門口好多人排隊啊，我地都等左一陣。入面個裝修好豪華，好有氣派啊。兩人都可以坐卡位，好舒服！
一黎當然食左刺身先啦，我地兩個女生食，想試多d野，咁唔嗌咁多先。底下擺左出氣既乾冰，影響左影相，真實既賣相好靚，超級新鮮，種類都算多，三文魚好鮮甜啊。
然後叫左d冷盤前菜，泰式生蝦，好正好新鮮，個汁好正宗。個沙律幾多蟹籽鋪係上面，份量岩岩好。
土匪雞翼好好味啊，放題都有得食，平時去譚仔都要30蚊先得5隻，呢到任食真係好正！個辣螺又係好入味，個汁好正好惹味。
海膽手卷好新鮮啊，係入口即溶，完全無腥味！我地叫左好多round!
呢個湯好正啊，入面好足料，又有花膠，又有鴨腳，個湯仲好好飲，有花膠係到抵番哂！
榴連炸單上到枱面熱辣辣，外皮炸得好香脆，一咬落去，榴槤必哂出嚟，太好食啦！
甜口種類都算係幾多下，試左咁多種，每種都無伏，大家食得落可以都試下。
