咁去春園街間八方雲集，執咗……:(
咁去九記食糖水，都執埋……:(
莫非，我唔使食……
好彩我行多兩步見到佢，竹日式外賣專門店，睇出面系正常日式外賣店格局，
重有我至愛三文魚~~~就呢間啦~~
同收銀哥哥傾開先知佢開咗唔夠一個星期，(乜灣仔咁多鋪頭執既……)
收銀後面有凍櫃，有D刺身，小食，客人又可以見到D野食新唔新鮮:)
等咗一陣，親子刺身飯攞得！！
因為系套餐，所以有碗麵豉湯跟，個飯既顏色睇落幾新鮮~~
食落——晤，唔知系咪D薑既關係(薑既味道偏甜)，三文魚籽系甜……:(
我真系未食過甜既三文魚籽(唔系鮮甜，而系甜味)！
三文魚既味道淡咗少少，唔濃，但新碼唔腥
而麵豉湯味道都系偏淡咗少少，$48算系咁
味道有進步既空間，收銀哥哥幾好傾~~
