tantan0329's Profile

今晚為走肉朋友S小姐慶祝生日  友人提議去呢間無五辛的純素餐廳，咁S小姐就可以無後顧之憂咁大食啦！POP Vegan係樓上舖，先到先攞枱嘅筆者又不諳蘇豪區，所以在蘇豪伊利近街來回幾遍先搵到餐廳入口。一個人由地下行到一樓，樓梯比想像更長更昏暗，正當筆者開始擔心會唔行入異度空間，抬頭就見到有着親切笑容嘅店員，終於可以鬆一口氣餐廳的裝潢走工業風，鈍色牆壁配上強勢的投射燈，相比鮮明。之前拜訪過的工業風餐廳，個別座位的亮度會太光或過暗，猶幸今晚POP Vegan座位嘅亮度恰到好處，可以舒舒服服睇書，消磨（等人）時間。朋友到齊，終於可以落單啦～ 我哋試左：Vegetable Curry with Naan：辛香清爽嘅泰國咖哩，可惜附送嘅印度烤餅只有手掌大小，完全唔夠喉呀呢味咖哩應該係POP Vegan最辣嘅菜式（得呢味有兩隻辣椒icon🌶️），但連譚仔十小辣都食唔到嘅筆者，都可以大大啖淨食咖哩汁，辣度可想而知Spaghetti Bolognaise：CP值最高嘅菜式，筆者至愛嘅comfort food有多種彈身菌類嘅肉醬，配上al dente嘅意大利麵，口感豐富Four Seasons：有雅枝竹（artichoke）、茄子同南瓜嘅薄批。各種蔬菜都好新鮮，加埋濃香嘅全素芝士，呀惟火候不足，似食墨西哥饀餅（quesadillas）多過食Pizza Stone Pot Fried Rice：熱飯萬歲！基本上係肉乾粟米豉油糙米炒飯，雖然冇飯焦，但非常温暖飽足，S小姐推薦菜式祝又大一歲嘅S小姐開開心心，升職加薪，帶我們去試多啲型格素食！總評：Healthy hideaway in SoHo Central with very presentable veggie dishes.…Read More

三文治控友人G在「西環變幻時」見到呢度嘅超幸福三文治，三層麵包配六種饀料，氣勢磅礴喔趁周末相約去幸福單品咖啡，希望感受吓呢份重量級幸福咖啡店尚算就腳，在高街搭一段扶手電梯就到12:45到達，幸運地揾到室內雙人位店面的的骰骰，但勝在餐枱夠寛闊，擺多幾份三文治都冇問題牆壁及吧枱佈滿以咖啡豆及黃麻袋為題的裝飾，落栗色的氛圍令人放鬆店裏面有提醒客人盡量輕聲細語嘅温馨提示大部分客人都好自律㗎，奈何有幾位熱情嘅外賣客在吧枱附近同忙碌嘅老闆閒聊，令品味Cafe變中式茶樓落完單之後，細心的G友人發現英式早餐附送大塊多士考慮到超幸福三文治+英式早餐=要食四大塊麵包，唔太肚餓嘅我哋決定攤分幸福，改要幸福三文治惜食是福嘛炒蛋有5種口味（黑芝麻 / 香草 / 黑胡椒 / 薑汁 / 青䓤），任選一，我揀左黑胡椒幸福三文治終於登場啦幸福，原來就係餐蛋治（笑）熱騰騰的炒蛋，配上鬆脆多士，好豐富好熱氣啊！！！兩個人分啱啱好，正如G友人所言，「幸福要兩人一齊先夠力接㗎」英式早餐嘅煎蛋有驚喜！土炮美極汁煎蛋配All Day Breakfast，出奇地夾麥包多士幾香甜，比幸福三文治嘅白麵包更有口感最後以店長推薦嘅檸檬酵素收尾根據網上資料，檸檬酵素即將檸檬加入冰糖/蜂蜜發酵，製造有助排毒嘅益菌$30一杯檸水偏貴，不過嗰三塊檸檬酸甜有致，可以連皮食消消滯，值得一試嚟到單品咖啡店唔飲咖啡，很奇怪吧？不過幸福的面貌不止一種 總評：A friendly neighbourhood cafe with hearty sandwiches that satisfy local taste buds. Kudos to bottomless tape water and very friendly staff.…Read More

天寒地凍放lunch，好想食個熱辣辣嘅燒味飯大快朵頤12.45黎到好燒味，無人龍（暗爽yeah！）然後，對伏味濃嘅食物特別有興趣嘅筆者見到呢個宣傳板 - 羊肩肉叉燒益中補氣嘅羊肉，I choose you！通常自攜餐盒，白飯都俾多D過去好燒味嘅飯都係偏凍，今次佢反而叮過龍，個飯盒非常辣手好燒味嘅核彈叉燒飯相當出色，相信以口感滑嫩見稱嘅羊肩肉都唔會令我失望吧...大錯特錯微羶、有細筋嘅羊肩肉，徒有叉燒色，但完冇吸收到叉燒醬嘅濃蜜香味肉嘅份量只有核蛋叉飯嘅75%，就算店員俾多左幾匙燒味汁，都唔夠送飯呀呀呀總評：The lamb shoulder char siu at Good BBQ is a mistake. Stick with pork by all means.…Read More

在金鐘發現肉餅新品，好難得以預製食物而言，呢個蒸肉餅的確唔錯有些微流油的鹹蛋，雖然說不上油潤酥香，但比區內其他用 (1) 鹹蛋白多過黃 或 (2) 100%硬芯鹹蛋的肉飯，已經相當討喜配消暑黃瓜湯，大滿足密啲手，早啲回家幫手煮真‧家作先#金鐘肉餅控的憂鬱#好鹹蛋可遇不可求#午餐日常…Read More

白天在書展吸吮精神糧食，晚上就去G兄推薦的餐廳令肚子滿足Sogno Cafe+在中環筷子記附近Cafe聽聞是由兩位手作人開辦，店裏面嘅療癒系工仔是他們的傑作吧~ 雲先生好可愛，同TO-FU OYAKO有幾分似不過在下唔係文青，人在餐廳，食物能否療癒肚子先係重點帆立貝墨魚汁海鮮意式燉飯 (188HKD, Dinner Menu)充滿動感嘅墨魚汁plating，令我諗起米芝蓮甜品“Oops! I Dropped the Lemon Tart”聽聞廚師為左潑出具張力的形狀，每次彈到成枱都係墨汁，可謂為藝術而犧牲呀除左相中所見的大蝦，燉飯裏仲有不少墨魚同迷你帶子，配以濃郁嘅墨魚汁（隱約食到芝士味？），每一口都係黏稠的海洋滋味香烤澳洲極黑保濕豬鞍配香草蘋果蓉 (198HKD, Dinner Menu)肉嫩多汁，食得好滋味的G兄已經唔得閒講嘢，被蘋果蓉保護嘅豬肉果然和味Takeaway會保濕的豬肉是有福的，敷mask保濕真係好好好重要（?）茶具都是自家設計，又在木匙上巧遇雲先生當晚大概有10個人在用餐，整個Cafe（包括男女共用的洗手間）都頗整潔雖然使用開放式廚房，但室內都冇乜油煙味甫離開Sogno Cafe+，已經盤算緊揾個平日請comp leave黎試佢嘅下牛茶餐Earl Grey Chiffon, Triple Chocolate, Banana Cheesecake 感覺好吸引#西餐真心好食的樓上Cafe#服務細心店員唔會一舊雲#一分錢一分貨系列…Read More

天冷冷，熱辣辣嘅食物自然特別吸引所以當G先生提議去食鐵板燒~ 我T某當然舉腳贊成點兩款套餐，平均$380 per head就食到海鮮+厚切美國牛排，絕對係一個豐盛嘅聖誕大餐看著新鮮食材在鐵板上滋滋作響，未入口已經暖心三大亮點...待應勤勤添綠茶，食稍微熱氣嘅板燒都冇有怕牛扒係完美嘅五成熟，用麵包晾住亦似乎有助保溫餐廳在訂位時已經預告由於用餐人數多，午市用餐時間只有60分鐘，要大口大口地痛快吃！好彩咖啡茶可以去隔離嘅cafe區慢慢嘆…Read More

What is a better way to celebrate long-awaited sunshine than an afternoon tea under a sparkling glass roof?One of us is a vegetarian. Since only one out of the seven savories is veggie, we thought we had no choices other than substituting these for more carrot cakes. Luckily the GREEN staff had a better plan – we had the option to order a sweets-only afternoon tea set for one (brewed coffee or tea included) at HK$119. This actually gave us the leeway to try out the Club Vegetarian sandwich – sweet!Here's the main cast - Scents of Summer Afternoon Tea by Chef Jean-Francois ArnaudYou can find a well-edited online menu at GREEN website, so let’s skip the food names and go straight to the highlightsTWG TeaThe Royal Darjeeling and Moroccan Mint Tea were so exquisite that the coffee goers regret their choices. The tea was still appealingly fragrant by the, ahem, fifth brew (we are no gentlefolks so to hell with tea drinking etiquettes)Sandwich the FabulousThe Club Vegetarian stole the show! All savories were no match for the hearty sandwiches with soft goat cheese and perfectly seared eggplantsBonus! The Market desertsAll afternoon tea-ers were offered to sample deserts from The Market, including the signature Durian deserts (pandan roll, cheese tarts), Panna Cotta and Macha cakes. Sweet!Verdict: GREEN does veggie very well but the savories are less memorable. The portion of the Afternoon Teat set is very generous, so make sure you're super hungry if you are in a girls’ crew…Read More

簡單迅速，份量充足嘅丼飯，絕對係我至愛嘅Comfort food 之一在金鍾KFC發現… 牛丼?!　為左證明自己無眼花，試吓先仿木材的印刷尚算討好，不過肉汁呢？白灼肥牛拌照燒汁，確實係有口感，但沒有肉汁相伴的珍珠米… 好寂寞未經燉煮的洋蔥，理所當然地爽脆﹝可惜我比較喜歡軟爛的洋蔥﹞紙盒不易保溫　食到一半已經變涼，又偏Dry的牛丼… 着實不太Comfortable明明知道在家鄉雞　一切新品皆是伏…誰料我蠢得竟可重覆去犯錯？…Read More

對北角Big Bite嘅漢堡包同水牛雞翼相當滿意，作為孝順女知道有間就腳得多嘅新分店～ 梗係要帶老豆去試吓啦 加拿大主題嘅設計有種山系+秋天嘅氣息Waited 30 minutes for our burgers as the kitchen is overloaded with a BDay lunch orders我點嘅The Big Bite 有D過熟，但係老豆嘅Fat Bastard (double patty + double cheese + bacon)做到medium嘅效果不過最開心都係牛肉同麵包都有grill marks! Mmm... evocativeCaesar salad - 份量十足，maple roasted bacon有嚼勁，夠3-4人開心share不過生菜太濕，食到一半麵包粒已經索哂水Banana milkshake - 少冰少糖，在此meat lover之地絶對屬健怡之選 意猶未盡嘅老豆竟然叫埋Fish n' chips Beer bartered fish n' chips - 淡橙色嘅啤酒炸漿果味特出，口感鬆脆，魚柳好有彈性可能飽到上心口嘅我食得太慢吧... 未食完個炸漿已經腍腍地，真係要趁熱食…Read More

轉工重返睽違數年的金鐘，夏至上司D小姐決定帶新人+小薯仔s去一間隱世英國菜餐廳去食萬歲午餐 (跳起yeah!)聽聞Limehouse嘅Shepherd's Pie相當出色，可惜午餐menu欠奉... 食沙律太齋(Caesar Salad with Iberico Ham)，雜扒太邪惡(Miso Lamb Chop and Baby Backribs with Roated Tomatoes and Gravy)，唯有中間着墨 ─ 來一客長通粉吧(Penne with Gammon Ham and Spinach in Ricotta Cream Sauce)Daily soup 紅菜頭薏米濃湯，味道同白湯無異，不過充滿夏日感覺嘅嫩紫紅色相當討喜 層次高啲嘅餐廳，梗係有層次高啲嘅食材。明明係一碟火腿白汁長通粉，火腿用上去筋緊嘅醃豬髀肉，以低脂乳清炮製嘅白汁比金寶湯醬汁更加滑溜，配上掛汁力強的菠菜 - 真心高汁 望見同事點嘅Fish & Chips 同埋雜扒，忽然發現喺「隱世英國菜餐廳」食意粉似乎捉錯用神哈哈即叫即有嘅檸檬撻同麵包布甸(各+$28)絕對係正路comfort food呢度嘅麵包布甸，竟然係布甸多個麵包  熱辣辣嘅雞蛋布甸伴隨一小片鬆脆嘅多士，大滿足~相信Limehouse 配上夜色會更加迷人… Shepherd's Pie, 等我喔#多謝D小姐  期待下一次萬歲午餐…Read More

Afternoon C/L + 隻身在MK + 同K小姐約定嘅會面時間尚有半個鍾 = 一個在旺角悠走嘅好理由今日員工相當有效率, 1步/5sec的人龍消化速度恰好提供足夠時間去決定好要邊種小食人在Comp Leave, 稍為放縱地在晚餐前來個一人前肥姐盛宴 (大墨魚+小生腸+火雞腎皇牌套餐) 亦不為過吧?相信各位對彈牙嘅大墨魚、同芥辣絕配嘅小生腸同入口尚有餘溫嘅火雞腎相當熟悉尤其鍾意大墨魚 - 鬚頭嘅爽脆口感, 同(個別)過鹹潮州滷水墨魚截然不同  痛快哉食飽飽之時, 亦正好到進行是日Main Quest嘅時間 - 接受K小姐嘅紅色炸彈!!!滿滿的中古世紀風情封蠟章, 同一對準新人相當合襯船到橋頭自然直啦~ K小姐加油 + 預祝兩位百年好合(・∀・)…Read More

3點鍾，一個人午餐，來一客叉燒炸雲吞河!可惜雲吞河賣哂...改要叉燒魚皮餃蜜汁梅頭叉燒保持水準:) 但多年不見多年的魚皮餃已沒有記憶中的彈性，餡料也太過肥膩:(為了炸雲吞，I will be back!!!…Read More

此乃在下嘅第一篇食評... 請多多指教~ 聽聞信得過ge杏汁豬肺湯可媲美中環陸羽茶室's，今晚偕老豆+細佬去灣仔試下晚巿時段，一入去就有位，先叫左2客豬澗米線同1個生腸米線伙記態度好+爽手，3分鐘已經有得食！豬膶起沙，正~ 個湯底就平平淡淡...蝴蝶腩！夠腍夠瘦，同個甜鼔油好夾，yet會痴牙我最鐘意水晶豬腳~ 以為係冷盤，原來係一腕熱騰騰嘅豬腳+雞脾菇其貌不揚嘅豬手又香又惹味~ 啱曬寒底嘅我haha 可以用胡椒汁配黃沙膶，一絕也！不過有好多碎骨，小心小心老豆唔夠喉，又叫多個白汋豬膶...比跟米線上嘅豬膶更滑+爽，膽固醇的極致...!!!最後，濃凋到仿如西式濃湯嘅杏汁豬肺湯... 好香杏仁味，早知叫le個湯伴米粉3個人，竟然每人食左百幾蚊 XD其實要一個湯+米粉+share一碟白汋已經夠飽... 今次係叫多左~記住米線無米粉咁掛湯，下次來一客個杏汁豬肺湯米 …Read More