雪糕妹's Profile

見大圍開咗間綠茶，上網search 話係內地人均消費約$50，但今餐兩人食咗$450。叫咗龍井烤雞，五花肉炒鹿茸菌，蝦湯泡飯。烤雞尺寸係春雞，冇雞味，冇茶味，飯腳話稻香壹蚊雞仲好食過佢。會先擺底俾你影相再拎走剪開。 隻雞剪到乳鴿咁，一開四，不方便食用。 五花肉炒鹿茸菌，油比較多，但都惹味。 蝦湯泡飯就咁湯飯，似罐頭龍蝦湯撈飯。之後講服務，未食過大陸個間唔知服務有幾好，但香港真係真係麻麻，6:30入座，入座時提及1小時30分鐘用膳時間，等菜用咗10分鐘，食咗15分鐘侍應已過嚟收嘢，因為隻雞已經食完，所以我都冇反對收碟，但冇諗過，碟五花肉炒鹿茸菌只係食咗1/3佢都收埋我，因為佢好快咁拎起碟雞就放落碟五花肉度，收走，因為太突如其來，同埋碟五花肉都俾佢污染咗，拎返都食唔到。 收完碟轉頭已經又走過嚟收埋個湯飯同我哋啲碗同筷子，好彩我已經𢳂起咗啲湯飯，由到菜到被人收餐具只係20分鐘左右，唔係話用餐時間個半鐘咩？ 你咁趕我走，好我走，侍應見我準備走，即刻企係隔離等執枱。但可以俾小小時間我着埋件外套同揹返個袋先嗎？ 見佢哋咁趕人走，以為好多人排緊，點知出邊跟本冇人等緊，體驗非常差，價錢偏貴，冇下次。…Read More

見沙田新開將，之前未食過山見，所以試試佢。平時行過見冇你都覺得有啲怪怪地，唔知係咪以下原因：1. 通常打邊爐放題一坐底都會俾定幾盤肉你，而呢度係唔會既，唔緊要，我自己點。好，等咗半個鐘都冇我先問，問完都仲要等多15分鐘先有上枱。2. 本來見Lv3 d肉款好似多啲，最後食來食去都係Lv1既嫩肩里肌肉，原因如下圖，個牛五花綑黑邊，又乾又散又爛，見到都唔敢食。個封門柳唔知係汁定咩，有啲不明物體黏黏立立咁，又唔好食，平時其他地方打邊爐，封門柳我都必點，但呢度我食完一碟已經唔想再食，好核特。下邊張相已經係一上枱即刻影。總結，可一不可再…Read More

久仰大名的過江龍烤肉，新開張點都要嚟試一試1. 烤茄子（有五香麻辣味）呢個烤茄子真係好好味，略帶五香麻辣嘅味道，茄子本身已熟入口即溶，口感好豐富，係一款令人回味無窮嘅素菜！2. 泡椒肥牛呢款泡椒肥牛真係好好味，肥牛嘅肉質好嫩滑，加埋泡椒嘅醃製，味道濃郁，口感豐富，真係一款唔可以錯過嘅烤肉啊！3. 洋蔥小粒牛肉呢款洋蔥小粒牛肉真係好有特色，小粒牛肉方塊肉質好滑好嫩，肉味重，再加埋清爽嘅洋蔥口感，真係一款好正嘅烤肉！4. 全明星拼盤（蒜香豬五花肉、現拌醬汁牛肉、雪花牛肉、滕椒雞、滕椒牛舌、炭燒豬五花肉）嗱，呢個全明星拼盤真係豐富！蒜香豬五花肉香味十足，現拌醬汁牛肉口感豐富，雪花牛肉肉質嫩滑，滕椒雞同牛舌又辣又香，炭燒豬五花肉更係令人滿足。整體黎講，呢份拼盤係一款豐富好味嘅烤肉，真係絕對值得一試啊！飲品甜品方面貓草茶 呢個真係唔叫唔得 因為有d燒肉都幾辣下 飲完呢個貓草茶之後即刻解到辣 勁😋👍個貓抓布丁簡直是靈魂用左牛奶布丁做貓抓肉球的部份再用雞蛋焦糖布丁做皮毛部份好Q個黑喵雪花冰 係由椰奶刨冰同椰果做底再加OREO碎好好味 食完所燒肉後再吃呢個有超有滿足感咁多年香港來來去去都係日式烤肉或者韓式烤肉再唔係就BBQ現在終於有中式烤肉下次一定再去…Read More

之前上網見人推介已一直想試，終於揾到朋友去，在錦上路站搭小巴便到，比我想像中方便。 環境都幾大，早早已有聖誕佈置，好有聖誕氣氛，我地到場時，大螢幕正在播放世界盃，正好可以睇埋波😆揀好食龍蝦餐後，店員指示出去拎個桶，自助夾海鮮。養水池水質清澈，海鮮生猛扎扎跳。㨂完一輪後，將水桶交給店員便會代劏和處理海鮮。然後到自助區夾蔬菜和自調醬汁。一開始會先上一碗老火湯，邊飲等邊紅棗杞子蟲草花蒸雞蒸好，8分鐘轉眼間便過，雞肉嫩滑，原汁原味。 之後蒸龍蝦，平時通常唔係上湯煮就芝士焗，好少清蒸，第一次食清蒸龍蝦，我同朋友都好驚訝原來就咁蒸就已經可以咁鮮甜味美，肉質彈牙。肉蟹有膏，但不算大隻，很快便KO。 之後蒸埋扇貝，蝦，蜆和蔬菜，已經好飽，開頭仲覺得每樣一件驚唔夠飽。最後仲有海鮮汁南瓜粥包底，保證大胃皇都夠飽。埋尾仲有一人一碗糖水。我哋去個日係星期五晚仲要落雨，諗住應該無乜人，最後全場爆滿，好彩有訂位。…Read More

朋友是漢堡愛好者，鐘意四圍試漢堡，今次約咗嚟呢間好多like 既大角嘴漢堡飽店。店的格局很美式，門口大大個霓虹燈招牌，好sharp 醒。因為我哋兩個人，店員建議食二人餐，比較優惠。點了黑松露和牛漢堡配有皮薯條和丹麥藍芝士漢堡配有皮薯條。店舖枱上提供了手套和紙巾，好細心，唔怕整污糟隻手。黑松露和牛漢堡，麵飽面烘得香脆，咬下軟熟，會回彈，感覺應是新鮮出爐的麵包。 漢堡扒厚身多肉汁，很香牛味，配以厚煎蛋，啖啖肉肉，好滿足。丹麥藍芝士漢堡，應該是第一次見漢堡配以藍芝士，作為芝士迷的我，感到好驚喜。除了芝士和漢堡扒外，配料還有🥓和🍅。藍芝士和漢堡扒的味很夾，沒有搶過漢堡扒的鮮味，反而為漢堡增添了鮮味，yummy。薯條應是手工薯條🍟，大大條的，香脆可口。仲有好多好味既漢堡都好想試，會再來。…Read More

近年香港開咗好多流水蝦放題，但係喺香港都係第一次食，之前都只在泰國有食過。呢度啲大頭蝦好活潑，都唔容易捉，一夾便彈走，非常新鮮蝦量好充足，最正係大頭蝦好多糕，完全滿足到我呢啲愛糕人士。行去雪櫃都好多嘢食，有蜆，生蠔，仲有金菇牛肉卷，有原條菁魚同其他魚類，愛魚人士必吃。唔洗獨孤一味剩食蝦。海鮮久不久會換款，次次出去拎都有點變化。不得不提是入座送的海鮮船和美國prime級牛肉拼盤，有大大隻扇貝和鮑魚，牛肉拼盤質素也很不錯。飲品和甜品都有大大個雪櫃選擇，提供的雪糕是本地制造的coco，除了平時見到一杯杯的，仲有一球一包的包裝，一口一粒，味道選擇有榴蓮，朱古力，芋頭，曲奇忌廉等，口味都算豐富。整體來講都算食得過。…Read More

第一次去比想像中近，就在火車站隔離很方便，一進去到看到門口以為係酒吧，打開趟門之後真的很驚喜，就像一間放滿餐桌很有特色小酒吧。老闆娘很熱情款待，環境整潔光猛，座位寬敞舒適坐下後立刻看餐牌看看有什麼好吃，選擇很多平均價格也不高，由於這家餐廳主打是Pizza所以就先叫了一個Pizza一個寬條麵一個雞翼再加兩杯凍檸茶。老闆娘很細心款待仔細聆聽，先來到的是一款自家特色的檸檬雞翼雞翼，表面很香脆有很香的雞翼香味檸檬汁不會過甜而且吃得出有新鮮檸檬汁雞翼充滿肉汁，很好吃很美味一口配一口檸檬茶真的很享受。之後來了一款海鮮寬條麵，醬汁不會過濃，海鮮材料也很充足有蟹柳蝦仁鮮魷寬條麵煮得恰到好處不會過淋不會過硬份量也很足夠兩個人享用。最後最驚喜的是Pizza，很有特色弄成心形看得出很有心思，預先切開四份避免自行切開的時候配料四散的尷尬，主廚的手工很好完全看不出已經切開四份Pizza， 比想像中更加厚更加鬆軟配料也很足，芝士味香濃，整個晚餐給人很有滿足感，兩人也只是$200內今時今日可以用這麼便宜的價錢食到如此超值的晚餐真的很難得如果下次再經過這一區一定會再返嚟吃。…Read More

一直想去好耐，剛巧見到重開，決定相約好友試試。環境佈置比相像中豐富，一入門已見大大個德記茶樓牌匾，好似入左童話世界,四週都有B Duck的畫和佈置，我被安排在巨型鴨裝置下。每枱都安排了一隻不同造型的B Duck伴食😂。餐具茶具都印有靚靚B Duck ，見到都賞心悅目，對於我這個B Duck粉絲來說，整個茶樓都很令人興奮。大部分點心都印有B Duck 樣子，有點不忍吃，太可愛了。蝦餃咬開後能見原隻大蝦，足料。黃色的Buffy流心奶黃包，好夠熱，不會太甜，擘開見到濃濃的奶黃流出來。吉列黃金蝦用原隻蝦，蝦炸得剛好，沒有多餘的炸漿。蝦多士咬開中間是一層彈牙的蝦膠，配上特調的沙律醬，yummy 。由於我哋食既係晚飯，都想有啲米落肚，點了蟲草花香菇滑雞飯，足料，雞件都算多，食材新鮮，兩人可以各分到兩碗。整體食物質素比相像中好，打破主題餐廳，食物平平無奇的定理，我同朋友都覺得呢餐好好食，希望有機會再黎。…Read More

朋友推介呢間串燒話抵食，特來試試小店。店有兩層，下層是廚房，上層才是食堂。店舖以日式主題裝修，餐具和水杯在樓梯位置附近自行拿取。邪惡芝士茄子和冰鎮波蘿最愛吃烤茄子和芝士，所以一見到芝士配茄子便心心眼，這個配搭平時比較少見，茄子本身的蔬菜甜味配上濃厚芝士，減少了芝士的滯飽漏感。冰鎮菠蘿爽甜好味。燒香蕉要一上桌便吃，因為我放到中途才吃，蕉開始出水，但同伴一上桌便吃所以沒此問題。蕉燒香了比單吃更甜和軟糯。辣酒燒花甲用錫紙包著上桌，沒有很辣，味道很喜歡，花甲雖不算很肥美，但自家醬汁香辣的很惹味。雞翼和原隻魷魚筒都很讚，雞翼燒得香脆，配上孜然粉，很香口。魷魚筒最怕係煙煙韌韌，呢度整得好軟淋淋，好易咬，不錯。埋單除開每位百零蚊已試到很多款色，幾抵食。…Read More

之前路過見午巿套餐幾平，今次專誠試試。點了大醬湯和炸雞芝士炒飯餐飲送柚子茶或咖啡或茶通常韓國餐廳都會先送上前菜，而這個是不設前菜的。大醬湯用石鍋送上，保温不錯，湯很濃，配料有五花腩翠肉瓜等，味道偏鹹。白飯很大碗，米飯是珍珠米，尚算有飯香。炸雞芝士炒飯芝士上碟時可觀度不錯，炒雞香脆炸得適中，炒飯有蛋香味，芝士吃時沒有視覺上咁多，吃兩羹便吃完。整體尚算合格。點餐飲時，指著餐牌點附送的柚子茶，店員問凍定熱，由於當日天氣比較熱，所以點了凍，送來是加了半個青檸的凍柚子茶，第一次光顧，以為該店的柚子茶都是這樣沒有為意。到結賬時，兩人多收了$56，我即時看看餐牌，原來幫我地點左個青檸柚子特飲，人生路不熟，冇諗過凍飲會轉做特飲，只怪自己沒有問清楚凍飲要唔要加錢。原本預算$117.7的午餐頓時變成$176，杯飲品仲貴過我個午餐。回到家中先醒起，餐牌上有寫，轉餐牌其他飲品都係加廿蚊，但佢收左我正價。大家幫襯時記得check 單同問清楚收費。…Read More

入屯門探朋友，諗起去三聖食海鮮，行左一個圈就揀左呢間。鄰近三聖海鮮巿場，保證新鮮。海鮮湯用大量海鮮煲成，仲連湯渣上台，湯料十足，原來可以蜆瀨尿蝦等海鮮可以咁煲，湯味清甜。黃金焗帶子帶子炸得金黃，帶子大大隻，好有滿足感。泰式香茅瀨尿蝦叫左大大隻瀨尿蝦，尺寸大過一隻手，改以香茅同煮，好惹味又唔辣，怕辣既朋友都食得。油鹽水煮蝴蝶蚌蚌賬卜賬卜，鹽水煮可以食到蚌既鮮味。油鹽焗奄仔蟹好多金黃色膏，啖啖滋味黑椒薑蔥鮑魚煲每人一隻彈牙靚鮑，冇多餘加工，食完想再添白酒忌廉煮花甲烏冬底驚唔夠飽，仲有個白汁烏冬填飽，白汁好香忌廉味，好好食…Read More

星期四放工搭船時剛巧路過見到有免費試飲，只要分享上IG便可。試飲的是玫瑰檸檬蜜，微微的檸檬酸味面以玫瑰花糖槳和蜜糖，比檸蜜多一點變和層次，杯內綴以玫瑰花瓣，很有貴氣。…Read More

放工去開megabox,路過時聽到職員介紹送汽水免加一，考慮了一下便進去。麵館時是開放形式，位置還好，多人時有點迫，點了大盛叉燒炸雞拉麵，石鍋龍蝦湯叉燒泡飯和黑胡椒自家制炸雞。大盛拉麵忘了拍照，份量很大，炸雞非常可口，推介，湯底是我喜愛的濃濃豬骨湯味，帶有奶香味。配菜有三件炸雞和一舊叉燒，很夠飽肚，同時可試兩種餸。石鍋龍蝦湯泡飯，從表面很像小小一碗，但吃下來也很飽肚，配料有兩舊叉燒，湯已被飯全數吸收，試不到剩湯味道，但還是不錯的。黑胡椒自家炸雞與跟拉麵上的炸雞同出一撤，都時啖啖肉，可口美味。平日晚飯送汽水，覺得抵食。…Read More

前去開長沙灣個間，見灣仔新開張，咁岩冇帶飯去試試。點了瑞士雞脾和猴頭菰螺片燉瘦肉，雞脾還好，不夠入味和香甜，燉湯算足料和夠味，始終燉湯是偏淡，不能期望如老火湯般濃味。螺味不太出，猴頭菰量適中，可當餸吃。灣仔店比長沙灣店大很多，坐得比較舒適，lunch時間也算易揾位。愛喝湯的不容錯過。…Read More

趁著restaurant week 試了很多家餐館，今天來了這家法點餐館，餐廳位於小窄巷，沿著號碼牌便很易到達。店面小小，五臟俱全，有小酒吧，全店只有一位店員和廚師。星期日可能比較少人，只有兩枱客。先來頭盤，波菜藍芝士凍配紅菜頭脆脆，紅菜頭脆片似薯片，沒有一般紅菜頭的腥味，好吃，很想買一包回家當薯片吃波菜凍完全沒有草青味，幾乎沒有藍芝士味，只滲入淡淡的鹹香，不吃芝士的人也可接受。另外的chilled leek & potato vichyssoise veloute, 就是平日在西菜館喝到的凍湯，香滑帶有淡淡薯仔味。主菜是seafood catch of the day, 今天的是sea bass fillet, 魚皮煎得香口，魚肉沒有骨，啖啖肉，配mayonnaise 和cherry radish, 配搭得恰當。另一主菜,紅酒燉牛肉配薯條，第一次吃這樣又長又幼的薯條，應該是自家制，已添有味粉，份量頗多。牛肉很入味，肉汁很杰，應煮了很長時間，肉夠冧，易咬開，不錯。甜品有杏梨撻和cherry tiramisu verrine, 我比較愛後者放鬆的坐了兩個小時，整家餐館感覺都行漫活，難得的一輕鬆週末。…Read More