
識食炸雞一定係食有骨，有骨先至夠香口。每啖都食到咸蛋醬，加埋脆卜卜嘅雞皮，唔錯。
🥡魚糕湯
去韓國食魚糕，重點一定係可以無限refill 嘅湯。呢個雖然冇得refill，但係兩個人飲都好足夠，加埋入面嘅雜錦魚糕，滿足！
