Sophia ku's Profile

前幾日同朋友去左銅鑼灣一間火鍋店打邊鑪, 事後感覺確實唔錯, 所以決定要分享.  餐廳內環境企理乾淨, 坐得舒服, 都幾適合餐聚聊天.先黎兩個小食頂下肚先. 炸墨魚餅 &  鬼馬油條 都係即叫即炸非常新鮮, 而且乾身唔會入口油淋淋.  墨魚餅外層酥脆香口, 而裡面的墨魚肉餅就好彈牙鮮甜. 再配上酸酸甜甜的醬汁, 十分開胃; 油炸鬼表層釀上墨魚膠滑再拎去炸. 墨魚膠滑口感彈牙而油炸鬼就脆卜卜, 層次分明令人停不了口.立魚刺身 (椒鹽骨腩加$30) 老闆推介我們的立魚刺身, 非常新鮮同埋抵食. 立魚好大條, 所以刺身分量都好多. 而且師父用左比較厚身的切法, 刺身食落比較有口感, 爽口得黎味道好鮮甜, 真係好正!! 食完刺身後, 剩下的魚骨魚腩原來仲可以選擇加30蚊叫餐廳整“椒鹽骨腩”, 一魚兩食, 完全食到盡. 但由於我們實在叫左太多野食啦, 怕最後會食唔哂浪費左, 所以我地最終冇叫到. 下次有機會一定要試下先~漁火花膠雞湯翅   湯料有花膠, 冬瓜, 新鮮雞件, 素魚刺, 蟹籽, 菇, 粟米等等. 影完靚相後姐姐會即場幫忙將冬瓜圈切件~  花膠數量原來都唔少而且幾大舊. 而雞湯湯底亦好濃郁, 飲落味道香濃但又唔會過鹹, 非常滋補養身. 令我在落火鍋料前忍唔住飲多碗.漁火特選牛盛薈 特選牛拼盤份量都唔少, 個人覺得比出面好多餐廳同等價位的牛拼盤抵食, 而且質素都唔差!  牛拼盤包括有手切本地鮮牛頸脊, 手切本地牛邊位, 手切頂級PRIME牛肉, 一口和牛柳粒 同埋 極品牛舌芯等. 基本上所有牛肉都好靚, 望落亦都好新鮮, 食落牛味都好香.龍王珍寶海鮮拼盤 非常壯觀又漂亮的珍寶海鮮拼盤, 外型非常之吸睛. 拼盤裡面包括有本地龍蝦, 龍躉斑片, 日本大元貝, 海中蝦, 黃貝同埋珊瑚蚌等, 最重要係全部海鮮都好新鮮好靚!!  龍蝦肉大大舊, 爽口彈牙又鮮甜! 而且龍蝦頭仲係有膏咖, 正!! 大大粒的元貝肉有厚度, 味道鮮甜又彈牙; 海蝦都一樣唔錯, 中型size但够新鮮, 味道鮮甜口感彈牙~ 口感够爽脆彈牙的脆鯇片, 非常新鮮, 味道仲好鮮甜…雪白鮮膳片  白膳片切得大块又有厚度, 食落肉質鮮嫩肥潤, 非常唔錯.順德魚腐 拼 香滑豬紅  魚腐入口軟棉, 魚味鮮甜; 而豬紅口感滑嘟嘟又彈牙;時令什菜籃  什菜籃有白菜仔, 菜心, 西洋菜, 粟米, 新鮮冬菇等.. 材料好新鮮好靚, 而且處理得都好乾淨, 冇黃葉爛葉亦冇沙. 各種菜食落都唔會有苦味~…Read More

最近同朋友去左一間位於尖沙咀的日本餐廳, 野食同環境都ok 唔錯. 餐廳內到處充滿日式風格. 一入門口右手邊就可以見到日本書法大師之作; 多人的話仲可以book間vip房;先黎頭盤沙律, 新鮮蕃茄切粒沙律, 酸酸地好開胃. 東瀛五點盛 包括三文魚, 帶子, 油甘魚, 金目調 同埋 拖羅刺身各三件. 所有的刺身都好新鮮同埋肥美鮮甜, 質數都幾高. 特別係拖羅, 口感細膩味道鮮, 讚!香蒜牛舌 煮得好入味,淡淡的蒜香. 口感軟腍又易咬, 冇咩筋位. 唐揚炸雞 比起韓國炸雞, 呢到的日式唐揚炸雞味道比較清淡, 冇味香辣惹味. 外層的炸粉比較薄身, 炸雞咬落啖啖肉冇骨頭, 肉質都肉嫩多汁, 配上沙律醬, 味道更豐富. 雲丹蟹肉卷 外型十分好睇. 壽司飯中間卷住大量蟹肉, 而每一件的上層都放左大大舊的鮮海膽.將蟹肉卷一啖放入口中, 海膽的鮮甜味首先係口中散開, 跟住食到紫菜和蟹肉沙律的味道, 層次非常豐富.蟹味噌甲羅燒 + 生蠔 先將蔥花, 蟹子, 蟹肉, 蟹膏, 鵪鶉蛋等材料混合埋之後再放上爐到燒. 味道好鮮好甘香, 唔會話好鹹. 生蠔好大隻, 蠔肉唔算太厚身. 燒到9成熟的蠔肉, 味道鮮得黎海水味都重, 蠔肉有少少爽口.芝士魚旦 食之前先要燒一燒, 兩塊彈牙魚片夾住中間溶化芝士, 估唔到味道都幾夾, 鮮味中又帶有芝士香濃味, 幾好味!牛肉烏冬 牛肉口感嫩, 唔會好柴. 烏冬比較細條幼身, 但口感都幾彈牙. 而個湯底就清清地甜甜地, 食落都OK.熱情菠蘿燒酎 & 巨峰燒酎 我就選擇左飲熱情菠蘿燒酎. 酒精濃度唔係太高, 入口冰涼, 有香甜的菠蘿香味 和 味道, 跟住酒味先係口中慢慢散開. 都幾好飲.…Read More

最近朋友介紹我地去左一間唔錯的麻辣火鍋店. 聽講呢間辣火鍋店係來自重慶當地著名的連鎖火鍋品牌, 屬於當地數一數二的火鍋老字號。既然咁出名, 當然一定要去試下啦. 餐廳內外裝修都充滿中國式的古風風格. 地方乾淨企理. 自助醬料區正宗洪崖洞麻辣鍋 (小辣) + 木耳雞鍋 雙併鍋 唔使講招牌洪崖洞麻辣鍋 一定必點啦, 聽講鍋底是用左自家秘方來烹煮, 用上四川新一代辣椒、燈籠椒、茂汶花椒、醪糟、冰糖等用慢火炒四小時，製作出香醇的荔枝味型鍋底. 不敢吃太辣的我們叫左小辣, 味道不太刺激口感亦不會太麻, 湯頭回甘細膩. 而個木耳雞鍋的鍋底就比較清甜又清潤, 裡面除左有四分一隻雞外, 仲有唔少木耳.盛肉拼盤A餐(包括 美國安格斯牛小排 + 美國安牛板腱 + 西班牙黑毛豬梅肉 + 妝西蘭羊肉) 肉類質素都唔錯. 安格斯牛小排細細件, 油花比較多, 牛味亦比較重; 牛板腱大大块但比較薄身,脂肪唔多, 但口感都唔會太硬; 而黑毛豬梅肉口感都幾軟腍.重慶伸腿瘦鵝腸 鵝腸處理得好好乾淨, 冇多餘肥油肥膏, 灼一灼就食得, 口感好爽;細細粒的鵪鶉蛋, 一啖一粒. 鴨血 麻辣鍋必點“鴨血”,和麻辣湯底係絶配.口感較彈牙, 入口滑嘟嘟.爽脆 “脆鯇魚腩”, 非常新鮮, 口感脆而鮮甜. 五色火鍋小籠包 小籠包有麻辣, 芝士, 黑松露, 原味 同埋 蟹籽共5款味道. 而我就揀左黑松露味, 皮唔會太厚, 一咬落去裡面啲肉汁就流哂出黎, 黑松露味好香, 肉汁味道都好鮮, 都幾好味.新鮮手打的牛丸, 口感好彈牙, 牛味香, 值得一試. 8秒重慶STYLE土豆片 土豆片灼8秒左右就可以食得, 口感軟腍.蜂巢豆腐 口感軟綿, 放入麻辣湯底後可吸哂所有的湯底精華, 香辣又刺激. 炸響鈴 即炸即上, 非常酥脆鬆化, 灼2-3秒就可以食得. 娃娃菜+西洋菜 蔬菜處理得好乾淨, 冇沙冇爛葉的情況. 娃娃菜好甜, 而西洋菜就好爽脆.酸海湯 淡淡的中藥味, 味道酸酸地, 飲落冰冰涼涼非常開胃…Read More

好耐都冇食過上海菜啦，所以最近朋友們聚會就特登約左去一間傳統老飯店食飯，主打食上海菜，質素唔錯有驚喜。花雕醉雞 & 花雕醉豬手花雕酒的香味非常濃郁, 酒香扑鼻. 醉雞 & 豬手都好入味, 食落有淡淡的酒味又唔會太鹹.醉雞食落口感都幾滑, 冇咩太多脂肪; 豬手切成細細件, 容易入口, 口感彈牙兼且唔會覺得油膩, 都幾好味.燻蛋半流心狀態的糖心燻蛋十分吸引, 入口有濃郁的煙燻味, 非常特別. 而底下的炸合核都非常出色, 香脆酥化, 令人停不了口.鎮江肴肉外型望落精瑩通透，非常精緻的感覺。裡面的豬手肉粒鹹度適中，冰冰涼涼，非常可口。松鼠黃魚黃魚炸得好酥脆, 入口脆卜卜, 裡面的魚肉就軟滑鮮味, 完全係外脆內軟. 加上外面酸酸甜甜的甜酸汁, 非常惹味又開胃, 正!!賽螃蟹呢到的賽螃蟹質感冇平時出面食果D咁稀身, 但口感一樣滑嫩細嫩. 淋上醋之後, 味道同蟹肉更加相似, 味道非常鮮甜, 好好味.南翔小籠包 小籠包啲皮非常薄身, 包住脹卜卜的肉餡&肉汁. 一啖咬落, 肉汁即時流哂出黎, 非常鮮味, 讚!火腿津白津白煮得非常腍身, 食落清甜而冇渣. 而鋪在面的火腿片相對味道比較濃郁, 咸咸香香咁. 連埋味道清淡的津白一齊食, 互相中和味道剛剛好.高力豆沙熱辣辣的高力豆沙，外層咬落軟綿中帶有少少煙韌,裡面的紅豆餡都幾多，甜度適中，都幾好味。…Read More

泰國菜式味道甜甜酸酸又辣辣地咁, 係是我最喜愛吃的異國菜式之一. 最近就同一班朋友一行十幾人黎到九龍城一間家傳戶曉的泰國餐廳食圍餐. 聽講餐廳的廚師係正宗的泰國人, 而且餐廳每次都會從泰國挑選上等食材、配料、醬料空運抵港，所以呢到啲菜式都係好正統的泰國味道！ 柚子沙律  大量的金柚拆肉成碎粒，拌入紅葱頭、 魚露、青檸汁，椰糖以及椰青絲等等材料。柚子粒汁多清甜，咬下爆汁感覺甚過癮；魚露、青檸汁為沙律增加味道層次，清新酸味中又帶有絲絲的椰糖甜味。而沙律上的椰青絲，聽講是選用左新鮮椰子刮絲再烘乾再切絲，所以口感爽爽地，感覺都唔錯。 香辣海中霸伴青芒果絲  香辣海中霸伴青芒果絲是黃珍珍泰國菜館的經典名菜。大廚選用的是泰國的「紅寶石魚」，此魚體大但肉質肥美，炸後依然滑嫩。魚塊經猛火香炸，脆酥香口不油膩；混入紅葱頭、香茅、指天椒絲及黃珍珍秘製辣椒膏的青芒果絲，酸、甜、香、辣味在口腔裡有序地散發出來。 什錦串燒沙爹 (豬牛雞)  肉類先以黃薑粉、咖喱粉、胡椒粉、豉油、魚露和糖等調味料醃到入哂味，再去骨切成小塊，用竹簽串起，然後放在爐火上慢慢烘燒。大廚掌握火候得剛剛好，肉塊燒得內熟外層少少了焦香，內裡肉汁豐富，非常吸引。在肉串上淋上特製的沙嗲醬，令串燒味道更加升華。而醬汁加入左黃咖喱、椰汁、花生碎、糖、鹽等等製成，入口花生味濃郁，椰汁添清香，黃咖喱惹味，非常香非常好味。 珍珍讚火焰燒雞  「珍珍讚火焰燒雞」賣相非常吸引，上枱嘩聲四起。用左「走地雞」為原材料，以泰式香料醃好，先煮後炸，然後垂直豎在圓柱上。上枱時，侍應先淋上酒然後點火燃燒雞隻，藍藍的火焰包圍着雞身，極具視覺震撼力，熱力更把雞肉的香氣逼出來，令人垂涎。當大家都影完相後，隻雞會拎返入廚房斬件上碟。一口咬落雞肉，皮脆肉嫩，而且滿口肉汁，仲有香濃的酒香味。盤內的酸甜汁，味道酸酸甜甜很醒胃。除左雞肉外，仲有洋蔥、三色椒、車厘茄、菠蘿等等蔬果，有肉又有菜，唔使咁寡。 M6級咖喱炒蟹  選用左M6級大肉蟹，蟹肉結實鮮味突出。而秘製咖喱汁材料除左常用的香料、洋蔥、薑、葱、芹菜外，仲加入左蟹膏一起煮，起畫龍點睛作用。而咖哩香辣惹味中亦帶有陣陣難以形容的鮮味。而配上的法包亦非常不錯，外脆肉鬆軟。再點上香濃惹味的咖喱汁，配搭一絕，令人停不了口，個個都把咖喱汁清得乾乾淨淨。 酸辣海鮮湯  酸辣海鮮湯望落去好似好清咁，但飲落味道酸酸辣辣咁非常醒胃。而且因為加入左多種海鮮(包括：蝦、青口、魚柳、肉蟹、魷魚等等)，所以海鮮味好重好鮮。除左海鮮，湯裡仲加入大量南薑、香茅、金不換、魚露、紅葱頭、檸檬葉和乾辣椒等等材料，泰式風味非常濃厚。 馬拉盞通菜  選用左泰國直送的通菜，而馬拉盞是餐廳特製的，辣得來香，香得來惹味。炒通菜火候亦掌握得非常好，通菜爽脆，馬拉盞入味，好味。 原個菠蘿炒飯  新鮮菠蘿開邊起肉切粒用來炒飯，菠蘿的天然甜味滲入飯粒中，香甜清新，增添唔少美味。除左菠蘿，炒飯仲加入左魚露、蛋、黃薑粉、腰果、肉鬆、臘腸、葡萄干和青豆等等，材料豐富，口感有軟有硬層次豐富。而本身飯粒炒得乾爽，粒粒分明，唔會油淋淋。 甜品拼盤  包括有椰青糕、椰汁西米糕、芋頭西米糕、斑蘭西米糕、芝麻西米糕 和香芒糯米糍。 而我就只係試左椰青糕 同埋 香芒糯米糍。椰青糕用左新鮮椰青肉同埋椰青水整，所以味道比較清新，淡淡椰香；而香芒糯米糍，就比較味道香甜啲。中間的餡是用左熟透的芒果肉，所以比較香甜。外層的糯米皮比較薄身，口感質感較軟，令人停不了口。…Read More

泰國著名藍象泰國餐廳 開到黎香港啦, 以後唔使飛到泰國都有得食啦. 趁住最近空閒, 同朋友就約埋朋友去左食TEA. 位於海港城藍象泰國餐廳，環境優雅閑靜，可一邊欣賞維港美景一邊傾下計，享受一個休閒下午.二人份量的TEA SET糕點, 有鹹又有甜共9款糕點. 以半邊金雀籠盛載住, 糕點精緻又可愛. 而品嚐的次序係由底層開始向上食. 先食鹹點再食甜點.底層:　泰式比利時炸蝦，炸蝦餅，炸春卷　配　酸辣醬炸蝦外層好酥脆, 裡面係原隻的大蝦啖啖肉, 仲有清新的香茅味; 炸蝦餅食落都幾彈牙; 而炸春卷都唔錯, 春卷皮脆卜卜又唔會好油, 裡面啲餡料仲好飽滿, 有木耳絲, 紅蘿蔔絲, 粉絲…..等中層：皇家宮殿蒸餃子, 柚子蟹肉沙律卷, 馬可餃子係雀鳥造型, 配合返個雀籠外型. 餃子皮口感煙煙韌韌, 淡淡的椰子味, 而中間係冬陰功味道的餡料. 整體味道都幾特別.柚子蟹肉沙律卷, 蟹肉一梳梳配上清甜的柚子肉, 味道清新; 馬可原來係泰國的一種特色小吃，以豬肉碎、花生加蔗糖等材料整成細細件, 放在一块新鮮的菠蘿肉上面. 一齊放落口, 味道甜甜酸酸咁, 都幾得意.頂層: 檸檬撻, 斑蘭撻, 暖心榴槤撻每款撻都係件件咁, 的的適適非常可愛. 檸檬撻食落酸酸甜甜, 清新又開胃; 斑蘭撻入口有淡淡的斑蘭香味, 味道唔會太甜; 榴槤撻一口咬開, 榴槤香味立即四散; 食TEA當然唔少飲返杯咖啡啦. 香滑的CAPPUCCINO, 為下午茶畫上完美的句號.…Read More

今天約左班好姐妹一齊去食左個靚靚tea， 既可以影下靚相打下卡，又可以開心自在咁傾下計，大家開心愉快地渡過左2018年的最後一個星期天下午。下午茶的主題為「幸福樂園」，外觀不但精緻漂亮，而且仲為大家帶來左獨特的黑松露主題的五感享受。當中有鹹點又有甜點，味道上絕不單調。食野前先黎一杯薰衣草伯爵茶熱茶 配上 特製有機棉花糖。 熱茶的蒸氣令棉花糖慢慢溶化，出現雲雨的效果，非常夢幻。而加入左棉花糖的伯爵茶，飲用時帶住一絲絲甜味。每飲一啖花茶，都可以令你放鬆，又可為你提供更多能量。先食幾款鹹點：煙燻三文魚帶子馬鈴薯 + 法國蝸牛薯蓉挪威入口的煙燻三文魚口感唔錯，味道又唔會太過鹹； 中間的半熟大粒珍寶size 帶子亦非常唔錯，不但大粒，外層口感彈牙，而內裡仲係軟滑狀態，味道鮮甜；而底層的煎薯仔餅唔會太油膩，咬落仲有薯粒的口感。法國蝸牛口感彈牙，而底層的薯蓉，口感軟綿又唔會好漏，幾好味。濃香沙樂美腸及兩款芝士 沙樂美腸的味道比較香濃，配搭上軟滑芝士，非常之夾。黑松露牛肝菌湯 香味十分濃厚突出，每飲一啖口中都充滿著黑松露香味，而且仲食到有細細的菇粒。再黎就食甜點：黑松露法式奶凍奶凍口感唔錯，味道又唔會太甜，仲有淡淡黑松露香味，幾好。星空柚子朱古力甜品杯親手將熱辣辣的黑朱古力漿淋上星空型的柚子朱古力上面，再一路睇住佢慢慢熔化，真係會令我的心情慢慢放鬆愉快起來。一個幾好玩的過程。甜品杯除左朱古力外，仲有一块芝士同埋新鮮藍莓，朱古力唔會太甜，藍莓甜甜酸酸，十分清新。十分精緻的馴鹿朱古力牌不但可以欣賞佢嘅精細，令你身心靈同時可以放鬆，欣賞完仲可以食落肚。而鹿在古代還被視為神物，認為鹿能給人們帶來吉祥幸福和長壽。鹿天性中仲充滿著善良、柔美、內斂的氣質。所以不但外形美，內裡的意思更美。最後食埋經由急速乾燥技術保鮮的士多啤士、楊桃同埋無花果等 水果脆片。如 配上 黑松露粉，係另一種新嘗試，味道十分香濃特別。下午茶仲會送埋「魔法咭」五張，每張「魔法咭」均介紹一種香薰精油及其療效。而且仲有一張蝴蝶型的紙卡俾你寫願望，寫完後可以夾係餐廳上的願望牆。…Read More

最近同朋友去左尖沙咀食串燒omakase慶祝。除左有串燒，仲有煮物，燒物，季節海鮮等，非常豐富。最後個個都食到滿足又飽足咁離開。先黎開胃前菜小食有甜甜地的冰填田螺，清新青瓜粒，豬肝配芥茉醬 等等翠玉瓜,燒黑豚肉,燒雞腎,無花果慢煮黑豚肉翠肉瓜鮮脆；黑豚肉質彈牙多汁，幾嫩滑；雞腎燒得都唔錯，唔會太乾硬；無花果慢煮黑豚肉 甜甜地都幾入味，肉質好腍。燒青椒仔，燒京蔥，燒冬菇，燒白菌青椒仔少少辣，青蔥新鮮，冬菇同白菌燒得都幾好，肉厚又唔會太乾。燒雞翼 大大隻幾多肉，燒得香又唔會太乾，外脆內軟，幾好。燒白鱔 肉厚彈牙，味鮮甜。雞頸肉 第一次食雞頸肉，原來味道都唔錯，幾香肉味，口感都嫩滑，唔錯。燒雞肉棒 雞肉棒內除左有雞肉外，仲有雞軟⻣，所以咬落口感豐富，肉味仲好濃厚。燒飯團（木魚絲味/明太子味）飯團外層燒得焦香脆口，裡面啲飯軟口帶有木魚絲味/明太子味。用紫菜夾埋一齊食，味道更豐富味美。魷魚一夜乾擺碟精美，食落沒有太多的調味料，味道夠鮮，口感彈牙。可配上薑蓉食，味道更豐富。安格斯牛小排肉質口感鬆軟細嫩，牛味唔太重。 加埋師父特制的醬汁，味道更加味美。燒秋刀魚原條秋刀魚，肉都幾厚身，魚肉結實味道鮮甜。海鮮茶碗湯 湯內有白果、大蜆、冬菇 同埋豚肉等。 湯頭清清地甜甜地，仲非常夠熱，暖笠笠。…Read More

最近朋友介紹左一間銅鑼灣新開的日本餐廳俾我, 襯住最近有空閒時間就同好友去左幫襯. 一入門口已見地方非常四正整潔, 而且基本上全是吧枱位.  上得黎食就一定係揀OMAKASE啦! 先黎三個小前菜:  金黃色的海膽豆腐味道甜甜地, 口感滑嘟嘟; 新鮮海蔘配上橙肉,稻穗子同埋蘿蔔蓉, 口感豐富味道清新, 白子蒸蛋都唔錯, 白子的表面用火灼過,所以有淡淡焦香, 而個蒸蛋口感不但滑, 蛋香&菌香味都好足. 右口魚卷蔥 + 右口魚卷符皮面豉 + 醬燒黑鱸魚  右口魚刺身啲肉質有少少結實，味道較清爽甜，唔會好濃郁的感覺。 右口魚卷細蔥味道非常清新；而右口魚卷符皮面豉味道就比較濃郁，係另一種風味。 醬燒黑鱸魚的口感都幾滑漏彈牙, 醬汁味道剛剛好唔會太鹹. 醬汁燒八爪魚 燒白子  八爪魚軟腍入味，甜甜地味道都唔錯。白子本身冇咩太多味道清清地，口感軟綿細滑。 海膽魚籽杯  外型非常精美，海膽魚籽都好新鮮，海膽仲好鮮甜tin… 純菜冇咩特別味道，但口感都唔錯，滑嘟嘟。  蒸鮑魚口感都幾軟腍入味，再配上特製的＂飽魚肝醬＂，鮑魚的味道更加濃郁鮮美。最後有剩的飽魚肝醬仲可以配上飯團，完全唔會浪費。 秋刀魚刺身＋鹽燒秋刀魚  呢個季節啲秋刀魚都幾肥美肉厚，刺身肉質都彈牙兼食落滿口油香。而鹽燒秋刀魚都唔錯，燒得幾香，肉質唔會太老。 鹽燒鰹魚 ＆ 豉油浸鏗魚  鹽燒鰹魚原來係夾住块炸蒜片，所以食起黎既有蒜香味又有火灼香味，層次豐富; 而另外的用豉油醃過的豉油浸鏗魚味道都唔錯，口感軟滑仲有淡淡的豉油味。 食完魚後仲可以食埋果幾块只有二十日便收成的醃 “大根”, 口感爽又味道清清地，可以清一清味蕾。 香廂蟹  香廂蟹原來就係雌性的松葉蟹。師傅事先已經將蟹籽蟹肉同埋蟹膏拆出黎放入蟹殻，方便食兼啖啖肉。蟹肉味鮮又帶香橙的清新。  白蝦壽司, 帶子壽司, 針魚壽司, 金目鯛壽司, 野生鰤魚壽司, 馬糞海膽壽司 & 吞拿魚腩件壽司 只係睇外型都知道係非常新鮮. 每一件都係咁肥美鮮甜, 質素非常高, 讚!  熱辣辣的立魚湯，味道鮮甜又唔會太鹹，仲有粒粒的新鮮元貝仔。 煎茶布甸  入口有淡淡的茶香又唔會有苦味，口感好滑奶味好香，又唔會太甜喎，真係非常好味。 唯一的缺點就係太細杯份量少左啲，如果份量大杯啲就更完美啦！…Read More

最近發現左一間抵食夾大碟, 味道又唔錯的泰國餐廳. 而且地點都幾方便, 啱哂行得攰攰地過黎食一餐, 抖下氣嘅朋友們. 鐵板蠔仔蛋 $78  份量好大碟, 蠔仔肉都幾多, 每粒都差不多大, 外型圓碌碌好飽滿. 而且蠔仔都幾新鮮, 食落冇腥味或者蠔殼, 味道鮮. 雞蛋都幾好, 好香滑. 如果個蠔仔蛋能煎得再香脆香口啲, 就更加好! 馬拉盞炒芥蘭 $58  馬拉盞的香味都幾香, 味道適中唔會太濃味太辣. 而芥蘭都幾好, 唔會太老口感硬, 顏色翠綠口感都幾爽脆. 串燒沙爹豬肉+雞肉 (6串) $78  串燒每串的SIZE都唔細, 真係可以有大啖大啖食肉的滿足感覺. 豬肉&雞肉一樣地肉質都幾嫩, 咬落有肉汁唔會太乾. 椰汁味比較重, 味道偏向甜. 如果沙爹的香辣味重返少少, 會更加惹味. 鮮蝦炒金邊粉 $53  鮮蝦仁大大隻, 口感好爽. 金邊粉炒得都唔錯, 唔太油膩或者好碎, 味道甜中帶少少鹹. 可自由加入青檸汁同埋花生碎, 味道甜甜酸酸又帶有青檸的香味, 感覺清新. 食泰國野當然必叫 “芒果糯米飯” $58  糯米飯暖暖地, 口感煙韌軟香. 而淋面的椰汁的香味好足, 食落又唔會太甜, 配上糯米飯都唔會覺 “漏”, 香甜好味. 而新鮮芒果肉都唔錯, 好香甜, 一啲都唔酸.…Read More

天氣開始涼涼地, 係時候又同朋友去打邊爐. 最後揀左鴛鴦鍋: 美人鍋 併 麻辣鍋. 美人鍋的湯底材料有烏雞半隻, 桃膠, 金華火腿 同埋 藥材(紅棗,南棗,杞子,沙蔘,淮山等…), 補而不燥相對比較温和, 飲落有淡淡的藥材香味, 味道偏甜. 烏雞加桃膠, 滋陰補虛勞得黎又充满膠原蛋白, 非常啱貪靚的女士們. 而且烏雞原來有半隻咁多,仲唔細隻咖, 啖啖肉得黎肉質都幾嫩滑, 唔錯.  麻辣鍋叫左小辣, 所以食落麻香又唔會太刺激. 麻辣鍋除左用左好多種香料同藥材(紅棗,杞子,桂圓等…)外, 仲有鴨血和凍豆腐可以食.鴨血滑嘟嘟, 口感Q彈Q彈咁, 而凍豆腐就正於吸洒麻辣湯底, 香辣美味.  麻辣鍋包埋免費追加鴨血一份~  餐廳的fb活動, 只要like餐廳fb并且公開轉發POST再俾返職員睇, 就可以每人免費有一杯 “咸檸七”~ 爽! 雪花一口肥牛  油脂唔算太多, 肉質都幾嫩口唔會太難咬, 肉汁多而牛味唔算太重. 自家制極品水餃  水餃大大粒, 皮都幾薄, 餡料超多. 蝦肉大粒口感又彈牙, 仲有爽口的木耳絲 同埋 鮮味豬肉餡, 口感同味道都非常之唔錯.  朋支至愛的炸芋頭, 件頭比較大, 口感非常 “粉”, 唔會話 “生水”. 芋頭香味都幾好濃香, 食落又香又粉, 好味! 蔬菜籃 & 農場野菌籃 基本上所有菜同菇都好新鮮好靚, 而最重要係處理得乾乾淨淨, 冇爛冇污漕野. 寛粉  口感如幼版的薯粉. 唔使煮好耐, 口感q彈, 吸埋麻辣湯底個味, 非常好味道!…Read More

鯊魚骨花膠湯  濃厚而奶白色的湯底非常鮮甜味美. 而花膠舒哂厚身, 口感軟腍黏膩, 黏性十足充滿膠原蛋白感, 滋補又養生.  淋上特製的鮑魚芡汁, 味道鮮美令人停不了口. 鐵板西班牙黑毛豬叉燒  用左西班牙黑毛豬整出來的叉燒, 眼見没有太多肥肉位, 但口感卻異常地軟腍多汁, 叉燒醬又够香濃, 簡直入口鬆軟又惹味, 非常之好食. 而鋪底的黃豆都唔差, 一樣炆煮得好腍, 而且吸左黑毛豬叉燒的肉汁, 食落甜甜地又有黃豆香. 脆皮盬香雞  雞皮又香又脆, 完全冇多餘的肥油, 乾身又香口, 因為採用左新鮮雞, 所以裡內的雞肉嫩滑多汁, 食得出雞的鮮甜味.  除左雞外, 伴碟嘅仲有新鮮的 “雞什”同埋自家炸的薯片. 唔好以為啲薯片咁厚身, 一定好硬好難食, 但原來食落係好香脆可口咖, 仲完全唔油! 有驚喜!! 龍蝦泡飯  橙色的濃郁蝦湯底, 蝦頭蝦膏味好香, 味道亦十分之鮮甜, 非常之正! 飯粒粒粒分明軟硬適中, 唔會話油浸到爛哂. 泡飯裡面仲加入左大量的脆米粒, 菜芯粒 同埋 蝦肉等, 每一啖的口感都十分之豐富. 脆口, 爽口 同 彈牙都集於一身. 生磨蛋白杏仁茶  白滑細緻, 甜度剛好, 仲有淡淡的杏仁香. 食每一啖都覺得滋潤又美肌, 正!…Read More

前排有朋友生日, 一大班人去左酒樓食中菜一齊慶祝生日. 即實惠又好味, 個個食到頂住個肚腩出門口. 最先大家點左個抵食6人餐, 包括有: 冷盤: 脆皮腩仔 + 青瓜拼海蜇  腩肉的肥瘦比例剛好, 味道亦唔係太鹹, 皮又夠脆, 口感同味道都幾好.  青瓜拼海蜇的醬汁做得幾好, 够香够惹味, 辣度剛剛好. 青瓜清新爽脆, 海蜇够粗, 口感爽口彈牙. 花旗參燉烏雞雞腳瘦肉湯  食飯前先黎一碗足料燉湯, 用左大量瘦肉,雞腳同埋烏雞燉出黎的雞湯香味濃郁, 飲落仲有淡淡的花旗參甘味. 滋潤養顏又可去火, 補而不燥, 好適合而家的天氣. 炸子雞  上枱時已經聞到好香, 顏色又够靚非常吸引. 最重要嘅係外層的雞皮燒得都幾好, 够薄又够香脆. 而裡面的雞肉依然嫩滑多汁, 非常好味! 翡翠扣原隻鮮鮑魚  原隻新鮮鮑魚size 都唔係細咖, 口感彈牙又够鮮味. 清蒸沙巴龍躉  大約有1斤2兩重的蒸沙巴龍躉, 火喉掌握得剛剛好, 魚肉熟得黎唔會過老. 魚肉入口又滑又嫩, 而且因為魚够新鮮, 所以味道都好鮮甜. 濃湯鮮菌浸時菜 櫻花蝦海皇炒飯  炒飯炒得好香又够乾身, 飯粒粒粒分明又唔會過油, 水準唔錯. 黑糖紅棗糕 煙煙韌韌唔會太甜, 都OK.  後來因為怕唔够食, 所以追加左四個小炒. 價錢唔係好貴, 幾十蚊一碟, 但估唔到最後原來碟碟都咁大碟, 够哂抵食! 芹蒜鹹酸菜炆斑頭腩  相比之下係比較濃味的一道菜, 斑腩件都幾厚肉又够彈牙,冇咩魚骨啖啖肉, 配上惹味的醬汁, 非常適合送飯. 剁椒雪裡紅南瓜蒸斑球  望落去紅噹噹以為會辣, 但其實唔係. 斑球厚肉嫩滑, 清蒸更可以食出魚肉的鮮甜味. 而鋪底的南瓜片都唔差, 口感軟腍味道清甜. 櫻花蝦xo醬花生苗露荀炒蝦鬆 人生第一次食“花生苗”, 原來口感都唔差. 感覺似係食緊放大版的“黃豆芽”, 莖身仲粗過筷子頭, 口感爽味道清清地. 而上面真係有一粒花生係到, 但口感就有少少硬. 一道幾得意的鑊氣小炒, 未食過“花生苗”的都可以試下. 燒汁松子繡球真菌炒花枝柳  雖然係“燒汁”,但味道唔會好燶味, 剛剛好. 雪耳,甜豆,黃椒等蔬菌都好爽好脆, 花枝片够新鮮, 口感彈牙鮮味.…Read More

連郭天王都鍾意食嘅重慶麻辣鍋終於開到黎旺角啦, 咁出名又咁方便我哋, 當然一定要揾日去試下啦! 正宗重慶麻辣鍋(小辣) + 椰子滑雞鍋  加左大量辛香料的麻辣鍋, 香辣味比較重,唔會好鹹, 而麻味較輕, 整體都屬於係比較容易入口的麻辣口感. 而個人覺得叫小辣已經好足夠, 因為越食得耐, 個湯底的辛香料的味道就越出, 非常刺激非常過癮.  椰子滑雞鍋的雞湯湯底都幾濃郁, 仲有清香的椰子香味. 因為加入左椰子肉 & 新鮮雞件, 所以湯底越滾會香濃. 雞件啲肉質仲好嫩滑多肉. 每次食麻辣鍋都唔少得的爽脆黃喉, 口感又爽又脆, 簡直至愛. 一樣係食麻辣鍋必點的 “鴨血”, 簡直和麻辣湯底係絶配. 呢到的鴨血切得比較厚身, 口感較彈牙, 入口滑嘟嘟. 極尚牛肉併盤 (美國雪花肥牛6片+澳洲和牛小排6片+日本和牛4片+極品手切牛肉6片+一口牛舌6片) 呢到啲牛肉雖然唔平, 但質素都好高牛肉都幾靚.  上面大大片的日本和牛, 厚度適中, 雪花細密油脂豐富, 熟透後牛肉入口好香好軟腍, 口感唔會覺好油膩, 好好味! 而下面的 澳洲和牛小排 口感軟腍 牛味香;  極品手切牛肉 質地較厚有口感, 牛味一樣咁香;  美國雪花肥牛 薄薄地入口軟腍;  一口牛舌 彈牙有口感 老闆天梯 (芋之果3粒+川辣牛丸3粒+北海道章魚丸3粒+兰花乾3粒+粟米貢丸3粒+幸運元寶3粒+台灣咖哩魚丸3粒+香辣粉絲豆腐3粒)  每款丸都唔算太大粒, 口感都幾彈牙. 川辣牛丸, 台灣咖哩魚丸 & 香辣粉絲豆腐 味道香辣, 都非常適合麻辣鍋.  而外形可愛的“幸運元寶” 其實就好似係平時食的 “玉子”豆腐, 口感滑嘟嘟充滿蛋香. 燕餃 + 豆卜魚腐 + 芋頭天婦羅  燕餃細細粒, 口感滑順，味道鮮美; 豆卜魚腐大粒過乒乓波, 口感彈牙, 味道同樣鮮美; 而芋頭天婦羅感覺似有香芋絲的炸魚餅, 芋頭味好香, 口口感好香, 幾好味. 爽脆味鮮 “脆肉鯇”, 非常新鮮, 口感脆而鮮甜. 珍寶田雞腿  大大條的田雞腿, 肉質好嫩滑, 口感有啲似食緊雞肉, 味道都幾鮮甜. 蔬菜籃 (油麥菜+娃娃菜+萵筍+鮮冬菇+粟米)  新鮮翠綠的菜籃, 蔬菜處理得好乾淨, 冇沙冇爛葉的情況. 粟米仲好甜.  讚岐手打烏冬 口感彈牙少少煙韌. 紅薯粉 Q軟彈牙, 配麻辣湯底至配.  DIY 醬料區…Read More

平時主打牛肉的餐廳就去得多食得多啦, 今次竟然發現一間專門食豬的餐廳. 係香港黎講呢類餐廳真係比較少有, 但原來係日本關西就非常受歡迎&普遍, 特別係串燒豬內臟. 發現新野就當然要約埋三五知已去探下路啦! 日式裝修周圍都充滿 “豬”身影…  原來每逢星期四, 在座的每位女客人都可以免費送一杯指定飲品咖, 讚!  先黎一杯 冰涼的“札幌生啤”, 飲落清爽又舒畅~ 餐前 蕃茄沙律 蕃茄入口冰冰涼涼, 配上酸酸地的酸汁, 好開胃. 煙燻豬腩肉  外層輕微焦黃, 入口有淡淡的煙燻香. 雖然係豬腩肉, 但食落口感唔會感覺好油膩, 帶有少少焦香. 如果淋上少少新鮮青檸汁的話, 味道更清新. 燒喜知次 喜知次外層的魚皮燒得香脆，內裡魚肉依然保持細緻嫩滑，魚皮鎖住肉汁好juicy唔會乾身.  加上幾滴新鮮檸檬汁 和 特製醬汁, 更能帶出魚的鮮甜味, 正! 燒帆立貝 冇落重味的醬汁去燒, 味道清清淡淡可以食出帆立貝最新鮮最原始的鮮甜味. 帆立貝係半熟的狀態, 中間的口感好軟好嫩. 味噌煮豬手 / 味噌煮魚餅&蒟蒻  同樣係用左甜味噌醬汁, 味道甜甜地唔會鹹. 特別係豬手, 炆煮得十分之軟腍, 豬皮入口即溶感覺充滿膠原蛋白. 豬心串 + 豬肝串 + 豬腰串  豬心口感唔錯, 偏爽口同彈牙; 豬肝燒得唔錯, 表層少少焦香, 內面就軟軟地好多汁, 肝味較濃郁; 豬腰就冇豬心咁爽口, 但口感都ok. 西班牙黑豚肩肉串  一隻黑毛豬只有兩块的豬肩肉, 聽落又幾珍貴. 黑豚肩肉質較鬆化, 所以入口好易咬, 肉汁豐富味道甜. 豬腩骨肉  豬腩肉軟腍多汁, 食嘅過程中仲咬左粒粒的豬軟骨口感, 幾得意. 豬顎骨肉  今晚咁多豬肉裡面, 口感最為軟腍的一碟, 肉汁亦都最豐富, 而且豬味非常濃. 茗荷豬肉卷  中間仲卷住新鮮的“茗荷”, 外層的豬肉燒得剛好唔會太乾, 肉汁都幾豐富, 味道甜甜地, 紫蘇豬肉卷  紫蘇葉味道好清新好突出, 可以完全消除油膩感. 林檎紅薑豬肉卷   入口有淡淡的薑味, 香而不辣. 而豬肉中間包住原來係一块蘋果肉,口感好鬆好腍. 整體味道偏清爽油膩感冇咁重, 幾好味.…Read More