一黎當然叫左魚生先，色澤鮮美，令人食指大動！仲要好多都係厚切，夠哂大件！魚生種類仲好多，連蝦都有好多唔同種類，樣樣試少少，都抵番哂。
其實以香港海膽質素呢個，呢到算係唔錯，好鮮甜，唔太腥。
D火炙壽司好大件，你出去食都十幾蚊一件，呢到任你食，上到枱仲要熱辣辣，咁好食，可以叫多幾碟。
泰式通菜呀，呢間泰式呢個我推薦左無數次架！必試必試，我一次可以叫5碟哈哈，味夠濃又夠辣。
炸物，又係熱辣辣送到，炸豆腐好好食，外脆，但係入口好嫩滑。炸鮮奶好香甜呀，我地嗌左3次。
呢個牛粒又係，煎得非常香，份量都好ok
而家店入面有得租用充電器架，好貼心既服務呀
走果陣時店員好好咁叫我地拎條韓國雪條走添，種類好多，大家去到記住食埋先走
