mandy_ysm's Profile

非常幸運抽中出席，《一圈圈星味食堂》，當日既嘉賓系C All Star~~~是日的星味食堂為諾士佛臺的 Amico Italian Wine Bar & Restaurant一間很有情調的意大利餐廳！當日的餐牌，用一個好靚既皮套裝住，有五道菜，令我非常期待~~上第一道前，餐廳非常貼心準備了兩個麵包籃俾我地，等成班人可以一路食一路傾計，麵包籃有兩個醬，一個系蒜蓉牛油，一個系加咗parma ham同香料既豆醬，三款包，加兩個醬，有不同既配搭，令我爭D停唔到口！ 期待己久的晚餐由第一道菜，帶子他他 (Scallop tartare “Amico”style)開始， 鮮甜既帶子他他上面有一點點檸檬皮，配上龍蝦醬(啡色)同pesto醬(綠色)，食落會帶點清新既檸檬味！作為頭盤，的確令人胃口大開~~~~ 跟住系薯仔松露湯伴鵪鶉蛋上面放著鴨腿醬多士，微脆既多士上面有一點鴨腿醬，鵪鶉蛋還是半熟的，將佢同湯一齊飲令薯仔湯添上一份蛋香。跟住系餐廳自製既意大利煙肉闊條麵配上牛油忌廉汁佢上面既芝士焗至微脆的，加上咸咸的煙肉，勁Creamy，真系好正，唯一缺點系闊條麵對我來說腍了一點……如果個麵硬一點，對我黎講就Perfect~~~登~登~登~~~主菜出場，我揀了香煎智利鱸魚配意大利汽酒牛油汁個魚好嫩滑，脆脆的魚皮，加上個汁令D配菜都好入味，雖然當時已經開始飽，但好味到——停不了口朋友揀咗羊柳釀鴨肝脆皮杏仁碎配黑松露汁我試咗少少，雖然件羊柳有點厚，但廚師火候控制得好，入口非常軟嫩，加上黑松露汁，提升了整個味道同埋件羊柳一D羶騷味都無！正！最後，甜品系傳統意式半蛋白雪糕系人都知我地有另一個胃要來放甜品，重要系超級好食既雪糕，佢有一點酒味，唔會好實，軟滑得黎，你可以感覺佢慢慢系口中溶化配上多種莓類及底部既脆朱古力，你點可以唔食完佢！…Read More

阿媽一路都話佢抵食，終於得閒去試吓餐廳門口已經有午餐既餐牌佢一至五系$38免加一，六日就$42，有日本野揀，算系咁！主菜阿媽叫咗個三文魚併蟹子飯，我就要咗個壽司定食，小食我地都系要三文魚壽司。D野食都幾快送黎先講壽司定食，三文魚都算鮮甜，食得出幾新鮮其他野都唔錯，話晒$42個餐，一定唔會同成百蚊果D咁大舊同肥美三文魚併蟹子飯方面，蟹子有少少咸，同三文魚加飯一齊食，好夾，麵豉湯系即沖果D，不過佢加咗少少有咬口D日本腐皮，唔錯！咁多野，埋單都系$84，抵食啦！…Read More

因為團購去咗試聴聞好好味既Cheesess，一路聴朋友話佢好味，可惜佢銅鑼灣舊鋪對我黎講太遠了，依家佢搬黎過海，俾個機會我為食吓系網上約咗自取時間，會有人打俾你confirm，佢地打咗系兩日內打咗兩次俾我。(多咗少少:()個鋪頭都真系幾細，系一個Booth位，佢話有得食Tea有少少想試，但真系想知系邊度食重有佢都好吸引你眼睛，下次可能試吓佢去到可能早既關係，一去到俾咗張兌換券店員就有得攞個優惠包咗——1)紐約芝士蛋糕一個2)特製果醬(草莓/雜莓紅酒)3)$20現金券(要買夠$100先用得)果醬我要咗雜莓紅酒，因為想試新野，出面D鋪頭好少有呢隻味店員俾我Check吓個蛋糕就幫我Pack好佢，佢好細心咁提我要一個鐘內放個蛋糕入雪櫃，同俾咗D做型可愛既餐具我打開蛋糕盒，佢面頭有張靚靚相可以留黎當Postcard用。講返個蛋糕(其實店員有話俾我聴佢可以放幾多日，不過我同屋企人當日已經將佢分屍)，有果醬一定配埋一齊食，但話佢系果醬，佢又無Jam果種一Pat既口感，佢系煮過既雜莓加紅酒汁既感覺，一路有淡淡既紅酒味，唔會太濃(唔好紅酒既人都啱)，雜莓唔會好林，有少少咬口:)芝士蛋糕方面，好似食緊芝士雪糕咁好，好滑，好似淨用芝士打起黎做蛋糕咁，令你食完想再食，唔好「lun」，未食完已經林緊用張現金券買乜好…Read More

約咗朋友去睇鴨，睇完鴨，三個順便去灣仔食Venchi團購，去到佢話優惠上果3款特選口味雪糕(焦糖布甸、岩石蛋糕、榛子蓉)都無晒:(，只有佢地(牛奶朱古力、卡布奇諾、生薑肉桂同開心果)朋友A選了卡布奇諾朋友B選了牛奶朱古力，我就對生薑無乜興趣，所以選了開心果三款我都有試濃淡次序為：1)卡布奇諾 (有濃濃的咖啡味)2)牛奶朱古力 (有朱古力味，但會比較甜)3)開心果 (要慢慢先食到開心果，味道系三個最淡)佢有兩樽(一樽有包焦糖，一樽無)花生既物體，俾你加落雪糕度有加焦糖果樽有脆糖既口感，夾雪糕一流佢味道唔錯，就算正價食都OK！…Read More

登~~登~~登~~黑漢堡今日終於登場！即刻去試吓先~~因為太多人了:(，都系外賣返屋企食(亦好彩我選擇外賣)加咗$4轉珍珠奶茶都估到個包唔會好似廣告咁靚，返屋企打開個盒，見到好在個包同個盒唔會差太多，D餡就算散都唔會散得太厲害，不過對女仔黎講個包都幾厚，加上成個包本來已經散散地……同埋薯蓉會令個包一路食一路散，食完我成手都系薯蓉加汁……講返黑漢堡，佢味道唔錯，薯蓉加蘑菇汁加牛肉本來就系一個好味既組合，其實好難唔好味個包塊牛肉又唔乾，正！跟餐既薯條，算吧啦……:(「林」到，我都唔知佢放咗幾耐……到珍珠奶茶，其實系麥記奶茶，加珍珠廣告話黑珍珠有芝麻味，白珍珠有米飯味，當珍珠+奶茶同一齊飲，我完全唔覺珍珠有咩特別，但俾母親大人試一啖，佢居然特登搵咗一粒黑同一粒白珍珠黎試，咁先試到完來真系黑有芝麻味，白有飯味，我唔忿氣，特登飲晒D奶茶，然後試吓D珍珠，又真系俾我試到兩種味，幾好玩~~杯野唯一缺點系D珍珠太腍………Read More

約咗舊同事食晚飯，因為佢唔食牛，我唔食海鮮，所以林食乜都有D頭痛。搵吓搵吓，原來我重張Freshness Burger團購重未用，雖然佢只有特級芝士牛肉堡或魚柳包兩款選擇，但就完全符合我同同事既要求，舊同事話去試吓無妨，Freshness Burger go go go！店舖位於火車站隔離既商場，所以落雨都唔會濕身(果日咁岩落好大雨)，而且位於商場一角，人流較少，較為清靜，岩晒朋友吹水(都幾多學生哥、朋友組合)去到好快落咗單系有少少難搵位，果晚差不多全場爆滿全間鋪得兩個人(包收銀、整野食同清潔)，所以我地等咗差不多十至十五分鐘先有得食。特級芝士牛肉堡微煎既洋蔥加番茄配埋茄汁同Mustard，正！生菜系本人偏好既一大片(真系各花入各眼)Juicy既牛肉又唔會煎得過老，唔錯同事既魚柳包佢話唔錯，味道OK由於我地想試多D野，所以跟餐一個薯格、一個薯角唔知系我地食得慢定佢地放得耐，兩個都「林林地」，薯角一來無乜味，二來都幾滯吓，我地最後都未能成功消滅佢，薯格比薯角好，起碼叫有D味因為我地兩個唔想飲汽水，所以每人加咗$3轉飲柚子蘇打，味道唔錯(請想像柚子蜜加蘇打水)，美中不足系太「冰」我地兩位飲完都很凍，同埋飲管太幼，飲飲下飲管好易俾柚子攝住用原價黎食對荷包有點太重，期待下次團購再來…Read More

五一約咗朋友去Isquare睇戲，入場前搵D野醫下肚仔先。行過見到咁就你啦！其實一路都有D想試佢，但次次都好多人，我又怕同人迫，唔知系唔系五一同時間尚早既關系，今次終於比較少人。*\^.^*\ */^.^/*我試咗忌廉圈卷，同藍莓忌廉芝士包，忌廉圈卷D忌廉唔太甜，包埋包包出面D糖本來味道幾夾，但由於個包中空設計，當你系前面食既時候，忌廉會系後面「芝」出黎……:(好彩有個膠袋袋住……我較為喜愛筒形設計既忌廉筒多少少。至於藍莓忌廉芝士包，正！正！正！好似食緊藍莓芝士餅咁，不過加埋麵包，唔太「滯」，又酸酸甜甜咁~~至於朋友仔試嗰個，唔太記得系乜……有機會再黎過試埋其他野~~…Read More

星期日下午本來林住去灣仔食再興，點無開……咁去春園街間八方雲集，執咗……:(咁去九記食糖水，都執埋……:(莫非，我唔使食……好彩我行多兩步見到佢，竹日式外賣專門店，睇出面系正常日式外賣店格局，重有我至愛三文魚~~~就呢間啦~~同收銀哥哥傾開先知佢開咗唔夠一個星期，(乜灣仔咁多鋪頭執既……)收銀後面有凍櫃，有D刺身，小食，客人又可以見到D野食新唔新鮮:)等咗一陣，親子刺身飯攞得！！因為系套餐，所以有碗麵豉湯跟，個飯既顏色睇落幾新鮮~~食落——晤，唔知系咪D薑既關係(薑既味道偏甜)，三文魚籽系甜……:(我真系未食過甜既三文魚籽(唔系鮮甜，而系甜味)！三文魚既味道淡咗少少，唔濃，但新碼唔腥而麵豉湯味道都系偏淡咗少少，$48算系咁味道有進步既空間，收銀哥哥幾好傾~~…Read More

上星期見到麥記新出咗黑森林脆脆新地，林住試吓，點知上水話部機整緊未有得食住:(，Two bed (Toooo bad也)下午去灣仔搵朋友又見到麥記(除咗七仔之外，麥記都梗有一間系你左近)，咪去試新野。果時無乜人，好快就有得食，網頁話淋醬系紅桑子及朱古力醬，朱古力我食到，但「紅桑子」，似士多啤梨多D……到脆脆……真系上睇橫睇都似系似脆粉多少少……杯新地味道其實OK架，但食唔出黑森林之餘，亦無咗脆脆，只可以話不過不失，可以一試啦。…Read More