yuchiro的個人專頁

前排見元朗谷友力推森禾泡飯個蠔仔飯，bookmark左都未黎試，是晚正苦惱緊食咩好，諗起呢間泡飯，就黎試試吧😋小店只有四張枱，繁忙時段一位難求。餐牌除左泡飯，仲有唔少客飯、快餐等，價錢相當親民。學生餐仲三十蚊起，簡直係平到笑，點解我當年做學生個陣無呢啲抵食小店嘅？😂⭐蠔仔肉碎泡飯點了大熱嘅蠔仔肉碎泡飯加紫菜，賣相真係唔錯，蠔仔粒粒肥美飽滿，份量仲下得唔少，湯底係大地魚湯，加埋蠔仔認真鮮味，成碗食晒湯都無淨㗎，正😍⭐胡椒味菜豬肚雞湯飯另外仲叫左胡椒豬肚雞湯飯，湯飯個白飯係分開上嘅，份量仲大碗呀😳胡椒味菜豬肚雞滿滿一大碗，雞件鹹鮮，豬肚煮得淋身入味，個湯勁濃胡椒味，香香辣辣飲完出一身汗好舒服😝咁好味梗係一滴都飲晒啦！⭐瑞士雞翼仲加左份小食瑞士雞翼，一份有四隻，炆得軟腍入味，一咬就骨肉分離🤪連啲骨都入哂味。⭐凍鴛鴦 & ⭐凍檸賓跟飯熱餐飲加$2，凍飲$4，呢個價位合理吖。飲品大大杯夠冰凍，食完熱辣辣湯飯飲杯凍野確係爽😆哈哈，店員啲字好工整，一睇就知點左咩食😝…查看更多

呢幾日見社交平台元朗谷好多人介紹花甲先生，心血來潮就去搵下佢，晏晝兩點來到排晒隊，目測等十張枱😂果斷放棄😂五點幾再來過，情況好好多等兩張就有得入座。店舖唔大，大概三十個位左右。餐牌除左花甲粉，仲有幾款辣味飯同數款小食，算係唔少選擇。先掃碼落單，介面有啲難用😅原來係先揀湯底再揀配撘，不過店員都好主動幫手落單嘅。⭐蒜香海鮮盛會花甲粉家人點了花甲先生的招牌粉海鮮盛會，是日海鮮有元貝、台山蠔、魷魚、蝦同蟶子，聽店員講話某啲食材如果無貨就會轉。湯底要左蒜香口味，再配了公仔麵。又真係幾鮮甜，份量對得住價錢，唔錯唔錯😋⭐麻辣先生粉自己就揀左麻辣湯底，要左小麻小辣，實際上都幾辣㗎，唔小囉，哈哈😝餸就點左牛丸、午餐肉、蘿蔔再加花甲，再叫左多芫荽。賣相吸引🤤雖然辣左啲但都幾啱口味，烏冬好滑，花甲鮮味，正。⭐南乳雞翼 & ⭐雞皮餃子見枱枱客都加生炸雞翼，我地又叫返份先，唉唉……賣晒啦🥲改叫南乳雞翼，都正喎，又香又脆仲帶南乳香。除左雞翼，仲加左雞皮餃子，雞油甘香又脆口，正🤤⭐日本豆乳紅豆冰 & ⭐凍利賓納飲品方面好多得揀，家人揀左紅豆冰😆呢杯紅豆冰有特別㗎，用上日本豆乳，再揀左少甜，嘩嘩，又真係幾好飲，紅豆好綿豆乳香甜，正。自己點左凍利賓納，解辣一流👍係幾好味，谷友無介紹錯😝…查看更多

放左工過黎Megabox食啲野，揀左食熊小館。一來貪佢多選擇，二來佢價錢相當親民，食物味道又唔錯，平日lunch都成日過黎食㗎。睇睇餐牌，好多野都啱食，決定點兩份餐，食完再睇下加唔加甜品啦。⭐餐湯+餐包是晚係羅宋湯+蒜蓉包，羅宋湯好濃厚嘅蔬菜味，酸酸甜甜正好開胃😋⭐鐵板牛柳拼吉列魚柳先來的鐵板餐，一大塊牛柳+炸魚柳，仲有大量薯條，伴碟仲有西蘭花同蕃茄仔，誠意十足😆牛柳軟腍香口，魚柳外脆內邊嫩滑，薯條都好脆口㗎，味道真係唔錯🤤唯一挑剔下個醬汁，揀左燒汁，味道偏淡少少囉。⭐芝士忌廉焗盲鰽魚菠菜中間係一塊勁厚身嘅魚柳，又嫩又滑好好味，旁邊放滿薯蓉，焗得焦香😋個白汁加芝士勁啱口味。但說的菠菜呢？唔見嘅？原來在魚柳下面，翠綠爽口，正。⭐黑熊餐飲轉左特飲黑熊，即係平時飲嘅黑牛熊小館版本😆一樣係可樂加朱古力雪糕，但仲多左隻士多啤梨熊，即刻可愛幾多♥️等朱古力雪糕溶左落可樂先飲，正！⭐凍咖啡朋友要左凍咖啡糖水另上，甜度自己控製👍抵食😋…查看更多

是日出黎尖沙咀買野，順路梗係搵下野食，見港鐵站出口就有間拉麵店，店員熱情招呼，便入去試試吧😋店內坐位蠻寬敞，冷氣十足，坐得幾舒服。看看餐牌，主打拉麵有七款，另外仲有兩款係秋季限定。哈哈，期間限定呢樣嘢真係有魔力嘅，就試下呢款啦。⭐白松露慢煮濃清湯拉麵點了白松露拉麵，湯底可以選鹽或者醬油，自己就揀咗醬油口味😋碗邊掛滿慢煮叉燒，入面仲有筍、炸牛蒡同溏心蛋，賣相吸引。而且一上枱就聞到松露香，真係流曬口水🤤湯底鹹鹹鮮鮮好啱口味，拉麵有嚼勁，好食到湯底都飲曬。⭐特濃合鴨拉麵另一碗就係期間限定鴨拉麵，入面有鴨腿肉、鴨胸肉同鴨肝，而湯底亦都飲都濃濃嘅鴨味，味鮮不油膩，成碗都充滿咗鴨嘅精華，又係好味到飲曬成碗湯🤤⭐炸洋蔥圈小食叫咗洋蔥圈，即叫即炸熱辣辣。⭐自家製魷魚豚肉餃子另一份就加咗魷魚豚肉餃子，呢款口味出面街冇見過，相信佢寫自家製係真嘅，哈哈。餃子入面嘅魷魚卜卜脆好有咬口，煎得皮脆，再點埋個餃子醋真係幾好食😋⭐富士柚子汽水 & ⭐蜜瓜梳打另外再加咗日式飲品，朋友一向鍾意飲柚子野，所以佢想試下呢款柚子汽水，飲落個柚子味記突出，唔錯㗎。自己就係因為想要個細玻璃樽，所以揀咗呢款蜜瓜梳打，飲落又真係幾香蜜瓜味😋午市拉麵加38蚊可轉餐，個餐包一款小食同飲品，呢個價錢都幾抵，所以坐落冇耐就已經全店滿坐👍…查看更多

鳥貴族係同朋友傾偈食野嘅好地方坐位私隱度高之餘餐點全部$19.9/$29.9相當易計是晚八點多來到都仲要排隊等位人氣依然高企😆非串燒系列點左下面幾樣⭐明太子薯仔沙律⭐鐵板芝士漢堡扒⭐明太子燒飯糰⭐鐵板燒山藥蓉⭐貴族雞湯燴飯⭐雞天婦羅配梅子醬漢堡扒同燒飯糰係新野黎😋漢堡扒好厚身咬落勁多肉汁個芝士瀜左勁😍明太子飯糰燒得外邊焦香煙煙韌韌口感好正跟住就係雞串燒系列⭐鹽燒雞芯⭐秘製醬汁燒雞皮⭐明太子燒雞胸肉串⭐鹽味麻油燒雞肝⭐鹽燒雞爽肉⭐鹽燒雞胸脆骨⭐秘製醬汁燒雞腿肉⭐芝士雞肉丸近乎餐牌上每樣都一試🤤個人至愛雞芯同雞肝而鹽味較清爽秘製醬汁更鮮味食到尾聲甜品係唔少得⭐栗子醬配雲呢拿雪糕 ⭐朱古力芭菲配西班牙油條栗子係秋季系列黎㗎😆兩杯同樣係雲呢嗱雪糕上面加忌廉同朱古力醬前者加栗子蓉後者加油條兩杯都好好食呀～飲品大部份係酒精類我地叫左兩杯無酒嘅⭐橙香梳打特飲⭐可爾必思柚子梳打微甜又夠冰凍配串燒一流收銀時店員問有無興趣夾公仔只要打卡出post就有免費代幣哎吔……差少少就夾到啦撞邊跌返出去添😂食到舖頭last order全個list都好食無失望喎唔怪得咁多人排隊食😋…查看更多

好熱，喺深水埗街頭行到一身汗，諗住搵個地方hea下，見呢度間樓上舖又轉左手，不如上去試下佢啦。店名叫食得開心，仲話總點喺元朗，作為一個元朗人居然唔認識呢間餐廳🤔店內裝修簡潔，冷氣十足。剛剛上到嚟嘅時候，全部卡位坐滿，旁邊嘅枱都有幾枱客，都唔少人喺度食緊嘢喎。係咪我哋比較晏上嚟呢，睇緊餐牌揀嘢食嘅時候，嗰幾枱卡位陸陸續續咁離座，不過店員未執枱，又費事搬過去。餐牌主要都係炒小菜同煲仔飯，午市套餐同下午茶套餐基本上一樣，只係價錢上嘅分別，最後我哋揀咗兩份下午茶餐，49蚊起真係平到笑。⭐蠔仔肉碎粥自己點左蠔仔粥，一大鍋上都幾足料，入邊蠔仔唔少，仲有好多芹菜同芫荽，同埋飯係超多嘅，呢鍋蠔仔粥食完真係飽到上心口😝⭐蘿蔔牛腩飯朋友點嘅牛腩飯賣相都唔錯，一碟入面一半係牛腩一半係蘿蔔，上枱嘅時候已經分得好清楚，乜啲蘿蔔同牛腩唔係一齊炆嘅，咩點解可以分開擺咁得意😆炆得軟腍入味都幾好食，仲有一大碗白飯，作為下午茶嘅份量真係唔少，食完都唔使食晚飯呀。⭐熱檸茶 & ⭐熱檸水正正常常嘅熱飲，有三片檸檬無苦澀味，收貨啦。而加啲餐廳真係唔興出單，又係去到收銀嘅時候畀個mon你望一望，就用電子支付，店員都唔係好樂意收現金添呀😅…查看更多

約左人到D2睇戲，睇前諗住食啲野，商場入面幾乎無店咁早開，到街上搵食吧，遠遠見到紅城，大大間茶記外觀唔錯，試呢間吧。無枱得返吧枱，ok啦求其食下啫，各自各掃code落單先。咦，原來仲有早餐喎，三十幾蚊係平嘅，唔怪得咁多人。⭐沙嗲牛肉公仔麵配西煎雙蛋&牛油多士自己落左呢份餐，經典港式早餐配撘😆沙嗲牛……幾失望，無沙嗲味之餘仲帶點酸酸辣辣？？奇奇怪怪的🤔前雙蛋無特別啦，牛油多士塗左好厚牛油，正。⭐沙嗲牛肉公仔麵配雞肉腸併炒蛋&牛油多士朋友點左呢樣，落完單發覺大家點差唔多嘅野😆哈哈。佢份滑蛋幾吸引，腸仔正常味啦。⭐熱杏霜心有靈犀居然一齊點咗熱杏霜😝但舖頭應該好少人飲呢樣，我覺得個水吧師傅唔識得沖，落咗勁多杏霜粉，兩杯嘢結他他程啫哩狀，似係食緊杏仁糊多過飲緊杏霜，某程度上嚟講係咪叫抵咗？畀咁多杏醬粉你飲😆食物味道一般，店內環境一般，但價錢夠平，所以人多都係有道理嘅。BTW，自助落單自助畀錢，除咗上菜有人手之外，幾乎全程見唔到伙記。…查看更多

約左舊同事出黎傾下偈，揀左K11附近的紅雞冰廳，貪佢晚上唔多人好易搵位。餐牌都幾多野揀，基本上飯/麵都跟熱餐飲，凍飲+$3，價錢好親民。⭐羅宋湯丹麥多士叫左份鐵板餐，個餐包埋餐湯同餐包，是晚個羅宋湯幾足料，不過個人就覺得鹹左少少。丹麥多士勁正，暖烘烘又重牛油，好好食😝⭐原條鰻魚蛋包飯同事叫左鰻魚飯，大大碟仲係原條鰻魚黎，上面嘅蛋超嫩滑，再加上甜甜地嘅鰻魚汁好正。⭐紐西蘭羊架鐵板餐自己就點左鐵板羊架，一上枱已經聞到香味，再張個蒜蓉醬倒落去，喳喳聲正呀😍羊架大大塊厚身，邊位有羊脂煎得好甘香，下層嘅薯角同紅蘿蔔仔吸左羊油好好食🤤個餐加$10可配意粉或白飯，勁飽呀。⭐炭燒豬頸肉配冬陰功撈麵仲叫左呢份出前一丁撈麵餐，比佢個冬蔭功吸引住🤤上面份豬頸肉燒得香口，丁麵有冬蔭功醬撈過酸酸辣辣，味道唔錯。仲有碗冬蔭功湯附送，碗湯都幾辣喎😝⭐凍檸檬利賓納 & ⭐奶茶紅豆冰 & ⭐凍檸茶餐飲轉左凍飲同特飲，紅豆奶茶夠香滑，檸茶茶底夠濃味，檸賓就淡左啲都ok嘅。食飽飽又傾下偈，寫意😆…查看更多

好想打邊爐，近近哋去咗荃灣大滿足火鍋冰室，$198人頭任飲任食，呢個價錢真係抵到冇朋友😝是晚湯底揀咗麻辣雞煲，雞煲要咗小麻小辣，煮滾一陣打開即刻聞到香噴噴，嗰陣麻辣味非常強烈睇見就流口水🤤雞件嫩滑啖啖肉，煲內仲有唔少三色椒、洋蔥、南薑、蒜頭等，十分足料。食完雞煲梗係加湯打邊爐啦，自助區應有盡有🤤牛肉有三款牛板腱、肥牛同手切牛，豬肉都有兩款黑毛豬肉片同埋豬腩片，另外仲有唔少海鮮，蜆、蠔、蝦、蟶子、九肚魚、魷魚等等。蔬菜亦是十分多款，唐生菜、西洋菜、娃娃菜等，仲有至愛嘅芫茜添🤤其他有粟米、南瓜、蓮藕片、豆腐、鴨血、蟹柳、各款丸子、腸仔等，多度數都數唔曬。如果覺得打邊爐都仲未夠，旁邊仲有一個熟食區，有新鮮炸起嘅韭菜雲吞、九肚魚、咖哩魚蛋、四季豆炒肉鬆等，仲有幾款涼拌菜同新鮮切嘅水果😋除咗多嘢食外仲有勁多款飲品，除左一般紙包無糖茶、罐裝汽水外，仲有餐廳自家製嘅冷泡茶、紅豆涼粉冰、雜果冰、檸檬茶、竹蔗茅根水等，當然唔少得啤酒添啦，罐裝啤酒都有好幾個牌子，哈哈，真係好強！甜品就有雪糕同芒果布甸，強烈推薦朱古力同焦糖咖啡口味雪糕，勁好食😋食到飽到上心口都係二百幾蚊，超抵食！！…查看更多

呢間潮州店好幾年前都成日嚟食，以前覺得佢啲嘢好味又大碟，唔知從幾時開始，份量越來越縮水，加上又加價，嚟食嘅次數減少又減少。今年年頭幾個月，睇新聞好似話佢畀人罰停牌，之後又聽講佢大裝修。九月某日夜晚，親戚約嚟呢度打冷，先至覺得原來真係好耐冇食過。親戚先到一早霸定枱，人齊後不久，店員就送上角色潮州醬料，呢餐由親戚拍板，直接出去櫃位落單，原來而家唔再比手寫單，全部嘢電腦化。⭐韭菜花蜆肉鹹菜鹹鹹地辣辣地，呢個送白粥一流。⭐滷水墨魚併大腸&紅腸墨魚嘅比例出奇地少，正常嘅墨魚貴呀嘛😅滷得入味，豬大腸係中間仲有肥膏留低嗰種，我個人就唔介意嘅，不過其中一位親戚就係鍾意食清得非常乾淨嗰種大腸。下層嘅大豆芽吸咗滷水汁好好味，啲豆芽好爽口。⭐韭菜豬紅唔會一夾就散，質感同味道都好嘅豬紅，韭菜亦唔算太老身，唔會食到一口渣😋⭐潮州滷水鵝點少得潮州嘢名物滷水鵝，皮下唔肥，肉質鮮味，連啲骨都入哂味，仲墊咗啲鹵水豆腐都好正，花生就略嫌硬身咗。⭐炸蠔餅粉太多蠔太大隻，食落都唔似炸蠔餅，兼且真係好油😅⭐蠔仔粥蠔仔粥嘅蠔同樣係太大隻，煲熟咗都有半隻手掌size，點都唔係蠔仔嚟啦。入面仲有大大隻花菇，個蠔仔粥都幾鮮味嘅，唔落胡椒粉都唔會腥，但我覺得可以落返少少鹹雜，佢味道偏淡。呢餐食咗五百幾蚊，人均一舊水又唔係貴嘅，食物味道都keep到，但真係sorry講句唔會再黎，至少夏天唔黎😅間舖裝修後換咗個金碧輝煌嘅招牌，店內牆身掛咗好多寫簡體字有潮州特色嘅掛畫，餐具用上迷你膠碗筷，好有玩具嘅感覺，而檯面亦換上仿木嘅膠長枱，成間舖入面都充滿淘x嘅感覺。呢個都唔係最重要，係重新裝修完之後，店入面雖然開大冷氣同風扇，但都仲係熱到hi hi，全餐飯冇停過流汗，真係貼錢買難受。如果有機會，搵日冬天天氣涼啲先再嚟食啦😅…查看更多

趁住國慶假期去元朗大馬路度攞月餅先，廢事等到中秋節前夕嗰日大排長龍又好多分店冇貨啦。唔知係咪關假期事，今日條小食街特別暢旺，間間都排曬隊買。係雞地悄悄結業嘅阿媽豆腐花，原來搬咗過嚟呢邊，而家仲多咗小食賣添。⭐凍豆花天氣咁熱叫返杯凍豆花飲下先，係呀～你冇聽錯唔係豆漿係豆腐花，一杯可以飲嘅豆腐花😋杯豆花本身無糖，你可以要求加黃糖嘅，甜度仲可以自由選擇添。甜甜地又滑溜，咁樣飲豆腐花又幾好味喎。⭐麻辣魚蛋仲叫咗份麻辣魚蛋，一份有20粒😋雖然顏色好紅但係食落其實只係小小辣，而且完全冇麻嘅感覺，我覺得叫香辣魚蛋可能會貼切啲。⭐粢飯原來佢仲有粢飯賣，咁可以早餐嚟呢度買喎😋粢飯加豆漿咪啱啱好囉。講返件粢飯，都幾大舊㗎，有手掌size。入面包咗油炸鬼肉鬆同榨菜粒，味道正正常常，飯就硬咗少少，不過可能放到三點幾先嚟買啫，早餐時段新鮮做應該會好食啲。⭐芝麻卷最後就係芝麻卷，突然間文藝復興多咗好多街舖做呢個失傳嘅小食，呢間個芝麻卷都幾香芝麻味，入口煙煙韌韌滑捋捋，都唔錯呀😋幾十蚊食到咁多嘢😋間唔中出嚟掃下街，心情都好啲。…查看更多

西九龍中心咁多嘢食，今晚食咩好？見有朋友介紹過八樓有間高質蹄花湯，就走嚟望下🤔店名叫面珠墩，由於美食廣場店舖太多，小店真係唔易搵，行到較後嘅位置先至見到。見前面食客點咗招牌蹄花湯，真係幾吸引，仲可以配飯配菜加飲品，成個套餐都係六十幾蚊，真係平過北上。⭐牛腩飯朋友話佢想食牛腩飯，一碗牛腩飯有成五、六件牛腩，仲有一粒牛丸同一隻鹵水蛋，加上涼拌土豆絲同兩條青菜拌下碟，顏色好睇又營養均衡。牛腩炆得很入味，有筋有肉半肥瘦，咬落牛脂甘香勁正喎😋⭐沙薑豬手飯自己就點就沙薑豬手飯，豬手係炆到軟腍嗰種，口感就係滿滿骨膠原嘅感覺，仲有淡淡嘅沙薑香味。豬手清理得好乾淨，無雜毛無異味，真係化咗唔少功夫😋一碗有四大件豬手，食完啲豬手都爆咗嚕。⭐蹄花湯附上一碗例湯，其實等同佢哋嘅招牌蹄花湯，不過呢度就無蹄花，但入面都有雲豆㗎，雲豆蹄花湯就係傳統嘅美味🤤雲豆綿軟入味，湯汁香濃有黏口嘅感覺，哈哈，骨膠原呀～⭐炸魚薯條只係食飯覺得有啲平淡，於是加多咗份小食炸魚薯條，大大份炸魚薯條都係35蚊，下午茶時段仲送嘢飲添😳魚肉非常嫩滑，炸漿香脆，咬落鮮味唔油膩，估唔到小店都用上咁靚嘅魚肉去做炸魚薯條😍⭐原味烏龍茶 & ⭐白桃烏龍茶加六蚊可以有一罐原片茶葉嘅無糖冷泡茶，有原味同白桃烏龍兩款口味揀，喺台灣出品寫繁睇字㗎👍好好味又價錢貼地，仲份量十足添，真係抵食到喊出嚟😆…查看更多

超強颱風要來了，梗係要去超市掃下貨，順便食埋嘢添啦。是晚就嚟到灣景廣場嘅天米，聽人講話呢間啲手握飯糰好好食，見佢有餐有散點價錢合理就試下先😋餐牌有十二款飯團同三款小食，叫餐可以跟湯跟甜品或者全部都要😆小店只有一名員工，由排隊落單到出餐都真係需要啲時間。點咗兩份最豐富嘅Set D，包括飯糰兩個加湯品加甜品，見薯仔沙律同玉子燒咁平，又每人加咗一客。朋友話望落個飯團唔大，於是佢又追加多一件，我心諗你係咪真係食到咁多嘢㗎😝⭐明太子沙律 & ⭐醬油漬芝士明太子先試明太子口味嘅飯團，明太子鹹香鮮味，下得很多，每一啖飯都食到明太子🤤朋友仲要加埋醬油芝士，嗰份鹹味更有層次，軟綿綿有香口，朋友話醬油漬芝士唔知點解感覺有啲似腐乳添😆⭐香蔥醬油牛肉 & ⭐醬油漬蛋黃 & ⭐醬油漬蛋黃雞肉碎第二件就係醬油漬蛋黃，味道濃鬱鹹香，有醬油同埋麻油味，蛋黃仲有蛋香添㗎。朋友就食佢升級版有埋雞肉碎，雞肉碎甜甜地，同鹹鮮嘅蛋黃混埋一齊又幾好食喎。最後就係試埋個香蔥牛肉，味道感覺有啲似得吉x家，好食都好食，但因為牛肉比較大塊，咬飯團嘅期間啲牛肉好容易鬆開，而跌到一碟都係😅呢款口味食得比較狼狽。⭐味噌豬肉湯湯品係味噌豬肉湯，入面除咗豬肉片，仲有洋蔥、薯仔、紅蘿蔔，飲到蔬菜嘅鮮甜，而且飲完唔口渴👍⭐薯仔沙律好喜歡食日式嘅薯仔沙律，鍾意佢個沙律醬混埋蛋黃，軟綿綿起曬沙，淡淡薯仔蓉好正，沙律醬唔酸又唔會水流流，好味又飽肚😋⭐明太子玉子燒玉子燒口感一般，正在上面有明太子醬，明太子醬真係配咩都特別好食。⭐QQ餅最後甜品係蕨餅，黑糖口味配上黃豆粉，口感Q彈香軟，甜度只係微甜，無日式和果子嗰種甜到膩嘅感覺，呢款啱口味，黃豆粉好香啊😋飯糰雖然望落唔大，但其實份量十足，一個都有成碗飯咁上下，呢餐真係超級飽，咁好食好滿足😍…查看更多

升職加薪去食餐好嘅，揀左朗屏站的The Central，睇相幾吸引😋店很大，燈光昏暗再點上蠟燭，氣氛唔錯👍咁大間舖其實得一位店員，見佢超忙但都好有禮貌，我地隨意落完單便一邊傾偈一邊等食。逢星期二有買一送一，星期三酒品半價，唉呀，可惜今晚星期一無得用優惠添。⭐Nutty Treat & ⭐Liquid Salad餐廳勁多酒類選擇，紅酒白酒cocktail 應有盡有🍸我地唔飲酒啦，揀左兩杯mocktail，兩杯都係香蕉底，前者加朱古力花生醬豆漿，後者加雜莓椰子水，各有各好飲😋⭐Crab Fries 朋友點的蟹肉薯條，炸薯條上放了芝士碎、蟹肉、蟹籽，再加上是拉差辣醬，鮮味微辣幾開胃😋⭐Parmesan Truffle Fries 再點左黑松露薯條，本想係漢堡配薯條的，但誤會了😂黑松露味勁香，配上沙律醬好好味，雖然有兩盤薯條，但食晒無難度。😝⭐Salmon Skewer 點左份小食串燒三文魚，意外地大份😳三文魚燒熟左都有咁大件，燒得香軟嫩滑，一啲都唔鞋口。再加上三色椒、蕃茄、洋蔥等，好睇又好味，啲香草味勁正😍⭐Angus Beef Burger主食方面朋友點左安格斯牛肉漢堡，完全無留意個餐本身有薯條，以為係sides配菜個邊upgrade，於是我地迎來第三份薯條，哈哈。講返個漢堡包，包面用牛油煎香過，又香又軟熟😋牛肉漢堡扒肉嫩多汁，再加上大量芝士、蕃茄同生菜等經典配搭，好食又飽肚👍⭐Chicken Yuzu Carbonara另外仲點咗一碟溫泉蛋柚子雞肉卡邦尼扁意粉，呢份卡邦尼意粉係近期食過最驚喜最好食嘅！醬汁濃厚包住每一條意粉，芝士味好重，上面仲有隻溫泉蛋，用蛋汁撈埋落意粉更香口，另外醬汁本身仲加咗柚子，清新得嚟又可以去膩，真係勁好味😍大推！⭐Tiramisu & ⭐Carrot Cake最後梗係要點埋甜品啦，點咗一份提拉米蘇同一份甘筍蛋糕，提拉米蘇香軟濕潤，甜中帶苦味道中和，好好食🤤甘筍蛋糕味道同喺外國食嘅一模一樣，唔知係咪可以叫做話好正宗呢？忌廉部分甜而不膩，蛋糕厚實有飽腹感，食出紅蘿蔔碎嘅口感，而蛋糕仲帶有玉桂味，香甜好食🤤呢件真係好飽，建議二人share一下😝成餐飯每一樣嘢都好食，價錢定位相宜，完全無嘢好投訴，哈哈😆…查看更多

又到左德福美食廣場搵食，上次試過陳仔花甲粉嘅香辣湯底唔錯，今次就嚟試下佢嘅沙嗲湯底。落完單攞住飛仔等叫號，美食廣場一如以往嘅熱鬧，依然係一枱難求，隨意搭枱啦😅⭐陳仔招牌沙嗲花甲粉叫咗份沙嗲花甲粉再加肥牛片，面底有粉絲或米線選擇，亦可以加八蚊轉稻庭烏冬，上次就試咗粉絲喇，今次就試下米線啦。湯底好香，有花生醬味鹹鹹鮮鮮仲帶少少辣，入面仲有唔少生蒜同炸蒜，令到個湯底更香口。花甲大大隻幾鮮甜，我呢碗有九隻😋米線夠滑又爽口，整體感覺唔錯🤤⭐麻辣雞腎主食加配小食可以正價減十蚊，叫咗一份麻辣雞腎，雞腎碎上賣相一般。呢份雞腎都幾辣，辣椒籽超多，留返畀愛辣嘅朋友搞掂佢啦😆⭐香辣蓮藕片另外仲加咗份藕片，呢個香辣對我嚟講辣度就啱啱好，蓮藕片好爽脆，辣得過引。⭐蜂蜜綠茶麵食免費跟紙包飲品或者罐裝汽水，仲可以加八蚊揀新出嘅鴨屎香檸檬茶沙冰，是晚想飲下蜂蜜綠茶就揀咗呢款道地嘅紙包飲品😝眼闊肚窄叫太多食唔曬😅兩份小食大部分都畀曬朋友搞掂佢，哈哈，幾時有個包底嘅朋友都好重要。…查看更多