泰海鮮 (Closed)

入屯門探朋友，諗起去三聖食海鮮，行左一個圈就揀左呢間。鄰近三聖海鮮巿場，保證新鮮。海鮮湯用大量海鮮煲成，仲連湯渣上台，湯料十足，原來可以蜆瀨尿蝦等海鮮可以咁煲，湯味清甜。黃金焗帶子帶子炸得金黃，帶子大大隻，好有滿足感。泰式香茅瀨尿蝦叫左大大隻瀨尿蝦，尺寸大過一隻手，改以香茅同煮，好惹味又唔辣，怕辣既朋友都食得。油鹽水煮蝴蝶蚌蚌賬卜賬卜，鹽水煮可以食到蚌既鮮味。油鹽焗奄仔蟹好多金黃色膏，啖啖滋味黑椒薑蔥鮑魚煲每人一隻彈牙靚鮑，冇多餘加工，食完想再添白酒忌廉煮花甲烏冬底驚唔夠飽，仲有個白汁烏冬填飽，白汁好香忌廉味，好好食