Yu Ka Hei's Profile

比預期失望的一餐。侍應態度麻麻，禮貌一般。座位、杯碟和餐具的潔淨程度亦只屬一般，疫情期間令人擔心，幸好已自備餐具。雜錦燒肉御膳提供烤爐供用家自己烤肉可惜爐火弱雞，當晚需要換火3 次每次換火，所有食物都要夾開有點掃興。海膽三文魚釜飯定食口感麻麻，海膽和三文魚焗熟後口感怪異盛載沙律的容器油油的，有點噁心雜錦天婦羅炸衣很厚很硬但還好不算太油膩一般總體而言是不會有下一次的餐具只是有點奇怪門外等位的人絡繹不絕明明餐廳的質素不算好而餐廳的收費卻算高昂成為Lee Gardens 會員可享每人一客免費甜品為哈根大師雪糕味道正常…Read More

第一次食祥仔，令人失望羅宋湯好飲，好重蕃茄味亦好多料，好飲但可惜唔太夠熱，略為扣分叫左招牌脆脆豬扒飯豬扒炸得脆，可惜無切開而且炸得比較油，食到最後成碟都係油豬扒飯美味，但芫荽我個人好麻麻同樣，豬扒飯唔夠熱，去唔到「熱騰騰」既溫度同時點了招牌蝦多士未有太大驚喜會想食番舊式炸蝦多士的口感最令人側目的，是侍應的衛生意識由於疫情持續，今晚食飯我準備了餐具而餐廳提供的餐具則全晚放了在餐桌的角落埋單的時候，侍應見餐廳餐具無用過於是順手收番入櫃，留待下一枱客人使用:(雖然我地並無用過set 餐具，但用膳期間餐具仍有可能被食客的飛沫污染侍應的衛生意識令人擔心…Read More

這次再遇上一平安的定食，驚喜萬分！前菜小碟非常美味，蘿蔔非常入味，很好下飯！味噌湯香濃，菜料也多。是日定食為芝士炸雞扒，雞扒炸得香脆不油膩，芝士熱辣辣，呈流質，非常惹味！白飯更可免費添飯，適合好飯一族！…Read More

Brick Lane Deli 的店員態度極差！今天與友人到餐廳吃早餐，店員的態度差得令人憤怒！當時店內有大量空置的4 人座位，由於手上拿了多個大袋子，因此向店員表示想坐在四人座位，或是多添一張椅子放袋子。此時一名疑似經理的侍應前來，堅決表示不會安排多一張椅子或是4 人座位，我們只可入座2 人座位。語氣亦相當差劣，已不要求他們以客為尊，但連基本的客氣態度也沒有，實是令人憤怒！因此沒有進餐便離開了！態度如此差劣的餐廳還是第一次遇上了！…Read More

峰壽司的價錢比市面其他品牌壽司店經濟，一份午市套餐平均$58-60，包壽司一份、湯一碗及沙律一份，在尖沙咀的鬧市地段這樣的價錢可謂經濟實惠。但正因為是這麼吸引的價錢，所以也不要對食品質素有過分的期待。味噌湯不夠熱，味噌亦非上乘之選，不喝也罷。沙律蔬菜新鮮，份量很足，醬料為蛋黃醬，味道尚可。壽司併盤有8 件壽司和一份手卷，味覺尚可，新鮮程度中等，壽司的刺身亦未見肥美。炸蝦手卷份量足，可惜蛋黃醬太多，炸蝦的炸衣亦太厚，水準一般。另，店內的衛生亦很差。在未被使用的豉油碟中，我們發現其中一隻盛有上一位食客遺下的一片子薑，實在令人倒胃口。沒有下次的食店。…Read More

今天碰巧到銅鑼灣，於是到何洪記飽餐一頓，可惜感覺每況愈下，不論是食物質素，還是服務態度，都令人愈來愈失望。是次點了三道菜：1）流汁叉燒包（$40）2）香軟馬拉糕（$40）3）銀芽肉絲炒麵（$112）流汁叉燒包：叉燒不香，調味欠佳，未見出現「流汁」，而包的質素亦不算驚喜。香軟馬拉糕：絕對是觸犯商品說明條例的食品！馬拉糕屬於邊位，甫咬下去便感到很乾，加上口感非常「鞋口」，完全與「香軟」扯不上關係，索價$40 大元非常過份。銀芽肉絲炒麵：索價$112 大元的肉絲炒麵令我相當驚訝——芡汁與炒麵並沒有分開上碟！導致麵餅被芡汁浸軟了！加上愈吃愈鹹，相信加了不少味精，腎功能欠佳的就不建議了！服務態度亦未見殷勤，結帳時收銀員在信用卡刷卡途中離開收銀台，處理其他事務，要客人乾等。備註：茶芥每位$3，倒是很便宜。…Read More

每次去澳門，都總有幾個理由，而其中一個，一定係想食蝦子撈麵。今次去澳門亦唔例外。由於今次入住Galaxy, 只好在銀河及氹仔官也街一帶搜尋蝦子撈麵店。求教於Google 大神後，方知道與銀河相連的百老匯大街亦有一家蝦子撈麵名店！我於當日下午4 時多到達皇冠小館，由於不是rush hour, 餐廳只有我一枱客人，讓我亦不禁懷疑餐廳是否名不符實。我點了招牌菜之一的竹升蝦子撈麵，價錢比我上次在外港一帶吃過的都要貴。竹升蝦子撈麵的賣相令人食指大動，廚師毫不吝嗇地在麵上鋪滿了一層蝦子，香氣撲鼻一嚐之下，果然名不虛傳！麵條非常有咬口，而且不會一夾就斷 呢樣非常重要，因為坊間唔少有名的竹升麵品牌都係麵碎，唔洗夾，都已經斷晒，可以直接用羹食，口感更唔洗評價上菜果陣，侍應姐姐教我要倒少少湯落個撈麵度，等佢唔好咁乾。有同無加湯兩個version 我都試過，因為有大量蝦子同蔥，所以都一樣好味！ 視乎食既人鍾意乾身定濕一點既口感。不過碗湯本身就比較咸，唔太適合一啖麵一啖湯既玩法（除非係比較重口味啦）不得不讚係佢跟撈麵上既辣椒油，淨食都已經好香，而且唔係死辣，加落撈麵度會有畫龍點睛既效果！ 平日唔太食辣椒油，只食辣椒醬既我都用晒佢一小碟既辣椒油唯一美中不足既係如果餐廳可提供中國茶予食客，就更好了！溫馨提示：住銀河酒店憑房卡會有8 折！另外，如要買竹升麵餅做手信，是要到外港總店購買的，銀河分店不售賣竹升麵餅皇冠小館，絕對值得再戰！ 十個值得！…Read More

一直好喜歡無印既品牌，今日就去試下佢地既cafe!因為成日食肉好膩，今次就點左和風沙律汁大蘑菇漢堡！上碟時薯條熱辣辣，絕對唔係炸起好耐乾晒等客order既貨色，已令熱愛炸物既我食指大動！伴碟既前菜係凍既菇類沙律，酸酸甜甜，非常醒胃，如果可以大碟d 就好了！再講漢堡，由於係和風沙律汁，食落好開胃，唔會有油膩同飽滯感，亦唔覺漏蘑菇非常厚身，絕不欺場，直情可以話係蘑菇扒！漢堡包包面烘過才上碟，鋪面芝麻亦非常甘香！10 分入面值9 分！係有誠意既素漢堡！值得一讚的是侍應哥哥非常有禮！不但多謝前多謝後，更在結帳時致歉指待慢左我地好唔好意思。其實邊有咁既事呢呢間絕對有下次！要再試埋又一城分店！…Read More

今次揀左So Thai So Good 慶祝生日，特意提早book 枱，果然不出所料，餐廳好快已滿座！今次叫左烤豬頸肉，炸軟殼蟹墨魚汁意粉同芒果拿破崙。豬頸肉入口有肉汁，唔會過乾，加埋醬汁酸酸地幾開胃！份量亦相當夠！但食開重口味既我就覺得比較清淡，略嫌唔夠濃味。份量好足，真係比足一隻炸軟殼蟹！上碟果陣隻蟹仲熱辣辣！軟殼蟹炸得香口唔油膩！反而意粉比較重蒜味。最驚喜係芒果拿破崙！可以寫字上去架！上碟果陣侍應會幫手點蠟燭同影相，美中不足係上碟時雪糕已經溶緊。甜品味道清新，可能芒果未算當造，比較酸，但作為飯後甜品就岩岩好！雪糕係雲尼拿口味，配上芒果粒同芒果果醬，味道唔錯，夠晒凍！最值得一讚係侍應態度相當好，主動幫忙影相，並送上生日祝福，要求加水等反應亦相當快，感覺非常好！推薦比想幫朋友慶祝生日既人！…Read More

早前尖沙咀某大型商場吹起了美少女戰士風，我亦同好友一齊去湊下熱鬧，影下相，順便試下開業已久，經常同唔同卡通人物聯乘既點心代表。首先，打電話去book 枱只會得到員工好串既一句：無得book 喎。但後來在點心代表既facebook 又睇到佢地一早已出post 有得做online reservation 訂枱。但打去果陣員工完全無提及過，明顯員工都唔知有呢一回事。放工之後即時衝去商場，先影相，再行pop-up store, 到時間差不多就去點心代表食飯。由於當日時間尚早，餐廳都無乜人。當日點左黑松露炒飯，炸春卷，帶子蝦餃同鮮蝦腸粉，仲有兩杯特飲。先講值得一讚既係黑松露炒飯。由於當日飯既選擇唔多，於是就揀左黑松露炒飯，聽落應該無咁伏。上菜之後發覺比預期既細份，兩個人食只分到每人一碗，晚飯而言唔太夠份量。但味道方面就令人喜出望外，黑松露令到成個飯好香，加上炒飯炒得夠熱，配上粟米，翠玉瓜等蔬菜，值得推介！略嫌美中不足係炒飯油左少少，如果可以少番d 油就更好。炸春卷亦非常唔錯，夠熱亦夠脆！相當香口！但帶子蝦餃同鮮蝦腸粉就令人失望啦！首先帶子蝦餃有5 粒，兩個人食分唔到。其次，感覺上帶子同蝦味道唔match, 帶子今次係做多左喇！唔放帶子味道相信更好。蝦餃皮一如所料地厚，加上蝦身亦唔係特別彈牙，真係麻麻。至於鮮蝦腸粉都係失望之作。腸粉皮相當厚，而且一夾就餡皮分離，散左，搞到最後要用筷子掃入個碗度。加上唔知關唔關腸粉面既美戰圖案（食用色素）事，個腸份皮嚡得黎有些少好難形容既膠味... 感覺上有印美戰圖案既點心都係伏。飲品其實睇個顏色，都估到係糖漿開出黎既糖水，再加少少雜果，叫做應景所以點黎飲。總括黎講，噱頭大於一切。除非下次點心代表再同我特別喜歡既動漫人物聯乘，否則都唔會再有下次幫襯。…Read More