Read full review
2018-12-07
3240 views
最近發現左一間抵食夾大碟, 味道又唔錯的泰國餐廳. 而且地點都幾方便, 啱哂行得攰攰地過黎食一餐, 抖下氣嘅朋友們. 鐵板蠔仔蛋 $78 份量好大碟, 蠔仔肉都幾多, 每粒都差不多大, 外型圓碌碌好飽滿. 而且蠔仔都幾新鮮, 食落冇腥味或者蠔殼, 味道鮮. 雞蛋都幾好, 好香滑. 如果個蠔仔蛋能煎得再香脆香口啲, 就更加好! 馬拉盞炒芥蘭 $58 馬拉盞的香味都幾香, 味道適中唔會太濃味太辣. 而芥蘭都幾好, 唔會太老口感硬, 顏色翠綠口感都幾爽脆. 串燒沙爹豬肉+雞肉 (6串) $78 串燒每串的SIZE都唔細, 真係可以有大啖大啖食肉的滿足感覺. 豬肉&雞肉一樣地肉質都幾嫩, 咬落有肉汁唔會太乾. 椰汁味比較重, 味道偏向甜. 如果沙爹的香辣味重返少少, 會更加惹味. 鮮蝦炒金邊粉 $53 鮮蝦仁大大隻, 口感好爽. 金邊粉炒得都唔錯, 唔太油膩或者好碎, 味道甜中帶少少鹹. 可自由加入青檸汁同埋花生碎, 味道甜甜酸酸又帶有青檸的香味, 感覺清新. 食泰國野當然必叫 “芒果糯米飯” $58 糯米飯暖暖地, 口感煙韌軟香. 而淋面的椰汁的香味好足, 食落又唔會太甜,
鐵板蠔仔蛋 $78
份量好大碟, 蠔仔肉都幾多, 每粒都差不多大, 外型圓碌碌好飽滿. 而且蠔仔都幾新鮮, 食落冇腥味或者蠔殼, 味道鮮. 雞蛋都幾好, 好香滑. 如果個蠔仔蛋能煎得再香脆香口啲, 就更加好!
馬拉盞炒芥蘭 $58
馬拉盞的香味都幾香, 味道適中唔會太濃味太辣. 而芥蘭都幾好, 唔會太老口感硬, 顏色翠綠口感都幾爽脆.
串燒沙爹豬肉+雞肉 (6串) $78
串燒每串的SIZE都唔細, 真係可以有大啖大啖食肉的滿足感覺. 豬肉&雞肉一樣地肉質都幾嫩, 咬落有肉汁唔會太乾. 椰汁味比較重, 味道偏向甜. 如果沙爹的香辣味重返少少, 會更加惹味.
鮮蝦炒金邊粉 $53
鮮蝦仁大大隻, 口感好爽. 金邊粉炒得都唔錯, 唔太油膩或者好碎, 味道甜中帶少少鹹. 可自由加入青檸汁同埋花生碎, 味道甜甜酸酸又帶有青檸的香味, 感覺清新.
食泰國野當然必叫 “芒果糯米飯” $58
糯米飯暖暖地, 口感煙韌軟香. 而淋面的椰汁的香味好足, 食落又唔會太甜, 配上糯米飯都唔會覺 “漏”, 香甜好味. 而新鮮芒果肉都唔錯, 好香甜, 一啲都唔酸.
Post