Eatwithme524's Profile

極上帝王，一聽呢個名就已經令人食指大動，旺角放題我都試左好多，呢間未試過，當然要去試下啦！呢日襯住早收工，就同男朋友去食。一黎當然要試左個刺身先，一上台都忍唔住嘩左聲，好大個刺身啊，各個種類都有，仲有海膽，出面食放題好少可有海膽。刺身非常新鮮。再嚟當然要試吓佢啲壽司啦，呢個係黑松露帶子壽司，帶子粒粒飽滿，同黑松露嘅味好搭，值得一試。火炙壽司都唔錯架，尤其是火炙三文魚，三文魚出咗小小油，入口即溶。蟹柳配埋芝士,簡直係一流呀!手卷係迷你手卷嚟㗎，海膽唔使講，已經係必食，見到有個叫蟹膏蟹子手卷，忍唔住叫咗兩個嚟試下，嘩又幾好味喎，蟹膏好新鮮呀。我最期待就係呢個燒A5和牛，佢會比一個爐你自己燒，牛肉燒一陣就得㗎啦，唔使燒咁耐，啲牛肉入口即溶，牛味好濃郁，讚！叫咗少少炸物，值得一讚嘅係上到枱仲係熱㗎，左邊嗰個就係炸鮮奶，右邊嗰個就係榴槤炸彈，炸鮮奶牛奶味好重好甜，榴槤炸彈咬落去啲榴槤用必哂出嚟。走之前仲可以去雪櫃拎條雪條黎食，全部都係韓國牌子嘅雪條嚟㗎，款式多！兩個人食咗咁多野，咁嘅質素嘅放題，先至五百幾真係好抵呀。…Read More

同朋友係觀塘行開街，心血來潮想食放題，就打算係附近搵下有無，點知就比我地搵到呢間大滿喜。門口好多人排隊啊，我地都等左一陣。入面個裝修好豪華，好有氣派啊。兩人都可以坐卡位，好舒服！一黎當然食左刺身先啦，我地兩個女生食，想試多d野，咁唔嗌咁多先。底下擺左出氣既乾冰，影響左影相，真實既賣相好靚，超級新鮮，種類都算多，三文魚好鮮甜啊。然後叫左d冷盤前菜，泰式生蝦，好正好新鮮，個汁好正宗。個沙律幾多蟹籽鋪係上面，份量岩岩好。土匪雞翼好好味啊，放題都有得食，平時去譚仔都要30蚊先得5隻，呢到任食真係好正！個辣螺又係好入味，個汁好正好惹味。海膽手卷好新鮮啊，係入口即溶，完全無腥味！我地叫左好多round!呢個湯好正啊，入面好足料，又有花膠，又有鴨腳，個湯仲好好飲，有花膠係到抵番哂！榴連炸單上到枱面熱辣辣，外皮炸得好香脆，一咬落去，榴槤必哂出嚟，太好食啦！甜口種類都算係幾多下，試左咁多種，每種都無伏，大家食得落可以都試下。…Read More

男朋友最近係荃灣返工，所以我地成日係荃灣搵d好野食。呢間爆丼丼，我地幾次收工時間行過都有好多人排隊，今次早少少收工去，就唔洗排隊了，當然我地入左去之後，15分鐘內入面就坐滿哂人。Menu 既設計好日式，圖片亦都好吸引，睇住圖片已經食指大動。三文魚小卷，呢個小卷既三文魚其實好大舊，而且三文魚都新鮮，飯仲要暖暖地，同出面食果d唔同。炸魷魚鬚，好香脆，送上黎既時間仲係熱辣辣架！配埋沙律醬食，好好味呀！我地叫左兩個丼飯，怕食唔哂，所以叫左一大一少。呢個丼飯有三文魚，帶子同埋蟹子，三文魚，帶子粒粒飽滿，好正呀，飯量都唔少架。呢個鵝肝安格斯牛肉丼飯，上面舊鵝肝入口即溶，牛肉亦都唔同平時果d，真係安格斯牛黎架，好濃郁既牛味…Read More

咁耐冇食放題，今次就去兆萬食久違既神戶屋，兆萬咁多間放題入面，神戶屋係我頭幾間必去既，因為價錢合理，野食質素有保證。一黎當然叫左魚生先，色澤鮮美，令人食指大動！仲要好多都係厚切，夠哂大件！魚生種類仲好多，連蝦都有好多唔同種類，樣樣試少少，都抵番哂。其實以香港海膽質素呢個，呢到算係唔錯，好鮮甜，唔太腥。D火炙壽司好大件，你出去食都十幾蚊一件，呢到任你食，上到枱仲要熱辣辣，咁好食，可以叫多幾碟。泰式通菜呀，呢間泰式呢個我推薦左無數次架！必試必試，我一次可以叫5碟哈哈，味夠濃又夠辣。炸物，又係熱辣辣送到，炸豆腐好好食，外脆，但係入口好嫩滑。炸鮮奶好香甜呀，我地嗌左3次。呢個牛粒又係，煎得非常香，份量都好ok而家店入面有得租用充電器架，好貼心既服務呀走果陣時店員好好咁叫我地拎條韓國雪條走添，種類好多，大家去到記住食埋先走…Read More

成間餐廳環境不錯因為呢日係假日 所以都坐滿左人不過我地都等左5分鐘就入到去食呢到食放題第一件事梗係嗌刺身見到第一輪來的刺身都好大碟而且款式都好多絕對冇黎少就知呢間放題鋪絕對係真材實料之後嗌嗰兩次都係同等嘅份量 令人驚喜壽司我推薦火炙類壽司有三文魚同埋蟹棒等等比起其他壽司吸引係因為火炙壽司香口同入味除左呢三款其他壽司都值得黎試下亦有d特別款既壽司係外面係絕對無得食嫁初次嘗試都覺得幾特別所以都推薦嘗試下炸物係放題必食既其中之一見到呢到嘅炸物款式都好多有炸榴槤炸蝦丸等等熱愛榴槤口味人士絕對唔可以錯過教練實在太香口忍唔住嗌左幾次有日式風味的炸物 當然係天婦羅啦呢到既天婦羅無出面既炸粉味同時佢整得份量都較多 第一次食唔曬跟住落黎有雞翼 燉蛋 同蜆湯呢幾款小食都係算不錯放題除左食壽司刺身有時食小食都係唔錯選擇～跟住嘅事炒雜菌同炒粟米食完先發覺呢度嘅炒野都幾好食粟米係落咗牛油同蜜糖 令到炒起上嚟都幾香口雖然份量唔多 但食起上嚟都幾停唔落口絕對推薦要食炒雜菌除左炒雜菌呢個炒蜆都算不錯好香口之餘份量好多大概有三至四人份量同樣係點一份就夠～最後黎個牛奶布旬做甜品的確係幾精緻同高質甜品黎講呢個絕對不能錯過…Read More

因為工作關係, 黎到比較遠既石蔭。沿路見到茶記冰室光猛舒服既裝潢, 就本著一試無妨既心態入左去坐。可能因為平日, 所以人數唔算好多, 入到去係好清靜, 同同事傾起公事都係好舒服。諗住冰室都係食下公仔面, 點知見到餐牌係小菜黎, 都有D驚喜! 其中一個餐牌寫左有特價優惠, 個炒蜆都係60蚊有找, 緊係叫返個試下除左炒蜆, 我地仲另外叫左兩個小菜, 分別係冰鎮咕嚕肉同埋炒白菜仔。落好單之後, 就飲住湯等上菜。因為店內唔算多客人, 所以上菜都好快! 等左10分鐘到就上齊哂所有野!炒蜆真係好推介, 因為平時食果D通常都係殼多過肉, 但今次真係無呃秤! D蜆肉係好多, 而且每粒肉都有好重既蠔油味, 好夠味! 配埋白飯食就無咁咸喇!另外我見餐牌係好推介冰鎮咕嚕肉! 佢真係同出面食到既咕嚕肉有好大分別, 因為佢真係有冰架!!!! 平時出去食, 好多時都會配桃去食, 但今次, 仲有蕃茄同提子, 食落完全唔油! 雖然佢係冰鎮, 但咬開係暖既, 感覺好得意!最後係食店坐左個幾2個鐘先走, 坐得好舒服, 估唔到可以係炒小菜既地方同同事傾到公事之餘, 仲可以食得無咁頹!…Read More

心思思好掛住日本既魚生，爭鮮元氣已經滿足唔到我。search下openrice，決定試下呢個好評多多既焱丸。好多人排隊，我地都等左一陣。一入到去，好似去左日本咁，因為成間鋪頭的style 都好似日本既居酒屋呀，同埋坐滿哂人，好熱鬧。Menu 都好colourful，樣樣都望落去好吸引首先黎既係前菜，麻醬蕃茄豆腐沙律，個沙律好足料，蔬彩好新鮮，豆腐好滑，配埋麻醬好夾！本身我個心對日式沙律麻麻地，但呢個完全改變左我對日式沙律既印象之後黎既就係刺身五盛，件件刺身都係厚切，色彩唔洗較effect都好鮮豔，好新鮮，三文魚真係我係香港食過最新鮮既，同埋我平時唔食海膽，因為覺得好腥，但呢個我一個人食哂。帶子又係好厚一塊，好鮮甜。呢個龍神壽司，成個造型好靚，而且材料好豐富，要影2張相先影得哂佢用既材料，出面係刺身，仲有蟹肉，本身好疑惑壽司係邊呢，夾起一塊刺身就見到入面有海膽小卷，上面就配上紫菜。之後就上左2個蟹肉甲羅燒，我地一個揀左南瓜，而另一個就係原味甲羅燒，職員好好，會幫我地燒埋。兩個都好重蟹膏味，原味蟹味會更加濃，而家南瓜果個就甜d，同埋食落去口感會「洁」d。兩隻燒鮑魚，好大粒，食落質感好正。叫左2個帆立貝燒，一個係蟹膏，而另一個係海膽，兩個都好好食，而我特別中意蟹膏果個，果個有埋蟹籽同冬菇，食落去口感好豐富，蟹膏味好濃郁但又無蓋過帆立貝既鮮味。最後黎多個海鮮炒飯就唔驚食唔飽啦，係岩岩炒起架，所以熱辣辣，好好食。加左2杯鮮果飲品，青蘋果係無酒精的，菠蘿係有酒精，但兩杯都好fresh好好飲😋…Read More

呢次要跟大家介紹一間位於銅鑼灣的一間火鍋店 — 漁火， 這家火鍋不但有普通的火鍋配料，還有海鮮刺身吃的。這裡的湯底有稍多選擇的，都是十分滋補，這次我們選了天麻香芷魚頭鍋，專治去頭暈頭痛的。今次帶媽媽黎食，佢一眼就睇中左呢個，好興奮咁話要試。餐廳裡的配料也非常多選擇的！好多靚既食材都有得叫。天麻白芷魚頭湯，上枱時店員建議我們先喝湯後放配料，天麻味濃，有配紅棗枸杞和原個魚頭，真的比得上家裡喝得湯！這次海鮮配料選了新鮮龍蝦，肉質鮮嫩，啖啖肉，打邊爐食龍蝦真係好正！午餐肉厚切，大大塊，豬大腸同魚腐都大大粒，真係估唔到份量都幾大塊！鮮菜黎講都好大份，菜嘅種類都好多，好新鮮！我最中意就係娃娃菜，索哂d魚香味，真係好好食。冬菇都好鮮甜，出面食冬菇好少會咁鮮。除咗火鍋配料之外，小編仲叫了鮑魚同生蠔，係可以即食咖！蠔有我手掌咁大隻鮑魚上面好多蒜蓉呀。我自己中意落埋去打邊爐，一樣咁鮮甜。是次火鍋配料新鮮豐富，呢個價錢黎講，其實好抵食。餐廳係鬧市銅鑼灣，非常易找，大家去開銅鑼灣都可以試試。…Read More

朋友生日，咁迷韓國既佢，梗係要帶佢食韓國野啦！經朋友推薦，我搵到一間係旺角兆萬既餐廳！睇相d怖局都唔錯架，所以就即刻book枱上去試食。一入到去真係wa一聲，間餐廳裝修得好靚，好簡約同埋明亮，同埋約得比較早，都無乜人。估唔到兆萬都會有咁清新既餐廳。好中意呢個餐牌既設計，好似一本雜誌咁，好得意。隨便一擺，就影到d好有feel既相。又想食牛又想食雞，嗌呢個就岩哂。牛仲要係 鐵板燒架，就可以控制下自己想要幾成熟。炸雞配左3隻醬，一隻係有d柚子/檸檬味，酸酸甜甜。中間果隻就係泰式辣醬，最尾果隻好似梅子醬咁。再叫左個啤酒蝦，熱辣辣送上黎，呢個外皮好香啤酒味，入面d蝦都好大隻，好鮮甜，配埋泰式辣醬，令人食唔停口呀！呢個紫菜飯團，可以揀要侍應幫你整，或者你自己整架。我地貪玩，決定自己整。飯團好香麻油味，唔食飯既我都停唔到。草莓冰呀！見到即刻心心眼。份量好多，3個人食唔哂。士多啤梨好甜。呢個cocktail 真係要比十個like 。芒果菠蘿特飲，有1000ml 架，3個人絕對夠飲。芒果配菠蘿，清新得黎又出奇地夾wo 同行朋友都覺得呢個好好飲。掛住影相影到無電？唔洗驚呢到仲有叉電位比你邊食邊叉呀 …Read More

朋友係貓貓愛好者，同佢出街梗係要搵個有得食，有得玩貓既地方同佢傾下計啦！一上去已經見到一隻好可愛既貓仔啦，完全唔高傲，好嗲呀，會追住你玩。店鋪係行溫馨田園風，有好多碎花，同蕾絲枱布，同埋牆身痴左d貓貓貼紙。好溫馨好有家既感覺。同朋友叫左2杯野飲，分必係蜜桃的梳打同熱情果梳打，2杯都好好飲，果味濃郁，好快就飲哂一杯lu魚手指，呢個超好食呀，炸得好脆好香，但咬落去d魚柳好嫩好滑，點埋沙律醬簡直一流。雞翼，有5隻架，抵食又好味。卡邦尼意粉，好creamy得黎唔會好濟，一個人都食哂。加少少錢仲有鵝肝食，鵝肝入口即溶，加$30幾蚊就食到，好抵食呀。呢個烤菇，好大一粒呀，上面d芝士好多好濃郁，咬落去d汁必哂出黎，好juicy ，覺得可以食多2隻！其實2個女仔黎講，呢個份量都好夠食，員工好nice，見我地諗左好耐，好有禮貌咁比意見我地。因為太飽，今次食唔到雪糕呀，為有下次啦！…Read More

身為火鍋愛好者，記念日都係要去打邊爐架啦！今次就黎到銅鑼灣一間都幾高級既大廈，食呢間101手工涮涮鍋！標題霓虹招牌已經覺得好高級。一黎到已經眼前一亮，因為裝修得好靚呀，枱面係雲石做。雲石控見到已經忍唔住不停影。呢個係調味料黎，選擇都算多。擺放整齊。餐單都設計到好靚呀。燙金再加黑框，簡約得黎又有style。排版都非常清晰。而且都好抵食，$398位無限時，由夜晚6點食到消夜都得呀。前菜同飲品仲可以無限追加，講緊既係台式飲品。即刻嗌杯珍珠奶茶先，盆栽造形好可愛呀，好飲又好睇。前菜真係好唔錯，特別係個手撕雞，好香少少辣，食到停唔到口呀我好中意食冬瓜，所以嗌左個冬瓜卜卜蜆海鮮鍋，好足料呀。個鍋就黎爆。d蜆好入味。 打邊爐點少得肥牛呢？d肥牛份量都品少，而且非常新鮮，係靚牛黎。101手工火鍋拼盤，呢到係2人份量黎，用料非常dum本呀，有黑松露蟹子海鮮軍艦，安格斯牛丸等。聽個名都覺得好食。當然唔夠食仲可以無限追加火鍋配料。食飽仲有甜品呀，木槺珍珠奶茶布丁，珍珠奶茶就飲得多，布丁就真係第一次，又幾好食幾特別wo。食到少少飽，仲可以出去睇下靚景，拎住杯酒傾下計，消化左又可以再入去食，真係好抵。…Read More

不知道大家有沒有吃過旺角阿來泰式地道美食餐廳呢！話說小編的朋友住在長沙灣，無意間發現新開張的阿來泰國美食餐廳就在附近，而且門口都有多人在排隊等位的，看來不曾，就入去試一下了。由於價錢實惠，我們兩個人也叫了相當多的菜，最推薦的是香葉辣椒肉碎炒飯(＄52)，愛辣的人一定喜歡，原因是它非常香口，配合獨特香草，充滿泰式風味！另外，不得不提的是，店裡的海鮮價錢合理，一碟咖哩炒軟殻蟹也不用一百元(＄98)，大大份，有兩隻軟殻蟹，味道不過不失，但價錢來說，已是超值了。為了不浪費軟殼蟹旁的咖哩，小編還叫了一份薄餅(＄25)，新鮮熱辣，沾上咖哩簡直是我的喜愛！說到泰國菜，不得不嚐泰國串燒，我們叫了半打(＄68)，豬和雞各三串，口感偏硬，普普通通。最後，我們還叫豬頸肉炒棷菜苗(＄68)，豬頸肉爽口，棷菜苗爽脆，辣炒豬頸肉和棷菜苗相當惹味！棷汁三色冰(＄22)，棷汁香濃，三色啫哩有咬口。小編就獨愛青檸疏打(＄22)，酸酸甜甜，十分開胃！是次餐廳，價錢合理，食物水準不差，而且免加一，點了這麼多菜式也是三百多元而已，也是不錯的…Read More

之前睇過某個介紹食物既post, 咁岩係附近做完野, 同同事提起就去左一鳴拉麵到試下。一入去其實都見到個環境係好似置身日本咁, d燈光暗暗咁樣, 牆上掛唔同既海報同畫, 都係d日本風既畫風, 就算好肚餓都會忍唔住定睛去欣賞。 而且門口位置都有同食店有關既報導, 都係介紹店鋪既拉面為主。其實一鳴拉麵係居酒屋, 專程黎到緊係要咩都試下, 除左拉麵, 都打算叫個小食試下。拎起個菜單, 係有d驚喜, 因為唔係就咁一張滿係字既菜單,上面仲有種種唔同既食物畫, 幾得意。點菜方式, 都係係上面畫數字, 簡單方便。拉麵可以有4款選擇, 分別係焰鳴,黑蒜, 一鳴同翠鳴, 係唔同湯底, 之後仲可以按唔同需要選擇返要直麵定太麵; 麵質軟硬, 有無蔥, 配料同埋要唔要唐辛醬。點好左菜同同事傾下計, 感覺幾捨意, 因為店內枱既數目比較少, 招待客人既數量都比較少。環境靜靜地, 方便我地傾計。等左一陣d野食終於黎到, 我既拉麵點左焰鳴, 係辛辣湯底, 唔嗆喉仲好香,上面仲鋪左好多櫻花蝦。 我要左叉燒做配料, 意外係好軟既口感; 當中最鐘意食都係入面隻溏心蛋, 一啖放入口! 我仲嗌多左個櫻花蝦玉子燒。 原條直接上菜, 大大啖食，入面係好多料!(最後同同事係入面不知不覺坐左2個幾鐘, 再行返去就近既大埔站當散步, 又過左一個晚上喇…Read More

同朋友次次黎親旺角都係食放題咁今次就轉下口味 朋友親自介紹呢間食蒸鍋海鮮高質服務一流 今次去食真係名不虛傳所以今日特登寫黎推薦呢間...新南苑！首先就黎左個雞煲先雞煲黎講份量真的好多有接近半煲的份量🤤兩人有點擔心食唔曬跟住d雞食得出入面的鮮嫩絕對比其他雞煲店高質得多呢間鋪其中一個特色😍😍😍有好多碎粒既油炸鬼係雞煲半熟既時候加落去🤤配埋雞真係絕配 好好食🤤🤤🤤食完雞煲等待蒸鍋之際佢黎左盤刺身帶子呢個絕對係值得推薦既！唔好以為呢間主打蒸鍋刺身就會差佢呢個帶子唔單無冰味 入口仲有非常鮮甜的感覺 我會比呢碟前菜十分！😍😍😍食到咁上下雞煲就開始蒸鍋！留意翻每張枱都有專人幫你地蒸同開蓋嫁🤤首先第一碟就係蟹肉成隻蟹蒸完依然好有海鮮味d肉都比較鮮甜同香口同埋份量都比較多第二輪係帶子同鮑魚一齊上記得帶子要叫佢放多d蒜蒸出黎會夠曬入味🤤🤤大元貝好大舊好鮮🤤鮑魚更不用説食落去就知原汁原味食完胃口大增☺️☺️☺️☺️聖子同象拔蚌真係非常爽口食落去無沙的感覺同埋有彈牙的口感跟住就係魚肉上菜個係咁問我地落唔落蒜粒結果落左後味道依然鮮味而且仲好香口🤤🤤🤤魚肉好嫩滑 一食就知係高質然後就係手切牛肉每塊都切得好薄蒸唔洗五分鐘就食得嫁啦牛我建議可以點少少䜴油味道上我覺得沒太大分別但質地上我覺得呢間既牛肉特別有口感即使切得較薄也好彈牙我地再額外點左個肉碎茄子呢個真係全場最推薦第一次食到蒸得黎咁香口既野肉碎同茄子配搭簡直一流！食左d海鮮可以試翻呢個調劑下🤤🤤🤤最後不得不提係個粥的確外面有好多蒸鍋都係附送個粥但呢個真係蒸得好有海鮮剩低個種鮮味所以就算前面食得好飽呢個都照樣食曬☺️☺️最後順便講下野飲都係任拎有多款不同的選擇我個人會推薦食海鮮唔好飲咁濃味既🤤🤤…Read More

自從2月食完壹火鍋，就成日心思思想去食多次。餐廳同上次一樣座無虛席，我哋都排左十幾分鐘先入到去。我覺得呢間餐廳好貼心，因為佢嘅豉油碟係分咗三格，可以比客人攞多少少唔同嘅醬。上次試左中日鴛鴦湯底，今次就試吓中式湯底，花刁醉雞湯底。湯底同醉雞分開。湯底入邊有杞子紅棗等等嘅藥材，聞落去已經好香濃既藥材味。等啲湯差唔多滾，我哋就可以將醉雞放落去。刺身方面選擇都有幾多，全部都好新鮮，三文魚塊塊都到好厚身。我哋今次到價錢食海鮮拼盤，因為真係好抵食入面有鮑魚生蠔龍蝦等等，樣樣都好大隻好新鮮，其實兩個女仔食完都飽飽地。呢間火鍋配料好多都係任食。雪花肥牛，呢間肥牛好抵讚，一疊嘅份量好多不特止而且牛肉嘅色澤亦都好鮮艷，一睇就知唔係便宜貨。我同友人特別鍾意佢哋嘅墨魚滑同蝦滑。份量多而且入面粒粒蝦肉，無溝到好多麵粉。蔬菜嘅選擇都唔少，而且都好新鮮。 食飽飽就當然要食下甜品啦，雪櫃入邊有雀巢雪糕同埋雪米糍，雪米糍仲要有齊晒咁多隻味，食得落可以試哂佢地d味。…Read More