知道依家喺新蒲崗開咗林洪記水產新店
終於有機會嚟試下🤗
一場嚟到梗係要試佢地嘅🍲招牌九重鮮海鮮火鍋啦
蒸氣鍋方面有5款指定項目
包括六頭鮑魚，海蝦🦐，蕃薯蜆，安格斯牛小排同文昌雞件
另外有幾款按時令提供嘅海鮮 同埋一款自選項目
海鮮都好新鮮 味道鮮甜🦪
1
龍蝦肉爽彈 扇貝大隻而且已經貼心咁舖上蒜蓉
蟶子肉嫩肥美 牛小排肉味濃郁😋
留意返餐牌上有貼心寫上每款海鮮蒸嘅時間⏳
按照返時間去蒸就可以保持鮮味👍🏻
蒸完海鮮就可以打邊爐🥘
任食火鍋配料種類都非常多
蟹子墨魚滑同蟹子鮮蝦滑我都非常推介
口感彈牙 入面仲有粒粒蝦肉☺
安格斯肥牛都好軟嫩 唔會太薄身keep到油脂香味🤤
另外仲有可以即食嘅黃金炒蟹 香口惹味 送酒一流🍻
每位加20蚊就可以任飲青島🍺同罐裝汽水喇
like埋林洪記水產嘅FB/IG
仲可以即時免費升級至十重鮮添👐🏻
