Chongwen's Profile

倫哥私房菜火鍋係最近經常聽到朋友去食飯的地方。細佬生日，預早訂埋壽桃（十蚊一隻咋）終於訂到西環店的枱。每人$278，小朋友又平半價。誰不知突然台風帕卡殺到。因早兩天又已滿座，只好希望到夜晚前落波，可以去食啦。終於真係改掛三號波，大家可以繼續飯局！飲品有自家五花茶，唔太甜唔苦，冰涼好味。又可在雪櫃拎果汁飲。先來一個雞煲，點了BB辣，又香又好味。有沙漏計時，店員又幫我們炒吓D雞，幾分鐘有得食。食完再encore多一個-唔辣的。好juicy好好食。雞煲亦係任叫任食㗎！食晒便上了鮑魚，一人一隻，炆得入味，剛剛好，夠林，唯一係冇刀义切😜。再來蒸蟶子，又係一人一隻。唔會太多油，加埋蒜蓉粉絲味道又鮮甜又唔漏，正！而家到主題---火鍋了--- 湯底楝了蟹鍋 （入面一隻鮮味嘅蟹同粟米，蕃茄等）牛頸脊無得頂呀，鮮牛味，唔「痴」牙，好好好食。 每兩人一碟，如要refill $38/碟，唔貴個海鮮盤-好架勢呀，又大部分可以encore.好鮮呀，我地encore 咗中蝦，龍躉片，鱔片，脆鯇。雙滑好彈牙呀。水餃雲吞，響鈴魚皮同D菜全部都超正。甜品有燕窩㗎。仲當然有訂咗嘅壽桃啦，大大個呢。是晚個個食到抱住個肚，好滿足。一定要再來。…Read More

又有飯局，剛剛食完澳門的卜卜蜆鍋後，知道香港亦有蜆鍋食，便訂了位。在三號強風信號晚上，來一個任食任飲吧⋯⋯地點方便，店子位於廿九樓，窗口卡位（四個人坐）剛剛好，又可傾計。七點到，可以食到九點。前菜有黑木耳和手撕雞，木耳好爽口，手撕雞略為麻辣。任飲的飲料欵色多，眼花撩亂，我們點了芒果沙冰加忌廉，Sangria, 柑桔熱飲。我杯沙𣲙好得意，忌廉加入沙冰內，香甜冰凍。友人們喜愛sangria,仲繼續encore.喜歡酒類或台式飲料等有好多選擇！收費是每人$388，每兩人一份肉，鍋底自選，主要想點冬瓜卜卜蜆鍋，手工響鈴，魚皮，再選拼盆，又有前菜。已經很豐富了，另外再可任點火鍋料： 菇菜，魚，....好多呀個卜卜蜆湯到了，沒有澳門的咁肥美但個湯仍然好鮮甜，冬瓜在底都好食。點了黑毛豬片---個人認為好「林」好有肉味，讚！Angus prime 牛肉亦唔錯。條響鈴好大條呀，又脆手工拼盆好特別，黑色的墨魚肉做的nuggart型的好得意又彈牙，冬菇內釀了魚肉亦好彈。點了菜，超長蟹柳好甜！台式夜市拼盆有鹵水雞翼，大腸，牛肚，等等好入味呀我地又飲又食，個景又好（雖然外面落D雨），大滿足的一個晚上！…Read More

露素座落官也街街頭一條小巷內。已吃了有十年。剛剛昨天又再去食午餐。店內另只有一枱客人，比較靜。又像以往，點了果汁（今次是哥倫比亞芒果汁），選個套餐先，再另加菜。一行五人，點了四人餐（750$）：什菜湯燒排骨蒜蓉蝦乳鴿兩隻焗魚柳海鮮炒飯另加一份紅豆豬手 （約200$）店員很好，幫我把湯分五碗上，熱辣辣的湯，配上熱辣辣的豬仔包。湯偏酸酸的，但勝在夠熱。燒乳鴿比較乾，冇肉汁，失望。燒排骨，用Buffalo 醬，亦有些少酸辣。肉不多。蒜蓉蝦，size 較細隻但味道唔錯。焗魚柳好細塊呢，每人一口罷了。芝士味頗重，上有幾隻熟蝦。海鮮炒飯，料頗多，這個比較好食。紅豆豬手應改名豬腳，只有骨而沒有肉，唔似豬手，只能讚紅豆好「林」，橄欖味重，味道ok.唔夠食，加了咖哩，只有雞可以揀。（約$200）咖哩雞又係有啲失望，有好多汁同薯仔，幾件雞有些少難𡁻⋯⋯埋單千二，午餐價錢有D貴，加上水凖不及以前，失望。…Read More

同家人來澳門，一般都係在氹仔附近食。今次見到開飯的排行榜上有贏到粥，看到D推介，好吸引，看到食評，雖然好壞都有，決定去試試。大家都提醒要先訂枱，但佢地只有夜市，要到下午六點先有人接電話的。Facebook私訉訂枱都可以的，我兩樣都有做，結果打電話快D，Facebook第二日先答我。要訂到九點半先有位。仲預訂卜卜蜆同手撕雞。我們約8:45到，撞吓可唔可以早D有枱，店員好好，可以早D安排座位但因為我們唔想同其他人搭枱，最後等到9:30有枱俾我。由於已經訂了手撕雞同卜卜蜆鍋，很快便送上。飲品好特別，點了紅豆薏米、和 馬蹄沙，好清甜！湯內有滿滿的白蜆和蒜蓉，好香喔⋯⋯望著D蜆卜卜的一個個打開，好得意。個湯太鮮甜好味了，蜆沒有沙又大隻又鮮甜。另外點了絲瓜（白蜆perfect match),， 生魚片（好滑！必要食），響鈴，雑菜（係娃娃菜，生菜）好甜呀，墨魚滑拼蝦滑（好彈口），黑毛豬片（沒有特別）。沒有點牛肉，因想保持淸D嘅湯。手撕雞果然好介紹，好彩先預訂了，有點芥末味，內有脆脆的芋絲，海哲，一起食有不同口感而味道有層次。埋單一共七百多蚊（四個人）。好彩有來，太滿足了，下次再要來。…Read More

今天要去晃記買咸切酥，經過沛記，竟然見到有合桃蛋糕呀。既然佢呼喚我，立即入內。問店員有沒有蛋糕買，店員回答「有呀」！太好了！！今天好好彩。即買幾件合桃蛋糕，提子蛋糕返香港做手信。果然名不虛傳--- 個蛋糕好重手。真材實料的。聞到好香蛋味同唔會過多的牛油味。合桃香脆，好有蛋味。唔油利。充滿童年回憶啊！…Read More

在北角書局街新開了這家越式小店，今天和同事食lunch, 聽聞這家唔錯，於是今日一試。價錢竟然lunch set 唔洗$50同事又想吃小吃及菜，於是我們都點了雞絲札肉河，一份香茅豬排（最後食唔晒要打包走 😜），上湯通菜（$15）。大大碗湯河到了，先飲啖湯，嘩，不得了，好好味，個湯鹹淡適中，個湯味道較得好好，飲完唔口渴，札肉厚切三片，又多雞絲。豬排好大碟，香茅醃入味，有D甜甜地，唔硬，juicy,好正！個菜好大碗，係綠色的通菜唔係淺色的水通菜。果然有警喜，又抵又好食！難怪要排隊。…Read More

在HKU 站不遠處找到這間隠世的特色小店，左右各一個門口，右邊的是cafe style ,而左邊是餐廳--- 佢地有出晒名 的下午茶 -- 這裡的Cha Chaan set, hkd508 二人set,下次再試。今天去了右邊的cafe飲個下午茶。門外有梳化座但沒有冷氣，剛好樓上雅座有位, 所以決定在樓上坐。裡面好有藝術特色，簡約設計，光線，擺設等，和外面忙碌步伐一個對比。被幾種果茶的名字吸引著，今天我點了Lov is Beautiful (白茶➕綠茶，有水蜜桃和杏子的香甜味道）。先在樓下order 及付錢，店員再把茶送上樓上給我。樓上座位不多，樓底好高，坐下來好舒服，好悠閒。茶送上來， 個玻璃茶壺和茶杯都好有特色。茶好香有少少sweet flavour (不是甜味，係甜香）。真的好舒服。當日晚上再來買了幾件之前見到已好吸引的蛋糕和啫哩水果圈圈。…Read More

又同韓文同學們聚會，當然食韓式料理，又是女生聚會，唔想炸雞/燒烤肉.....今次我選擇去 雪龍湯，可以飲吓湯。店子小小的，座落在上環荷李活道，有點靜，而門口亦有幾個位子。飲品有不同選擇，我點一壺熱的果茶，分我們三個人，而另一友人則點了冰果茶。果茶好香水果味，甜甜地，好好飲。點了牛肉沙律，好多鮮菜，混合了dressing, 菜又脆口，韓式牛肉又好入味，加埋D沙律菜食，perfect!泡菜雞翼餃子有三件，我們點了原味，無骨雞翼釀入碎肉⋯⋯個人認為味道較為一般，一試無妨。重頭戲是雪濃湯，價錢略貴，要二百多元，四個人分，份量亦夠。要花時間先可以做到好味又.....入味的牛骨湯，果然是值得的。濃白的牛骨湯內有牛𦟌肉，比其他店，更有牛的鮮味，附上一碗白米飯，上有紫菜碎，混和湯一起食，更有韓國感覺。真的好好好味啊！看見門外幾個外國人帶著狗狗飲酒，好像在蘭桂坊呢，呀～^_^今天是星期五喎。…Read More

預祝老板生日，她也是喜愛西餐美食。決定在太古找地方。選擇Eiffel Bistro, 在OpenRice 訂座後，打電話去詢問有沒有生日甜點之類。店員好親切地解釋沒有整個蛋糕但可以在甜點碟上寫字。又推介了心太軟做甜點。地方唔難找，在太古坊去太古城之間，一個超市對面。好特色的門面，內部亦好有法國巴黎feel. Set lunch 價錢抵食，只是百多元，另加十元有朱古力蛋糕。一行三人都點了比目魚，而我選了萍果菜沙律做 starter.個沙律好香甜，萍果切細粒，菜亦好fresh, 沒多餘的dressing 反而清新！魚肉外煎脆內juicy 同軟滑，好好味！朱古力蛋糕一點都不馬虎，好香濃朱古力味，沒有多餘的牛油味或忌廉，簡單精美。老板的生日甜點送來時還有蠟蠋，幾個店員更唱生日歌呢。心太軟搭配雲呢那雪糕，味道老板很中意。碟上又有她的名字。好開心！咖啡亦泡得好香，味道剛好，不苦不酸。下次務必再來，再好好享受一下。…Read More

今天弟弟突然想食下午茶，但這兩星期，唔係落大雨就係火咁熱，終於決定在附近食。諗起點心同邪惡流心西多士，便去了周記。今天竟然唔洗等位（已經快到五點了），還有下午茶餐，由於今天已賣晒炒蘿白糕，只剩銀針粉，所以只好叫了一份流心香芋西多士，和另外點了蝦餃同燒賣，飲品我至愛的山楂酸梅湯，弟弟點了紅豆冰。點心和西多都係即叫即做的，所以要有耐性呀。蝦餃大大隻，熱辣辣，隻蝦好彈牙，好味！燒賣上有蟹籽，黑松露兩款。黑松露的香味好重，燒賣的豬肉好juicy.流心香芋西多士，一切落去，流心湧出，同西多香脆好夾。另外店內亦有奶黃味的流心西多士。我比較中意香芋，仲食到芋蓉啊。天氣咁熱飲啖山楂酸梅湯即刻又涼又消滯。開開心心食完好東。西。…Read More

又到星期五，舊同學飯局，成班女子聚會，姊妹推介「炎丸」，地方好舒服，食品又超正。一進入餐廳，見到炎炎的火，料理師正忙於不同的燒食品。口水已留了。幸運地竟然有VIP房，好大好舒服又有privacy ,幾個墟一齊傾計又唔會嘈到人，又沒有限時段。餐牌內好多款食品，最impressive係飲品- 推介唔同口味的frozen beer,叫了水蜜桃味，好香甜啊，而上面有棉花糖般的泡泡，好可愛啊。梅酒有兩頁咁多種不同牌子，叫了sampling set ,有五種，個人覺得山梨的好味，秋田的因梅子味道不多，味道麻麻。在炎丸，當然要點燒鳥啦，燒雞翼外脆內juicy!冬菇同青椒剛剛好，唔乾又鮮甜。西京燒銀鱈魚，個汁較得好食到不得了最特別的莫過於番薯，有忌廉蜜糖汁，點著食好似軟雪糕咁。另外的燒番薯一條一條整齊排列，外脆內香甜。壽司好特別！一個長玻璃碟上好特色的壽司，又鮮又驚喜。海鮮材料之間的crossover配搭，好有surprise !天婦羅方面我個人覺得一般味道，可以啦。是晚由七時到十時三十分，好開心的女子聚會。…Read More

祥興出晒名食品好味，特別瑞士汁雞肶（亦可轉雞翼）餐。可以自選配搭。我比較欣賞雞肶加湯面加熱狗加飲品，價格平民化，才三十幾元。抵食！雞肶的瑞士汁比那些名食店（例如：太x館）更好味，甜甜地。湯面細碗得來亦份量夠⋯⋯炸菜肉絲的炸菜唔會太鹹，個湯面的質感都似出xx丁熱狗亦是我至愛，熱辣辣的，個熱狗汁係自家製的，有點似中環嗰間出名老牌熱狗。份量好夠⋯⋯店內亦有小菜，面，飯之類的，都是好吃的啊。抵食之選⋯⋯難怪經常排隊，注意星期日休息的。…Read More

Dodam Chicken 是我近期的至愛。來自韓國，當然味道，服務，菜單款式都是比較有誠意的。這天和幾個舊同學敍舊，便訂了枱。這𥚃座位舒服又寬敞，想傾計的絕冇問題。食韓國菜，當然點了韓國soju, 一齊飲，另外我自己中意apple cider 同mojito. Apple cider 好有青萍果味道。招牌沙律，魚片湯係必點前菜。個沙律dressing好特別，拌勻新鮮的菜，raisin 等，好fresh.魚片湯內有不同的韓式魚糕片, 湯方面和魚片的味道正是韓國食到的，另加$20有烏冬，四人分又唔錯。之前怕太熱氣都是點了烤雞，好juicy好好食 。今次點了原味炸雞，熱辣辣端上來，好脆，粉漿沒有過多，剛剛包了雞件，味道excellent!個配菜；醃蘿蔔）夾埋食，好有韓國feel.雖然星期五晩，餐廳坐滿人，但地方大所以一D都唔會太嘈，飯局之選！價錢唔貴！…Read More

這星期多飯局,又有姊妹生日，選擇了這裏吃西式素菜。地方小，在中環嘛。但環境好得意，好似去咗五十年代的三藩市。餐廳燈光是暗暗的啊。飲品方面頗多選擇，例如我的果汁飲品是有甘笋萍果同檸檬，好fresh 好好味，朋友選了沒有酒精的啤酒，她說好有麥味，唔錯。飲品價格偏高，約六十元。食品好有特色，名叫Giant的漢堡，真的好巨大的，素食的當然沒有肉類。是特大mushroom在中間，加上菠蘿，蕃茄及green salad,特粗薯條。面包是豬仔包，脆脆的，mushroom好juicy, 菜好新鮮！小吃中的炸魷魚圈，好正！當然不是真的魷魚，但chewy的，感覺好似！green salad 內的所有菜同牛油果都好新鮮味甜！另外最特別的是sushi 101 ,好似真的魚生飯，飯是醋飯，甜酸適中，拌勻紫菜碎和其他配料，perfect match 另外特別的是一個越式撈米粉，上面有素春捲，好好食：內包蘿白甘笋等，個越式魚露汁亦好似真的撈檬的汁，拌在一起好有驚喜。Pasta 方面吃了一個用bell pepper，olive , 和蕃茄等做汁的意粉，味道剛剛好，不太酸不太甜。由於餐廳沒有整個生日蛋糕的，去前電話問過，店員好親切，亦提議我們帶蛋糕去，切餠費用是需要的： 1-5人收50元，6人以上每人10元，大家留意了。6個人消費連加一，共計$1700，有點高⋯⋯喜愛素食的不妨一試。 …Read More

這一年太忙了，實在沒有時間分享食評。昨晚有好姊妹生日，我訂了這家吃火鍋。不得了⋯⋯實在太美味了，不得不和大家分享！所以又重新寫食評。雖然看到評價有正也有負評。但是我的結論是～excellent （贏哂）:)在開飯先訂位，額外有清酒，啤酒任飲啊！當然是為了花膠窩而來！另加了任食刺身，再選了有海鮮拼盤的set.先來花膠雞湯煲，大大煲，有半隻雞，火腿等配料，再倒入大碟已發好的花膠。這湯夠濃，花膠超大片，彈口令我們充滿collagen!飲湯後，決定不改湯底，真接加湯做火鍋。再來有麻醬沙律，好清新。跟著點了刺身（雖然任點但也沒有點太多）- 好鮮甜，絕沒有雪味。👍因為只有三個人，又已經有海鮮拼盤了，所以任點火鍋料時主要點靚肉和菜安格斯牛肉片，好軟好有牛味鮮淮山片好爽甜，油麥菜我們encore多一次，海鮮盤有鮮甜大沙白蜆,好味班片，鮮甜的大蝦，墨魚鬚ok啦⋯⋯另外，蝦滑彈牙，響鈴，鮮腐竹都是走不了的，飲料全部罐/瓶裝的，不是加水倒給你的那種。最後當然雪糕啦。嘩～～是香港製造的gelato蜜瓜味好香蜜瓜味，我最愛的。而抹茶味亦可比美日本的呢⋯⋯總括⋯⋯服務好，地方清潔又好坐，食品十分有誠意，超讚👍👍👍👍👍花膠是必吃的！…Read More