bobo505's Profile

本身呢到野食都麻麻地 所以諗住黎都係貪rooftop個景同朋友飲杯野咁樣 但估唔到無黎一段時間 現家服務比以前差好多 以前無咩識講廣東話既staff 今次黎幾surprised多咗好多講廣東話staff 但係不得不highlight講廣東話既staff全部態度都好西 前題係只係同佢地普通地confirm booking拎位 唔係啲咩request lol 對比之下講英文staff friendly好多 …Read More

My boyfriend and I wanted to celebrate my success in job interview, we found a hidden gem steakhouse! Nestled in the bustling heart of Central, La Parrilla steakhouse is a true gem for both casual gatherings and romantic dinners. Its convenient location makes it easily accessible, yet the ambiance inside provides a serene escape from the city's hustle and bustle.The menu boasts an impressive array of choices, catering to a variety of tastes. To start, we enjoyed the daily soup. The sweetness of the tomatoes was complemented by herbs, making it a perfect opener for the meal.For the main, we opted for the ribeye steak cooked to a perfect medium. Made from one month aged grass fed beef, it arrived beautifully seared, with a rich, juicy flavor that melted in my mouth. The marbling of fat throughout the steak added a luxurious texture, making each bite a delight.Alongside the steak, I tried the langostino pasta, which was a delightful surprise. The pasta was perfectly al dente. It was a dish that stood out for its freshness and flavor.The creamed spinach was another highlight, adding a delightful creaminess that paired wonderfully with the steak. Rich and flavorful, it was a side dish that elevated the entire dining experience.Additionally, complimentary bread with butter was served, which was a lovely touch. The bread was fresh, warm, and perfect for soaking up any remaining sauce from the steak and pasta.The staff were incredibly friendly and attentive, enhancing the overall experience with their helpfulness and warmth. Their recommendations were spot on, ensuring a meal that was both satisfying and memorable.Overall, I would highly recommend this La Parrilla steakhouse to friends and family. Whether you're looking to celebrate a special occasion or simply enjoy a good meal, this restaurant offers quality food, a welcoming atmosphere, and a prime location. It's a perfect spot for both gatherings and romantic dinners, making it a must-visit in Central:)…Read More

味道正常 不過不失。但lunchtime外賣要等成20mins 廚房係門口位置一覽無遺 只得一個廚師忙碌 分工明顯欠缺條理 如果lunch time得一個鐘要自己衡量食唔食…Read More

夜晚見呢間ig人氣小店無咩人諗住試下 但係好失望:( 首先職員態度麻麻 對啲客人同外賣員評頭品足 目擊有客人好聲好氣問野 店員就比較態度差回應 仲返埋去同自己同事竊竊私語好似茶水間講是非咁講 然後野食方面 亦都失望 嗌定食嗌咗封門柳同豬 好似一早整定夾出黎上碟咁 已經係室溫唔熱 定食入面既烏冬就似將個煮熟咗既烏冬夾落罐頭湯開定嘅湯底到 份量係足夠既 但成舊水填飽個肚就唔抵 同埋鋪頭比較細 如果係食物好食有人情味既話我絕對會encore 但今次既體驗後就不了…Read More

朋友係太古個頭返工 今日去咗接佢收工 友人帶咗我去附近一間工廈到食晚飯 我地今晚去咗一間叫AGE Cuisine Express既西餐 上到去好surprised! 因為無諗過係工廈入面會有間鋪頭裝修咁靚! 😛入到去餐廳 店員都非常熱情同有禮 至於菜式方面 選擇非常多 相信可以滿足到唔同人既喜好 岩晒一班朋友可以揀幾款黎一齊share食 我地今日分別嗌咗一份小食「珍寶蟹脆蟹餅伴栗米莎莎」 主食分別有「秘汁和牛薄餅」同「海膽，香煎帶子海鮮意大利粉伴香蔥蛋醬」首先上枱既係珍寶蟹脆蟹餅伴粟米莎莎 一碟有三份既 食落熱辣辣 係即嗌即整既 佢係類似一個加入咗粟米落蟹餅然後炸脆咗佢 食落好香口然後主食黎咗和牛薄餅先 我非常鐘意個薄餅 因為佢係我鐘意既薄批底 份量好足夠 有6大塊 餅底好脆 薄餅上既sauce都整得岩岩好 唔會太咸 好有和牛味又唔會太膩另外黎既主食係海膽，香煎帶子海鮮意大利粉伴香蔥蛋 個意粉煮得非常creamy 帶子煎得岩岩好 海膽都幾鮮甜 份量都係夠晒兩個人share鋪頭好nice 可能加埋我地好早食晚飯 鋪頭個陣未係好full house 佢地仲送上試整緊既新品比我地試下🤣 好有幸試到係一個頭盤類似係fill up咗三文魚mouse既puff☺️好味！…Read More

過咗中秋之後 天氣開始涼返啲就想同朋友食下啲熱辣辣既熱炒 今日就黎試下呢間係銅鑼灣 距離地鐵站只係兩分鐘步距既大澳德發🤓 呢間係朋友介紹既餐廳 佢係一間主打上水人家菜既餐廳 佢大讚呢到各方面都超水準入到去餐廳好寬敞 有兩層 店員好熱情同好有禮貌 安排咗我地去二樓既位置 Menu上食物既選擇非常豐富 朋友推介話呢到脆豬手同海鮮都好出名 而且有唔少套餐既選擇 好抵 我同朋友今日就主要試下海鮮 最後嗌咗：孖寶B套餐 菠蘿拔絲咕嚕肉 薑汁炒芥蘭 套餐孖寶B $258包咗一個好大既沙嗲銀蒜中蝦煲 另一樣我地揀咗係椒鹽鮑魚 首先上枱作為頭盤既係椒鹽鮑魚 有4大隻 我地兩個食岩岩好 鮑魚好爽口彈牙 椒鹽調味剛好唔會蓋過鮑魚既鮮甜 至於沙嗲銀蒜中蝦煲都係好驚喜 佢份量十足 隻隻蝦都好大隻又彈牙 同埋餐廳好細心已經清理晒蝦腳 直接咬得開個殻就食得 對比平時出街食蝦實好麻煩 顯得呢間餐廳真係非常細心😍然後肉方面我地揀既菠蘿拔絲咕嚕肉都係我地讚不絕口既菜式 係即叫即整 非常有鑊氣 咕嚕肉粉漿厚薄岩岩好 食落好脆 個汁都調得岩岩好 酸酸甜甜好開胃 我地另外仲嗌咗個薑汁炒芥蘭 芥蘭都係炒得岩岩好 唔會太硬 嗌個菜消下滯呢餐就完美！😚總結呢餐係大澳德發食得好開心 本身我偏好食中菜 咁好彩食到呢間夠晒鑊氣熱辣辣既小菜真係為我呢晚畫上完美句號 絕對會再同朋友黎一次暢聚！🧡…Read More

呢排有波睇 所以都興致勃勃同朋友搵咗間以足球為主題既餐廳 今次黎到位於譽發廣場既Lockeroom Dining 阿仙奴既球迷黎到一定會好開心既餐廳🤣 餐廳環境幾闊落 裝修怖置都好有心 波衫吉祥物figure等都唔少 野食選擇都好豐富 我同朋友都各嗌咗個set dinner一齊share main course咁食☺️ 每個set除咗有個main 全部都配沙律 餐湯&法包 以及野飲 所以我地都一致覺得好抵😍食到夠晒飽 今次main我揀咗波士頓活龍蝦配白松露忌廉扁麵 而朋友就揀咗香燒美國Creekstone牛肉眼拼法國鵝肝 另外再加個咸蛋黃雞翼小食首先黎既係沙律 佢係一個個玻璃樽封好 非常乾淨衛生🧡 份量岩岩好 好fresh同開胃然後黎既係餐湯同蒜蓉包 今日既餐湯係羅宋湯 個湯非常足料同好夠味 個蒜蓉包係新鮮焗起 非常香脆跟住上枱既係非常邪惡既咸蛋黃雞翼🤤 新鮮炸起 熱辣辣雞翼入面仲係好juicy 食到我地lam lam脷之後就後就到兩個main啦😝 個白松露忌廉扁麵非常creamy 個汁好掛麵 又唔會膩 而個龍蝦肉質都非常值得一讚 好彈牙 至於 個rib eye我地揀咗medium 煎既熟度係岩岩好 保留咗豐富肉汁☺️ 同樣煎封鵝肝既火喉都係恰好 我同朋友都食到好滿意總結今餐係lockeroom dining食得好開心 無論野食 職員態度同環境怖置都好高質😚 我地都一致話會再黎食🤤…Read More

今日返工有啲攰 所以一於約朋友收工去銅鑼灣食日本野獎勵下自己先😍今次朋友約我黎到係利舞臺廣場既岩鹽日本料理 鋪頭店面好大好舒服 店員態度都好好 仲比咗卡位我地坐 可以慢慢傾計Menu上面有好各式各樣既野食 仲有埋相 全部都好吸引咁 我地對好多都好有興趣😋 最後我地揀咗一款沙律做前菜 三款小食 一款主食share 以及兩杯野飲😛首先黎既係和風海鮮沙律 沙律個樣好色彩繽紛 見到都好開胃 而且份量岩岩好兩個人share就fit晒 入面有啲三文魚粒 食落好fresh 然後就到小食 第一款我地嗌咗芒果奇異蝦卷 有啲似天婦羅卷配一啲開胃酸酸地生果 食落生果中和天婦羅既油膩 好夾既組合❤️ 然後到明太子醬燒大啡菇 大啡菇係食日本成日會食既燒物 呢到配搭加咗明太子 佢既咸香加落個菇到好出色 最後一個黎既小食係土佐炸豆腐 呢個又係份量剛好兩個人share 外脆內軟 豆腐好滑好重豆味☺️然後主食我地嗌咗岩鹽好出名既釜飯 我地揀咗和風牛肉釜飯 上枱時釜飯係仲未開蓋既 上枱後用沙漏計時一分鐘先開蓋食😛 店員教落食到啲飯咁上下就加入一齊上枱既個壺茶落去變成茶漬飯咁食 個釜飯配搭好好 牛肉加埋菇類同生蛋黃 味道剛好唔會太咸另外我地仲每人嗌咗杯野飲 一路傾計一路慢慢飲☺️ 我嗌咗香桃梳打 朋友就嗌咗巨峰梳打 大大杯夠晒飲 而且唔會話好甜 甜度岩岩好🥰今餐係岩鹽同朋友都食得好開心 想食日本野坐得舒服既都好推介黎呢到❤️…Read More

今日禮拜五特登同好朋友夾咗一齊放假晏就去食下好西 我地不約而同都想搵間好坐又岩傾計既日本菜 所以我地就揀咗呢間係旺角黑布街既申子居酒屋試下😚除咗門口 入到去入面餐廳既裝修都好有日本feel 可以止一止旅行癮 店員好nice咁帶我地上二樓到坐 餐牌既野食款式好豐富 樣樣都好吸引咁😍 最後野食方面我地嗌咗個頭盤 兩個小食 同兩個定食首先黎既係頭盤「櫻花蝦牛油果芝士」 外表係好精緻岩晒我地打卡🤣 牛油果同芝士blend埋係好rich 加少少係餅上面 中和咗油膩感 食落岩岩好 開胃一流👍🏻然後黎咗兩款小食 分別係「極上燒牛舌芯」同「明太子芝士山藥」牛舌芯燒得剛好 食落牛味好濃好juicy 我自己鐘意擠少少檸檬汁 食落會清新啲 消除油膩感 我同朋友都讚不絕口🥰另外明太子芝士山藥都值得一讚 我本身都好鐘意山藥既質感 山藥本身係無咩味 所以加咗明太子同芝士兩樣落去係非常match 有少少咸香味 岩岩好既小食😋然後就到主食😚 我地嗌咗一份「壽司定食」同「原條蒲燒鰻魚飯」 壽司定食份量十份足夠🤣有個麵豉湯 烏冬 同一份壽司 壽司款式好多 我個人最鐘意食海膽 因為呢到海膽壽司好驚喜 完全唔苦 有鮮甜味😽烏冬又好彈牙 食到好滿足另外原條蒲燒鰻魚飯都好值得一讚 因為首先醬汁方面較得岩岩好 唔會太甜或太咸 因為出面食既成日食到好咸 呢到就味道調較得岩岩好😍 鰻魚質素都好高質 唔會係平時出面得個腥字 好有魚味😋總結呢餐同朋友都食得好開心 忙裡偷閒 環境又好舒服 岩晒我地傾計休息下😚 食物同店員服務都非常好 係一次非常愉快午餐 絕對會推介比朋友同一定會再同朋友黎😽…Read More

朋友同我去咗食生日飯，佢帶咗我去一間法國餐廳，間法國餐廳幾有情調嘅，環境都幾浪漫🌹 我哋坐咗喺露台嘅地方，最近天氣幾好幾涼爽，個感覺都幾舒服！跟住我哋叫左兩枝酒 chill一chill啦haha前菜佢俾咗啲蒜蓉包我哋食都幾好食，幾香口。仲有西班牙辣肉腸沙律，不過不失。跟住重頭戲黎啦！係香煎法國鵝肝同北海道珍寶帶子！兩個都超級好味 油脂香出哂黎。跟住呢度菜係我既最愛，係橄欖油蒜片蝦。佢用熱油浸過 蝦身熱 連蒜片食一流呀！再黎就係紐西蘭蜆配香草牛油白酒汁，又係超好味，牛油香好濃，極速食哂成碟。跟住就係湯啦，廚師好好咁準備咗兩款唔同嘅湯俾我哋，有黑松露蘑菇湯同龍蝦湯。兩種湯我都有飲。我自己比較鍾意mushroom soup 因為真係用蘑菇攪拌出嚟磨出黎既湯，同埋睇得出小龍蝦既料都好足嘅，見到好多龍蝦肉咁。主角黎啦！係香煎鱸魚配紅花魚湯，我覺得超好食呀，魚皮煎得幾香口，肉好滑。再黎就係法國最著名嘅鴨髀，超脆，肉質鮮嫩。而甜品我揀咗士多啤梨cheese cake，食到好飽❤️❤️好滿足！重點係原來呢餐係朋友tailor made 比我既菜單。唔怪得有我最愛既scallop/lobster/black truffle soup etc 同埋原來食咁多野都唔算貴，食左幾乎8個course 但兩個人加埋都係$13xx+左右 係兩個人既價錢wor 如果食5 course 就再抵d 應該都係五百蚊左右 又可以揀自己想食既野，下次屋企人生日一定再帶佢地食下…Read More

今日去咗深水埗買野 然後有朋友推介我地黎到長沙灣呢間西餐食晚餐 餐廳位置好方便 係長沙灣站行幾分鐘就到 鋪頭裝修好有style 好有復古嘅外國風格呢到好特別嘅係用無紙menu 只要用電話scan下個QR code就可以睇到餐牌 乾淨又方便!我同朋友一齊嗌咗兩個主菜跟餐 同埋小食一份 分別係澳洲豬鞍架 日本帶子黑松露意大利飯 黑松露薯條首先黎係跟餐嘅餐湯 今日餐湯係周打蜆湯 個湯都幾creamy仲加咗粟米紅蘿蔔等 都幾夠味切開個豬鞍 就見到煎嘅火喉岩岩好 保持到好粉嫩又juicy 而且份量都唔少 夠晒兩個人share 我同朋友一致讚賞呢個豬鞍 而且好軟稔 唔會難咬 好滿足嘅感覺!另外嗌咗個日本帶子黑松露意大利飯 入面材料好足料 有非常多嘅菇類 黑松露個味都好出 如果個飯可以再煮杰少少就perfect! 不過我都幾鐘意 因為我係黑松露迷 加上個意大利米煮得都岩岩好 唔會太硬小食嗌咗黑松露薯條 個薯條係新鮮整起 上枱熱辣辣 咁樣已經加好多分! 而個黑松露醬個味好rich 加埋一齊食係好好嘅開胃菜跟餐嘅餐飲方面 我同朋友都想揀啲fresh啲無咁滯嘅飲路所以大家都揀咗梳打類 我揀咗水蜜桃梳打 朋友揀咗檸檬梳打 都幾大杯而且我鐘意佢唔算好甜 都幾解到膩食咗咁多野未完架! 我地仲有個跟餐甜品 當日跟餐甜品係阿華田奶凍 我地就+$10轉做是日蛋糕 個日嘅蛋糕係芒果芝士餅 細細件岩岩好食得有啲飽嘅我地 佢都係甜度岩岩好 唔會過甜 不過芒果味唔算好出 不過芝士味夠濃郁 我都幾鐘意 一路食發現呢間餐廳都幾受歡迎 好多人係出面排隊等入座 以呢個價錢有套餐係幾吸引 好岩三五知己或者另一半黎到過簡單嘅一晚!…Read More

平時同朋友多數食西式cafe 不過其實我自己都好鐘意食中菜架! 經朋友推介下 知道咗灣仔有間行懷舊風嘅中菜餐廳叫杜老誌大飯店 於是約咗個朋友放工一齊去試下! 一入到去好有驚喜 成間餐廳都係以70 80年代香港為藍本嘅設計 有好多霓虹燈設計嘅裝修 有麻雀館 機鋪等設計嘅環境 好有老香港嘅感覺! 而且餐廳都幾大 枱同枱之間有一定嘅距離 唔會同隔離枱太親密！ 店員都好有禮貌同好好服務我同中菜控嘅朋友一共嗌咗4樣野同埋每人一份甜品 包括有街邊臭豆腐 椒鹽魷魚鬚 花甲蒸水蛋 柚子骨 菠蘿皮西米焗布甸第一樣黎到嘅係小食類嘅臭豆腐 佢嘅份量岩岩好 又唔會太大舊搞到之後食唔落 上碟熱辣辣 炸得岩岩好 唔會話炸得太耐而油益味好重 而且入面嘅豆腐仲好嫩滑 呢碟臭豆腐做頭盤小食真係好適合! 我最鐘意配埋甜醬一齊食 更佳滋味!第二樣黎咗椒鹽魷魚鬚 我係魷魚鬚嘅fans! 我會比呢碟魷魚鬚100分! 因為佢炸粉厚薄適宜 熱辣辣 而且食得出魷魚鬚本身好新鮮彈牙 絕對好岩一班朋友一路飲住啤酒一路食嘅選擇!之後黎咗花甲蒸水蛋 佢上枱個陣我同朋友都忍唔住即刻拎個電話出黎影張相先 哈哈 因為佢個擺盤好有氣勢 非常足料 好多花甲 花甲洗得好乾淨 一粒沙都無 而水蛋都蒸得好嫩滑 而且吸收咗花甲嘅海鮮味道 非常鮮甜 有呢個花甲蒸水蛋食兩碗飯都無難度!最後黎嘅小菜係柚子骨 骨嘅上面係好多嘅柚子 果然真材實料唔係得個名 個醬酸酸甜甜好開胃 食落啲肉都好入味 又係送啤酒一流！無論食中定西餐 作為女仔都會鐘意食甜品作結 今次我地每人嗌咗個菠蘿皮西米焗布甸 佢即叫即整 上枱個陣熱辣辣 又好香 我好鐘意食菠蘿皮甜甜地又好脆口 佢入面嘅西米焗布甸唔會係好甜個隻 岩晒我同朋友嘅口味 食埋個甜品就好心滿意足捧住個肚返屋企 哈哈 嗌咗total 5款食物 兩個人加埋食咗五百幾蚊黎講有咁高質嘅大排檔中菜嘅食物黎講都好合理！ 呢到仲有啲房for 一大班人 夠晒private 不過記得預先打去預約咗先! 下次等我都預約同一班朋友黎先！…Read More

每逢weekend都會揀間餐廳同朋友hang out減下壓 加上近期疫情嘅關係都少咗好多出街食飯聚會 所以更加期待! 今次我地揀咗係太子嘅慢煮工業 食過一次慢煮扒就對慢煮念念不忘!入到餐廳店員好有禮貌會先幫我地量度體溫 然後安排咗我地係樓上嘅座位 呢間慢煮工業相對店舖空間非常闊落 坐得好舒服 唔會太迫 menu上嘅選擇都好多! 首先 我地揀咗個輕食拼盤 岩晒咩都想試嘅我地 哈哈 入面有好多唔同款炸物 包括炸蠔 芝士條 雞翼等 我最鐘意嘅係芝士條 好有拉絲嘅感覺 全部熱辣辣 好正! 兩個人share呢個小食岩岩好打開咗我地嘅胃口!Main 方面我地叫咗個法式豬鞍扒同三重芝士薄餅 豬鞍扒黎到嘅時侯已經好吸引我眼球 因為擺盤好靚 而且比佢嘅香味吸引住 果然 絕對無令我失望 豬嘅肉質經過慢煮後保留咗好嫩滑嘅感覺 仍然有豐富嘅肉汁係入面 每一啖都係幸福嘅感覺! 呢個係我非常推介嘅!另外三重芝士薄餅都係好surprised 因為首先佢份量非常充足 而且比足料 係見到啲芝士滿瀉咁制! 同樣熱辣辣咁上台 絕對有拉絲效果! 佢嘅餅底好特別 非常脆 有啲似餅乾底咁!最後 女仔食飯幾飽都好又點少得嗌甜品呢! 我地揀咗個日式綠茶紅豆比利時窩夫配雪糕 佢上台嘅時侯都係擺盤得好靚 我地即刻影返幾張相先! 佢嘅份量岩岩好兩個人share一齊食 係作為一餐最好嘅完美句號 佢嘅窩夫係脆既 絕對唔係淋patpat個隻 兩塊waffle之間係有紅豆 而on top 有好大球雲利拿雪糕 overall唔會太甜 味道岩岩好!Girls night趁仲有機會就嗌咗兩支craft beers飲下! 我地都鐘意果味多啲 所以分別揀咗比利時拉格啤酒同比利時杏脯水果啤 兩個飲落好易入口 而且果味豐富 完全係我地杯茶! 呢一餐真係食得好開心!而且呢間餐廳係絕對嘅良心小店 見到佢地有poster宣傳醫護人員有半價 所以非常推介大家支持呢間非常有良心又好食嘅慢煮鋪頭!…Read More

Thursday night已經好有放假嘅心情 同朋友想食下好野傾下計就揀咗位於普慶坊嘅我愛慢煮 呢到位置要上小小山 但都算方便 落咗巴士行幾分鐘就到 都算易搵! 同埋係上環區 比較少人 感覺幾舒服 好有慢活感覺 哈哈 店員都幾熱情 安排我地坐係吧台 好有feel! 鋪頭係以水泥同工業風為主 係我鐘意嘅裝修 呢到採取嘅方式係自己去cashier order同比咗錢先慢慢食!menu上嘅款式都好豐富 原本以為慢煮會幾貴 但呢到價錢都幾親民 首先主食方面 我地揀咗安格斯平鐵扒同法式豬鞍架 個Flat iron份量好夠 唔係細細塊 而係好厚 切出黎仲保留有適當血水 睇落都知唔會話煮得老 食落果然無令我失望 仍然好嫩口 保留咗牛嘅肉汁 至於個豬鞍架 係我最鐘意! 上台個陣都好心心眼 因為好厚好肥美咁嘅樣 食落口肉汁係充滿口腔 令人食完一塊就想接住食另一塊 食唔停！配菜我地揀咗燒露荀苗同芝士溫泉蛋大啡菇 露荀苗係幼身個隻 份量岩岩好 唔會好濟 燒得岩岩好 唔會變苦 而芝士溫泉大啡菇係有個流心蛋 配合埋個juicy嘅大啡菇 係perfect match!食咗咁多野又點少得飲返杯野飲呢 我就揀咗西柚青檸特飲 而朋友就揀咗西柚薑啤特飲 我個杯酸酸甜甜 幾fresh好岩我口味～雖然已經幾飽 但係女仔又點少得食甜品呢 我地分別揀咗咸焦糖醬朱古力布朗尼蛋糕同慢煮白酒菠蘿配意大利雪糕 佢甜品嘅份量唔會話太多 所以可以嗌兩樣互相share黎食下 佢嘅brownie唔會好甜好膩 好軟熟 而我覺得比較特別係係個慢煮菠蘿 上面有燒咗層焦糖 食落酸酸甜甜 配合個抺茶味嘅意大利雪糕就更加相映成趣!而且另外一提 係現家疫症肆虐期間 佢地仲向食客免費派發自家製酒精搓手液 真係一間良心小店！大家一定要去幫襯支持下！…Read More

每逢約女仔朋友食飯都幾鐘意揀cafe小店 因為傾計夠舒服又可以成日試下新野 今日係鑽石山個頭做野 所以放工就同朋友行過黎新蒲崗呢頭覓食 呢到真係好多小店架！今次揀咗間叫Wanna Eat嘅西式cafe 一黎到門口已經覺得好特別 係木嘅門面 文青感同周邊老店形成強烈對比入到去店員都好nice 坐低咗後睇menu食物款唔算少 我地揀咗3個主食 1個甜品 同2杯野飲首先黎嘅係黑松露薯條 佢係新鮮炸起熱辣辣係我最愛 個醬係好rich嘅黑松露味 個份量係岩岩好兩個人share 然後黎嘅係夏威夷手工薄餅 佢黎到個樣同我地平時食開嘅有啲唔同 佢係屬於長條形個款 厚度岩岩好 唔會太厚覺得好滯 皮邊又夠脆 然後上中嘅topping係放得岩岩好 蕃茄醬唔會搽得太多而覺得好膩 每人兩件夠晒飽肚！最後一份主食係明太子意粉 份量絕對唔吝嗇 有好多粒帶子 煮得唔會太乾身 岩岩好 我同朋友都覺得明太子唔會太咸 一致幾滿意呢個意粉女仔嘅胃唔食過甜品點會滿足呢 我地嗌咗個香芋窩夫 好surprised 個份量都幾多 我地兩個女仔都食唔晒 佢係有新鮮嘅芋頭蓉 好fresh 為成餐飯畫上一個完美句號野飲方面我揀咗蜜桃冰茶而朋友揀咗熱情果冰茶 我嘅蜜桃冰茶甜度岩岩好 唔會太甜又唔會成杯冰 可以解膩！價錢我覺得合理 每人唔洗二百蚊 岩晒同三五知己黎傾計！…Read More