店舖唔大，大概三十個位左右。餐牌除左花甲粉，仲有幾款辣味飯同數款小食，算係唔少選擇。先掃碼落單，介面有啲難用😅原來係先揀湯底再揀配撘，不過店員都好主動幫手落單嘅。
⭐蒜香海鮮盛會花甲粉
家人點了花甲先生的招牌粉海鮮盛會，是日海鮮有元貝、台山蠔、魷魚、蝦同蟶子，聽店員講話某啲食材如果無貨就會轉。湯底要左蒜香口味，再配了公仔麵。又真係幾鮮甜，份量對得住價錢，唔錯唔錯😋
⭐麻辣先生粉
自己就揀左麻辣湯底，要左小麻小辣，實際上都幾辣㗎，唔小囉，哈哈😝餸就點左牛丸、午餐肉、蘿蔔再加花甲，再叫左多芫荽。賣相吸引🤤雖然辣左啲但都幾啱口味，烏冬好滑，花甲鮮味，正。
⭐南乳雞翼 & ⭐雞皮餃子
見枱枱客都加生炸雞翼，我地又叫返份先，唉唉……賣晒啦🥲改叫南乳雞翼，都正喎，又香又脆仲帶南乳香。除左雞翼，仲加左雞皮餃子，雞油甘香又脆口，正🤤
⭐日本豆乳紅豆冰 & ⭐凍利賓納
飲品方面好多得揀，家人揀左紅豆冰😆呢杯紅豆冰有特別㗎，用上日本豆乳，再揀左少甜，嘩嘩，又真係幾好飲，紅豆好綿豆乳香甜，正。自己點左凍利賓納，解辣一流👍
係幾好味，谷友無介紹錯😝
2
