SUPER D.D.'s Profile

今天去了 47 樓的星幕的半自助晚餐，這次是買一送一的，非常抵食，第一次去食，感覺非常好。安排了坐在窗邊有夜景可以欣賞，沙律吧，甜品吧是自助的，有一個主菜，叫了燒牛柳，味道唔錯，沙律吧都好新鮮，有些新鮮的菜可以自己選擇，仲有些沙律是餐廳預備好的，而且有一個餐湯，餐湯都好好飲，仲有一籃麵包都好味。甜品都好有特色，可借沒有雪糕提供，整體的食物質素都唔錯。這個餐仲可以選红酒，白酒和氣泡酒。下次都可以再去食，又多一個飯堂。…Read More

今天去了這間非常平價的半自助午餐，全院滿座，因為非常平價，所以很多人，但多是老人家。這間餐廳有一個問題，就是食物唔熱的，外面提供自取的食物竟然是凍的，所以感覺不太好，就連主菜都是暖的，唔熱，所以感覺唔好食，是一早預制的。但有提供蝦，煙三文魚，都唔錯，但沙律的菜，只是很普通，而且有些沙律是餐廳預備的，本人沒有試。而餐廳只提供有限食物，有肉丸，雞串，炒飯，薯條，仲有青口，只有青口比較好，其他的食物都是凍的，所以唔好食。這間餐廳最好的是西湯，好熱，又好味。至於甜品都是自助，有一個什果，味道唔錯，有雪糕，和少少糕點，芝麻糊，仲有朱古力噴泉。這間餐廳 refill 都好快，到最後都有食物餘下。但因價錢平，所以無什麼要求，只是因為用信用咭換了 open rice 的優惠券才來這間餐廳食午餐。…Read More

今天去了千海水產的午市海鲜火鍋放題，之前在 App book 了枱，258 元食四小時。之後 12 月變三小時。見到這間超火红的店舖，好多人想試吓自己即撈海鮮。所以超多人，早了10 分鐘去到，但巳經要排長龍等入座。我想試龍蝦頭湯底，可惜是無提供。之後去撈海鮮，超失望，那些蝦是死的，午餐時段那些蝦已經是死的，那麼晚上會怎樣呢？我選了很久才選了些未死的蝦。所以我見到在熟食有兩盤炒大頭蝦和海蝦，這間店舖好叻將死蝦化成熟食比顧客食。可以廢物利用。而且鮑魚，海蝦，大頭蝦，都是無味的，蟹好细隻，又無肉和無鲜味，那些貝類都唔掂，無味。而熟食的乳鴿，係無味，牛舌好韌，咬唔倒。只有鵝肝多士和比目魚比較好，而且熟食唔熱的，是凍的。澳洲的 M5 和牛，竟然好差，沒有牛味。脆鲩魚片也好差，都係無味。飲品選擇都比較少，生果都唔甜，唔好食。總括這店，海鲜無鮮味，牛肉無牛肉味，熟食普通，所以食一次就够，無下次。…Read More

今次是第一次去這間酒店食自助晚餐，非常抵食，因為是買一送一，所以覺得 CP 值非常高。有生而且很大隻，每人限取兩隻，但不用排很久，職員很快手，很快就取到。有燒牛舌，非常好食，仲有鴨肝，7:30pm 後才有，要排隊一陣，就能取到。豬腳薑超入味，好好味，其他熟食雖然種類不多，但品質很好。有蟹脚，蝦和麵包蟹等等，品質都好好。每人有一隻大閘蟹，好多膏。甜品種類不多，有沙翁，黑森林蛋糕，什果蛋糕，非常好食。雪糕是 Haagen dazs 和 Coco berry。這間酒店有支裝汽水，橙汁，檸檬茶，咖啡等等。職員好有禮貌，收碟快，我們很好彩，兩個人比了張圓枱，非常大而且近取食物地方，非常方便取食物。…Read More

今天去了日牛食午餐打邊爐，前一日訂了位，之前去過都有幫我留枱，今次竟然沒有留枱，去到只能在一張長枱，一開四的隔板兩人位中打邊爐，今天是焗桑拿式打邊爐，熱到死，一啲冷氣都冇，真是一路食一路流汗，真是太誇張，無諗過咁熱。這問鋪頭真是好有問題，完全無冷氣，如果這樣打邊爐，尤其是在夏天，真係無下次。我們點了120元現金價特選牛，牛肉的質素，是有不同，初初给你的牛肉質素是可以，去到後期的牛肉是差咗好多。現在的甜品都差咗，好耐前在些蛋糕，和大福，都好好味，現在甜品真的差。整體而言，日牛的食物差咗，冷氣又唔够，所以應該唔會再去。…Read More

今次第一次去普慶餐廳食自助午餐，之前巳經好想去食，終於有機會買到買一送一的優惠，真是超值，非常扺食。11:50am 去到餐廳巳可入座，已見很多人巳入座，服務好好，11:56am 巳叫可取食物，這個埸超大，分了很多食物區，第一次見自助餐這麼多種類食物，就連醬汁都超多，去了取熱食，有燒排骨，好好食，有蟹脚，有生，海鲜好好味，刺身都有很多選擇，有 Sushi, 有日式前菜，有中湯和西湯，有燒牛肉，豬腩卷等等，真是琳瑯滿目，講都講唔完，就連水吧嘅飲品都超多種類，但只有一個工作人員在沖飲料，所以要排隊。這次真是開眼介，未見過噤多種類的食物和飲料，而且品質都做得好好，下次一定要再去。…Read More

今天屋企聚會去了半島叫了個套餐，春日迎夏歡喜宴一圍。之前食過這間酒樓的套餐，都覺得可以，但今次這個套餐，可以說十分差，大蝦球伊面，蝦球無味，翡翠炒彩鳳蚌片，超咸，完全唔掂。沙律海鮮卷，完全好少沙律，唔好食。紅燒竹笙海皇翅，完全唔熱，燒鵝亦都比以前差，冇乜味道。飄香荷葉飯，飯質太軟身，太淋，唔好食。今晚餐廳冇乜人，唔知廚師在做乜嘢，完全唔比心機做餐。所以以後都唔會再去，超難食，我知點解噤多人上大陸食飯。今晚這間餐廳已經唔算多人，但廚師唔知攪什麼，完全唔掂。…Read More

星期六去了酒店尚廚食 Dinner buffet, 是買一送一。之前 5月和 6 月都有食過 Dinner buffet ，亦是買一送一。之前種類需少，但質素都算可以，所以繼續幫襯。但今次就真的差，而且食物種類變得更少，今次無凍龍蝦，但有芝士 龍蝦，但質素唔掂。而且要 配給，比起之前的凍龍蝦，這個 芝士焗龍蝦完全冇味， 真是唔掂。今次 冇燉湯， 之前都會有燉湯，今次 的椰子煲雞湯，但都是無味道的。至於凍海鮮今次有 琵琶蝦， 但完全冇味，真係非常差。至於甜品種類亦很少，完全唔合格，而且有 類似葡撻的物件， 都完全唔掂， 仲放了一些好似早餐嘅豬仔包， 見個樣都唔想食， 至於häagen-dazs雪糕雖然有八種味， 但每一桶都餘下好少，好似食 剩的，視覺上感覺很差，之後仲有 一款 雪糕沒有了， 都沒有補上其他味道。所以這次buffet完全唔合格，之前 食過都覺得可以， 但今日之後，應該都唔會再幫襯。因為食物的種類和質素都很重要。…Read More

今晚去咗harbour Grand cafe 食dinner Buffet， 可以說是CP值唔高，今晚全埸爆滿，就連 走廊位都set咗兩張二人枱，十分 誇張。原本不想 book 星期六， 因為之前見網上星期五巳沒有位，所以才 book 星期六，但之後再上網，又見到星期五再有位，可能酒店加了位。一上到酒店， 就見到好多人在等入座，大概 6:27pm 才放人入餐廳內。 先取龍蝦和蟹腳，因為早排隊，所以6:30pm 可以取食物，之後見到取 海鮮的位置大排長龍，十分 誇張。之後 響鐘 ，就見 廚師 將一條黃鰭吞拿魚切開的表演， 好多人在觀看， 我就沒有興趣看了， 因為之前在日本和歌山都看過，有好多呢啲解剖全條吞拿魚的表演。 但這解剖原條吞拿魚的表演，竟然沒有拖羅分給食客， 只見廚師將一些普通嘅吞拿魚分畀食客， 而拖羅就會放入雪櫃儲存。所以比食客的吞拿魚，非常普通。 我真係唔明，已經劏咗一條吞拿魚，都唔會分啲拖羅畀啲食客，這間酒店真係非常孤寒。反而三文魚就有三文魚腩同埋七吋長嘅阿根廷紅蝦都非常新鮮，至於帶子，一般貨 色。而 生都算大隻和 creamy, 熟食款式唔多，而且質素都係非常之普通， 之前見到youtuber 介紹有花膠鴨掌， 亦問過廚師，佢話會一陣出，但係到我哋走都冇見到花膠鴨掌， 這間酒店真是非常之孤寒， 仲有貨不對版之嫌 ，而且refill的速度 唔算快， 我見到龍蝦比人 攞曬 ，但都要等一陣才 refill. 但大概 8:30pm 巳經唔再出 龍蝦。 這是一間我見過最孤寒的酒店， 之前我食一些有提供龍蝦的酒店，到我哋食完走的時候，都仲有好多龍蝦 放在碟上提供給食客 ， 但價錢比這間 Harbour Grand cafe 仲要平， 但其他酒店都非常大方，食物都會補充好快，就連龍蝦都補充好快。至於甜品都非常之普通， 有些甜品畀人攞完，都要等一陣才補充， 至於心太軟，非常難食。所以這間餐廳只食一次就可以，下次 應該不會再去。因為比得這個價位， 應該有好多選擇， 近來好多酒店都有好多優惠提供， 應該可以揀到間比呢間好的酒店。…Read More

今日去咗九龍灣的牛涮鍋，有 72 折 愛爾蘭 究極牛胸腹午餐放題，第一次食這間牛涮鍋， 感覺非常好， 餐廳地方寬敞，而且牛肉的質素都好好。我們叫了 濃湯 沙嗲和濃湯豚骨，湯底都可以的，牛肉，豚肉和雞肉，仲有一些食物，都是用 QR Code 落 order, 上菜 速度都好快，其他菜和丸等等都在外面，自己取的。仲有沙律和 咖哩牛肉飯，都可以自取。有汽水提供，但是由汽水機按出，仲有 咖啡，和雪糕提供，但雪糕 一般。總括這間食店，有 72 折，可以試吓，如果無折，就未必來食，因為外面自取的食物種類少，而且 QR Code 落單的食物， 有些都 售罄， 冇有提供。…Read More

今天去了將軍澳站的稻香食 $1 一隻燒乳鴿， 5:30pm 去到巳經要排隊。入座了二人半卡位，叫了兩隻乳鴿，仲叫了一個 $ 288 兩人套餐，套餐有一條 龍躉斑，兩位的 鮑魚冬菇，和兩個 鮑魚冬蓮汽鍋湯，仲可以選一個餸，叫了 菠蘿咕嚕肉，超多嘢食。龍躉斑肉質鮮嫩，非常好味，叫了一個白飯， 可以 魚肉 配白飯 ，真是好好味， 菠蘿咕嚕肉，啖啖肉，都 好惹味。仲有兩位的 鮑魚冬菇， 原來都好大碟，鮑魚冬菇下面有好多生菜墊底。 汽鍋湯都好鮮甜，有好多湯料， 有鮑魚仔、花膠、雞腳、瘦肉和雞等等。今天食完了飯，真是超飽，食物質數都好好。稻香 時常都會有好多特價食物，今晚星期三， 7:00pm 巳全場爆滿， 仲有好多人喺外面等住入埸。…Read More

今日去了尚八 日式燒肉店， 午餐放題優惠價118元， 因為慶祝五週年，所以有此優惠，可選拼盤是美國牛肉或者選日本豬肉， 拼盤係一次性，冇得任食。本人選了美國牛，肉質尚可。有豬肉，雞肉， 雞翼，都可以任食，而且有好多味道選擇。仲有 炸物，炸蠔，海鮮有蝦， 雖然餐牌寫係虎蝦，但蝦比較細隻，而且無味。仲有些 熟食， 有牛脷，牛腩，但都比較 鹹，有烏冬和拉麵等。用餐時間 100分鐘, 但最後 30 分鐘，就已經不能落單。但有甜品， 雪糕或雪條， 因為巳過時，所以在系統不能下單，但仍可以問 侍應生取甜品。價錢十分優惠，都可以去食，如果是原價收費，就不會去食。…Read More

今天去了康城的陶源中菜，因為有陶源珍味三選一，可以叫 一) 京式片皮鴨會員價88元一隻，二) 上湯或 芝士澳洲龍蝦188元一隻送伊麵( 约1斤4両), 三) 清蒸游水東星斑188元一條 ( 约1斤4 両).我選了京式片皮鴨，片皮鴨好好味，雖然話一隻片皮鴨，但片皮鴨份量唔多，但 片皮鴨的餅皮就好足够，我 竟然有多餘的餅平 ，因為我會夾兩件片皮鴨去 一塊餅皮內。我哋仲叫咗個黑椒牛仔骨煲，都非常好味。 雖然其他 小菜款式不多， 但價錢合理，而且味道同質量都唔錯。而且侍應態度都好好， 非常友善。還有落地窗，可以看到窗外景色，所以下次一定再幫襯。這次用餐共支付了 HKD 265元，我覺得非常扺食。…Read More

今日去咗將軍澳東港城商場， 見到有一間新加坡喇沙海南雞，餐廳名叫咖吔， 餐廳好似是新開的， 好多卡位， 有輕鬆下午茶餐， 所以行咗入去試下好唔好食， 叫咗一個新加坡喇沙摻掺， 價錢62元包一杯餐飲， 餐飲都好特色，叫咗個香茅青檸荔枝梳打， 不需要加錢， 就算其他凍飲都不需要加錢， 非常抵讚。 除非是一些特色飲品，就要加錢，如椰青。再叫咗個巴東牛肉配班蘭椰漿飯， 價錢係56元包餐飲，餐飲叫了凍馬來拉茶。食物非常有特色，好有新加坡風味， 食物質素都非常之好， 是一個非常好嘅用餐感覺，下次一定再幫襯， 下午茶餐有好多選擇， 下次可以試其他特色套餐。…Read More

今日去咗將軍澳燒肉男食午餐放題，叫了 C 餐， 因為新開張有買一送一，但只有一百分鐘， 所以非常趕。去到時， 當你坐低，就會有一個九宮格嘅燒肉畀你， 上面有紙仔寫咗燒肉名稱， 所以你再想食什麼，就會知道燒肉的名稱， 而且是scan QR code點餐，所以都好方便。飲品選擇都算多， 而且仲有啲甜品， 在甜品櫃可以自取，仲有即點即製甜品。燒肉品質都算唔錯， 而且上菜速度都好快，但午餐只得一百分鐘， 真係食唔切，非常趕。但有買一送一， 都好超值。但最後就嚟走嘅時候， 我們還未夠鐘， 已經有個女侍應在抹檯和執嘢， 我覺得佢非常冇禮貌， 客人還未走， 好似想 趕你快些走。這點問題，真是要留意。…Read More