sharon294479715's Profile

自從紅螞蟻開得越來越多分店，食物質素及價錢就開始有明顯對比！當然明白，香港寸金尺土也是當中的重要影響 😔我個人認為依家嘅紅螞蟻唔係唔好食，但係價錢已經加到貴價茶餐廳嘅價格😞，即係太x果類。而我覺得最值得欣賞嘅地方係用餐環境😀，光線充足，舖內夠寬敞，坐得舒適！👩‍👩‍👧‍👦方便帶同小朋友用膳，而且不容易打擾到其他食客！💑情侶約會亦是不錯選擇 ❤侍應服務也值得一讚😁，反應迅速而且有禮🙏。…Read More

路過零碳天地時，發現了Chill cafe & bar，由於假日於Mega box 揾嘢食一定好難揾位，於是過去一試啦 🙂 又確實係有點驚喜喎 ❤入到餐廳，環境舒適，天然光下用餐更是寫意！而且有露天茶座，大概有2-3枱，當日還有其他客人在寫意地嘆紅酒和雪茄！店內每枱之間雖有點近，但在於我仍可以接受😊！午餐餐牌價錢大概$100起 💰 有餐包🍞，餐湯🍯或沙律🍀，主菜🍛及餐飲☕而且食物質素尚算不錯 ❤ 只是其中一個餐的醬汁略咸！…Read More

十一月尾昇，天氣終於都開始涼，今日就帶大家試吓喺依間70年代懷舊味道濃厚嘅餐廳，食麻辣雞煲 😌其實我都係去到先知，原來依度係任食嘅，而套餐會有餐前小食，雞煲，食完個雞煲後可轉為湯，或不換湯直接於雞煲加湯，懷舊甜品)分別有$258 安格斯海鮮火煱/$298 頂級靚牛海鮮火煱 (另收加一及醬油$12, 限時150分鐘)。 兩者分別就在於牛肉嘅分別，其他任選嘅項目都冇重大分別。食物新鮮，餐廳乾淨整潔，服務也很好，侍應們都好有禮貌兼殷勤款待，仲時不時就嚟換骨碟 😍 好貼心！空間雖然有限，但無論係我哋抑或其他2人訂枱都俾張4人圓枱，坐得好鬆動舒服。而且每枱之間都有點空位，不會有碰撞💗。…Read More

Openrice 有得 online 訂座實在太方便，因為實在太好生意，去親都一定大排長龍！所以最好預先訂位，就冇走雞嘞 🙃雖然食客滿座，但冇乜漏單情況 😁 而且店內光猛整潔，餐具乾淨，每枱之間又唔會太逼，就算帶埋小朋友都可以安坐 😍而小菜呢，都係巧手小菜，即使爆場都無損食物質素 😋 推介大家可以一試 🍺藍妹 (大) $29豆漿杞子鮮腐竹浸時蔬 $66金針雲耳蒸滑雞 $69咸蛋蒸肉餅 $68香煎蓮耦黑松露墨魚餅 $84金沙蛋黃九肚魚 $73豬油撈飯 (碗) $18白飯 (碗) $12…Read More

自商場翻新後，新開咗好幾間食肆，今日就一試 "PHD 🍕 薄餅博士" 啦！喺門口見到啲餐好似幾抵，點知計一計其實唔係幾抵食，叫咗個2-3人餐，包一個普通size嘅Pizza， 1個飯或小食，3個湯或沙律，都已經成$166。 味道不過也不失，但係份量真係唔係幾夠3個人食。重有最重要嘅一大罪狀:(就係連堂食， 都用 即•棄•產•品，由盛食品器皿到餐具，冇一樣嘢可以重用！ 入到去舖頭啲冷氣大到好似去咗企鵝館咁，完全唔可以留低食，留耐啲都驚凍病 😑 …Read More

前身係龍門冰室，裝修後，由黑白二色換上清新嘅藍白二色，並改名為金龍冰室 😄 雖然舖名已改，但係餐牌及店內侍應都冇重大轉變。今日試咗個豉油豬扒炒烏冬 🐷 烏冬炒得不錯，顏色均勻，賣相亦不俗，可是豬扒吃到有點鬆肉粉的味道！ 不過一分錢一分貨，下午茶餐$34連一杯奶茶☕，也是個不錯的選擇 💜 ☕ 講到奶茶呢，依度嘅奶茶沖得唔錯！年紀大唔好飲咁甜，加上用煉奶取代白糖，感覺好似再健康少少 😆 所以我會叫"茶走少甜"茶 = 奶茶 ☕走 = 走糖加煉奶🍯少 = 少啲甜 = 煉奶🍼🌼為下午茶畫完美嘅上句號。P. s. 如果可以走塑就更加好，堂食唔應該俾即棄攪捧！！…Read More

通常無敵海景，都係配浪漫晚餐，但係今次嘅餐廳係間台式火煱店。除咗可以邊食邊欣賞無敵海境之外，店內店外裝修亦十分瑰麗優雅，還有食品精緻，用料新鮮等等... 當然，包含以上種種優點的餐廳，就必定離不開高收費 😁 您懂的！！ 除此之外，餐廳有限時用膳！香港人平日生活節奏咁緊張，放假應該都想舒舒服服咁食返餐飯，放鬆一下，尤其是當付出比平常高嘅價錢去享受環境和食物時... 換轉係普通餐館，限時用膳都係可以接受嘅，因為冇期望！總結，如果您打算聚會兼詳談的話，就不建議揀此類用餐限時而又高收費嘅餐廳嘞🙂。…Read More

帶住小朋友遊玩完成日，準備回程，所以就食個輕晚餐再上船，免得小朋友太夜先食晚餐！去過澳門嘅都知道，好多酒店同酒店之間係相通嘅，但要帶住小朋友喺賭場同商店穿插，四處尋覓飯店係極為不便嘅。 今次介紹依間cafe， 喺香港亦有幾間分店，而且食物、咖啡同朱古力都係幾好嘅，所以我哋冇再四圍行，就直接喺依間食啦 😄而我最最最欣賞嘅，莫過於佢哋杯熱朱古力，雖然係偏甜，但係香味同濃度都係一等一嘅，喜朱古力嘅您，下次路過就可以一嚐 🍫🍫🍫唯一美中不足，就係人流太多，座位太少和緊密，而且侍應生亦不太足夠，結賬後執枱未夠迅速！…Read More

我唔熟土瓜灣區，某日週圍行，見LA2店內裝修頗有英國酒吧風 😁 於是入內一試 雖然係酒吧，入到去光線充足，環境舒適，最重要係完全冇任何新鮮或隔夜煙酒味，檯櫈亦非常乾淨，可以放心用餐 😊今日試咗個Pizza 🍕，一至三點有午餐，大概$80左右，有湯或沙律，主菜及一杯飲品，屬正常價格！值得一讚嘅係個 Pizza 🍕 做得非常香脆，美味之極 😋，而杯即磨咖啡☕也正合我口味，沒有偏酸或太甘，為是次午餐畫上完美句號。…Read More

潮流興茹素，剛開始的朋友仔可以先嚐試Green Monday or Green Tuesday... 😃 又可以先由每週一餐，加到每週兩餐再逐漸加上去 😄。 如果大家有興趣一嚐以假亂真的素食，推介大家可以去試吓Green Common 嘅 Beyond Burger 🍔，入面嘅 Beyond meat 係由多種蔬菜和豆製成，無論賣相同口感都係一等一嘅 😄，同以前嘅齋館真係有好大分別，依家有好多素人都去幫襯咖。 現今茹素，可以有好多原因嘅！！有啲為信仰、健康、瘦身、環保、愛動物。。。等等您都快啲試吓啦，每食一餐素就可以幫助減碳排放 😊 對身體又好啲，有萬個好處添咖 😄…Read More

繁忙的西貢，喺週末嘅人海有幾澎湃，相信唔駛描述都知啦😅！今日介紹依間餐廳，除咗有得訂位，價格相宜，環境舒適之外，最重要係可以避開外面嘅人海 😊 可以真真正正嘆到個優閒味美嘅午餐，叉叉電之後，又再去四處遊走☺！午餐餐牌內平均消費$70-$100，未連加一服務費 🔟法包 🍞足料洋葱湯 🍜 (可加$20轉其他湯)大蝦茄醬意粉 🍝熱咖啡 ☕依家仲有主餐牌65折優惠，可以喺openrice訂位，到餐廳時出示電子牌折扣優惠即可 ❤…Read More

新偉記向來都係我嘅大愛 😍入親元朗例必光顧嘅餐館 😋😋👍👍提提您！最好預先訂位 ！！佢哋嘅餐牌都更新過幾次，而且不同季節或節日會推出當季時令小菜😀(請關注新偉記Facebook updates😘) 今期最熱門嘅，當然係打邊爐，今季新菜式有"🐽豬骨煲🐽"！見到隔離枱叫，個份量頗大，應該起碼要3-4大人先可以清晒(未計其他另叫火煱配料)，所以今日我哋唔夠人無緣品嚐😭 下次入開去食兼人數夠，定當試食兼報告！！…Read More

多年沒到澳門遊玩，發展迅速 😄 與8年前實在相差太遠了。。。去澳門就梗係要食葡國菜啦！去到官也街，間間餐廳都坐滿人！偶然行到小巷，發現幾間新裝修嘅葡國菜，考慮緊試邊間時，波爾圖嘅侍應就衝出嚟熱情款待拉客！比起有啲餐廳侍應即使見我哋揀緊餐廳都冇表示，又有啲收得比較早嘅餐廳，就梗係揀波爾圖啦！原本以為平平無奇，點知一食就不得了！我哋仲要叫咗勁多餸，味味餸都食到舐舐脷，拓住個肚走 😂😂 但係最衰無緣品嚐甜品 榴蓮蛋糕🍰 😙如果要試甜品，就要喺甜品師下班前order， 最好先致電查詢！推薦大家一試 😄…Read More

依家食粉仔嘅舖頭唔多，十八座狗仔粉之前都有聽過不過就未試過，觀塘分店開咗好幾個月，今日就終於去試吓 😀以前90年代，食碗粉仔6蚊，依家細嘅都要$22蚊🙈，香港通脹加幅實在太誇張 🙈！不過個粉仔的確係可以起不少過往嘅快樂時光 🌈講返正題先，個粉仔味道尚可，但略嫌配料不足，一碗粉裏面只有幾粒虾米及幾片超薄冬菇片。個辣魚蛋($12)呢，個賣點係彈！！但只不過係好細粒嘅普通魚蛋！一啲都唔彈，不過個辣汁不錯 🙂再後加咗個細碗仔翅(素翅嚟嘅！！拒殺鯊魚！！)($22)，佢話用火鴨做湯底嘅，味係夠，但除咗木耳絲同絲之外，都係冇乜配料。😍 最抵讚係，佢哋冇用即棄膠餐具於堂食 😍是次合共消費$56…Read More

前身也是西餐廳，而且味道不錯，可惜突然結業！依家又開返西餐，所以去一試 😁是次於下午茶時間光顧，進站後被地中海式裝修吸引了，環境也頗舒適，可能也因為店內沒其他食客吧😅。 至於餐牌，款式選擇不多，而價錢都尚可接受！服務方面亦是尚可接受！我今次就點了 🐷煙肉温泉蛋意粉 ☺ $45包一熱茶/咖啡 ☕汁稠密度做得不錯，不稠也不太稀，不會因冷掉而變得太稠！ 可是份量就太少了，幾口就K.O. 了整碟 😞 然後，未到晚飯時間上就已經很餓了！…Read More