koko_wy_lo's Profile

一班朋友出到嚟，想食咩？可能係世上令人最懊惱嘅難題🤣，咁就一於決定乜都食啦！無論任何日子，自助餐都係Perfect choice由book咗枱開始已經超期待，見到今期自助餐以「仲夏亞洲鮮味盛薈」為主題，菜式融合亞洲特色滋味與海中珍寶🦐，令我更加興奮。環境寬敞舒適，好適合朋友相約聚會:)食物種類都非常豐富，可以品嚐到嚟自亞洲各地嘅特色料理，包括日式壽司、泰式燒烤、中式料理等等。每道菜品都新鮮精緻，令人垂涎欲滴。長腳蟹腳、鮑魚、蝦等多款凍海鮮鮮味清爽，亦有蒜蓉蒸鮑魚、焗蠔等惹味選擇，海鮮控可以盡情享受鮮美滋味。亞洲經典菜式都係今自助餐嘅一大特色，讓我印象深刻嘅係台式紅燒牛肉麵，仲有海南雞嘅清爽口感同濃郁滋補嘅人蔘雞湯，味蕾完全沉浸於亞洲料理嘅多元魅力。最叫人著迷嘅應該就係一系列融合榴槤元素嘅甜品喇我最鍾意榴槤班蘭蛋糕香濃軟綿層次分明、仲有口感豐富嘅榴槤糯米糍，同埋順滑嘅榴槤芝士撻，啖啖香氣交織超級美妙✨️。另外可以任食Häagen-Dazs雪糕同脆皮雪糕批，亦有芒果布甸同朱古力噴泉等等多款特色甜品，為極致饗宴畫上完美句號甜品控不容錯過。超推薦大家帶埋屋企人或者朋友過嚟，享受豐富多彩嘅用餐體驗…Read More

喺凍到叫人瑟瑟發抖嘅冬季❄️相信無任何一句說話能夠比【不如一齊去食燒肉】更誘惑同令人有出門嘅動力😂尋晚去咗銅鑼灣利舞台嘅牛舞日本燒肉，環境舒適寬敞 好適合同三五知己嚟相聚放鬆度過～今次我地揀咗set A日本薩摩和牛放題，包含曬A,B,C餐所有食物🤗。依家直到12月26號仲會送一份牛舞聖誕拼盤，薩摩牛嘅油花豐富 ✨️入口即化，香而不膩。首先店員會幫忙烹調和牛壽喜燒，肉質軟嫩細緻配上蛋汁口感非常香滑。燒肉方面都有多款部位可以任點任食，我最愛薩摩牛牛肋肉，滋味細膩醇厚入口即溶超軟滑。薩摩牛牛赤肉都非常出色，肉味濃郁且帶有細緻甜美嘅赤身肉風味🤤。另外佢地仲有好多海鮮種類選擇，必點之選一定係甲羅燒👍🏻，蟹蓋內滿滿蟹膏加上鮮甜蟹肉，味道濃郁香氣翻騰😌令人一試難忘。外面嘅半自助吧有熟食同炸物😚，亦有多種蔬菜可以自取食用。甜品吧方面都非常有驚喜，每款都精緻又吸引，仲有好多雪糕雪條選擇添☺️食烤肉簡直係最幸福嘅冬日享受🤭趁節慶聚會約埋朋友嚟食就啱曬。…Read More

如果身心未有得出走先帶味蕾輕輕走一趟東南亞都唔錯🧡今次同朋友嚟試咗【味遊東南亞】主題自助餐環境寬敞配合柔和燈光 營造出高雅、舒適嘅氛圍裡面唔止有多款令人垂涎嘅菜式仲可以體驗到來自東南亞嘅獨特風情🍽最吸引係入座後佢地每位都會奉上一份蒜蓉蒸龍蝦✨️肉質新鮮爽彈😋份量亦都好大隻！勁惹味啊😚服務員介紹係每日5點新鮮返貨即蒸即食絕對係誠意之作🦞凍海鮮區可以話係最受歡迎😆我最推薦蟹腳 肉質豐厚、鮮甜肥美凍蝦爽彈👍🏻生蠔蠔味清甜 係新手都唔會抗拒嘅味道當然唔少得青口、麵包蟹、另外刺身種類都相當多 帆立貝肉厚鮮嫩油甘魚甘甜鮮美，三文魚油脂豐富，仲有八爪魚、𩶘魚、吞拿魚、希靈魚等等前菜有扎肉青木瓜沙律、泰式肉碎生菜包、牙車快雞絲椰菜沙律、芒果蟹肉鍋巴等等充滿東南亞特風味 樣樣清爽開胃～而熱葷從越式甘蔗蝦、班蘭葉包雞、沙爹雞肉串🍢到香氣四溢嘅泰式香草烤雞🍗、參巴醬燒爐魚、香茅烤羊扒再到現場即煮嘅新加坡喇沙粉麵同香濃印度咖哩種種道地嘅口味令人彷彿置身於東南亞美食天堂每一道菜品都係一趟美食之旅🤤最後嘅甜點都唔會令人失望 我最鍾意超有層次嘅咖央班戟同鬆軟綿密嘅班蘭蛋卷仲有香甜嘅椰汁黑糯米、煙韌嘅斑蘭糕等等都帶嚟滿滿嘅甜蜜滋味💕服務員熱情友善，菜品嘅新鮮度同多樣性都好高而且性價比優勝 非常值得一試😋…Read More

情人節想留低甜蜜美好嘅回憶🌹當然唔少得一個夢幻嘅蛋糕襯托氣氛載滿浪漫心思又可以打卡放閃😆所以我今年情人節又過嚟Twinkle Baker提早買咗🎂星語薔薇情人節蛋糕返嚟同男朋友慶祝以漸變粉色調為主嘅唯美造型真係好靚蛋糕面層放上⭐️朱古力星星同埋🌹玫瑰金色嘅玫瑰花插牌 賣相精緻啱曬送俾愛花嘅另一半😆裡面以鬆軟綿密嘅草莓海綿蛋糕🍓配上香濃絲滑嘅 73%朱古力慕絲夾層同阿華田脆醬味道完美搭配 口感層次豐富細緻而且3.5寸size蛋糕兩個人分享啱啱好😚情人節可以同摯愛一齊食住蛋糕沉浸喺浪漫甜蜜滋味👩‍❤️‍💋‍👨…Read More

聖誕開party，除咗準備Party game、交換禮物之外，為派對增加氣氛 聖誕蛋糕一定係必備item😌可以做充滿節日氣氛嘅裝飾俾成班朋友打卡之餘又好味。當然 一年一次嘅Party 選擇唔可以馬虎，所以我最近率先試咗「願望樹🎄」蛋糕，連男朋友平時唔好甜點都爭住話想再買多個嚟食。佢係聖誕樹造型嘅朱古力蛋糕，外層以一粒粒大大小小嘅✨️朱古力星星點綴。成個蛋糕嘅亮點莫過於上面嘅水晶球裡面 ，一塊塊香脆星型綠茶曲奇🍵堆疊成願望聖誕樹，完全將聖誕氣氛推到頂峰，今次真係要影返夠本先捨得食🤪請得朋友一齊食，夠靚並唔足以乎合我地嘅要求🧏🏼‍♀️最重要係佢真係好好食！佢內層為 73%朱古力慕絲🍫味道香濃細滑，夾層中以脆莎榛子醬同紅絲絨牛油蛋糕層層相間，綿密厚實、口感豐富，絕對令每個朋友都讚不絕口。🔔我今次仲發現喺12月2號或之前，訂購🎄「願望樹」原個蛋糕可享早鳥優惠89折Twinkle會員更可享低至 86 折優惠🎁趁新一年就快嚟到🌟買一個許返個聖誕願望開心迎接美好嘅新一年就啱曬～…Read More

嘿嘿~今日放假朋友一早打嚟話帶我去食好野入到嚟餐廳嘅用餐環境舒適 裝潢簡潔大方有格調我地揀咗bar枱位置坐睇住廚師一對巧手喺面前利用新鮮食材烹調美食真係未食已經令人口角垂涎！🤤而且又可以即席同廚師交流 可謂視覺與味覺嘅雙重享受我地食嘅係三日月A5宫崎和牛鮑魚一人前鐵板餐前菜三小點 有口感細嫩嘅凍豆腐、茄子、同埋煙燻過嘅半生熟雞肉 放上檸檬片調味 帶出截然不同嘅質感極上刺身有帆立貝、吞拿魚、牡丹蝦、同埋油甘魚之後有清新嘅海葡萄沙律🥗令人胃口大開季節時令生蠔差唔多有手掌咁大隻😆飽滿鮮味一啖食落口🦪感覺超幸福～鮮活南非鮑魚 獨特嘅爽彈紮實口感配上鮮海苔 更顯濃郁鮮甜 而鮑魚肝臟以牛油煎香 非常惹味餐點中二選一嘅深海野生白鱈魚同帝王虎蝦我地叫咗各一份Share食野生白鱈魚配白蜆汁 油脂豐富 魚肉質感細嫩帝王虎蝦鮮爽彈牙 配上以本身蝦膏調成嘅鮮味醬汁蝦腳炸到卜卜脆仲可以食埋添😋茶碗蒸加咗黑松露油 上面舖上魚子同葱花食落柔滑香嫩 非常高質跟住終於嚟到我見到餐牌就一直期待嘅A4鹿兒島和牛薄燒卷 將薄切和牛輕輕一炙入口鮮嫩 肉汁豐富 帶微微焦香再卷住葱同菇 口感層次豐富搭配蔬鐵板燒日本野菜食完全唔會覺得膩😋今次嘅鐵板炒飯入面加咗櫻花蝦、木魚花同白飯魚仔配上酸梅醬調味🍚作為最後嘅菜式感覺清新唔會太滯食到一半可以倒入鰹魚湯一齊食一個飯帶出兩個食法兩種風味最後以味噌湯同埋🍦紅豆雪糕甜品作結尾 非常滿足🥰一餐飯帶嚟味覺、嗅覺同視覺嘅多重感官體驗無論約會定係朋友小聚都好適合…Read More

依家想出街食大餐都唔容易😂下午約咗朋友出旺角買野就順便上嚟啱啱裝修好嘅大瀛喜依家嘅用餐環境好舒適 地方都好闊落🥰而且晏就嚟食 價錢超抵 嘢食高質 性價比超高🤪首先佢外面嘅自助區有凍海鮮、冷盤沙律同一啲熱食飲品除咗有多款罐裝飲品選擇 仲有清酒、果汁熱飲櫃內有包裝飲品🤗刺身高質👍🏻日本油甘魚刺身肉厚肥嫩 鯛魚刺身魚肉細膩 北海道帶子刺身肉厚甘甜鹽燒左口魚裙邊壽司入口溶化 有豐富油香有幾款食物係我嘅必食推介😋芝士龍蝦沙律多士 多士就算擺耐咗都可以keep住香脆芝士鰻魚玉子燒 軟滑鰻魚配上厚實玉子燒雙重口感🤤無可抵抗海苔鵝肝壽司肥美軟糯超邪惡每次食日本菜 卷物都係我嘅至愛😆呢度嘅芒果沙律加洲卷、鰻魚芝士卷、同埋龍蝦沙律大蝦卷都超正😋而且味道清新唔會滯膩而講到熱食 每款上枱都係熱辣辣😆風味酸菜魚嘅魚肉滑嫩 微酸口味好開胃紫心香芋丸外脆內軟 甜蜜美味令人想追住食3.6牛乳炸鮮奶 奶芯嫩滑 食落奶香味濃郁虎蝦天婦羅 外皮唔會太厚粉蝦肉脆爽 香而不膩黃金醬燒開邊蝦 唔洗剝殼最啱我😂蝦肉爽彈 加上醬汁超惹味😚最後花菇雞粥雞肉鮮嫩紮實 粥底稠密綿滑想搵個地方同朋友一邊食一邊傾下計呢度啱曬🤭…Read More

食過咁多放題 始終對殿·大喜屋深深念念開咗咁耐仍然keep到水準真係好難得😆依家見佢啱啱🔨重新裝修好即刻訂枱拉埋朋友嚟試下有咩唔同咗👭準時上到嚟 時間尚早直接可以入座首先入到去餐廳用餐環境比以前靚咗座位更加寬敞 空間感充足 感覺更舒服🥰外面有一個自助區 有各式前菜、炸物、水果、同埋令我心心眼嘅甜品區😍飲品方面除咗有常見嘅罐裝支裝飲品之外仲有sake都係任斟任飲🍶飲返2杯同朋友把酒暢談真係啱曬🤭而放題點餐單上面嘅食物亦非常高質款式感覺仲要比以前更多！🤗刺身好新鮮 拖羅同池魚王都好正象拔蚌爽口 帶子勁鮮甜😋仲有少見嘅針魚刺身 結實彈牙 口感一流我最鍾意試唔同餐廳嘅創作壽司🍣而我覺得呢度最正嘅係鮑魚蟹膏雪昆布山壽司☺有原粒鮑魚喺入面 蟹膏鮮香 層次豐富 精緻度滿分💯而令我想無限番點嘅係香蒜牛油燒赤蝦壽司 爽彈蝦肉配上牛油香氣叫人垂涎三尺🤤醬油汁燒左口魚邊壽司 入口溶化嘅質感滋味十足香蔥芝麻拖羅小卷 香口芝麻同蔥花融入肥美拖羅簡直絕配講下我推薦嘅熱食同料理方面落重本嘅花雕醉鮑魚一客一隻係必點之選🤗牛油燒翠玉瓜 燒得好juicy😋牛油香味濃郁亦唔會好淡味蒲燒鰻魚肉厚肥美 和牛薄燒肉質軟嫩細膩天婦羅蝦因為食唔切😂擺咗一陣都仍然香脆 又唔厚粉最後鮑魚雞粥入面有鮑魚切片 粥底軟綿鮮味記得一定要留肚食埋甜品啊😆佢嘅甜品櫃裡面有勁多款式蛋糕啦、豆腐花啦、macaroon啦、軟雪糕啦、movenpick, haagen dazs等等大牌雪糕應有盡有而且甜品全部細細件可以食多幾款都唔膩🤪美化工程後嘅殿大喜屋CP值更高🤪真係要搵日再戰先得…Read More

係有我塊面咁大隻嘅6兩大閘蟹啊！！秋天又嚟到大閘蟹季節🤭唔想自己一早去買蟹返嚟煮忙到踢曬腳搵大閘蟹放題食就啱曬😋見呢度推出咗88分鐘大閘蟹放題🤤今次可以盡情掃食江蘇大閘蟹佢地有3款大閘蟹重量嘅放題餐選擇 由3兩至6兩🦀大閘蟹唔係成日都有得食要食我地就梗係揀最大隻嘅5至6兩江蘇大閘蟹任點任食🤪去之前其實對放題形式抱嘅期望並不大食落發現 佢地隻隻大閘蟹都膏足黃滿 甘香鮮味 滿滿嘅金黃色蟹膏香軟細膩🤗啖啖唇齒留香～蟹黃同蟹膏帶嚟非常濃郁嘅滋味享受 勁高質！而且肉質鮮甜爽口 真係嗌幾round都意猶未盡🤤每次可以每人點2隻 88分鐘用餐時間 上菜先開始計時⏳佢地嘅上蟹速度都好有效率👏🏻拆蟹拆到手酸酸嗰陣呢度嘅大閘蟹放題仲有多款小食、越式餐點同埋成23款飲品都係任飲任食😋佢地推介嘅特色美食 #越球春卷 炸到金黃酥脆裡面包住爽口嘅大蝦、馬蹄、甘筍 超足料當中仲有蟹粉小食 上面舖上蟹粉同蟹肉 鮮味十足蟹粉花枝丸同埋肥美多汁嘅厚燒鰻魚都好出色沙嗲串燒燒得好juicy 香口惹味食到停唔到口🤣值得一讚嘅係佢地呢啲小食都完全唔hea上枱時每一樣食物都係熱辣辣脆卜卜👍🏻好加分Pho星生熟牛河牛骨湯頭清澈而濃厚 兩種牛肉有不同口感 味道清香Pho星咖哩牛腩 牛腩軟嫩又有彈性😋越球牛三寶 有熟腩、牛筋、牛柏葉全部都整得香軟入味 本來想叫一個試下結果都係encore咗一人一碗😂總括嚟講 呢個大閘蟹放題CP值勁高🤗真係好值得一試…Read More

秋冬又到咗圍爐嘆雞煲嘅時候米走雞嘅黃金芝士雞煲令人食過番尋味🤭每一件雞夾起都帶住邪惡嘅拉絲雞肉啖啖細緻鮮嫩😋佢地採用咗車打芝士、巴馬臣芝士、大孔芝士等等合共五種唔同嘅芝士打造濃郁嘅芝士汁搭配咗洋蔥、中芹同埋芫茜做香料超加分☺食過一次真係返唔到轉頭～食完雞店員會埋嚟幫手加湯怕芝士味太濃太搶可以選擇加雞湯但我作為一個芝士迷就梗係揀埋濃厚嘅芝士湯底🤭佢搭配其他火鍋配料都一樣咁夾咁好味而且口味夠曬香濃完全唔需要點其他醬汁霜降牛頸脊雪花分佈均勻細緻油香豐腴 口感軟嫩又唔會掩蓋過牛味佢地多款火鍋配料都非常有特色好似壽司咁大件嘅哈哈蝦中寶🦐上面有原粒蝦仁 質感鮮爽彈牙滿滿蟹子更添一重爽脆口感 更加錦上添花火鍋必點嘅手打五寶拼盤有墨魚丸、蝦丸、牛肉丸、豬肉丸同埋鯪魚丸 一次過試曬唔同款式🤗我最鐘意豬肉丸充滿肉汁香味牛肉丸亦都富有濃郁嘅牛香 墨丸彈牙有嚼勁👍🏻講到呢個手打墨丸 延伸到佢地嘅竹笙墨魚滑喺爽嫩脆口嘅竹笙裡面釀入飽滿扎實 口感超爽彈嘅墨魚滑加上竹笙落鍋後吸滿濃濃嘅芝士湯汁 層次分明豐富❣最後嘅稻庭烏冬簡直係邪惡嘅靈魂😈每條煙韌烏冬都掛滿芝士汁 帶嚟極致嘅味蕾享受😋芝士迷一定要快啲去試下啊🥰…Read More

今晚約咗客戶食飯諗咗好耐食咩好突然諗起約喺尖沙咀就一於推介食我最愛嘅南瀛水產好彩早咗少少入座完全唔洗等位🤭今次都一如既往無令大家失望軟殼蟹沙律即炸軟殼蟹香脆大件 配上新鮮爽脆嘅沙律菜加上帶微酸嘅黑醋調味 作為開胃前菜最適合不過😋鮟鱇魚肝有海底鵝肝之稱嘅鮟鱇魚肝☺口感滑嫩細膩味道鮮美淡雅 混和醋酸汁 成為完美嘅下酒菜🥰深海池魚刺身肉質鮮嫩肥美 細緻爽口🤤細味魚油甘香細膩 味道鮮甜 令人齒頰留香千島黃金海鮮卷細滑嘅蛋皮淋上千島醬 感覺清新裡面包住清爽青瓜同埋當日由廚師精選嘅時令魚生刺身聽講每次嚟嘅食材都有機會唔同㗎🤗今次因為客戶本身都食得健康所以我地叫咗一個炒雜菜雜菜中以椰菜為主 配以日式的調味 口感爽脆美味南瀛玉子燒玉子燒望落簡單卻係一個講究嘅菜式呢度嘅玉子燒口感外在鬆軟滑嫩而內層札實 蛋香味重😋嚟呢度當然唔少得燒海鮮蚧味噌甲羅燒滿滿嘅蟹膏混入味噌同其他配料入口啖啖香濃蟹味充斥口腔 餘韻醉人🤤蛤蜊粒粒大隻厚肉 口感軟嫩加上香濃清酒調味 鮮甜無比牡蠣肥大肉厚有嚼勁🤗專人燒烤處理得恰到好處 非常鮮嫩帆立貝肉身肥厚，味道鮮爽帶甜用明火燒至剛熟 再配以清酒調味更凸顯鮮甜味道活鮑魚非常新鮮 Q彈鮮爽最後再嚟一個牛肉烏冬2片成個碗咁大塊牛肉非常嫩滑～烏冬彈牙 就以一碗熱湯麵為今餐畫上完美句號🥰…Read More

Omakase可以話係我最愛嘅料理🍣可以睇住師傅喺我面前精心製作食物 同師傅傾計互動有吸引嘅時令食材 師傅嘅手勢同環境服務都係重點知道 惠SUSHI KEI 喺灣仔新店開張即刻就約埋朋友嚟食個lunch試下第一道開胃菜係輕帶酸味嘅水雲 簡單開胃之後有蒸蛋 口感嫩滑 彷彿放入口中就會融化一樣☺鰈鰈魚肉質滑而有彈力 喺壽司中間夾咗蔥加上一抹白豉油帶出魚嘅鮮味大隻嘅牡丹蝦非常吸睛🥰 上面有蝦膏豉油又香又爽 非常滿足Hiramasa 味道清甜 油份又唔會過膩👍🏻帆立貝上面放上生紫菜蓉 味道更加倍鮮甜伊左木肉身白裏透紅 肉質肥美軟腍再以柚子碎帶出清新感覺🥰深海池魚鮮嫩肥美 魚油甘香細膩佐以混入姜嘅木魚花 更係相輔相成相得益彰🤭晶瑩通透嘅白蝦壽司上灑上竹炭鹽 清甜淡雅金目鯛 脂肪位置輕輕炙燒過成件壽司帶有豐富油香 入口溶化非常嫩滑☺跟住係吞拿魚赤身 赤身部位脂肪比例較少味道濃郁 肉質鮮嫩口感結實跟住嘅炙燒拖羅同海膽都係我期待嘅高峰🤭野生拖羅少啲油脂 肉質稍為結實加上清爽嘅柚子胡椒 僻去過盛嘅油膩感🤗整體平衡有緻海膽手卷更係不得不讚舖滿澎湃嘅北海道海膽 一啖食落口 甘香鮮甜於舌尖徘徊 令人回味最後以味噌湯同噴上威士忌嘅蜜瓜甜品作結尾蜜瓜非常清甜😌加上威士忌嘅酒香味絕對係炎夏中嘅絕妙享受SUSHI KEI店舖設計和風簡約坐位唔多 如果想試建議大家記得要預約先啊🥰…Read More

睇到個回顧見到前年今日喺泰國食緊好野🥲瞬間有無限嘅懷念湧現所以夜晚即刻去book咗泰菜食呢度位於銅鑼灣中心地帶非常方便就腳 而且聽講由資深泰廚主理 夠曬正宗👍🏻餐牌上料理款式豐富😆最吸引係Shake Shake海鮮桶🦐佢有八款海鮮 分別有三款，五款同八款價錢選擇我地得2個人 咁就揀咗3款😚鮑魚鮮美韌脆 扇貝肥厚鮮嫩 蝦肉緊緻爽彈加埋泰式風味冬陰功汁 非常香口惹味😋只要放入袋綁好shake下佢 令醬汁分佈均勻就食得喇另外我地仲食咗脆炸軟殼蟹炸到金黃色嘅軟殼蟹香酥可口香脆外層下蟹肉散發住啖啖香甜滋味一食真係停唔到口🤣👍🏻配返杯啤酒一流啊脆炸芝心蝦丸好大粒好滿足 外層香脆唔油膩 口感彈牙香軟嘅蝦膠裡面包住濃郁芝士流心更加錦上添花😌令人回味無窮生菜包 我地揀咗豬肉香料滲入肉碎酸辣開胃 配搭得恰到好處將肉碎放喺生菜上面 捲好擺入口☺清爽脆口嘅生菜 包住香辣惹味嘅肉碎 滋味不斷～海南雞嘅雞肉肥美嫩滑 雞皮爽滑而不厚而且雞肉除咗雞脾之外都已經去骨 非常方便佢地嘅餐點款式有齊沙律、串燒、小食、湯、炒粉麵飯、肉類、海鮮、炒菜、甜品、各種特飲啊生啤都有滿足曬各位掛住泰國嘅你🤗…Read More

之前食過長沙灣舊店覺得好唔錯知道依家喺新蒲崗開咗林洪記水產新店終於有機會嚟試下🤗一場嚟到梗係要試佢地嘅🍲招牌九重鮮海鮮火鍋啦蒸氣鍋方面有5款指定項目包括六頭鮑魚，海蝦🦐，蕃薯蜆，安格斯牛小排同文昌雞件另外有幾款按時令提供嘅海鮮 同埋一款自選項目海鮮都好新鮮 味道鮮甜🦪龍蝦肉爽彈 扇貝大隻而且已經貼心咁舖上蒜蓉蟶子肉嫩肥美 牛小排肉味濃郁😋留意返餐牌上有貼心寫上每款海鮮蒸嘅時間⏳按照返時間去蒸就可以保持鮮味👍🏻蒸完海鮮就可以打邊爐🥘任食火鍋配料種類都非常多蟹子墨魚滑同蟹子鮮蝦滑我都非常推介口感彈牙 入面仲有粒粒蝦肉☺安格斯肥牛都好軟嫩 唔會太薄身keep到油脂香味🤤另外仲有可以即食嘅黃金炒蟹 香口惹味 送酒一流🍻每位加20蚊就可以任飲青島🍺同罐裝汽水喇like埋林洪記水產嘅FB/IG仲可以即時免費升級至十重鮮添👐🏻…Read More

韓國菜係我一直比較少接觸嘅餐廳😂但係因為原本打算嘅韓國旅行取消咗就決定食返餐韓國菜頂頂癮先啦🤭之前因為喺駱克駅做facial無意中發現bingo and cook上網一search就俾佢地嘅忌廉芝士炒年糕吸引咗😍今晚晚餐就決定係你啦👉🏻😏👉🏻咁一定要點忌廉芝士炒年糕先啦佢嘅醬汁超級濃厚！食落去就覺得簡直好似喺忌廉芝士汁入面游緊水咁🤭味道充斥成個口腔～配埋煙韌軟糯嘅年糕一舊接住一舊根本食到停唔到口🤤尤其係佢仲有公仔麵底掛住忌廉汁 真係好邪惡🤤海鮮豆腐鍋上面有青口、蜆、蝦同埋魷魚仲有一食就融化喺口入面嘅嫩豆腐充滿海鮮鮮甜味嘅湯頭拌以韓式辣醬好惹味👍🏻甜辣無骨炸雞 每件炸雞都超大塊！我覺得呢個大細都應該可以係炸雞扒了吧😂😂我地叫咗半份都已經有5塊🤪真係食到捧住個肚啊講返味道 雞件肉嫩juicy 完全無油膩感甜辣醬均勻包住炸雞 醬汁甜中帶辣味道比較偏酸甜 辣味就較收斂 唔食得辣都可以一試食落開胃 味道出眾😋食炸雞就梗係要飲酒啦 我就叫咗藍莓米酒米酒香味濃郁 加埋清新藍莓味🫐好夾又唔會互搶味道好有層次😌😌而男朋友因為要做柴可夫唯有叫佢飲藍莓奶昔過下乾癮🤭藍莓奶昔都好順滑好香濃 非常消暑美味🫐值得一提嘅係佢地餐點份量都比較大份見到好多人走嘅時候都淨低唔少食物點餐嘅時候要衡量一下唔好做大嘥鬼啊～…Read More