vitoyan's Profile

放假一家大細嚟海之戀商場玩, 2樓仲有一個Playhouse都幾靚。玩完之後順便喺附近間餐廳食晚飯。之前喺科學園自己食過WM Cafe, 感覺唔錯，就再幫襯一次。叫咗個肉醬意粉俾我小朋友，佢哋話啲肉醬好正，識落好好味。我都試咗少少, 真係幾開胃, 口感都好豐富。由於大人們都唔係太肚餓，就叫咗一個西冷扒，同埋白酒蒜香藍青口。西冷扒剪得唔錯，幾香，薯蓉亦非常好味，我哋仲分咗少少俾啲小朋友食, 佢地仲獨狂咁搶住食添。藍青口就蒜香味好重，好濃郁, 我哋好鍾意。青口都算鮮甜，但係略嫌細隻咗少少。整餐飯都非常滿意，有機會嚟海之戀嘅朋友可以試吓啦。…Read More

第二次嚟古今二啦, 今次試下第二間分店, 水準仍然唔錯。雖然哩度都有啲傳統嘅日式食物, 但嚟得就要試下一啲特色卷物, 特別得嚟其實味道都唔錯! 同朋友兩個人叫咗金龍卷、忘不了你, 同煎餃子。金龍卷係三文魚配上炸蝦, 香脆可口, 兩款味都夾得幾好; 忘不了你亦幾有趣, 係炸牛肉, 再混合咗一啲芒果嘅味道, (無食錯應該仲有少少明太子), 食落幾開胃, 口感都幾豐富。至於餃子就正常，無咩特別。唔好睇少哩度嘅卷物好似得兩式，因為好足料，兩個人都食到飽飽地啦⋯⋯其實仲有唔少卷物都想試, 再見到隔離有個叫火山既菜式, 真係會著火一陣, 有機會真係要試下。…Read More

花月宮一間富有古典優雅的裝璜火鍋店，內堂設置了柔和色澤的花卉壁畫及一個像古幣的圓形飾櫃收藏各樣不同的典雅陶瓷擺設，凸顯了中國傳統文化特色。進入內堂地方寬敞、整潔、座位舒適闊落、環境寧靜。 可自行透過QR code 點餐及呼叫店員，非常方便。他們的火煱湯底包羅萬有共十二款，今晚點選清淡鮮甜的‘冬瓜瑤柱’ 湯底，配有聖子皇及鮮甜十足‘台山蠔’（很大隻）十分肥美，有新鮮豬潤—師傅切得件件厚身大塊、一口豚肉粒、豬皮、還有一口牛粒及手打牛丸、炸支竹和潮州地薯粉條。 食材份量剛好足夠二人行，恰到好處！ 此外，店員亦提供了九種醬料自由搭配進食，提升食物的香味及鮮味，是吃火鍋不可或缺的。👍…Read More

在寒冷的中午去了元朗世宙商場的一間有圓型大門入口的韓式自助火鍋午餐——「牛知己」暖身最合適不過。店內懸掛著一個個大小星球型的網紋燈飾，裝飾非常獨特！我們選了餐牌上中檔價錢的「人氣之選」牛板健+海鮮放題火鍋餐。 內有肉類來自澳洲的牛板健和美國的雪花牛肉和黑豚肉及肥瘦均勻的五花豚肉，並有切件的雞腿肉提供選擇及可追加單任食。而海鮮方面則只能下單一遍，內有原隻小白墨魚、蟹籽墨魚滑、已開邊的紐西蘭青口和虎蝦等選擇。而湯底共有6款選擇有辣味和不辣的，我們先向店員點選了雪濃湯湯底，約兩分鐘便能送到在電鍋上。接著下單後約五分鐘一盤盤分好的肉類和海鮮一同呈上桌，效率很高！而各款肉類都切得透薄，後台師傅的刀功了得！既可令肉類快熟又能保持肉質鮮嫩幼滑、也無阻前來光顧的上班一族的緊湊吃飯時間。👍甜品方面還有自助雪糕機設有兩款口味沙冰雪糕：朱古力味及乳酪味，可選單一口味或兩溝味道的按鈕自行擠出喜愛份量，還提供額外的七彩朱古力碎和軟糖配搭灑在雪糕上一同享用，實在安排非常周到！吃完甜品可嘆番杯Lipton 紅茶暖身一下，已覺非常滿意！完全適合一家大小或公司同事和友人前來光顧，可以吃過痛快，真是物超所值！…Read More

牛陣牛陣新裝修, 仲開咗係非常家庭友善嘅愉景新城, 都係令我更有意欲帶埋小朋友去食火鍋。 前身係點我唔知, 但裝修完感覺係好寬敞, 一人一鍋嘅設計先好細心。今次一家四口叫咗兩款湯底, 包括雞湯同藥膳辣湯。雞湯味道好濃郁, 真係有雞件係入面, 所以真係無味精; 而本身我對藥膳嘅味道麻麻, 但今次加埋辣味, 出乎意料地好味, 可能啲辣平衡返個種藥味。 我地叫咗澳洲特上長期穀飼牛沖繩豚放題套餐, 幾款薄肥牛味道唔錯, 牛味夠, 唔需要太多調味料都好味, 口感好嫩滑, 值得推介; 因為我係牛肉控, 所以對我來講牛舌、豚肉就普通啲。食物吧都有唔少選擇, 正常打邊爐嘅野都有, 特別要讚一下有蓮藕, 因為我地都幾鍾意食; 而最吸引小朋友嘅, 又點會係正經野, 一定係新裝修後添置嘅朱古力噴泉、棉花糖機, 可以比小朋友自己參與少少製作既過程, 都係好開心! 當然不得不提嘅係Häagen-Dazs雪糕任食啦!…Read More

天氣漸涼, 就有種要吃燒肉的衝動。第一次嚐試這間牛太。牛字輩的燒肉有好多, 我都搞不清楚它們的關係。但牛太的燒肉真不錯, 有不同牛的部位供選擇, 特別推薦牛肋骨和牛脊肉; 肋骨非常美味, 很香口; 而脊肉亦非常有口感、肉味, 卻不會太硬! 個人較欣賞牛肉不會醃得太濃味而把應該有的肉味都遮蓋了。 (有些燒肉店只不過是在吃調味料, 而不是肉的品質)除了牛肉, 這晚令我特別深刻的還有燒魷魚、帆立貝和一口日本甜蕃薯! 都是值得一試的燒物。臨走前原來還有movenpick雪糕作甜品, 一流! 吃得大人小朋友都很高興! 最後也要稱讚一下店員的細心服務, 常常和小朋友有些有助的互動! 下次再有燒肉的衝動, 絕對會再次幫襯!…Read More

一遊格調好正, 尤其欣賞日式庭園既感覺。去唔到日本旅行, 但望住哩個景, 算係望梅止渴啦!講返野食, 想同大家推薦幾款食物。首先係牛肉石頭飯, 個黑色石鍋已經令成件事高級咗, 石頭飯一向都係我好鍾意食既野, 加上佢既牛肉、燒汗都好味, 好快就食哂啦! 炸雞都OK, 脆得嚟都仲有肉汁。但如果有機會嚟既朋友, 就不得不試個厚燒玉子, 真係極品。上碟已經冒住少少燒, 而一用筷子切開時, 冒出更多既煙, 真係垂涎欲滴。玉子滑嫩, 仲有好味既白蝦仁, 加少許蘿蔔蓉, 絕配呀! 值得推薦呀!荔枝特飲都係好好味, 仲要個顏色都沖調得好好, 好吸引! 總結嚟講, 食物質素本身都唔錯, 但加上餐廳既環境、格調, 就令到成件事升級咗! 哩個價錢, 有咁既享受, 我認為非常值得!…Read More

夜晚帶咗小朋友嚟深井食野。好耐無嚟深井啦, 發現有好多小鋪頭, 都好有特色。今晚試既哩間係其中之一, 剩係個門口出面, 有大大棵既聖誕樹, 加埋兩隻小北極熊已經好吸引。由於唔算好肚餓, 所以兩父子share一個main course - 日本水飼豬鞍配士多啤梨莎莎, 再另外叫咗薯條, 同一杯芒果冰沙! 豬鞍扒有兩塊, 份量幾足夠, 肉質真心唔錯, 唔會好老好難咬。但其中一塊略為熟咗dd, 另外個塊就真係腍, 同好有肉味! 仔仔好鍾意食, 我估係因為豬扒上面鋪咗少少士多啤梨, 食落都幾醒胃。 剛炸好既薯條, 配埋芒果冰沙簡直係一流! 熱辣辣既薯條, 本身已經好好味, 而杯冰沙剩係賣相已經好高分! 仲有佢既芒果味好濃郁, 唔係好假好糖水個種, 冰沙既口感都好好, 兩個人share都差d飲唔哂! 簡簡單單就換嚟一個好舒適既晚上, 仔仔仲不斷同棵聖誕樹影下相! 如果唔係天氣凍左, 其實坐出面都幾有feel。有機會經過既朋友, 都可以去試下!…Read More

難得試到一間好味餐廳，誠意推薦！廢話少講，等我每道菜都講下先！蘑菇湯蘑菇湯唔係用粉沖，係用真蘑菇整出來，飲落仲有少少粉粉口感，味道唔錯。吞拿魚牛油果他他吞拿魚幾新鮮，牛油果就一般，食落都可以接受。作為前菜，食完會幾開胃。啤酒由於我地happy hour去，叫酒係買一送二，一百蚊都唔使就有兩杯大啤酒加杯紅酒，非常抵！麵包叫牛扒可以加廿蚊叫麵包，味道幾好，食落有啲脆。點Olive oil或者黑醋都可以，酸酸地食落唔會覺得濟。而且係任refill!和牛燴醬汁漢堡扒個汁唔錯，漢堡扒亦都幾實，唔會散哂，咬落幾有口感。個汁配埋落個薯仔度，非常好味！日本產黑毛和牛扒脂肪味濃，但係又唔會太膩，個份量啱啱好，食太多就真係會濟。食之前加少少海鹽就更加好味。羊架非常出色，特別係個洋蔥配菜，兩樣加埋一齊食，好夾！服務態度一流，會同你好詳細解釋啲食物係點整，有咩配搭會夾啲，值得一讚！…Read More

今午來到元朗屏會街一間專門吃日本菜的高檔而新穎的食肆午餐—— 譽 鐵板燒。食肆內設有一張長長的如吧枱般的餐桌各食客的座位是圍著廚師煑食的鐵板前面/側面位置，可供食客親自見證各款美食的製作過程，並供廚師在製作每款美食前可直接跟各食客溝通和諮詢各美食會投下的食材/份量的意見，從而更貼心的令客人吃到自己愛好的標準，另外每隔約兩人座位的餐桌上都配備一瓶消毒潔手液； 這都是非常獨到有創意和貼心的設計安排。這是廚師的工作枱，他正在為每款美食上盤前必在碟上佈置的裝飾配置，旁邊便是煑食的鐵板所在。這個午餐由頭至尾包含前菜、主食、例湯以至甜品和沙律等合共九款美食。 此款是首個開場的美食 —— 沙律。 盤中有蔬果和肉類配搭在一起，分別是清香鮮甜哈蜜瓜、蓮芋、車厘茄 及蘆筍外包‘巴馬’火腿 搭配特製的果醬醬汁同吃，水果清甜，火腿味道恰到不鹹，整體味道爽脆香甜清新及食材色彩繽紛，很有喜感！👍接著便是吃第一道的前菜‘香煎北海道帆立貝搭配三文魚籽鋪面’ 配以特製白松露醬汁和綠茶紫菜碎圍邊 加上碎花點綴。 當中的帆立貝(是加大碼的）以少許牛油煎香表面，搭配完全沒有腥味的三文魚籽加附帶的醬汁和周邊的綠茶碎同吃，味道相當甘香鮮甜並帶有陣陣香濃的綠茶香氣，十分出眾，值得給讃！第二道前菜‘季節燒魚’ —— 用白甘鯛立魚塊連皮帶魚鱗放入鐵鍋中用油炸香，廚師用的油溫和時間的控制非常指細嚴謹，完成後在魚塊上灑上鹽花和黑椒搭配龍珠果和特製的明太子醬上碟。 魚塊舔醬汁入口，魚皮魚鱗香脆可口而肉質仍能保持軟滑鮮味，最後品嚐第一次吃的龍珠果去除熱氣，果肉清香鮮甜。 這個配搭實在經典獨特。 廚師還告知連魚鱗一起吃非常有益。👍👍👍第三道美食‘鵝肝多士’ —— 是先將鵝肝整件煎熟透後再添加焦糖和些少黑醋在其上，然後鋪上用牛油煎香表面的半塊刻有「店名」的方飽上一同上碟搭配一件清甜爽脆的水蒸梨。 鵝肝入口甘香帶點酸甜，油而不膩，再進食配的梨子口感爽甜清新，配搭一絕值得給讃。👍👍👍第四道美食是’煎封門牛柳‘——牛肉先以牛油煎香，我們選了烹調為七成熟的牛肉，廚師在煎熟牛肉表面後再切開成條狀，方便肉裡易於煎熟些少，再灑上鹽花和黑椒上碟，並以特製的即磨生葵醬汁（即wasabi 但既不辣也不會有刺鼻之感的）同吃，肉質嫩而且夠腍非常美味好吃。 值得再次給讃👍👍👍接著迎来一個日本例牌‘麵豉湯’—— 以純鐵小鍋盛著鮮味保溫的麵豉湯，配搭腐卜皮加昆布食材作湯料。 味道豐富鹹味恰好。再到主食上場‘炒飯’—— 先用油炒熟半肥瘦煙肉，再下洋葱碎、甘荀粒、蔥花、雞蛋、白飯一起炒香，最後添加點牛油醬汁同炒均勻上碟。 未吃巳覺香氣四溢，真是色香味俱全，非常飽足。最後廚師再呈獻一個甜品美食‘焦糖牛油多士’—— 是以該店的「招牌」方飽用鐵板炕烤加入少許牛油微煎，再灑上白糖燻焦而成。 然後將方飽切成條狀砌成「井」形上碟。 入口香甜鬆脆，十分可口很有特色。到尾聲時女侍應告知還有‘雪糕球’甜點，有芝士昧、開心果味、雲呢拿味、黑芝麻味的選擇。 我們選了「開心果味」和「黑芝麻味」，雪糕入口香甜幼滑，亦可將之前吃下的煎炸美食給降熱氣的作用。總結：此家食肆廚師烹調每款美食及處理各食材以至鋪排佈置和擺設上碟相當細心和巧究，技術純熟，如手工藝般十分精緻美觀獨特。 超越了以往光顧其他的日式餐廳的水準。 是值得各位吃貨們不妨去試的不二之選。…Read More

今晚我們去了元朗又新街一間新開張不久的泰國菜館—— Black Bangkok晚飯，店內最當眼的必定是以富有藝術風格的圖案為牆壁背景並配搭一些泰式風格古典燈飾，既時尚亦很有泰國的氛圍，座位寬敞舒適、環境整潔寧靜，算是此區晩飯的理想勝地。我們點選了‘泰式鹽燒元朗烏頭‘ 作為主菜配兩碗綿軟的白飯，最獨特的是餐盤上放置在烏頭魚旁的一小撮粗鹽竟然也刻了此餐廳的logo 標誌，非常有創意。 整條魚外表經過燒烤但仍能保存著皮下的肉汁未有流失，外脆內軟，魚肚內放置了薑片及香茅及魚身上的芫茜再搭配以薑蓉加青檸汁和辣椒碎混合的醬汁同吃，吃起來不但沒有腥味且帶點甘香酸辣，提昇了整條魚的鮮味和很有泰式風格，非常下飯。👍另外還點了兩個小食分別有‘燒烤蟶子皇’ 是用錫紙造成的小盒盛載的，錫紙外放置了一少撮粗鹽，蟶子上鋪了一層洋蔥碎和葱花，搭配附送的蒜蓉/青檸汁/辣椒碎的混合醬料同吃，味道鮮美開胃，別有一番風味。 😋和另一道小食‘燒牛肉沙律’，這款菜是以切段的新鮮生菜、紅蘿蔔絲、鮮洋蔥、車厘茄子和經煑過的牛肉塊混合泰式沙律醬汁加辣椒碎撈勻製作的。 此道西式健康時菜十分開胃爽脆、色香味俱全，對於喜歡吃辣的朋友們這款菜式是一個不錯的選擇。…Read More

今晚光顧的是一間新加坡及馬來西亞的餐館「咖吔」。食肆內的裝潢很有東南亞的風情，從樓底是開動吊扇的，地上圖案是菱形斜格的設計，可見一斑。 地方算是寬敞舒適，座位四周都整潔乾淨。我們點了館內最馳名的「海南雞飯配喇沙米缐」、沙拉肉骨茶、還有兩道小食：沙嗲雞串燒 及 烤馬來葱餅配咖喱；加上甜品：馬來街頭椰子（拉茶味）雪糕 及 椰汁芋圓。對於主食「海南雞飯配喇沙米缐」的份量足夠兩人享用的份量，味道此餐配有一碗用雞湯炮製的飯帶微黃色及有些少鹹味跟肉質嫩滑的海南雞件及配搭的三種醬料：薑蓉油、辣椒酸甜醬、較稠的醬油來食，很有風味，甘香可口，是普通餐廳食肆的海南雞飯水平所不能媲美的。 另外此餐配上一碗喇沙米線帶有微辣濃湯汁和配料有腐卜、荳芽和半個糖芯的雞蛋，米缐柔韌度Q彈有嚼勁，非常滿意。至於沙拉肉骨茶是起源于馬來西亞的一款以豬排骨加軟骨、豬肚、胡椒和整個多顆的原粒蒜頭炮製的湯水有如老火湯味道香濃帶點微辣，湯渣配料十分豐足，真的好味，如在秋冬季節飲用，喝後必定渾身會有一股暖流般的溫暖。👍👍👍另外的兩款小食，值得給讚的沙嗲雞串燒—肉質嬌嫩香口配以香濃的馬拉沙嗲醬，非常可口，可以説KFC的雞寶也給比下去。另外試了該店的地道馬來蔥餅，入口香脆帶點韌度很有嚼勁配搭香濃不辣的咖喱醬汁同吃，味道相當出眾，並不油膩，很有水準。飯後點了兩個甜品，分別是椰汁芋圓，份量可足夠兩人享用的，配料充足豐富，微甜的椰汁配以甜蜜大紅豆、彩色芋圓、煎蕊（綠色的小麵條）甜度剛好，軟糯可口。最後品嚐的馬拉地道拉茶味雪糕：有兩個雪糕球配以粟米粒及椰皇肉一起食又是另一番的馬拉風味。 份量同樣是足夠兩人享用的。非常飽足喔！👍👍👍…Read More

今日行程簡單又輕鬆, 好舒服。帶住兩隻野去megabox行下ikea, 睇下人地玩ice hockey, 然後就去熊小館食個安心晚飯。餐廳有一個小corner, 可以比小朋友睇下書, 玩下玩具, 父母就可以放心食飯。第一次嚟, 發現熊小館嘅食物都算唔錯, 介紹下幾款食物比大家啦! 我個人最愛 – 蜂蜜味BBQ燒豬仔骨, 醬汁幾惹味, 肉亦都唔算乾, 食落幾juicy, 不過老婆覺得略咸。白酒忌廉煮藍青口, 啲cream味道好濃, 但唔會好「涸」喉, 不知不覺就食哂成盤啦! 最後係薯蓉焗田螺, 啲薯蓉唔知點解好好味, 好滑, 薯味好濃郁。我個仔食咗第一啖已經問我, 點解好味過佢以前食個啲咁多? 我真係唔識答! 最欣賞佢擺盤既設計, 都係有用心, 特別係d飲品, 望落都覺得好靚, 好吸引啦! 有機會一家大細經過megabox, 可以入嚟叉一叉電 (當然我係指大人) !…Read More

有見亂世下應該好好生活, 就趁着太太生日, 來一趟Fine Dinning。在愛吃的朋友介紹下, 初嚐Amina Modern European。頭盔先帶, 這食評是從一個從未Fine Dine的角度出發。但, 平民角度也有其價值吧?🤘🏻這天和太太點了 8 Course Caviar。由餐前自家製麵包、小吃, 以至主菜、甜品, 都是精美得很。每一道菜都能看出主廚的心機和誠意。在這兒特別推薦幾道頗有趣的食物。1.餐前小吃 – 以薯片挾著鴨胸, 加上少量三文魚子, 配以少許黑醋, 很有特色。三文魚子和黑醋都讓人有醒胃的感覺!2.鮪魚他他、香炸魚子薯仔: 吞拿魚配上日本柚子和杏腩, 沒有那種吃魚生的感覺, 有點吃薯仔沙津的口感, 味道也沒有很濃郁, 混上少許酸忌廉, 令人為下道菜作好準備。 3.慢煮鮑魚, 配上意大利麵和雲尼拿泡沫: 上菜時很有飽魚在嘔泡的感覺 🤣🤣, 但又放在很有格調的碎石上, 呈現頗幽默之感。但味道卻是貨真價實, 鮑魚很鮮, 而以慢煮的方式製作, 口感沒有中式海鮮餐那麼腍, 有一份彈牙爽口, 我個人喜歡這口感。墨魚麵也很好吃! 相反雲尼拿泡沫就吃不出什麼來……🤣🤣4.芭樂雪葩配鮮紅石榴及泡沫: 作為主菜的前一道菜, 這杯美麗的雪葩絕對稱職 (甚至稱職過頭了, 因為我有點想吃第二杯) 紅石榴的味道也很好, 基本上酸、甜、冰三字已經概括了! 5.慢燴美國安格斯牛肋條: 一道令人滿意的主菜, 慢燴的牛肉真的很軟腍, 也很入味, 基本上輕輕一切就已化開, 喜歡肉的朋友應該會滿意。最後要稱讚餐廳的服務, 認真一流, 溫柔細心的為我們打點了一切! 這絕對點啜了這一頓非常愉快的新體驗!…Read More

雖然大熱天, 但無損我對炸雞嘅熱情! 總店嘅大名我都聽過, 但觀塘太遠, 無機會試。今次就試試大圍店。同朋友各叫咗個set lunch – 酥炸黑豚肉伴飯、泡菜醬燒黑豚伴飯, 再另叫半份原味韓式炸雞, 簡直係大滿足! 酥炸黑豚肉難得地juicy, 又勝在好多沙律伴菜, 減低油膩口感, 搭配得宜; 泡菜醬燒黑豚都ok, 醬汁係幾好味, 但略嫌咸咗啲, 不過送飯食就幾惹味。至於今餐嘅重點 – 炸雞 – 真係值得一讚! 個人唔太喜歡炸粉太多, 而小火焰就能夠做到啦, 雞肉亦好juicy, 仲要新鮮炸好, 咬第一啖, 啲煙已經冒出嚟, 仲差啲焫親。食炸雞就係要食哩種感覺! 半份都有大概5件雞, 哩個價錢、哩個質素, 絕對係算得上合理!美中不足係lunch有好多款炸雞都未有提供。如果唔太多人排隊, 喜歡韓式野嘅朋友就一定要試下啦!…Read More